samosamo
29-06-2010, 07:29 PM
صحوه جديده للمدرسين الشباب المكافحين بسمالوط جيل جديد مختلف ومتميز ولديه كل جديد كونوا معنا لمكافحة اباطرة الدروس اللى بيستغلوا ظروف الطلاب ويدبحوهم
|
مشاهدة النسخة كاملة : جيل جديد من المدرسين الشباب بسمالوط samosamo 29-06-2010, 07:29 PM صحوه جديده للمدرسين الشباب المكافحين بسمالوط جيل جديد مختلف ومتميز ولديه كل جديد كونوا معنا لمكافحة اباطرة الدروس اللى بيستغلوا ظروف الطلاب ويدبحوهم بنت الريف 29-06-2010, 11:10 PM أنا معاك إننا نكون ضد اباطرة الدروس والى كل همهم هو جمع فلوس وبس بس تقدر تقولى كام مدرس فى المدرسة الوحدة بيدرس بضمير ؟ كام خريج جديد عارف يدرس للطلبة اصلا ولا يتعامل معاهم ؟ كام خريج بيعرف يدرس أصلا ؟؟؟؟؟؟؟ ايه خمسة عشرة دا كدا كمان أنا ببالغ فى العدد ايه يعنى خمسة عندهم افكار جديدة ولا خمسة عايزين يعلموا الطلبة بجد وبضمير من مدرسة تحتوى على مالا يقل عن 120 موظف يدخل دا يعلم حاجة التانى يدخل يبوظها على فكرة تلات أربع المدرسين الشباب الجدد والله مابيقدروا يتعاملوا مع الطلبة سوا بنات ولا أولا سواء إعدادى ولا ثانوى ودا مش كلامى دا كلمهم هما نفسهم كذا وحدة مستلمة جديد وكذا مدرس يقولى إحنا ماكناش طلبة دول بيسألوا اسالة الواحد مابيعرف يرد عليها دول بيعملوا حاجة ماعرفش ايه ، دول بيقولوا ، دول بيتكلموا يعنى جيل لسه طالع فى الزمن الى إحنا فيه دا كل بيت تليفزيون وكمبيوتر كل طالب من إبتدائى معاه موبايل يبقى لأزم هيسال لأزم هيتكلم لأزم هيدور فى ذهنه أسئلة غير متوقعه أسئلة كان مش ممكن نفكر فيها وإحنا مكانهم فى السن دا دور المدرس ايه بقى إنه يكون مأهل للمواقف دى إنه يعرف يرد وبكل ثقة على الطالب وبإجابه مقنعه لأنه طالب فاهم وشايف ، لأزم يتناقش معه مش يإما يزعقله يإما يتكسف يرد عليه يإما يتريق عليه قدام زميله التدريس مش بس المدرس يدخل يدى كلمتين ويطلع لأ التدريس مسئولية كبيرة ، والى يقوم بيها لأزم يكون قد المسئولية دى لأزم الطالب يكون مرتاح علشان يفهم ولأزم المدرس يكون عايز يدى معلومة بجد تفيد الطالب وبمنتهى الأخلاص دول بيبقوا رايحين المدرسة كأنها حاجة على الهامش مش وظيفة وعايزين يدوا الحصة ويجروا يرجعوا يشوفوا باقى يومهم لو ركزت بجد هتلاقى الى عارفين يعنى ايه مدرس يتعدوا على الأيد والى عايزين يعملوا حاجة ويخرجوا طالب يقدر يواجه الدنيا قليلين جدا يبقى لأزم أهل الطالب يوفروا لهم دا بره المدرسة معلش طولت عليك بس بجد أنا كنت عايزة أتكلم فى الموضوع دا شكرا لطرح الموضوع ربنا يوفقك اللهم إهدنا لما تحبه وترضاه محمد على المنياوى 30-06-2010, 07:01 AM السلام عليكم ورحمة الله وبركاته ... واضح من كلام حضرتك إنك بتحملى المسئولية كلها على المدرسين !!! طيب نحسبها صح العملية التعليمية منظومة متكاملة " تلميذ + مدرس+ولى أمر +إدارة مدرسية+مبنىمدرسى +منهج دراسى " طيب احنا ليه بنغفل ك الجوانب مع إن بتوع التربية كلهم بيأكدوا إن التلميذ هو محور العملية التعليمية طيب متيجى أخد حضرتك فى جولة بإحدى المدارس أدخلى معايا الفصل شوفى كام طالب عايز يسمع لمدرسه شوفى كام طالب عايز يحترم مدرسة شوفى كام