هل يقبل الزمالك ضم الحضري بعد بكائه على الهواء من أجل العودة للأهلي ؟



http://dostor.org/sites/default/files/imagecache/article_image/sites/default/files/10/Jun/26/mainimage/7adry.jpg (http://dostor.org/sites/default/files/10/Jun/26/mainimage/7adry.jpg)


أثار اقتراب نادي الزمالك من التعاقد بشكل كبير من عصام الحضري حارس مرمي المنتخب الوطني ونادي الإسماعيلي ردود فعل قوية داخل نادي الزمالك ما بين مؤيد ومعارض لانضمام اللاعب لنادي الزمالك خاصة أن وجود الحضري في القلعة البيضاء يعني بشكل كبير رحيل عبدالواحد السيد حارس مرمي الفريق بشكل كبير خاصة أن عبدالواحد أعلن رفضه البقاء في الزمالك في حالة وجود الحضري، لأنه يرفض فكرة الجلوس احتياطيا لأي حارس مرمي في مصر وعلي رأسهم الحضري وهو ما زاد الموقف تعقيدا بعد أن تعاطفت جماهير الزمالك بشكل كبير مع اللاعب في تدريبات الزمالك لدرجة أنها طالبت بعد انضمام الحضري للزمالك بعدم الحاجة إليه في الوقت الحاضر مع وجود عبدالواحد الذي تحمل بمفرده حمل حماية عرين حراسة القلعة البيضاء منذ ما يقرب من 12 عاما بعد اعتزال حسين السيد واحتراف نادر السيد بعد بطولة الأمم الأفريقية ببوركينا فاسو التي أقيمت عام 1998.
وقد تحمل اللاعب بمفرده حراسة مرمي الزمالك منذ ذلك الوقت حتي الآن ورفض كل محاولات الاحتراف أو الانتقال للقلعة الحمراء والإغراءات التي تلقاها اللاعب وهو ما يجعل إدارة الزمالك مطالبة بالحفاظ علي عبدالواحد السيد، لأن بقاء اللاعب حتي اعتزاله في الزمالك سيكون الحل الأفضل نظرا لما قدمه اللاعب من مستوي متميز بجانب أن الزمالك لا يوجد فيه أي حارس جاهز في الوقت الراهن بعد إصرار محمد عبدالمنصف علي الرحيل من الزمالك لرغبته في الانتقال لأي نادي جديد وعدم جاهزية الحارس الثالث عماد السيد للمشاركة في المباريات وأن إدارة النادي لو أرادت التعاقد مع الحضري والتضحية بعبدالواحد سيكون الفريق هو الخاسر الأكبر خاصة أن جماهير الزمالك لن تستطيع أن تنسي بسهولة ما قدمه عبدالواحد للفريق.
واللافت للنظر أن جماهير الزمالك لن تتقبل بسهولة فكرة انضمام الحضري للفريق بعد قيام اللاعب بالظهور في أحد البرامج الرياضية والتوسل لإدارة الأهلي من أجل العودة للفريق مرة أخري والقيام بإظهار دموعه علي الهواء من أجل إقناع إدارة الأهلي بعودته مرة أخري رغم أن اللاعب في صفوف الإسماعيلي.
وتدرك جماهير الزمالك جيدا أن محاولات الحضري كان هدفها في المقام الأول تحسين علاقته بجماهير الأهلي وتحقيق مصلحة شخصية له بعد أن ابتعدت عنه الأضواء منذ انتقاله للإسماعيلي ورغبته في السعي مرة أخري لتحقيق نجوميته مع مشواره الأخير في كرة القدم خاصة أنه ليس أمامه أكثر من عامين في الملاعب ويريد الاستفادة من الانضمام لنادي الزمالك بأي طريقة.
والسؤال الذي يطرح نفسه بقوة هل تؤيد إدارة الزمالك مطالب حسام حسن المدير الفني للفريق وتتعاقد مع عصام الحضري رغم حالة التألق التي يعيشها عبدالواحد ورفضه فكرة الجلوس علي دكة البدلاء للحضري في حالة انضمامه أم تستجيب لرغبات ومطالب الجماهير البيضاء وتتراجع في إتمام التعاقد مع اللاعب حفاظا علي استقرار الفريق في الموسم المقبل.
http://dostor.org/sports/egypt/10/june/29/20833 (http://dostor.org/sports/egypt/10/june/29/20833)

