السلام عليكم
ازيكم؟
انا بجد هانفجر انا تعبانه جدا و بقالي يومين ما فتحتش كتاب و فاضل اسبوع علي الامتحان و عايزه اقوللكم ان في نصوص لسه هذاكرها لأول مره
انا مش عارفه اعمل ايه مش قادره ابص في كتاب و نفس الوقت عايزه اذاكر و حسه اني زهقانة و فاقدة الامل و حسه اني مش هافلح في اي امتحان و حسه اني اخده الم في نفسي و حسه اني هضيع كل الفلوس اللي اهلي صرفوها عليا من غير فايده و حسه اني هطلع من المدرسه من غير ما احقق اي حاجه

اعمل ايه :(

هاااااااااااااااااااااااااي


ليه الكآبه دي بس

خليكي متفاله وعندك امل في ربنا

وصلي وقربي من ربنا واقراي قرآن كتير اوي

واتمنى لك التوفيق باذن الله

ممكن نعرف انت فى سنه كام الأول؟؟؟؟؟؟؟؟؟؟
وبعد كده نحدد ايه الحل

ليه بس يا بنتى

حاولى كده بس وربنا يسهل

انا متهيقلى ان مفيش حد جاله اكتئاب زى

بس دخلت وحليت عادى

استهدى بالله وروحى صلى وافتحى الكتاب واقعدى

ربنا يوفقك :)

والله نفس احساسي بجد

واحلام اليقظة عاملة شغلها معايا اوى

ووالله لو جبت اقل من 95 % انا ممكن يجيلى حاجه فعلا

ده انا لو جبت 97 % ممكن اكوم فيها شهر

ربنا يستر

المشكلة انى مباخدش بالاسباب علشان يبقالى حجة ... :(

بس انتى ادعى ادعى ادعى

مقدرش اقولك غير كده

انا في تالته ثانوي و ماشيه بنظام المذاكرة ليلة الامتحان
بس انا مخنوقة من العربي مش عايزه اذاكره بكرهه بكرهه منهج متخلف و ادب متخلف و نصوص متخلفة و قصة معتوهة اففففف
و حسه اني هنيل في العربي بالذات لأنه مش نازلي من زور و كمان مش عايزه اذاكر اي حاجه من المواد التانيه انا مش عارفه اصلا المفروض اذاكر ازاي
انتوا بتذاكروا ازاي؟
العربي بالذات


انا اليومين دول بالذات بصلي الصلاة في اوقاتها و بصلي الفجر و بقرا قران اول لما اصحي و قبل ما انام الحمد لله بس مش عارفه في ايه

انا زهقت من كل حاجه حتي مش عايزه اتفرج علي التلفزيون ولا اعمل اي حاجه

بصي يا بنت الحالال بلاش احكيلك علي اللي بيحصلي

بئا من كوابيس واحلام يقظه وتخويف وبلاوي

دا ان امره حلنت اني جبت مجموع 11 في الميه تخيلي

والاكتئاب بئا

فانا بئيت امبراطوره الكتئاب لدرجه اني بقيت من فنكوشه للزهره الحزينه

وليا عوده


بس وحدي لله وخليكي انتي بس مع ربنا عالطول

وصلي دايما صلاه الحاجه

وهتشوفي الفرق

المشكلة فعلا انى سايبة نفسي للوقت الاخير

ونيجى ع الوقت الاخير نفكر ازاى نهرب

ياااااا رب

انا بجد محتاجه واحده تشجعنى

بلاش الاكتئاب ده يا بنتى وخلاص اهو هانت شهر وخلاص هتبطلى مذاكرة خلى عندك ارادة وفكرى دايما انك خلاص مشيت الطريق كله ومش فاضل غير خطوة واحدة وتعدى لبر الامان شدى حيلك وان شاء الله ربنا هيوفقك

:) المنهج سهل بس محتاج عزيمــــــــــــــــــــة

انا اشجعك يا رحمه

بصي يا حبيبتي نصيبك هتخديه هتخديه

وانا اعرف واحده زاكرت المنهج في اسبوع وهي دلوقتي في هندسه



صلي صلاه الحاجه وملكيش دعوه والمهم تكون نيتك صافيه تمام الصفاء وانك هتنفعي بيها المسلمين وهتشرفي ابواكي


