مشاهدة النسخة كاملة : بيقولولى لية ما بتحبش مصر
حميد بدوى 01-07-2010, 07:13 PM بيقولولى لية مابتحبش مصر؟؟؟؟؟؟؟
وعلى طول بتشتمها
شكلك قليل الاصل
وناسى جميلها
انكشح برة وغور
ولا تعاتبها
ساعتها بس هأتعرف قيمتها
وترجع ذليل تتمنى رضاها
وتبوس أيديها
طالما مصر تعباك قوى كدا
أيه اللى جبرك تقعد فيها
أرحل وفارقها
لا هى عجباك ولا انت حتى عاجبها
رديت وقلت مصر حتة منى
وأنا منها
بس كل المشكلة
ان مش عاجبنى يا ناس حالها
راجعوا وقولوا مصر أم الدنيا
رديت وقلت ياناس
هو فية فى الدنيا ام بتحارب عيالها
الشاعر
عبد الحميد بدوى
Dr_Mohamed_LFC 01-07-2010, 07:50 PM /وضوع جميل تسلم
miss heba 01-07-2010, 09:21 PM ولو كنتى مطلعة عينى بحبك موت الله يرحمنا
Tona Ashraf 01-07-2010, 10:47 PM حتى لو طلعت عينك
هى يعنى الى بتعمل فينا كدة قول انك مبتحبش الناس فيها لكن مصر ذنبها ايه؟؟
وكل الى بيحصل ده مننا احنا يعنى التلوث مثلا هتحاسب عليه البيئة ولا الانسان الى عمل كدة
وشكرا
حميد بدوى 02-07-2010, 10:37 AM تلوث اية اتكلم عن الظلم والافترى والواسطة والمحسوبية وال***** والبلطجية والتوريث وتصدير الغاز ببلاش لاسرائيل
الجدار الفولاذى واهانة المصرى فى الداخل والخارج وضياع لحقوق والاحتكار وغلو الاسعار والانتحار والخيبة القوية
والتعليم والفساد والضياع والتزوير مصر تحولت بقدرة قادر من جمهورية مصر العربية الى عزبة دولية
mahmoudasus 02-07-2010, 06:37 PM على أسم مصر التاريخ يقول ما شاء انا مصر عند أحب وأجمل الاشياء
http://www.3mda.org/uploads/images/3mda-com2d207da4d7.gif (http://www.3mda.org/)
http://www.3mda.org/uploads/images/3mda-com7d19c3b279.gif (http://www.3mda.org/)
حميد بدوى 02-07-2010, 06:45 PM بيقولولى لية مابتحبش مصر؟؟؟؟؟؟؟
وعلى طول بتشتمها
شكلك قليل الاصل
وناسى جميلها
انكشح برة وغور
و أتفضل من غير مطرود سبها
ساعتها بس هأتعرف قيمتها
وترجع ذليل تتمنى رضاها
وتبوس أيدها
طالما مصر تعباك قوى كدا
أيه اللى جبرك تقعد فيها
أرحل وفارقها
لا هى عجباك ولا انت بسلامتك عاجبها
رديت وقلت مصر حتة منى
وأنا منها
وأزاى محبش مصر
وسبحانة اللى خلقها
بس كل المشكلة
ان مش عاجبنى يا ناس حالها
راجعوا وقولوا مصر أم الدنيا
رديت وقلت ياناس
هو فية فى الدنيا أم بت*** عيالها
الشاعر
عبد الحميد بدوى
ان شاء الله هيجى يوم وترجع ام الدنيا بجد تانى
ميرسى كتييييييييييير على الموضوع
بالتوفيق
حميد بدوى 03-07-2010, 04:20 PM ان شاء الله قولى يارب
usernamo 03-07-2010, 06:28 PM ... مش هقول غير .. مصرى و افتخر ....
Free Love 03-07-2010, 06:31 PM موضوع جميل
جزاك الله كل خير
حميد بدوى 04-07-2010, 12:02 PM ... مش هقول غير .. مصرى و افتخر ....