ف مثل كنت دايما بقوله ايام الامتحانات
بيتهيقلى ينفع مع الزمالك بردو
ضربوا الاعور ع عينه قال خربانه خربانه
محسسنى ان الحضرى لو جيه مشاكل النادى كلها هتتحصل هيلعب مساك وديفيندر و حكم كمان
ربنا يعمل اللى ف يه الخير

قال هو كان طالع علشان يرجع للأهلي
أعتقد إنه قعد ف الأهلي فترة كافيه علشان يعرف طبع الإدارة و إن الشغل دا ما بياكلش معاهم
هو طلع بس علشان يقول يا جمهور الأهلي أنا كنت عايز آجي بس مجلس الإدارة الوحش ما رضيش ف روحت الزمالك
و قال يتنازل عن مستحقات أو يدفع علشان يروح للأهلي
دا لو كان مجلس الإدارة وافق علي إنه يدفع و ييجي كان راح فيها ع الفلوس اللي هايدفعها

قال هو كان طالع علشان يرجع للأهلي
أعتقد إنه قعد ف الأهلي فترة كافيه علشان يعرف طبع الإدارة و إن الشغل دا ما بياكلش معاهم
هو طلع بس علشان يقول يا جمهور الأهلي أنا كنت عايز آجي بس مجلس الإدارة الوحش ما رضيش ف روحت الزمالك
و قال يتنازل عن مستحقات أو يدفع علشان يروح للأهلي
دا لو كان مجلس الإدارة وافق علي إنه يدفع و ييجي كان راح فيها ع الفلوس اللي هايدفعها


بس عايزك تشوف الأهلى محتار من بعده إزاى كل شويه يجيبوا حارس مرمى شكل من أمير لرمزى صالح لأحمد عادل لشريف إكرامى وأبو السعود قريبا ومازال العجز مستمر هههههههه بس على العموم مبروك علينا حارس المنتخب المصرى مع إنى مكنتش عايزه يبقى موجود فى الزمالك لكن يلا مش بخساره هههههه

شكررررررا لمروركم جميعا

ارى ان الزمالك لن يستفيد من الحضرى

بس عايزك تشوف الأهلى محتار من بعده إزاى كل شويه يجيبوا حارس مرمى شكل من أمير لرمزى صالح لأحمد عادل لشريف إكرامى وأبو السعود قريبا ومازال العجز مستمر هههههههه بس على العموم مبروك علينا حارس المنتخب المصرى مع إنى مكنتش عايزه يبقى موجود فى الزمالك لكن يلا مش بخساره هههههه


الأهلي و هو " محتار " من بعده أخد الدوري و ما فوتش سنه و وصل كأس عالم أنديه من بعده
و حتي لو كان الأهلي محتاس من بعده رفضه بعد ما بكي ف كل حته شوية دليل علي القوة إني حتي لو محتاجك طالما إنت بعت أنا مش عايزك
و لو شايف إن تسديد العقوبة بتاعته + قيمة عقده مع الاسماعيلي + إنه هايتوقف 4 أشهر مش خسارة
تبقي ما بتـ ........... ( أكمل ماكن النقط )

الأهلي و هو " محتار " من بعده أخد الدوري و ما فوتش سنه و وصل كأس عالم أنديه من بعده
و حتي لو كان الأهلي محتاس من بعده رفضه بعد ما بكي ف كل حته شوية دليل علي القوة إني حتي لو محتاجك طالما إنت بعت أنا مش عايزك
و لو شايف إن تسديد العقوبة بتاعته + قيمة عقده مع الاسماعيلي + إنه هايتوقف 4 أشهر مش خسارة
تبقي ما بتـ ........... ( أكمل ماكن النقط )


أاااى أخد الدورى وبقاله 3 سنين بيخسر الكاس و بيوصل المركز السادس فى كاس العالم للأنديه وبتدخل فيه أجوال أقل ما يوصف عنها إنها أجوال ساذجه وحاجه عشره على عشره وبالرغم من كل ده مش عاوز يرجع الحضرى تظاهرا إنه نادى مبادىء وقيم
بس لو عايزين نقارن الصفقه دى مع صفقه زى بتاع جدو اللى هى بتساوى سبعه مليون جنيه واتنين لاعيبه هديه يا ترى مين اللى هتبقى الصفقه اللى بخساره مع إن مفيش مقارنه بين واحد بيلعب بقاله كام سنه أساسى فى المنتخب وواحد كان بيلعب أخر عشر دقايق فى الماتش