وكمان زاكري الفتره دي جاامد

ان الله لايضيع اجر من احسن عملا


وبعدين والله الامتحانات بتيجي تافهه جدا

واديكي حليتي بتاعت السنه اللي فاتت

تعرفي انا بسال ابلتي وانا معرفش حاجه عن الاحياء بقولها هجيب كام بمستوايا قالتلي


40


يعني مابالك لو شديت

وقالتلي لو شديتي اسبوع واحد اضمنلك بان مجموع ان شا الله 50 في ا الاحياء


بلاش الاحباط دا يا رحمه باذن الله هتقولي فنكش قال

وبعدين ياما ناس ضاعت وذاكرت بجد في الاخر

واهم دكاتره ومهندسين دلوقتي

العبره بالخواتيم ياقمر


مش عاوزه اسمع منك الكلام دا تاني اوك

ع فكرة والله يا سارة انا بحبك جدااااااااااااااااااااااااااااااااااااااا فى الله

بجد عن صدق

ولاسباب كتيرة كمان

بس انا حاسة ان ربنا مش هيوفقنى علشان انا مستهترة


ايه الضعف ده

ازيكو يا بتوع الثانويه
ايه القلق ده
و قلقانين من العربى؟ :huh:

على فكره بقى
انا كنت بكره العربى جدا جدا جدا
و القصه مؤرفه
عارف عارف

علا فكره انا السنه اللى فاتت
فى نفس الوقت ده
و مش بضحك عليكو عشان اشجعكو
هوا ده فعلا اللى حصل

5 نصوص لاول مره
الجزء التانى و التالت فى القصه لاول مره
4 دروس قراءه لاول مره

طب دخلت الامتحان ازاى

و انا مش فاتح صخره الملتقى
و مش فاتح الجزء التالت فى القصه
و مش فاتح المسرحبه فى الادب

و جبت فى العربى 28
عادى يعنى

و يا فنكوشه انتى و رحمه انا فى تانيه
كنت داخل من غير درسين قراءه
و من غير العصر الاندلسى فى الادب
و من غير نص

و جبت 27,5
و اللى نقصتى التعبير مش حاجه تانيه

يا جماعه الموضوع سهل
بس انتو وحدو الله كده و اقعدوا ذاكرو
و لما تزهقو اقرأو قرآن

بس اهم حاجه متستسلموش

يا جمالك

بص من الاخر

المنهج كان متذاكر بس اتمحىىىىىىىىىىىىىىىىىىىىىى بمعنى الكلمة

يا رب يا رب يا رب ادينا ع قد اللى احنا ناويين نعمله ونغيره
( ايه الدعاء ده !)

طب قوللولي اذاكر ازاي الاسبوع ده؟ يعني بصوا انا بعمل ايه

انا بحفظ النص بالتعليق بتاعه و الادب من غير ما افهم و بعدين احل التدريبات اللي عليه في النماذج و في القراءة بقرا الدرس و احل عليه في النماذج بس كده

و حسه اني ان شاء الله اوحش درجه هتبقي درجة العربي
ياريت تقولولي اذاكر العربي ازاي الايام الفاضله دي مع العلم ان في اربع نصوص لسه اول مرة هافتحهم

<div class='quotetop'>إقتباس(رحمة للعالمين @ Jun 1 2007, 11:47 PM) 317230</div>
ع فكرة والله يا سارة انا بحبك جدااااااااااااااااااااااااااااااااااااااا فى الله

بجد وانا كمان مش مجامله والله بحبك جداااااااااااااااااااااااااااااااا يا رحمه

بجد عن صدقوانا كمان

ولاسباب كتيرة كمان

انا بحبك علشان بحس انك شبهي الي حد ما في شخصيتك وانك اماني واحياء زيي :lol:

بس انا حاسة ان ربنا مش هيوفقنى علشان انا مستهترةلالالا متقوليش كدا اهم حاجه اهم حاجه اهم حاجه الثقه في ربنا انه دايما بيوديكي في طريق الخير ومش هيعملك حاجه وحشه

وبيقيت فاضية وبنام 12 ساعة ده اقل حاجه
انا بنام قليل وبضيع وقت كتير بالذات علي المنتدي تقريبا مشكلتنا واحده المنتدي :(

