طلاب اولى ثانوى الجدد [الأرشيف] - بوابة الثانوية العامة المصرية

hosgou

01-07-2010, 09:14 AM

ارجو من كل الطلاب والاساتذه ان يشاركوا فى هذا الموضوع

المطلوب___________

انا داخل اولى ثانوى

ونفسى اعرف كل حاجه فيها

وايه المواد الترم الاول _ ومواد الترم الثانى

وايه المواد الاختياريه _ والمواد الاجباريه فى الترمين

وايه الماده الاحسن فى المذاكره بالنسبه للمواد اللغه مثل الفرنساوى او الالمانى او الايطالى

وايه هى المواد الجديده اللى اول مره نسمع عنها

وشكرااااا على حسن استماعكم :049gc0:

(( أريــ الفـردوس الأعلى ــد ))

01-07-2010, 09:38 AM

سلام عليكم . في البداية دة على حسب التقسيم يعني بمكن تاخد جغرافيا وفلسفة وفيزياء في الترم الاول او الترم التاني على حسب يعني الفصل اللي هتاخدة وبمكن تاخد كيمياء وأحياءوتاريخ بالاضافة الى ان المواد دية اختياري يعني (الجغرافيا والفلسفة والفيزياء)و(الكمياء والاحياء والتاريخ )دية كلها مواد اختياري. اما الاجباري يعني اللي هيكون في الترم الاول والتاني الانجليزي والرياضة واللغة اللي حضرتك هتختارها باذن اللة. والمواد اللي مابتتحسبش التربية الدينية والتربية الوطنية و كمبيوتر .ام اللغة التانية انا بفضل حضرتك تاخد الايطالي لانو اسهل لغة وناس كتيررررررررررر بتحق درجات نهائية فية والالماني بردو سهل انا الالماني اختارتة والحمدللة سهل اووي بس الايطالي من وجهة نظر ناس كتيرر اسهل من اي لغة تانية عموما استخير ربنا وباذن اللة هتوصل للقرار المفيد.لكن مانصحش بالفرنساوي معرفش في ناس بتقول سهل وفي ناس بتقول صعب جدا على حسب يعني .وبالنسبة للمواد الجديدة انا مسمعتش ان في مواد جديدة في اولى ثانوي. ويارب اكون افدت حضرتك . في رعاية اللة.

hosgou

01-07-2010, 09:43 AM

كتر الف خيرك يا دينا

(( أريــ الفـردوس الأعلى ــد ))

01-07-2010, 09:57 AM

العفو لو حضرتك محتار في الكتب فدة بيكون على حسب المدرس اللي هتاخد حضرتك معاة باذن اللة لانهم بيكونوا عارفين اكتر ولان كمان هم اللي بيطلبوا من حضرتك الكتاب المعين يعني مسالة الكتب بتكون على المدرسين هم اللي بيقولو لحضرتك.

hosgou

01-07-2010, 10:01 AM

thankxxxxxxxx

الاستاذ محمد سرور

01-07-2010, 12:01 PM

hosgou

02-07-2010, 04:55 AM

ربنا يخليك يا استاذ محمد

yasmina yasmina

06-07-2010, 11:51 AM

شكرا ع الافادة
بس بالنسبة للغة الثانيه في ناس بتنصحني بالفرنساوي
لان منهجه صغير و هضمن فيه ال50

n_n2010

06-07-2010, 03:50 PM

بجد الفرنساوي ماده رائعة وبسيطة ورقيقة انا اخدته والحمد لله ما نقصتش فيه حاجة خالص مع العلم انه من اقل المواد المذاكرة نظرا لصغر منهجه وبجد صدقني خده وانت متطمئن

ahmed ali12345

06-07-2010, 08:29 PM

شكرا على الموضوع والردود الجميلة
طيب لو حد عدا من اولى وخلص يقولنا على الملخصات والكتب ولا هنمشى على اللى متعودين عليهم فى اعدادى ؟؟

hosgou

07-07-2010, 02:43 AM

شكرا ع الافادة
بس بالنسبة للغة الثانيه في ناس بتنصحني بالفرنساوي
لان منهجه صغير و هضمن فيه ال50

thankxxxxxxxxxxxx

hosgou

07-07-2010, 02:44 AM

thankxxxx allllll

yasmina yasmina

07-07-2010, 11:49 AM

بجد الفرنساوي ماده رائعة وبسيطة ورقيقة انا اخدته والحمد لله ما نقصتش فيه حاجة خالص مع العلم انه من اقل المواد المذاكرة نظرا لصغر منهجه وبجد صدقني خده وانت متطمئن