أاااى أخد الدورى وبقاله 3 سنين بيخسر الكاس
و إنت إيه اللي مضايقك ف إنه يخسر الكأس ؟؟؟
و بيوصل المركز السادس فى كاس العالم للأنديه
آه واضح إن الذاكرة عايزة تنشط
هو وصل إزاي أصلا ً كأس العالم للأندية ؟؟؟
أخد بطولة أفريقيا
يعني الأهلي من غير حارس أحسن نادي في مصر و ف أفريقيا
و بتسمي دا تخبط ؟؟؟
هههههههه
وبتدخل فيه أجوال أقل ما يوصف عنها إنها أجوال ساذجه وحاجه عشره على عشره وبالرغم من كل ده مش عاوز يرجع الحضرى تظاهرا إنه نادى مبادىء وقيم
عثل
إحنا آخر إتنين لاعيبة قالوا مش عايزين الأهلي بعد ما وقعوا ( شيكا و القباني ) الأهلي فسخ العقد و خلصنا
لا قلنا هاتتسجنوا ولا وصولات أمانه ولا فضايح ولا شغل البوابين دا
و جيمي ف السكة :d
بس لو عايزين نقارن الصفقه دى مع صفقه زى بتاع جدو اللى هى بتساوى سبعه مليون جنيه واتنين لاعيبه هديه يا ترى مين اللى هتبقى الصفقه اللى بخساره مع إن مفيش مقارنه بين واحد بيلعب بقاله كام سنه أساسى فى المنتخب وواحد كان بيلعب أخر عشر دقايق فى الماتش


ههههههههههههههههه
هو الحقد وصل لجدو كمان
اللي بيلعب كام سنه أساسي كلها 5 سنين بالكتير قوي قوي قوي قوي لو ربنا إداله طولة العمر و يبطل
جدو قاعد علي قلب ناس كتير
دا أولا ً
ثانيا ً الاتنين اللاعبين الهدية دول منهم واحد بيلعب ليبرو و الأهلي مش محتاجة ف 4/4/2
و التاني أحمد علي راح إعارة
مقابل اللي لعب آخر كام دقيقة ف كل ماتش و بقي هداف أفريقيا
و القصة مش كدا أصلا ً
القصة كل واحد بيشوف عايز إيه تدعيم و يجيبه
الزمالك عنده عبد الواحد مستواه فوق الفظيع و بعده عبد المنصف
مشي عبد المنصف لأن العميد القديم حلف بالطلاق ما يدخله الزمالك تاني ( ملاحظين إنها زي ما تكون عزبة الحج حسن إشتراها له ........ صح ؟؟؟ )
المهم مشي حارس لازم يبقي في غيره
جه الحضري
ألف مبروك و بالشفا
عبد الواحد مستواه عالي و حرام يقعد إحتياطي
الحضري الزمالك مش مشتريه علشان يقعده إحتياطي
أول ما الـ 4 شهور تخلص لو عبد الواحد ظهر في حالة كويسه هايبقي موقف محرج( من عادتي أقول إن شاء الله لما أجي أتكلم ع المستقبل .......... بس ف الحالتين الزمالك ف مشكله :d )

و إنت إيه اللي مضايقك ف إنه يخسر الكأس ؟؟؟
أنا مش متضايق أنا بس بقول الفريق اللى ياخد الدورى وميعرفش ياخد الكاس يبقى ميستحقش الدورى أساسا


آه واضح إن الذاكرة عايزة تنشط
هو وصل إزاي أصلا ً كأس العالم للأندية ؟؟؟
أخد بطولة أفريقيا
يعني الأهلي من غير حارس أحسن نادي في مصر و ف أفريقيا
و بتسمي دا تخبط ؟؟؟
هههههههه

ويا ترى هو قابل فريق مين اللى عليه القيمه فى بطولة إفريقيا علشان الحارس يظهر على حقيقته مظهرش على حقيقته إلا لما روحتوا كاس العالم للأنديه وبلاش أفكرك حصل إيه من أول ماتش هههههههه