وقاعدة تاعبة نفسي ع حاجات غريبةوانا كمان والله

وتلت تربع يومى بعيطانا مبعيطش بس قلقانه وفي نفس الوقت مبذاكرش

انتى تعرفى انا مسمية كل دبدوب بعضو عندنا فى المنتدى طبعا اللى قربوا منى بس

ومتبهدلييييين

اللى قطعتله ودن واللى خزقتله عين واللى كتبت عليه غبي

ده انا حاسة ان انتوا العالم الاول اللى انا عايشة فيه

ده انا بحلم بيكوا والله

وانا كمان بس مش لدرجه الدباديب يعني انا طول الوقت بفكر فيكوا هنا ايه دا ادمان ولا ايه

بس يا بنتي النت مش هيطير واراهنك ازا كان حد بيفكر زي ما انا وانتي بنفكر كدا

ايه الضعف دهمش عارفه يختي
[/b]


<div class='quotetop'>إقتباس(emoo @ Jun 1 2007, 11:48 PM) 317231</div>
ازيكو يا بتوع الثانويه
ايه القلق ده
و قلقانين من العربى؟ :huh:

على فكره بقى
انا كنت بكره العربى جدا جدا جدا
و القصه مؤرفه
عارف عارف

علا فكره انا السنه اللى فاتت
فى نفس الوقت ده
و مش بضحك عليكو عشان اشجعكو
هوا ده فعلا اللى حصل

5 نصوص لاول مره
الجزء التانى و التالت فى القصه لاول مره
4 دروس قراءه لاول مره

طب دخلت الامتحان ازاى

و انا مش فاتح صخره الملتقى
و مش فاتح الجزء التالت فى القصه
و مش فاتح المسرحبه فى الادب

و جبت فى العربى 28
عادى يعنى

و يا فنكوشه انتى و رحمه انا فى تانيه
كنت داخل من غير درسين قراءه
و من غير العصر الاندلسى فى الادب
و من غير نص

و جبت 27,5
و اللى نقصتى التعبير مش حاجه تانيه

يا جماعه الموضوع سهل
بس انتو وحدو الله كده و اقعدوا ذاكرو
و لما تزهقو اقرأو قرآن

بس اهم حاجه متستسلموش
[/b]


رد حلو اوي يا ايمن


وعموما احلي دعوه دعوتيها ان ربنا يدينا علي قد اللي احنا هنغيره

مش بقولك تفكيرنا واحد يا بنت الحلال

<div class='quotetop'>إقتباس</div>
يا جمالك

بص من الاخر

المنهج كان متذاكر بس اتمحىىىىىىىىىىىىىىىىىىىىىى بمعنى الكلمة

يا رب يا رب يا رب ادينا ع قد اللى احنا ناويين نعمله ونغيره
( ايه الدعاء ده !)[/b]


هههههههههههههههههههههههههههههه
طيب
يعنى كان متذاكر
انا بقى بجد مكنش متذاكر تقريبا نصه
والله لسه فى وقت
يعنى لو انتى مذاكره فعلا قبل كده
القراءه متخدش اكتر من يوم بجد
و بطلى بقى عض و تقضيع ودان و تفقيع عنين الاعضاء

الا صحيح انتى مسميانى ولا لأ
و لو مسميانى عملتى فيا ايه؟ :(



طب<div class='quotetop'>إقتباس</div> قوللولي اذاكر ازاي الاسبوع ده؟ يعني بصوا انا بعمل ايه

انا بحفظ النص بالتعليق بتاعه و الادب من غير ما افهم و بعدين احل التدريبات اللي عليه في النماذج و في القراءة بقرا الدرس و احل عليه في النماذج بس كده

و حسه اني ان شاء الله اوحش درجه هتبقي درجة العربي
ياريت تقولولي اذاكر العربي ازاي الايام الفاضله دي مع العلم ان في اربع نصوص لسه اول مرة هافتحهم[/b]

اولا التعليق ده يا ستى مش مهم
يعنى اساسا لو جابلك شرح
انتى بتشرحى من دماغك
اهم حاجه مواطن الجمال

ثانيا الادب عادى مبيتفهمش :D
و فعلا اهم حاجه فى الادب النماذج
فى القراءه حلو اوى كده ولو عملتى اكتر من كده يبقى بتضيعى وقت
بس شوفى لو معاكى اسئله بتلخص الدرس
عشان تاكدى عليها مش اكتر
اربع نصوص دول اخرهم يوم واحد خلى اليوم ده بكره
و مقولتليش القصه
القصه اقرأيها من الكتاب
و شوفى اسئلتها من النماذج
و لو الوقت شد معاكى
اقرأى تلخيص اخر باب من الاضواء بس
زى منا عملت :D