من حقك بس ياترى الواقع بيقول كدا
mohamed264 04-07-2010, 04:22 PM موضوع حلو
تسلم
حميد بدوى 05-07-2010, 11:12 AM اشكركم تقبلواتحياتى
**تسابيح** 05-07-2010, 11:24 AM ع فكرة هي العيب مش في مصر
مصر هي مصر اللي عاش عليها سيدنا يوسف وسيدنا موسي
وهي بردو اللي عاش عليها فرعون
العيب في اللي في مصر
انا بعشق مصر وبحبها واكيد هحبها دايما
وبكره الفساد اللي فيها
لازم احب الوطن عشان نقدر نرتقي
شكراا لحضرتك
سلالالالالالام
حميد بدوى 05-07-2010, 12:11 PM مع خالص احترامى كله كلام على ورق
حميد بدوى 10-07-2010, 04:15 PM أكيد لازم حب الوطن بس فين الوطن
روووووز 10-07-2010, 05:28 PM دائما متميز فى القصائد :o:o
جميلة جدااااااااا :bosyht9::bosyht9:
مصر دى حكاية ورواية
Dodi2010 10-07-2010, 06:54 PM مصر أم الدنيا مصر دى جميلة بس احنا اللى عملنا فيها كدهوبأدينا نقدر نخليها احسن بلدوأفتخر انى اكون مصريةواعيش وأموت فى مصربلد الأمن والامان وكمان مذكورة فى القراءن
حميد بدوى 13-07-2010, 10:13 AM دائما متميز فى القصائد :o:o
جميلة جدااااااااا :bosyht9::bosyht9:
مصر دى حكاية ورواية
اشكر وجودك ياروووز وفعلا مصر قصة كبيرة وفعلا كمان ممكن ترجع وتكون احلى دولة فى العالم
بس كمان لازم يكون فى حساب للى باع البلد بالرخيص
حميد بدوى 02-08-2010, 12:30 PM بيقولولى لية ما بتحبش مصر
the black rose 02-08-2010, 12:32 PM العيب عمره ما كان فى مصر
العيب ف اللى ماسكين مصر و دايرين يبوظوا فيها
و من اعمالكم سلط عليكم
جزاك الله كل خير
حميد بدوى 02-08-2010, 09:37 PM طيب وبعدين هنفضلوا كدا؟؟؟؟؟؟
سمسم ك.م 04-08-2010, 03:18 PM مصر هترجع ام الدنيا ازاى من غير عيالها
مصر طول عمرها ام الدنيا وهتفضل دايما ام الدنيا لأن فيها ناس بيحبوها وبيبوسوا ترابها
لية دايما راميين الحمل عليها لو كل واحدف البلد دى يعرف قيمتها بلدنا دى هتبقى احلى بلد ف الدنيا
تقبل مرورى.......
حميد بدوى 04-08-2010, 09:34 PM مصر ليست ام الدنياولكنها عالة على الدنيا
بسمة الم 05-08-2010, 04:05 PM اقولكو حاجه وياريت تتقبلوها
انااتولدت و عشت خارج مصر طول حياتي
والله والله والله مافي احلى من انك تعيش في بلدك مهما كان بيحصلك ايه فيها بس مجرد فكرة انك بين ناس بتتكلم زيك عايشة زيك حاسة بيك دي لوحدها نعمة كبيرة المصريين مش بيحسوها غير لما يعيشو برا ويشوفو طريقة المعاملة وفرق الناس والطيبة اللي ناااادر لما تلاقيها عند حد مش مصري ..
احساسك وانت بتتعامل على انك غريب دي لوحدها غربة صعبة اوي ..
ربنا يسمع دعوة كل واحد فينا وترجع مصر زي الاول ( قصدي ) ترجع الناس اللي في مصر زي الاول لأن مصر هيا هيا بس النفوس متغيرة ..
تقبل مروري وتحياتي لحضرتك تعبيراتك متميزة
وتحياتي لجميع المشاركات ..