عثل
إحنا آخر إتنين لاعيبة قالوا مش عايزين الأهلي بعد ما وقعوا ( شيكا و القباني ) الأهلي فسخ العقد و خلصنا
لا قلنا هاتتسجنوا ولا وصولات أمانه ولا فضايح ولا شغل البوابين دا
و جيمي ف السكة :d

وكده بقى بتثبتوا إنكوا نادى مبادىء وقيم هتظل النظريه واحده تظاهرا

(ملحوظه عسل بالسين:d)

ههههههههههههههههه
هو الحقد وصل لجدو كمان
اللي بيلعب كام سنه أساسي كلها 5 سنين بالكتير قوي قوي قوي قوي لو ربنا إداله طولة العمر و يبطل
جدو قاعد علي قلب ناس كتير
دا أولا ً

اللى لعب لعب واتكتب فى التاريخ لكن الله أعلم اللى قاعد على قلوب ناس كتير هيلعب تانى ولا ممكن معدش يشوف المنتخب تانى


ثانيا ً الاتنين اللاعبين الهدية دول منهم واحد بيلعب ليبرو و الأهلي مش محتاجة ف 4/4/2
و التاني أحمد علي راح إعارة
مقابل اللي لعب آخر كام دقيقة ف كل ماتش و بقي هداف أفريقيا
و القصة مش كدا أصلا ً
القصة كل واحد بيشوف عايز إيه تدعيم و يجيبه
الزمالك عنده عبد الواحد مستواه فوق الفظيع و بعده عبد المنصف
مشي عبد المنصف لأن العميد القديم حلف بالطلاق ما يدخله الزمالك تاني ( ملاحظين إنها زي ما تكون عزبة الحج حسن إشتراها له ........ صح ؟؟؟ )
المهم مشي حارس لازم يبقي في غيره
جه الحضري
ألف مبروك و بالشفا
عبد الواحد مستواه عالي و حرام يقعد إحتياطي
الحضري الزمالك مش مشتريه علشان يقعده إحتياطي
أول ما الـ 4 شهور تخلص لو عبد الواحد ظهر في حالة كويسه هايبقي موقف محرج( من عادتي أقول إن شاء الله لما أجي أتكلم ع المستقبل .......... بس ف الحالتين الزمالك ف مشكله :d )



مفيهاش حاجه لما نحاول إننا نجيب فى كل مركز إتنين أحسن من بعض ولو إن ده ممكن ينتج عنه مشاكل لكن إسمه تدعيم يعنى عندك مثلا الأهلى شوف كان عنده كام واحد فى الهجوم ومحدش إتكلم ولا قالوا مشاكل ولا يحزنون وكام واحد فى حراسة المرمى وبرضه محدش إتكلم جات على الزمالك وبقى فى مشكله يا سيدى ممكن نحلها كل واحد يوقف فى بطوله إنت ناسى إننا داخلين الموسم الجاى فى 3 بطولات ولا إيه دا أنتوا هتشوفوا أيام.........ههههههه

أنا مش متضايق أنا بس بقول الفريق اللى ياخد الدورى وميعرفش ياخد الكاس يبقى ميستحقش الدورى أساسا
ع كدا الزمالك جمع كام مرة بين الدوري و الكأس ؟؟؟ دا عدد الدوريات اللي الزمالك إستحقها لو مشينا كلامك

ويا ترى هو قابل فريق مين اللى عليه القيمه فى بطولة إفريقيا علشان الحارس يظهر على حقيقته مظهرش على حقيقته إلا لما روحتوا كاس العالم للأنديه وبلاش أفكرك حصل إيه من أول ماتش هههههههه
1- رحنا كاس العالم و كل الفرق الأفريقية مش المصرية بس كانت بتتفرج علينا لأننا الكبار و أن تكون فرد في فريق الأسود خير من أن تكون قائد النعام
2- يا إبني إصحي
أه فريقك نط لغاية التاني بس دا مش إنجاز افريقي
و من البديهي جدا إن الفرق الأفريقية المشاركة ف أبطال أفريقيا أقوي 100 مره م الزمالك

وكده بقى بتثبتوا إنكوا نادى مبادىء وقيم هتظل النظريه واحده تظاهرا
تظاهرا دا إنت بتقوله كدا و خلاص
و بعدين أنا لو واحد مضيته هل كان سكران وهو بيمضي ؟؟؟ يبقي لو أخدت منه شرط جزائي هايفضل نادي مبادئ
أحب أفكرك مافيش مدرب ف الأهلي حلف بالطلاق قبل كدا علي لاعب إنه ما يدخلش و مجلس الإدارة عمل نفسه من بنها
(ملحوظه عسل بالسين:d)
عارف بث باتقمث دور الألدغ