و النحو ذاكريه فى ساعتين مثلا
و حلى عليه من اى حاجه

و ده كله اخره 5 ايام

<div class='quotetop'>إقتباس</div>رد حلو اوي يا ايمن[/b]

هههههههههههههههه طيب
ورينا هتعملى ايه بقى
يلا روحى ذاكرى

على فكره الدعاء ده جامد اوى
امين يا رب

دودو اوعي تعملي اللي انتي بتعمليه


افهمي ومتذاكريش احسن ما تحفظي من غير فهم وربنا اللي شاهد عليا انك هتنسي سدئيني


بصي انتي تقسمي العربي علي الاسبوع دا حيات ك كلها عربي

بصي حلي اسئله ولبلاش تذاكري المذاكره دلوقتي مش هتفيد حلي اسئله كتير عيل كل درس الاسئله بتثبت ولما متعرفيش سوال وتدوري عليه بيثبت اكتر

ومتنسيش المواد التانيه

يعني كل يوم تحلي امتحان من كل ماده غير العربي بحيث تلمي الواد التانيه مع العربي وتوفري وقت ومجهود خصوصا ان في مواد مفيش قبلها الا يومين زي الرياضه مثلا مش هتلحقي سدئيني

والله انا بقولك اللي انا همعله بالظبط وانتنالك الخير اكتر مني كمان

ماشي

يلا


بس بلاش احباط ارجوكي علشان خاطري

وعد




ايم ادعيلي اانتا بس


تعرف ان نصحت كل اصحابي وكلهم بيذاكروا اللي كانوا اقل مني اصبحوا اعلي مني


وانا مش بعمل بنصايح نفسي


تعرف مشكله برضه

عماله انصح الناس وانا محتاجه نصيحه

ساره
الرياضه اللى خايفه منها
يومين حلوين اوى عليها

بس للاسف فى حاجات فى العربى بالذات
الواحد ممكن يضطر يذاكرها من غير فهم
يعنى لو انا حاولت افهم ادب
صدقينى مكنتش دخلت الكليه اللى انا فيها

و كمان انا عن نفسى انا مفتحتش ولا ماده فى العشر ايام اللى قبل العربى نهائى

وشدى حيلك و ربنا يوفقك
و هدعيلك ان شاء الله

بص يا ايمن انا ضمنه الحمد لله العربي الحاجه الوحيده وبالذات الادب

اصلي كنت بروح عند ابله صعبه وكنت بتهزق عالطول

وانا من حبي للاعلام فبقراء الحاجات دي كثقافه فبتثبت في دماغي ومبخدش فيها وقت


تفتكر الرياضه يويمن ليها حلوين

بجد انا خايفه منها حاسه ان مخي مصدي

مسائل اصعب مسائل

حليتها قبل كدا

دلوقتي ولا اعرف احلها نسيتها


بعد ما كنت الاولي علي المجموعه في الرياضه

اصبحت باخد مجموعات تقويه للاسف ملهاش لزمه

والالماني الحمد لله

الانجليزي مش خايفه منه

الاحياء مشكلتي انا عارفه انها سهله بس مش عارفه اجيب لها وقت منين

ههههههههههه
الرياضه انا ذاكرتها فى نص يوم
صدقينى وقتها حلو جدا
و كل سنه بيبقى ليها يوم و نص بس
انتى هتراجعى الرياضه فى نص يوم
و تراجعى المسائل اللى حلتيها فى باقى اليوم
المفروض تكون الاجابات اللى انتى حلتيها
تكون معاكى

و كويس انك كويسه فى الادب
اصلى كنت بتخنق منه




هما سايبين للاحياء كام يوم ليكو؟

10 ايام

انا خلصت 3 ابواب

لسه 10

10 ايام كتير اوى

خلصتى 3 ابواب

و الباقى لو ذاكرتيه قبل كده و لسه هتراجعيه
عادى جدا جدا

لو هتذاكريه لاول مره
ممكن يكون فى مشكله صغيره

بس انتى ليه بتفكرى دلوقتى فى الاحياء
خلى تفكيرك فى العربى و لما الاحياء تيجى يبقى ربنا يسهلها

يا سيدي انا مخلصه العربي

وحليت الكتب عشروميت مره

وزهقت


ومذكراه صم


اعمل ايه

انا كل تفكيري


احياء ورياضه والماني وانجليزي وعربي


مبفكرش في اي مواد تانيه

بجد انا مرعوبه رعبه طين اعمل ايه


انا اتتجننت انا اعدت من يومين اضحك ضحك هستيري من غير سبب واعمل اصوات غريبه ووفكيت شعري علشان الحدوته تكمل واعملتلهم اوبرا في البيت


ماما اتخضت افتكرني اتجننت

بس كان يوم



شوفت الثانويه بتعمل فينا ايه

هههههههههه فك الشعر دي حاجه عاديه بس الفرق اني بدل ما اضحك بزعق و صوتي بيعلا و بتنرفز و بيبقي شكلي مجنونه رسمي


emoo انت جبت كام من الاخر

السلام عليكم ورحمة الله وبركاته
يا حلوين يا الجمال بتعكم ده مديئين من العربى الى هو ميجيش حاجه جمبنا
يا اخواتى انا كنت باخد ى الثانوى نحو لوحده وصرف وادب ونصوص ده غير المواد التانيه يا شيخه هو اللغه العربيه بتعتكم دى حاجه دى معلش فى الكلمه دى لعب عيال
انا ولله بستغرب انتم وخدنها على انها كبيره ليه
اه نسيت علشان باه تتغازى اكتر انا فى كلية لغه عربيه ولله العظيم سهله جدا واللغه العربيه ما فيها حاجه انا صحيح قسم تاريخ وحضاره ومحدش يسالنى ايه الى جاب التاريخ والحضاره لللغه العربيه لانى معرفش
بس انا شايف انها سهله جدا
نصحتى ليكى بجد انك تتقربى لربنا شويتين وتاكدى كويس اننا مش بننجح بمذكرتنا لا ده بفضل ربنا
وبمدى تقربنا بيه علشان كده ربنا بيسهلنا الامور لا بل كل الامور

مش لاقيه كلام بدل اللى كان مكتوب :D

يا خرابى
هو انا السنه الجايه هبقى زيكم كدهههههه يا نهار
انا شكلى هبقى من ضحايا الثانويه العامه
يا جماعه مفيش حاجه اسمها اكتئاب انتى بس قربى من ربنا وحطى هدف قدامك لما تيجى تذاكرى انتى بتعملى ده كله ليه
لازم يبقى عندك اجابه للسؤال ده
وصلى وادعى ربنا
بس
ده المطلوب منك

منار ملكيش دعوه بينا

الموضوع اسهل مما تتوقعيـــــه

<div class='quotetop'>إقتباس(رحمة للعالمين @ Jun 2 2007, 01:02 PM) 317452</div>
منار ملكيش دعوه بينا

الموضوع اسهل مما تتوقعيـــــه
[/b]
مش فاهمه ّّّ!!!

: blink : : blink : : blink : : blink : : blink : : blink : : blink : : blink : : blink :

ولا انا

<div class='quotetop'>إقتباس</div> http://www.thanwya.com/forums/style_images/2/nav_m.gif حد جاله اكتئاب؟[/b]مين بينادى :blink:

شوفى يا بنتى بعد وجع اعصاب عانيت منه جامد الفتره اللى فاتت بما ان فى الموضوع فيزيا ورياضه مركونين ياعينى وعليهم تراب
B) تاكدى ان احلى حاجه البرود
اه قلقانه وخايفه بس مش ترمى الكتاب وتقوللى والله ماانا مذاكره

ده اسمه ايه ده؟؟

اسمه ان شوشو اقوى منك واظن انك مش ترضى بده

فالفتره دى بقى يا انتى يا هوويفضل تذاكرى على وضوء علشان هتبقى فريش ومرتاحه
وربنا يوفقنا كلنا ويهدينا ويبعدنا عن النت وسنينه على الاقل الاسبوعين دول

