|
مشاهدة النسخة كاملة : ممكن الواحد بعد ما يخلص صيدلة يعمل دبلومة تحاليل طبية؟ عمرو شيكو 29-06-2010, 02:39 PM السلام عليكم ..... انا عمرو عبد الحميد .....عضو جديد سؤال محيرنى ..ممكن الواحد بعد ما يخلص صيدلة يعمل دبلومة تحاليل؟ واذا امكن ...ما هو المطلوم على الشخ لمعل هذة البلومة (الصيدلى) clinical chemist0 29-06-2010, 04:51 PM السلام عليكم ..... انا عمرو عبد الحميد .....عضو جديد سؤال محيرنى ..ممكن الواحد بعد ما يخلص صيدلة يعمل دبلومة تحاليل؟ واذا امكن ...ما هو المطلوم على الشخ لمعل هذة البلومة (الصيدلى) حضرتك تعمل دبلومه كمياحيويه من علوم اسكندريه او شبين او الاسماعليه او اي كليه علوم وتقيد في سجل الكميائيين او ان تعمل دبلومه ميكروبيولوجى من اي كليه علوم وتقيد في سجل الميكروبيولوجيين مسترسمير إبراهيم 29-06-2010, 06:11 PM هل يصلح خريجو كلية الزراعة فى الحصول على هذه الدورة فى التحاليل الطبية ارجاء الأفادة لبعض الزملاء وشكرا لحضرتك clinical chemist0 29-06-2010, 11:07 PM هل يصلح خريجو كلية الزراعة فى الحصول على هذه الدورة فى التحاليل الطبية ارجاء الأفادة لبعض الزملاء وشكرا لحضرتك دى مش دورة دى دراسات عليا في التحاليل الطبيه سواء دبلومه او ماجستير او دكتوراه في تخصصات الكميا الاكلينيكه الطبيه وفي الميكروبيولوجيا الاكلينكيه الطبيه وعشان حد يحضر في الدراسات العليا دى في كليات العلوم بتبقي لها شروط كل سنه وساعات بتم قبول كليات الطب والصيدله وزراعه في الدراسات العليا بكليات العلوم واحيانا لا وعشان اي حد يحضر فيها لازم يكون دراسته كدة وعشان كدة عشان تحضر في مجال الكميا الطبيه او الكميا الحيويه لازم تكون دة تخصصه في البكالوريوس للي هو قسم الكميا الحيويه دة للي ببقي دراسته خاصه بالتحاليل الكميائيه الطبيه للي بتشمل تحاليل كميا الدم زى انزيمات الكبد وانزيمات الكلي وانزيمات القلب وبيولوجيا السرطان ودلالات الاورام وتحاليل الدهون والسكر وتحاليل البول الكميائيه وكل التحاليل الكميائيه الموجودة في الجسم .................................................. ... ونفس الموضوع في مجال الميكروبيولوجيا الطبييه لازم يكون تخصصه في البكالوريوس قسم ميكروبيولوجيا للي بيدرس البكتريا والفطريات والفيروسات والامراض الخاصه بهم والتحاليل الخاصه بهم سواء كانت هذة الميكروبات في الدم او البول او البصاق او في الجلد او في اي حته في جسم الانسان .................................................. ....................... الكميا الحيويه للي هى الكميا الاكلينيكه في الماجستير بيبقي تحتها تخصصات وشعب في كليات العلوم واكبر تخصص فيها هو بيولوجيا السرطان ودلالات الاورام وتشمل ايضا دراسات علي اختلالات انزيمات القلب والكبد والكلي وكل التحاليل والامرضا الخاصه بالكميا الحيويه وبعد ما بتخلص بتصبح كميائي طبي اكلينيكى علي درجة اخصائي تحاليل طبيه وتفتح معمل تحاليل طبيه خاص بالكميا الاكلنيكه .................................................. ......... والميكروبيولوجي نفس الكلام بيتم تقسيمها الي بكتريا وفطريات وفيروسات ومناعه وتشمل كل التحاليل الخاصه بالامراض الميكروبيه و تشخيص الامراض الخاصه بالبكتريا والفطريات والفيروسات والمناعه وبعد ما بتخلص بيبقي اسمك ميكروبيولوجى طبي علي درجة اخصائي تحاليل طبيه وتفتح معمل تحاليل طبيه خاص بالميكروبيولوجى فقط ...................... وعشان تفتح معمل تحاليل شامل يوجد الاقسام المزدوجه في كليات العلوم زى قسم الكميا الحيويه والميكروبيولوجى للي بيدرس نص موادة كميا حيويه ونص مواده ميكروبيولوجى وبعد ما يخلص يصبح كميائي طبي و ميكروبيولوجى طبي علي درجة اخصائي تحاليل طبيه ويفتح معمل تحاليل خاص بالكميا الطبيه والميكروبيولوجيا الطبيه معا Dr-Mahmoud Ehab 30-06-2010, 01:54 AM إتفضل إقرا الموضوع (http://www.thanwya.com/vb/showthread.php?p=2324731#post2324731) ده وإن شاء الله هتلاقي إجابه لكل إسئلتك وزياده كمان عمرو شيكو 30-06-2010, 04:27 PM مشكور للاستاذ محمود ايهاب(مشرف المجموعة الطبية) على هذه المعلومات القيمة عمرو شيكو 30-06-2010, 04:31 PM مع خالص احترامى لclinical chemist0 (http://thanwya.com/vb/member.php?u=404994) على هذا المجهود الرائع مسترسمير إبراهيم 30-06-2010, 05:16 PM بارك الله تعالى فى حضراتكم ل كل مجهود وخدمة لمساعدةالآخرين وجزاكما الله كل خير |