يعني اخد فرنساوي واتوكل علي الله

n_n2010

07-07-2010, 12:57 PM

فعلا والله الفرنساوي مادة ممتعة جدا خديها وانتي متطمنة

n_n2010

07-07-2010, 01:00 PM

شكرا على الموضوع والردود الجميلة
طيب لو حد عدا من اولى وخلص يقولنا على الملخصات والكتب ولا هنمشى على اللى متعودين عليهم فى اعدادى ؟؟

لالالا طبعا مش كل حاجة في الاعدادس حتتبعها في الثانوي ده نظام مختلف ودراسةمختلفة بس صدقني الامتحانات بييجي معظمها من كتب المدرسة بس لو انت بتدور علي الحل الزيادة حتلاقيه في الكتب الخارجية

salma hanem

12-07-2010, 12:36 AM

Awatef Esmat

18-07-2010, 06:30 PM

ممكن بس حد يقولى كتب ف الفيزيا ايه
والعربى لان العربى بجد تاعبنى جداااااا
كان عندى كتاب اسمه الرساله وانا ف الاعدادى
النص بتاع اربع صفح كده ومكنتش بحب احفظ من الاضواء عشان بيختصر
طيب يا جماعه الرياضه
المعاصر ولا الفايز ولا المعلم؟؟؟؟؟؟؟
التلاته احسن من بعض باين
:d
بس كنت اسمع عن كتاب اسمه الكافى ؟؟؟؟؟
ممكن لو حد عارفه يقولى
والاحياء
كتاب ايه ؟؟
ضرورى الاحياء
:d
ازيك يا سلمي محدش بيشوفك يعني؟
اناهجيب المعاصر في الرياضه والامتحان في المواد السته (الاحياءوالفيزياءوالكيمياء)وفي العربي ممكن الاضواء
انتي هتاخدي لغه تانيه ايه؟؟؟؟؟؟؟

salma hanem

22-07-2010, 12:46 AM

ازيك يا سلمي محدش بيشوفك يعني؟
اناهجيب المعاصر في الرياضه والامتحان في المواد السته (الاحياءوالفيزياءوالكيمياء)وفي العربي ممكن الاضواء
انتي هتاخدي لغه تانيه ايه؟؟؟؟؟؟؟

هههههه توتو ازيك
معلش انا اصلا معييش رصيد والله
وانتى عارفه مبخرجش عشان اشحن
معلش هبقى ابعتلك رساله ف العيد بقى او ف رمضان
:d

فرنساوى ان شاء الله

وانتى

هتاخدى سورى ولا لبنانى
:d

SwOrD OF JusTice

22-07-2010, 12:52 AM

انا عن نفسى هاخد فرنساوى ان شاء الله

كل الناس الى بشوفهم واخدين فرنساوى بيجيبوا فيها النهايه او بيقلوا فرق بسيط وكله بيقول سهل بس لازم تبداى الدرس من اوله علشان مفيش حاجه تفوتك

salma hanem

22-07-2010, 12:57 AM

*hellmaster

هههههههههههههه
بجد يعنى لو شوفت او شوفتى درجات الثانويه للفرنساوىالسنه دى
هههههه
والله هتقولوا المانى ع طول

وبدون نقاش
بييييس بقى فرنساوى
هو ده بقى له منهج زياده ف الفائقين
؟؟؟؟
ياريت الاجابه
؟؟؟

SwOrD OF JusTice

22-07-2010, 01:48 AM

انا مش فاهم سؤالك بالظبط ايه o_o

:078111rg3: انت مش انتى _ اسمى احمد :blush:

:stickjo4: انا من ههيا - شرقيه وعمرى ماشفت حد واخد غير الفرنساوى

:confused: انت قصدك ايه اصلى منعوس ودرجه الفهم 10/2

Haneen_Riri

22-07-2010, 02:08 AM

وبعدين فى موضوع الفرنساوى والالمانى انا قربت اتجنن وفى ناس كتير بتفضل الايطالى بس للاسف مدرستى فيها فرنساوى والمانى واسبانى بس وطبعا اسبانى ده مش ممكن مش هيكون فى فايده بعد كده من دراسته اعمل اييييييييييه
اهئ اهئ اهئ

