فانا فى رايى سبب بلاوينا هو الاعلام الفاشل

فمنه لله الاعلام وعادل امام ويسرا فهم السبب فى الانحطاط الاخلاقى

فيكفى ماوصل اليه حالنا فالمصري أصبح فى نظر اخواننا العرب
اما حرامى اومرتشي أو سارق او ..............بلاش سامحنى الله

والسبب فى ذلك افلامنا ومسلسلاتنا

فأتحدى اي فيلم مصري وخصوصا لعادل امام أو يسرا اومن على شاكلتهم ان يقوم بعمل اجتماعى او يعرض صورة جميلة للمصري

مع انه يوجد هناك مصريين افاضل فى كل مكان ولم نري قصة احدهم تعرض بداية من شهداء الحروب

فانا سوف احكى لكم عن قصة حدثت لى بأحد الدول العربية
فوجئت ان الكفيل السعودى كل يوم يشتري احدى الجرائد المصرية وعندما سالته عن السبب قال لانه يحب أن يقرأ أخبار الحوادث بها فقط

اللهم سامحنى اللهم اهدنا

فكل يوم تعرض لنا القنوات والصحف الامثال السيئة فى مصرنا الحبيبة

ولذا اصبح كل هؤلاء هم المثل والقدوة لأولادنا

فعندما يقوم مسئول بعدم تلبية مطالب الصحفى او المذيع يكون الرد عليه بالهجوم القوى

واحمد الله اننى لست مسئول

وعندما ينصحنى احد الافراد الخائفين من الله لا تعمل كذا اقول له مالكبار بيعملوا وكانه لايوجد حساب من الله

اليوم لايوجد اعلام حر بل هو بلطجة اعلامية من اناس مفترض فيهم فيهم انهم صفوة المجتمع ومفكريه بدليل ماحدث بين مصر والجزائر وفى النهاية الضحية هو المشاهد والقارئ العربى الذى لم يحدد للأن من هو الجانى ومن هو المجنى عليه فى هذه الحرب الأعلامية

هو فين الاعلام
هوه اللى بيتم بثه ده بيسمى اعلام؟
ده دمار والعياذ بالله

سبب بلاوينا الأساسى هو نفسنا .....

فيكفى ماوصل اليه حالنا فالمصري أصبح فى نظر اخواننا العرب
اما حرامى اومرتشي أو سارق او ..............بلاش سامحنى الله

معلش كده هو للأسف كتير جدا من المصريين فاسدين و مرتشين و اللى مش فاسد فده لأن الفرصة مجتلوش و أول لما بيقعد على كرسى عالى بيبدأ يهلب ....

أنا طبعا مبنفيش مسئولية الإعلام الفاسد فى إفساد النشء أنا بس بقول إن البوظان جوانا

ماالذى يمكن ان ننتظره اذا كان هؤلاء هم واجهتنا امام العالم
بل هم من يفرضون علينا ويصورهم الاعلام الفاسد ابطال
ويحاول اعلامنا البغيض اقناعنا بانهم القدوه والمثل
وانهم هم المعتدلون واصبحوا يدلون برأيهم فى كل شىء حتى الدين

ومن فساد اعلامنا انه فى ذات الوقت يحارب الملتزمين ويصورونهم دائما بالمتطرفين الارهابيين
ان اعلامنا حتى الان يعرض صوره كل ملتحى داعى للدين على انه ارهابى
لم ينعتنا الغرب بالارهاب سوى بعد ان اطلقناها نحن على انفسنا
شوفتوا المصيبه كلمة ارهاب بدايتها من عند مسئولينا واعلامنا لتحجيم كل من يحاول التفكيلر او الاقتراب منهم

والله انا شايفة ان احنا اللى ساكتين وموفقين على المهزلة دى ومش افلام عادل امام ويسرا بس لا كل الافلام اللى زله دلوقتى بدات كده فترة نزلت افلام منتهى الانحطاط بدأت بدكان شحاته والريس عمر حرب ومن بعدها ما انتهتش الافلام دى والمشكلة الواحد قال خلاص مش هيروح سينما لكن للاسف بدأت تنزل دلوقتى على التليفزون حسبى الله ونعم الوكيل على الناس اللى عايزة تلم فلوس وخلاص وولا فارق معاهم اخلاق شبابنا

هما الفنانين والصحفين ومقدمى البرامج والمعدين والمخرجين ورجال الأعمال المنتجين
فلوسهم فين ؟
طبعا فى سويسرا
يبقى يهتموا بأخبار سويسرا وأسواق
وكمان يطالبوا برئيس صنع فى سويسرا
أما مصر فباى باى

من الأفلام بناخد الحكمه
واسألوا حنفى الابهه -- ومرزوق
دعوة لتكوين عصابات صغيره تسرق العصابات الكبيره
وطول الفيلم وانت متعاطف مع مين ؟حرااااااااااااامى
أما الصحف والفضائيات فدى أرزاق وبالدولار وباعوا القضيه من زمان

أنا وانت معانا دولار
أنا وانت بينتج أفلام
أنا وانت بنصدر صحيفه
أنا وانت عندنا قناه فضائيه
أنا وانت بندور ع المرتب
ويجعله عامر ودمتم
وشكرا ياعم محمود على الموضوع الرائع