سمسم ك.م 05-08-2010, 07:36 PM سورى مش من حقك تقول كدة
مصر مش زى مابتقول عالة على الدنيا
بس هتبقى كدة لو كترت السلبيات فيها
والشباب اللى زى حضرتك قالوا عليها كدة
ارجوك اعذرنى
وتقبل مرورى
سمسم ك.م 05-08-2010, 07:43 PM استاذ حميد انت كلامك رائع وذى ماحضرتك قلت ان مصر حتة منك بس لازم تحترمها بلاش تحترم الناس او المسئولين بس احترم على الاقل الارض . التاريخ
ارجوك تقبل مرورى
سمسم ك.م 05-08-2010, 08:11 PM ارجو تقبل مرورى مرة اخرى
حميد بدوى 07-08-2010, 04:19 PM أرض اية وتاريخ اية خدوا التاريخ والتراث والحضارة
خدوا كل الحجارة
خدوا تمثال رمسيس التانى واهرمات سقارة
خذوا معابد الاقصر واسوان
واعطونى دولة تحترم الانسان
واعطونى دلة تحترم الانسان
داليا عبد الرحمن 07-08-2010, 05:15 PM مصر ام الدنيا
العيب مش في مصر العيب في المسؤلين واللي نشروا الفساد و الظلم
لكن مصر هي مصر
داليا عبد الرحمن 07-08-2010, 05:19 PM مصر ليست ام الدنياولكنها عالة على الدنيا
اذا كنت انت ابن مصر وعشت علي ارضها وشربت من نيلها وبتقول كده
ازاي!!!!!!!!!!!!!!
ده احنا اللي المفروض ندافع عن مصر لو حد فكر يغلط فيها
بجد يا خسااااااااااااااااااااااااااااااااااااره
حميد بدوى 07-08-2010, 05:29 PM هو المهم ادافع عنها بالكلام طيب وبعدين؟ يا فرحتى
الدول بتدافع عن نفسها بقوتها وانتاجها بصناعتها وزراعتها وعملها
وكيانها بين الدول بقيمة الانسان داخل وطنه وتعرفى قيمة المصرى وصلت للحضيض
الدولة التى يحكمها فرد لاتستحق ان تكون دولة وياريت بس كدا
لا دا عايز يجيب ابنة انا نفسى اعرف مين اللى قال ان مصر ولادة
ياجماعة انا لا اهاجم مصر ولا اقدر لو حتى بالكلام
كل الحكاية
ان مش قادر اصدق ان دى مصر
واذا حد مصدق يقولى
سمسم ك.م 07-08-2010, 08:23 PM تسمحلى اسألك انت بتدرس اية
بس قبل كدة احب اقول لك ان مهما كانت دراساتك عالية او متوسطة او حتى تحت الصفر انك تقدر تخدم بلدك وتخلى بلدك وحالك احسن من كدة
مشكلتنا ان احنا سبنا اليأس يتحكم فينا
فكرهنا بلدنا وكرهنا عيشتنا كلها
بس دة اكبر غلط وكلنا غلطانين
ساعد نفسك الاول من اليأس وبعد كدة هتشوف الحلو ف بلدنا
ودة مش معناه ان بلدنا كلها حلوة لا فيها سلبيات لا حصر لها
بس الاول نحل السلبيات اللى فينا وبعد كدة نشوف بلدنا هتبقى عاملة ازاى
دعوة للتفائل
تقبل ردى
حميد بدوى 08-08-2010, 12:44 PM اشكر دعوتك للتفائل ولكننا دائما ما نصطدم بالواقع المرير
الدعوة للتفائل تكون فى مكانها الصحيح لما يكون لشعب كلمة وصوت
انما للاسف وجودهم زى عدمه ويمكن عدمه احسن كمان
انا ممكن اسالك الشعب المصرى اية دورة فى مصر اللى هى بلده؟؟؟؟؟؟؟
ضيف شرف وضيف غير مرغوب فية ملوش دور فى اية حاجة الرئيس
ربنا يطول فى عمرة هو اللى عارف وشايف كل حاجة طيب احنا نفهموا ونعرفوا لية؟
طالما هو اللى بيعين الوزير والغفير والمحافظ والعميد والمعيد تمانين مليون على كف ايدية
قولولى والنبى احنا لزمتنا اية احنا يدوب عبء علية صح ولا اية
مصر مش هتبقى دولة يحترمها العالم الا اما تحترم شعبها
النظام والحكومة والرئيس كلهم لازم يكونوا خدمين عند الشعب
وكل أفعالهم وأعمالهم فى خدمة هذا الشعب المكسور الجناح المطاطى الجبين الحزين
اللى ملوش فى الطور والا فى الطحين لازم يكون لنا كلمة وصوت يا كدا ينموت
لازم يكون لنا كلمة وصوت يا كدا ينموت
|