طالب جاى المدرسة عارف انها تربية وتعليم على فكرة التلاميذ فى الوقت الحالى بيفتخروا بينهم وبين بعض مين نرفزالمدرس أكثر مين عنده الشجاعة ومد إيده على المدرس مين أكتر واحد بيغيب ومبيتغيبش فردة يعنى أقولك تيجى نفتش جيوب الطلاب مش شنطهم لأن للأسف انتهى عصر الشنط هتلاقىى فى جيب أقل واحد فيهم كتر أو سلاح أو على الأقل لفة بانجو " والله مش مبالغة أنا شفت بنفسى لأنى كنت بتابع مجموعة من المدارس لإعتمادها فى الجودة "الكلام ده للأسف أصبح واقع طيب دور المدرس قدام التلاميذ إيه معاكى بيحاول يحتويهم يقرب منهم وووووو شوفى ولى الأمر بقى يجى المدرسة يقولنا إيه أنا مش باعت إبنى علشان يتعلم والى هيبصله بصه من أى كلب من المدرسين همسح بيه الأرض برده سمعتها بودنى وشوفت الدرسة المحترمة الى رفضت تدى الولد درجات ملف اإنجاز علشان بيغيب كتييييييييييييير جه ولى الأمر الأول وبصق على وجهها أمام المدرسين والتلاميذ وسب لها الدين وفى النهاية إدارة المدرسة كانت بتتحايل على معاليه طب سيبك من الفصول تيجى معايا تشوفى إدارة المدارس الناس معظمهم مترقيين بالسن والأقدمية ويبقى حاصل على دبلوم طبا وإزاى يجى حته مدرس جديد ومعاه دكتوراة أو ماجستير أو على الأقل مؤهل عالى شوفى بقى أنت الحقد والتعامل السىء والكلامالى بيسم البدن . طيب كام مدرسة فيها دورات مياه آدميه للمدرس أو للتلميذ ومش هقول كام معمل أو ملعب أو أو !! طيب مين من أولياء الأمور بيساعد ابنه لما بيرجع البيت طب هقولك كام واحد عارف انه فى سنه كام متستغربيش عندنا ناس كتيرمش عارفة ألادها فى سنه كام . سمعتى حضرتك عن المناهج الجديدة .دى لوحدها مشكلة المشاكل وطبعا مش هنقدر نتكلم عن الوزارة وتعاملها مع المعلمين الجدد ووعود بالتثبيت وغيره حتى الاستقرار النفسى للمرس مش موجود .................................................. .................................................. ............................................ ورغم ذلك أنا كنت بقوم بتدريبات تربوية وتكنولوجية بجد الناس الى عايزة تستفيد وبطبق فى مدارسها رغم كل ده الناس الجديدة أو زى مبيقول حضرته الجيل الجديد .فربنا يكرمهم ويجعل نجاح التعليم على إيديهم... samosamo 03-07-2010, 04:21 PM شكرا على الردود كلامكم صح جدا بس انا بطبق اللى اتعلمته ونتايجى الحمد لله تمام جدا انا واعوذ بالله من كلمة انا من المدرسين الشباب فى سمالوط والحمد لله الطلبه اللى عندى بيحبونى جدا وبيتشدوا ليا وبفضل الله ليا تأثير ايجابى عليهم بحاول اعدل افكارهم واللى انا لاحظته ان الجانب الدينى عندهم معدوم خالص وميعرفوش ابسط الحاجات فى دينهم وبفضل الله بقرب للطلبه وبعرف مشاكلهم لان سنى قريب ليهم لانى بتعامل مع اصعب مرحله وهى الثانويه .عندى افكار جديده بيكونوا مبسوطين منها وليها تأثير قوى لأن الجيل ده مينفعش معاه الشده دايما .انا مكنتش متخيل انى اكون مدرس ومكنش حلمى بس مشيت على مبدأ (حب ماتعمل لكى تعمل ما تحب )بحب شغلى جدا وبمشى بطريقه مختلفه والحمد لله بقدر ارد على اى سؤال يسأله الطلبه .