SwOrD OF JusTice

22-07-2010, 03:30 AM

اسبانى هينفعك فى حاله وحده لو بتتفرجى على ماتش برشلونه او ريال مدريد مش مترجم :av4056bb7jp3:

;) انا همشيها فرنساوى اهو على الاقل افهم كلام الجزائريين :blush:

ندى اولى ثانوى

22-07-2010, 01:40 PM

انا داخلة اولى ثانوى ممكن حد يساعدنى

salma hanem

22-07-2010, 04:13 PM

ايه ده هما اخترعوا اسبانى كمان

هههههه

فرنساوى
isa
isa

SwOrD OF JusTice

23-07-2010, 07:42 AM

:av4056bb7jp3: شكلهم اخترعولنا اسبانى جايزه لاسبانيا ف كاس العالم :av4056bb7jp3:

:angry2: ناس فاضيه وربنا شويه هنلاقى صينى - مهو الصينى احتل البلد

salma hanem

25-07-2010, 11:39 PM

الموبايل الصينى ابو سبع سماعات مكسر الدنيا
:d
تؤ احنا شويه كده وهنلاقى الفرانكو ارب هو اللى بقى اللغه الرسميه
:d

lolaaa2010

26-07-2010, 03:56 PM

هاى عاملين ايه

انا هاخد ايطالى ومحدش يقولى اخدتيه ليه لأنه اللى جيه معايا وخلاص

انا قدمت فى مدرسه سراى القبه بنات

لو فى حد فيها يقولى ونبقى اصحاب

انا 266

28-07-2010, 02:34 AM

الفرنساوى ثم الفرنساوى ثم الفرنساوى

salma hanem

29-07-2010, 12:10 AM

هههههههه
هههههههههههههه
واخد ايطالى تعمل بيه ايه
بفكر اخده بجد
:d

Problem

03-08-2010, 06:04 PM

انا حاخد فرنساوى
لآنه ما عندناش غيره فى المدرسه
بس بيقولوا انه سهل و حلو
الهل المستعان بقى
:) :)
,,

SwOrD OF JusTice

04-08-2010, 08:33 AM

-_- انا اخدت فرنساوى

وقواعده سهله والارقام سهله جدا

:p مشكله وحده بس هى الى مضيقانى ف حفظ الكلمات انى بتلخبط ف حفظهم مع النطق

:stickjo4: وانشاء الله هحلها بالذوق او بالعافيه زى ماحلينا الانجليزى :049gc0:

:022yb4: ان دو تروا كتر سانك سى ست ويت نف دز

salma hanem

04-08-2010, 10:09 AM

ههههه
انا كمان خت الارقام
وهسمعها النهارده
الاستاذ بيعملهم اغنيه نعد نغنيهم ف الحصه

SwOrD OF JusTice

04-08-2010, 01:13 PM

ههههه
انا كمان خت الارقام
وهسمعها النهارده
الاستاذ بيعملهم اغنيه نعد نغنيهم ف الحصه

:p طب متنسيش لما ترجعى من الدرس تقولى الاغنيه لينا

:slap1qk6: وابقى قوليلى حفظ الكلمات بيتعبك ولا لا

:039uw8: او يمكن انا تعبت بسبب الاستاذ لانه ادانا قواعد + ارقام + 30 كلمه + حفظ كل الحروف النطق الصح

:frown: داخل سخن كل ده ف اول حصه

:039uw8: وانا كنت بسمع الكلمات مرضتش احفظ من كتره ماادانا

:039uw8: رحت فاتح المذكره وغاشش (بس حليت كام وحده غلط علشان ميشكش :redface:)

salma hanem

04-08-2010, 04:11 PM

ههههههههههه
ايه ده
لا انا لسه جايه حالا
خدنا ايام الاسبوع وبنسمعهم ف الحصه
وضمائر الفاعل
وشويه كلمات كده
والحصه جايه هنبتدى قواعد

SwOrD OF JusTice

04-08-2010, 04:33 PM

ههههههههههه
ايه ده
لا انا لسه جايه حالا
خدنا ايام الاسبوع وبنسمعهم ف الحصه
وضمائر الفاعل
وشويه كلمات كده
والحصه جايه هنبتدى قواعد