اللى لعب لعب واتكتب فى التاريخ لكن الله أعلم اللى قاعد على قلوب ناس كتير هيلعب تانى ولا ممكن معدش يشوف المنتخب تانى
الأيام بيننا
مفيهاش حاجه لما نحاول إننا نجيب فى كل مركز إتنين أحسن من بعض ولو إن ده ممكن ينتج عنه مشاكل لكن إسمه تدعيم يعنى عندك مثلا الأهلى شوف كان عنده كام واحد فى الهجوم ومحدش إتكلم ولا قالوا مشاكل ولا يحزنون وكام واحد فى حراسة المرمى وبرضه محدش إتكلم جات على الزمالك
هاتشوف
و دور ع الخبر بتاع ألتراس الزمالك اللي رموا الحضري بقزايز الميه بعد ما طلع م التدريب
و ع فكرة في فرق ف الإدارة
يعني شوف حسين ياسر دلوقتي قال مش هايتمرن غير لما العقد يزيد
الواد لعيب مافيش خلاف
لكن الله يرحم لما كان بيتركن ليه موسمين و بدأ يحكي نص الموسم دا شوف ليه قد إيه مع الزمالك و عايز فلوس زيادة قال
وبقى فى مشكله يا سيدى ممكن نحلها كل واحد يوقف فى بطوله إنت ناسى إننا داخلين الموسم الجاى فى 3 بطولات ولا إيه دا أنتوا هتشوفوا أيام.........ههههههه
يا عم أهلا ً و سهلا ً
البطولات بإذن الله للأهلي
لو الأهلي أوت لا قدر الله يبقي مش هاتفرق بالنسبة للبطولات المصرية مين ياخدها
لكن ف أفريقيا لما الزمالك ياخدها أحسن ما ياخدها شبيبة القبائل مثلا ً ولا هارتلاند
لأن دا معناه سيطرة مصرية علي افريقيا ( إستمرار السيطرة يعني )
بس تعتقد لاعيبة الزمالك قدها ؟؟؟ هايستحملوا الماتشات المزنقة و السفر و كدا
شوف الحرس أول الموسم اللي فات كان متبهدل إزاي

بيتهيقلى ينفع مع الزمالك بردو

الزمالك ما شاء الله بينفع معاه اي حاجه

ضربوا الاعور ع عينه قال خربانه خربانه
محسسنى ان الحضرى لو جيه مشاكل النادى كلها هتتحصل هيلعب مساك وديفيندر و حكم كمان

هههههههههههههه

انا شايفه انها صفقه ملهاش لازمه نهائياااااااااا
خصوصا في وجود عبد الواحد

انا اصلا نفسي عبد الواحد ده يجي الاهلي بجد حارس ما شاء الله

مش عارفه الحضري عايزه في ايه عم حساااام حسن

يلا في رعاية الله

الزمالك ما شاء الله بينفع معاه اي حاجه


ع فكرة انا زملكاويه :d


هههههههههههههه

انا شايفه انها صفقه ملهاش لازمه نهائياااااااااا
انا كان نفسى الحضرى يجى
ماحدش يكره يبقى عنده احسن حارس ف افريقيا بس ده كان بعد ماجيه م سيون ع طول
انما المرة دى ماكنش عندى نفس الحماسه ليه
هل علشان مستوى وحيد الموسم اللى فات ولا عشان اللى الحضرى عمله
المهم انه بقى عندنا و خلاص يارب نعرف نستفيد منه بقى
خصوصا في وجود عبد الواحد

انا اصلا نفسي عبد الواحد ده يجي الاهلي بجد حارس ما شاء الله

ماتستعجليش يناير بعد كام شهر

مش عارفه الحضري عايزه في ايه عم حساااام حسن

يلا في رعاية الله

مما لا شك فيه ان احد اسباب ان حسام كان عايز الحضرى
حركه التيشرت المتخلفه الى وحيد عاملها ف انجولا مع المنتخب