وخلى بالك زملائنا المدرسين الشباب هم اللى ظلموا نفسهم فى الكليه ومكانوش بيجتهدوا حتى لو كان الدكاتره مش بيشرحوا الواحد المفروض يسعى لانه يكون الافضل فى نطاق المنافسه الشريفه اكيد .ده رأيى الشخصى واريد ان اتواصل مع بنت الريف وشكرا لردودكم بنت الريف 03-07-2010, 11:19 PM أهلا بحضرتك أستاذ محمد على نورت المنتدى ، وبشكرك على ردك المتكامل بس حضرتك حملت كل المسئولية على التلميذ وولى الأمر طبعا أنا ما بنفيش دور البيت فى التعليم وتكوين شخصية الطالب لكن أنا على يقين لو الطالب أحترم عقلية المدرس ، مش المدرس الى بيدخل يسيطر على الطلبة إما بالتهريج معاهم وتقليل قيمته معاهم وهما مت أكدين إنه مش فاهم حاجة ، أو بالضرب والألفاظ الى مش ينفع تتقال فى مكان تعليمى أصلا ولا حتى فى الشارع من مدرس محترم وقدر المدرس يثبتله إنه حد محترم وحد بيخاف عليه بجد وقدر يقرب منه ، أنا متأكدة إن الطالب هيقدر المدرس دا وهيحاول يستفيد منه مهما كان الطالب دا فى البيت بيتعامل إذاى ولو لحظت حضرتك رد أستاذ " سامو " وهو من داخل العملية التعليمية وبتعامل مع أخطر مرحلة بقول ايه : والحمد لله الطلبه اللى عندى بيحبونى جدا وبيتشدوا ليا وبفضل الله ليا تأثير ايجابى عليهم بحاول اعدل افكارهم واللى انا لاحظته ان الجانب الدينى عندهم معدوم خالص وميعرفوش ابسط الحاجات فى دينهم وبفضل الله بقرب للطلبه وبعرف مشاكلهم لان سنى قريب ليهم لانى بتعامل مع اصعب مرحله وهى الثانويه .عندى افكار جديده بيكونوا مبسوطين منها وليها تأثير قوى لأن الجيل ده مينفعش معاه الشده دايما الطلبة بيحبوه وبيقربوا منه وبيصاحبوه وبيشاركوه مشاكلهم وكمان بيشاركهم أفكاره الجديدة والى نفسه يشوفه موجود فى المدرسة مش بيعاملهم على إنهم عيال مش هتفهم دا ولا ممكن يساعدوه فى تحقيقه بجد هو دا المدرس الى إحنا محتاجينه فى المدراس النهارده كل الى حضرتك قولته اسناذ محمد على مظبوط 100% لكن الدور الأكبر يقع على المعلم الطالب بيقضى بين المدرسة ودراسته وقت أطول من الى بيقضيه مع أهله فيه جملة إستفذتنى أوى حضرتك ذكرتها ولى الأمر بقى يجى المدرسة يقولنا إيه أنا مش باعت إبنى علشان يتعلم والى هيبصله بصه من أى كلب من المدرسين همسح بيه الأرض برده سمعتها بودنى وشوفت الدرسة المحترمة الى رفضت تدى الولد درجات ملف اإنجاز علشان بيغيب كتييييييييييييير جه ولى الأمر الأول وبصق على وجهها أمام المدرسين والتلاميذ وسب لها الدين وفى النهاية إدارة المدرسة كانت بتتحايل على معاليه يعنى ايه ولى أمر يقتحم مدرسة ويسب المدرسين وفى الأخر إدارة المدرسة تتحايل عليه يبقى لأزم الطالب بقى يفرد نفسه عليهم وبل ويتأكد إن القوة والفتونة هما المسيطرين على أى شىء المفروض ولى أمر دخل مدرسة غلط فى المدرسين وهما على وجه حق والله إحنا بنعلمه مش عجبك النظام خد ملف إبنك ووديه أى مدرسة تانية بعدين أنا على يقين إن القائمين بإدارة المدرسة مع إحترامى للجميع ناس مش فاهمة حقوقها ولا واجبتها علشان تتعامل معه بالشكل دا أو إنهم خايفين من الشوشرة ومن الناس الى بيقولوا خلينا بعيد عن عيون الأدارة والوزارة واللجان والدوشة دى واللى يعمل كدا تأكد إنه عنده الكثير من المخالفات أو إن ولد الطالب دا حد عنده نفوذ وهى دى أكبر مشكلة إن الطلبة إن عنده نفوذ بتبقالهم معاملة خاصة فى المدرسة ودا بجد أنا شفته بل عانيت منه يعنى فى كلتا الحالتين إدارة المدرسة غلطانه والله الكلام عن العملية التعليمية موضوع متعب وبيستفذنى جداااااااااا أنا بعيدة عنها كل البعد لكن والدى مدير مدرسة وبجد نفسى أشوف جيل بيتعلم صح نفسى أشوف عملية تعليمة متكاملة ربنا يوفقكم جميعا اللهم إهدنا لما تحبه وترضاه بنت الريف 03-07-2010, 11:27 PM بحييك أستاذ SamoSamo على تقديرك للمسئولية وتفانيك فى عملك ربنا يجزيك خير الجزاء ، ويكتر من أمثالك التواصل مع حضرتك شىء يشرفنى ربنا يوفقك samosamo 04-07-2010, 04:42 PM بحييك أستاذ samosamo على تقديرك للمسئولية وتفانيك فى عملك ربنا يجزيك خير الجزاء ، ويكتر من أمثالك التواصل مع حضرتك شىء يشرفنى ربنا يوفقك ربنا يوفقنا جميعا .ولى الشرف ان اتواصل مع حضرتك كل واحد فى مجاله اكيد ليه رساله . الشغل مش بالمنصب او اللقب كل الناس واحد .وبالرغم من نظرة معظم الناس للمدرس على انه شخص مش كويس الا انى بحاول اغيرها وبكون متواصل مع اولياء الامور وبيحصل انا بطلب ارقام تليفونات اولياء الامور من الطلبه ولوبتحصل مشاكل للطلاب بتصل بولى الامر من غير ما يعرف الطالب وبنحاول نحل المشاكل مع بعض بجد فيه اولياء امور مهتمه بأولادها وكمان فيه ناس للاسف مش مهتمه فبحاول اقوم بدور الاخ الاكبر وبفضل الله بتتحل المشكلات وبالرغم من المجهود الكبير اللى بعمله الا انى بمون مبسوط علشانهم من قلبى والله ومره تانيه بشكر حضرتك على اهتمامك وردودك وياريت تطرحىبعض من الكتابات اللى بتكتبيها لكى نستفيد محمد راتب سالم 09-07-2010, 09:57 AM انا مدرس فصل بعمل بعقد مميز من سنة 2005 من اول مائة عقد مميز على مستوى سمالوط وانا الان بعمل فى المدرسة ال اختارتها ولكن بواجه تحديات كتيرة وخصوصا داخل المدرسة دعونى اسردها لكم 1ـ غياب سلطة ناظر المدرسة لان مدرستنا ليس بها مدير فهو انسان مستهتر لا يستطيع تحمل المسؤلية يعامل الكل زى بعض ال شغال زى ال مش شغال ناهيك عن التأخير للمدرسين عن حضور طابور الصباح وهناك بعض المدرسين لا يحضرون دروسهم 2ـ اولياء الامور لا يهتمون باولادهم من حيث متابعتهم فى المدرسة او فى البيت ده انا بسأل ولى امر تلميذ بقوله شد حيلك مع ابنك ده بيغيب كتير ومش اما ياخد باله فى الفصل رد على وقال هو احنا هناخد ايه من المدرسة خليه يطلع يسترزق مدرسة ايه يا عم بنفس اللفظ 3ـ بعض التلاميذ ليس لديهم طموح فى الحياة فطموحاتهم تنبعث من المكان ال عايشين فيه ولا تخرج ابدا بسأل تلميذ عندى نفسك تطلع ايه لما تكبر رد عليا وقال نفسي اطلع الجبل لان اغلب الشباب فى البلدة دى يعملون فى محاجر الطوب ( البلوق) الابيض 4ـ غياب المتابعة من قبل الادارة او المديريه او الوزارة كل هذا بيتعبنى داخل جدران تلك المدرسة وال مصبرنى بعض التلاميذ فى فصلى او اى فصل اخر بلاقى فيهم الاصرار على التعلم والجد ولو تحريت على هؤلاء التلاميذ لوجدت اهتمام من آبائهم لهم وانا قربت اجزم ان اغلب المدارس بها ذلك التخبط والانفلات فارجو الحل لتلك المشاكل samosamo 09-07-2010, 10:05 AM ربنا يسهل احنا بنحاول زى حضرتك استاذ محمد وده موجود فى اغلب المدارس |