:p ايام الاسبوع الحمد لله مش معقده نطقها سهل

:friendsxs3:انا لسه جاى من الدرس دلوقت وخدت ايام الاسبوع و النوع الاول من الجمل

الى هو نحذف er من الفعل ونبدله بحاجات وكده

ahmed ali12345

04-08-2010, 05:25 PM

مش معزا انا مبدأتش الدروس

saso9

04-08-2010, 06:08 PM

انا كمان هاخد فرنساوى ان شاء الله بس مبداتش و لا درس

احمد حسنى عثمان

04-08-2010, 06:13 PM

والله الفرنساوى دى مادة روعه وكلها كلام زى الفل ويا رب تكون سهله كده

salma hanem

05-08-2010, 08:14 AM

امممممممم
ربنا يعديها ع خير
:d

H.A.K

17-08-2010, 07:30 AM

اولا السلام عليكم

انا عن نفسي عندنا في الغردقه مش بناخد غير فرنساوي وان شاء الله يكون سهل

انتو بسم الله ما شاء الله ابتديتوا دروس انا لسا حتي مفكرتش ابتدي

angel emo

17-08-2010, 10:10 AM

انتو كده قلقتوني يا جماعه

انا اخترت ايطالي وانتو دلوقتي بتقولوا الفرنساوي احسن

انا خايفه اوي ولله

alta7ady1

19-08-2010, 09:40 AM

انا دخلت المانى

معاذ مشعل

28-08-2010, 01:27 PM

انا غصبن عني حاخد فرانساوي عشان مفيش مدرسين غير للفرانساوي d:

hosgou

02-09-2010, 01:36 PM

franiceis is very good

muostafa22

12-09-2010, 10:09 PM

انا هاخد الفرنساوي كدة كدة لانة مطبق عليا ومافيش مدرسين غير للفرنساوي
وربنا يستر ويطلع سهل ..

myoya

13-09-2010, 03:22 PM

يا جماعة انا لسة جديدة فى المنتدى فعيزا اعرف كل خدمات المنتدى
اما فى حكاية الفرنساوى و الالمانى انا فى الحقيقة تعبت جدا و صليت كذا استخارة و مش حسة بحاجة
انا بفكر نعمل استفتاء
شوفتوا انا اتجننت ازاى ......................._....................

خالد الجوهرى

15-09-2010, 03:39 PM

انا كمان جديد فى المنتدى فى الصف الاول الثانوى

انا خدت فرنساوى لان هو الموجود عندنا فى المدرسة

كان نفسى اخد ايطالى بس انا شايف ان الفرنساوى سهل ولذيذ

خالد الجوهرى

15-09-2010, 03:53 PM

يا بشر يا الى هنا اكيد حد بيفهم فى التوقيعات
و الملف الشخصى وكدة يعنى انا بغير التوقيع
و الصورة مش رضيين يتغيروا

ارجو ان يفيدنى احد

Steerforth

16-09-2010, 10:07 AM

انا خدت الماني علشان بخدو من و انا في 4 ابتدائي و سهل و جميل جدا

zoka_ali

16-09-2010, 10:57 AM

منتدى مدرسة امين الراعى
http://aminalra3y.co.cc

الطالبة وفاء

06-10-2010, 06:38 PM

احنا في سوهاج معندناش غير الفرنساوي وهو اصلا سهل جدا

agm_mansour66

19-10-2010, 11:39 AM

يا جماعة يا أهل الخبرة برجاء المساعدة هل يوجد منهج للغة الايطالية ولا الامتحان بيكون ازاي وهل يوجد امتحانات سابقة ليها ولا منهج برجاء المساعدة

agm_mansour66

21-10-2010, 04:11 PM

smsma_love

21-11-2010, 08:21 PM

[quote=yasmina yasmina;2353447]شكرا ع الافادة
بس بالنسبة للغة الثانيه في ناس بتنصحني بالفرنساوي
لان منهجه صغير و هضمن فيه ال50[/quot يا جماعة انا مش فاهمة اي حاجة فى الجغرافيا لو حد عارف حاجة يا ريت يبعتهالى:slap1qk6:

smsma_love

21-11-2010, 08:23 PM

يا ريت حد يبعتلى حاجة فى الجغرافيا يا ريييييييييييييييييييييييييييييييييت

Memo.HFR

28-12-2010, 06:54 PM

Memo.HFR

28-12-2010, 07:01 PM

انا هتكلم على جزئية واحدة بس
عايز تجيب 50 بسهولة فى اللغة الثانية فى ثانية ثانوى

يبقى خليك مع الايطالى او الالمانى ..والابطالى اسهل فى الوصول ل 50
لكن الفرنساوى ...بيبقى حلم انك توصل لل 49