ع فكرة انا زملكاويه :d
لا لسه فاكره :d

انا كان نفسى الحضرى يجى
ماحدش يكره يبقى عنده احسن حارس ف افريقيا بس ده كان بعد ماجيه م سيون ع طول
انما المرة دى ماكنش عندى نفس الحماسه ليه
هل علشان مستوى وحيد الموسم اللى فات ولا عشان اللى الحضرى
عمله
المهم انه بقى عندنا و خلاص يارب نعرف نستفيد منه بقى
اهااااااااااااااااااااااااااااا ربنا يوفقه (بدعيله من كل قلبي:d)

ماتستعجليش يناير بعد كام شهر
يارب هو حد يكره عبد الواحد يبقى عنده بس للاسف بحسه انه زملكاوي اوي ياريت بقى بعد الحركه الظريفه اللي اتعملت فيه تقلل من انتماءه للنادي

مما لا شك فيه ان احد اسباب ان حسام كان عايز الحضرى
حركه التيشرت المتخلفه الى وحيد عاملها ف انجولا مع المنتخب


ههههههههه نادي يضحك مبهزرش يجيب لاعب مش محتاجه علشان حركه

وهو عبد الواحد عمل ايه اصلا يعني

ولا قصدك على تشيرت احمد حسن (بس دي حاااااااااااجه عاديه الراجل بيوضح لزميله والكابتن بتاعه عن فرحته عيب يعني انه يشيل احمد حسن )

وبعدين ده نادي كامل مش عم حسام حسن اللي هيمشي نادي زي نادي الزمالك (نادي بالحجم الجماهيري ده ) على مزاجه

صدقيني اتنرفزتلكو سلفا بردوا:d

في رعاية الله

(بدعيله من كل قلبي:d)



مهو باين اانا بدعيلككو م كل قلبى بردو :p
يارب هو حد يكره عبد الواحد يبقى عنده بس للاسف بحسه انه زملكاوي اوي ياريت بقى بعد الحركه الظريفه اللي اتعملت فيه تقلل من انتماءه للنادي



ربنا يهديه ويكمله بعقله ومايضيعش تاريخه بغباءه


ههههههههه نادي يضحك مبهزرش


والله العظيم انا زملكاويه
انتى ليه مش عايزة تستوعبى النقطه دى
يجيب لاعب مش محتاجه علشان حركه

وهو عبد الواحد عمل ايه اصلا يعني

ولا قصدك على تشيرت احمد حسن (بس دي حاااااااااااجه عاديه الراجل بيوضح لزميله والكابتن بتاعه عن فرحته عيب يعني انه يشيل احمد حسن )

وبعدين ده نادي كامل مش عم حسام حسن اللي هيمشي نادي زي نادي الزمالك (نادي بالحجم الجماهيري ده ) على مزاجه

لا طبعا حركه متخلفه
بس خلاص اللى حصل حصل

وان شاء الله هتبقى الامور كلها تمام

صدقيني اتنرفزتلكو سلفا بردوا:d
جمايلك كترت اوى كده مش عارف أوديها فين كده
ان شاء الله تترد قريب وازعلكو سلف ف ماتش السوبر :d

اكبر غلطة عملها الزمالك انه جابه
لاعب بكي بدموعه قدام مصر كلها وباس التراب عشان يرجع الاهلي والاهلي رفضه تماما عشانه نادي مبادئ
ازاي بقي الزمالك يخده وهو عارف انه خاين مالوش ولاء لا مع الاهلي ولا مع سيون ولا مع الاسماعيلي
والله حرام عبد الواحد يحصل معاه كده لانه الاعب الراجل الوحيد في الزمالك

ياخسارة لو كان الزمالك رفضه كان كبر في نظر الجميع
ع العموم بكره تشوفه الحضري هيعمل ايه
بجد انسان مالوش كبير هو كبير نفسه

والله العظيم انا زملكاويه
انتى ليه مش عايزة تستوعبى النقطه دى

هههههههههههههههههههه مستوعبه صدقيني

ربنا يهديه ويكمله بعقله ومايضيعش تاريخه بغباءه

هههههههههههههههه ده هو عقله انه يمشي اساسا

جمايلك كترت اوى كده مش عارف أوديها فين كده

انا عارفه :d

ان شاء الله تترد قريب وازعلكو سلف ف ماتش السوبر :d



ههههههههههههههه

لا احنا مش بنحب جمايل تبقى علينا :d مرسي

في رعاة الله