<div class='quotetop'>إقتباس</div>يا سيدي انا مخلصه العربي

وحليت الكتب عشروميت مره

وزهقت


ومذكراه صم


اعمل ايه

انا كل تفكيري


احياء ورياضه والماني وانجليزي وعربي


مبفكرش في اي مواد تانيه

بجد انا مرعوبه رعبه طين اعمل ايه


انا اتتجننت انا اعدت من يومين اضحك ضحك هستيري من غير سبب واعمل اصوات غريبه ووفكيت شعري علشان الحدوته تكمل واعملتلهم اوبرا في البيت


ماما اتخضت افتكرني اتجننت

بس كان يوم



شوفت الثانويه بتعمل فينا ايه[/b]

طب منتى تمام اهو
بقولك ايه من الاخر على كلامك ده
لو جبتى اقل من 98 متجيش هنا تانى :P
صدقينى بجد الموضوع سهل اوى


<div class='quotetop'>إقتباس</div>هههههههههه فك الشعر دي حاجه عاديه بس الفرق اني بدل ما اضحك بزعق و صوتي بيعلا و بتنرفز و بيبقي شكلي مجنونه رسمي


emoo انت جبت كام من الاخر[/b]

انا يا ستى فى تانيه
جبت 201,5 من 205
يعنى 98.3 فى الميه
27.5 عربى 24 انجلش و مقفل الرياضه و الايطالى و الكيمياء


فى تالته اللى اتبهدلت رغم انى ذاكرت فى تالته اد تانيه 50 مره
من غير مستوى رفيع 192 من 205 و 8.5 من 10 فى المستوى
بس كان قله تركيز و اتظلمت فى درجتين فيزياء و معرفتش اخدهم
و قرات سؤال غلط فى الاحياء عليه 3 درجات
و غل\ت فى الاحصاء غلطات اله كتير
كده يعنى

كله بقى 397 من 410 يعنى 96.8
حد ادنى صيدله و ملحقتش طب ولا اسنان
و دخلت صيدله :P


<div class='quotetop'>إقتباس</div>المنهج اتساب فترة كبيرة يعنى عندك الادب يا ما شاء الله عليه
دخل فى القصة والقراءة وفى الكيميا كمان
بس الصراحة هو اكتر مادة مطمنالها

الكيميا العضوية مش لاقيالها حل والمستر الله يهديه بجد
كنت كل ما اروحله درس مش فاضى غير انه يقعد يلمح تلميحات بجد زبالة اوى بسبب ان اولاد معايا فى الفصل بياخدوا معاه
وهوا مصمم انى مصاحباهم والمشكلة انا معرفش العيال المتخلفة دى بتقوله ايه عنى بس المستر عارف كل حاجه حصلتلى وكل مشكلة وكل خناقة ويا عيــــــــنى ع الكلام والله كذا مرة عيطت منه وبسبب حضرته كرهت الكيميا ومرحتش بقالى داخلة فى الشهر الرابع اهو ويوم ما رحت مرة الاسبوع اللى فات اتبهدلت وحلفت والله منا رايحة له تانى

هيا الصراحة مادة متخلفة لوحدها وانا بقي ما صدقت

اما الرياضة بقي حسبي الله ونعم الوكيل مستر بجد مبيراعيش ربنا فينا .. بيعاملنا ع اننا اغبيا درجة اولى
بجد ضيعنا ضياااااااااع وانا حاليا بذاكر من كتاب المدرسة افضل والله بس كل ما اجى احل امتحان بطمـــــــــــن جدا لانى بسيب الامتحان نصه فاضي

الالمانى جميل الحمد لله ومدرسه كمان راجل محترم والانجليزى بردو معقول يعنى دايما الحمد لله مكتسحه المجموعات

بس والله والله والله بجد لو جبت اقل من 95 انا ممكن انسحب واقعد جنب ماما اعمل محشي بقي

بخصوص حضرتك بقي فاطمن لسه مسميتكش ع دبدوب بس يا بختك
اصل المرة الجاية ناوية اشنق

ع فكرة انا معملتش الحاجات اللى قلت عليها دى اوى يعنى [/b]

هتشنقى ينهار ابيض :huh:
قلهم حاجه يعم مجاهد
قال قلقانه من الكيماء العضويه قال
دحنا بنتسلخ فيها



<div class='quotetop'>إقتباس</div>مين بينادى

شوفى يا بنتى بعد وجع اعصاب عانيت منه جامد الفتره اللى فاتت بما ان فى الموضوع فيزيا ورياضه مركونين ياعينى وعليهم تراب
تاكدى ان احلى حاجه البرود
اه قلقانه وخايفه بس مش ترمى الكتاب وتقوللى والله ماانا مذاكره