وباقى المواد المدرسة هى اللى بتقسمهالك على الترمين

وربنا يوفقك

وانا زى ما قلت للأستاذه دينا ان الفرنساوى مش صعب للدرجة
ومش حلم ولا حاجه ان الواحد يجيب 49 الواحد لو ذاكر وركز فى اللغة هيجيب الدرجة النهائية انا مختار فرنساوى ومجرب اللغة جميلة جدا والله وانا دايما مبقلش عن درجة واحد فيها دايما أجيب فى الفرنساوى فى أمتحان الشهر 29 من 30 وفى شهر ديسمبر جبت 30 من 30
ومفيش حاجه بعيدة عن ربنا

ملحــــــــــــوظة: انا فى أولى ثانوى وداخل على أمتحانات نصف العام
أسألكـــــــــــــــــــمـ خـــالـــــــــــــــــص الدعـــــــاء

سينيور /حسام الايطالى

08-04-2011, 11:53 PM

بالعكس الايطالى اسهل مادة فى المواد اللغة الثانية اولا كلماتة بسيطة وشبيه بالعربى وقواعدة مباشرة ومحدودة وفى الصف الثانى 10 وحدات بس عكس الفرنساوى 19 وحدة وعلى فكرة الايطالى من اسهل اللغات اولاربية وسهلة النطق وكتابتة مثل نطقة وانا تحت امر اى حد عايز اى شىء فى اللغة الايطالية

Mahmoud Habib

05-06-2011, 07:42 PM

هل ستتغير المناهج؟

asmaa232

06-06-2011, 12:40 AM

السلام عليكم
لو سمحتوا يا جماعة انا داخلة اولى ثانوى ان شاء الله ومحتارة اوى فى اللغة التانية دى مش عارفة اختار ايطالى ولا المانى ولا فرنساوى مع العلم انى من المحلة ومدرستى مش فيها مدرسين ايطالى او المانى بس سالت بابا قالى ممكن نجيب مدرس بس مش هيا دى المشكلة المشكلة انى مش عارفة هاخد درس فين وبلدنا مفهاش مدرسين لغات كمان احنا فى سنة اولى وتانية اعدادى اتطبق علينا فرنساوى ودرستناه وانا عارفة فيه حاجات كتير اوى تقريبا نص منهج اولى ثانوى دا لو المنهج متغيرش
بس انا كنت عايزة اخد المانى او ايطالى لان كل الناس بتقول عليهم سهلين اوى اوى ومنهجهم صغير جدا 3 دروس ف التيرم الاول تقريبا بجد عايزة حد يشوف مشكلتى دى

حسام مرتضي

06-06-2011, 02:15 AM

ياجماعة استقروا علي رأي واحد كفاية بقي مش عاوزين حيرة

hany11

06-06-2011, 08:02 AM

يا جماعة لو سمحتم بدام الموضوع دة مفتوح للطلاب الجدد انا لسه الحمد لله متخرج من 3 اعدادى و بإذن الله هجيب مجموع ثانوى بس لو سمحتم حد يقولى

ايه هى المواد اللى المناهج بتاعها هتتغير وايه مش هتتغير لو سمحتم

sh.sh.

23-06-2011, 03:37 PM

متقلقوش ياجماعة خالص هتعدي هتعدي

!! Dark Man !!

24-06-2011, 06:30 PM

ان شاء الله فرنساوى باذن الله وحده
وكمان الفرنساوى منتشر فى دول كثيرة وسهل واى حد بيدى فرنساوى

أنا وبس

28-06-2011, 09:32 PM

هااااااى
ايه ده فى ملتقي هنا من غيري ولا ايه

هو انا اكيد فرنساوي لسببين
اولا عندنا فى المدرسة مفيش غيره واللى عايز حاجة تانية يحول من المدرسة
ثانيا انا اخدت فرنساوي 3 سنين وممتازة فيه جدا لأنه ببساطة بسيط وممتع جدا كمان مش محتاج مذاكرة ولا حفظ كلمات وقواعد انا فعلا عمري ما ذاكرته لسبب انى حبيت ادرس كلغة اقدر اتكلم بيها

فأكيد فرنســـــــــــــــــــــــــــــــــاوي