ده اسمه ايه ده؟؟

اسمه ان شوشو اقوى منك واظن انك مش ترضى بده

فالفتره دى بقى يا انتى يا هوويفضل تذاكرى على وضوء علشان هتبقى فريش ومرتاحه
وربنا يوفقنا كلنا ويهدينا ويبعدنا عن النت وسنينه على الاقل الاسبوعين دول [/b]


فعلا معاكى حق يا هند
ربنا معاكو كلكو يا رب

طب تفتكروا يكون حد حسدني؟
لأني امبارح بالليل قعدت اعيط من غير سبب و بعدها حسيت براحة و اني عندي امل و اني هاقهر الصعاب و اجيب مجموع النهاردة الحمد لله ذاكرت نص الصغيران بس مش عارفه انا بادلع ولا ده ضغط نفسي ولا انا محسودة ولا ايه

علي العموم انا احسن دلوقتي الحمد لله و شكرا لكل اللي ردوا علي الموضوع و خلوني افكر و ما افقدش الامل

<div class='quotetop'>إقتباس</div>انا يا ستى فى تانيه
جبت 201,5 من 205
يعنى 98.3 فى الميه
27.5 عربى
24 انجلش
و مقفل الرياضه و الايطالى و الكيمياء[/b]
سبحان الله عالصدف!!! :D
نفس الدرجات هى هى


<div class='quotetop'>إقتباس</div>فى تالته اللى اتبهدلت رغم انى ذاكرت فى تالته اد تانيه 50 مره
من غير مستوى رفيع 192 من 205 و 8.5 من 10 فى المستوى
بس كان قله تركيز و اتظلمت فى درجتين فيزياء و معرفتش اخدهم
و قرات سؤال غلط فى الاحياء عليه 3 درجات
و غل\ت فى الاحصاء غلطات اله كتير
كده يعنى[/b]
يا عم بلاش تنبر
انا باقى اسبوع
وبتقول ذاكرت 50 مرة قد تانية
وجبت كده
امال انااقول ايه
<_<
=======================

وموضوع مغلق عشان كله يتنيل يذاكر :)

بعد إذن المشرف خالد
تم فتح الموضوع مرة أخرى

<div class='quotetop'>إقتباس(نورا11 @ Jun 2 2007, 02:06 PM) 317455</div>
<div class='quotetop'>إقتباس(رحمة للعالمين @ Jun 2 2007, 01:02 PM) 317452
منار ملكيش دعوه بينا

الموضوع اسهل مما تتوقعيـــــه
[/b]
مش فاهمه ّّّ!!!
[/b][/quote]

قصدى اننا بنهول الموضوع وهتلاقي السنة الجاية الامور سهلة وهتقعدى تقولى هما كانوا بيتكلموا عن ايه :D

<div class='quotetop'>إقتباس(JuMpO @ Jun 2 2007, 02:12 PM) 317460</div>
: blink : : blink : : blink : : blink : : blink : : blink : : blink : : blink : : blink :

ولا انا
[/b]

ما انت مش فاضي

روح روح افتح القناة اياها هتلاقي البرنامج اللى انت بتحبه ( مرضتش اوضح اهو :lol: )

برجاء
الالتزام بالموضوع وعدم الخروج الى نقاشات جانبية

<div class='quotetop'>إقتباس(محمد البري @ Jun 4 2007, 07:15 PM) 318474</div>
<div align="center"><span style="font-family:Comic Sans Ms"> <_< <_< لسا أطفال <_< <_< </span>
[/b][/quote]

اموت واعرف انت بتكلم مين <_< <_<

وبعديـــــــــــــــــــــن مين يطول يبقي طفل

يا ريت يا اخويا


معلش يا اسلام مكنتش شفت ردك

يا جماعه

ارحمونا مستكترين علينا نتنيل نفضفض حبتين

ومحدش اصلا حاسس بينا عديتوا منها خلاص بئا يعني

حراااااااااااااااااااااااااااام

دا مستقبل يا جدعان ومجموع ونص درجه توديك السودان

السنتين دول متوقفين عليهم حياتنا كلها مش عاوزينا نقلق ولا حتي نعبر باللي جوانا واقفلوا الموضوع لو دا هيريحكوا