تسجيل الدخول

مشاهدة النسخة كاملة : حكـايتى مـع بنــت الجيــران, يلهوى البـنت زي القمــر . م ن ق و ل

scream angle
02-07-2010, 09:32 PM
خلوا نفسكوا طويل منقول
الحكاية بتبدأ من حوالى سنتين....
العفش بينزل من على عربية النقل...

و انا واقف فى البلكونة.. وبسأل امى (اللى كانت واقفة تنشر الغسيل): هو فى حد هيسكن هنا ولا ايــه يامـا؟
قالتلى اه يا حبيبى دى الشقة اللى قصادنا
قلتلها ويا ترى عرسان جداد ولا عيلة وبتعزل؟
قالتلى والله يابنى مانا عارفة
قلتلها طيب.. يا خبر انهارده بفلوس.. بكرة يبقى بفلوس اكتر..

و بعد أسبوع......
أمى واقفة بتنشر الغسيل بردو.. وانا واقف جنبها بردو.. وبتقولى: مش السكان الجداد وصلوا خلاص
قلتلها يا شيـــــخة!
قالتلى: اه.. مرات الراجل عدت عليا انهارده وسلمت عليا وعرفتنى بيهم
قلتلها: ايــه بقى عرسان جداد؟؟
قالتلى لا دول أسرة.. عندهم ولدين وبنت
قلتلها خير.. خير.. (والشر بيبظ من عينيا)

و أثناء الحديث الشيق ده..
طلعت مامت الولاد م البلكونه.. ولما شافت أمى هزت راسها - بتسلم على امى يعنى -.. وطبعا أمى ردتلها الهزة - بترد السلام يعنى -
و بعدين طلع ولد صغير ابتسم لنا اول ما شافنا....
أصل البلكونة فى وش البلكونة , بس هم مركبين ستارة واحنا مش مركبين ستارة... بس باين عليهم ناس طيبين اوى...
المهم.. الأم ندهت لبنتها...
الحقيقة انا كنت أول مرة فى حياتى أسمع الاسم اللى هى ندهت به..
أول مرة أعرف ان فى بنت اسمها كده أصلا...

الام بتنده: يــــــا روفيدة (على وزن بثينة , بضم الراء يعنى)
اسم جامد مووووووت... عجبنى الاسم اوى... وبدعى ربنا تكون رُفيدة حلوة زى اسمها..
و طلعت روفيدة من ورا الستارة فـى حركة Slow Motion من بتاعة الافلام..
و انا متنح تتنيحة سوده... روفيدة طلعت احلى من اسمها.. جميلة جمال لا يوصف... ناصعة البياض..
مش قادر ارفع عينى من عليها.. مينفعش ارفع عينى من عليها اصلا...
فضلت متنح لحد ما شافتنا انا وامى..
لما شافت امى ابتسمت لها..

و لما شافتنى زى ما تكون شافت عفريت ودخلت على جوة جرى...


و تمر الأيام..
و مشكلتى ان البلكونة بتاعتنا تدخلها من اوضتى.. عشان كده فى الرايحة والجاية ابص اشوف روفيده واقفة ولا لأ..
ساعة ما الاقيها واقفة.. اطلع البلكونة..
مرة اعمل نفسى بتكلم فى التليفون.. او بشم الهوا مثلا - مع إن الدنيا تراب وعفرة -
او بلعب عشر ضغط.. اى تلكيكة والسلام
الغريب انها كانت فى الاول لما تشوفنى تروح داخلة جرى على جوة..
لكن بعد فترة لاحظت انها مكانتش بتدخل اول ما تشوفنى.. وكانت بتفضل واقفة هى كمان...
بقيت فى عز الشمس اقف.. لحد ما اعرق واجيب جاز.... فى عز البرد واقف بتكتك م البرد
واقف بالساعات مدام روفيدة واقفة... ارمى نظرة.. ابتسامة.. أشاور
و كانت هى بتكتفى بالابتسام وعلامات الخجل...

و ف يوم من ذوات الايام..
بشاورلها.. شاورتلى
بقيت هطير م الفرحة.. روفيده شاورتلى يا جدعان...
قعدت اطنطط ع السقف وأغنى وحياة قلبى وأفراحه..
و هبا إيـه هبا أاه.. إن شاء الله هنظبط
امتى بقى اتكلم معاها ونهظر سوا...

لحد ما جه اليوم...
انا راجع م الكلية.. وعلى اول الشارع شفت أمى واقفة مع مامت روفيده..
و المفاجاة: روفيده واقفة معاهم
لقيت نفسى بجرى زى شخصيات الكرتون.. نصى التحتانى بيجرى قبل نصى الفوقانى تشووووووووو...
لحد ما بقيت عندهم.. عرقان طبعا وبنهج وحالتى حالة...
نزلت عليهم زى الباراشوط..
ازيك ياما.. ازيك يا طنط عاملين ايه...
و بصيت لرٌفيدة.. كانت بصالى وبتضحك..
كانت زى القمر اليوم ده.. ولابسة تى شيرت حمالات - اصل الجو كان حر اوى اليوم ده -
قلتلها: ازيك يا روفيده؟!
و كان رد فعلها غير متوقع بالمررررة... كان صدمة حقيقية بالنسبة لى..
لقيتها بتمد ايديها وبتسلم عليا...
و بتقولى: الحمد لله.. ازيك انت؟؟!
رحت مسلم عليها....
و قلتلها: الله يسلم قلبك يا روح قلبى..
و رحت بايس ايديها....
و رحت شايلها...........
و قلتلها: انتى عندك كام سنة بقى؟؟







قالتلى عندى 3 سنين





رحت بايسها تانى وانا هطير م الفرحة وفضلنا نلعب ونضحك ونهزر... لحد ما مامتها شالتها وطلعوا البيت
و من يومها وانا وروفيده اصحاب... كل ما تطلع البلكونه نلعب ونهزر مع بعض


ايـــــــــــــــــــه اقول ابــــعــت.:::..؟؟؟
منة2011
02-07-2010, 09:43 PM
ياريت تكبرى الخط شوية
بلييييييييز
scream angle
02-07-2010, 09:54 PM
ياريت تكبرى الخط شوية
بلييييييييز
اى خدمة انا كبرت الموضوع
ياسمينايا
02-07-2010, 09:58 PM
هههههههههههههههههههه..
لا حلوووة ..d:d:
scream angle
02-07-2010, 10:01 PM
هههههههههههههههههههه..
لا حلوووة ..d:d:
شكرا على مرورك يا ياسمينا
محمد(o)
02-07-2010, 11:01 PM
ههههههههههههه حلوه شكرا على الموضوع

القسم دا بقى فيه مواضيع تضحك كتير
A.ra7man1
02-07-2010, 11:39 PM
وبعد كدة روفيدة راحت فين ؟
____________
حلو وى
Hhhhhhhhhhh
scream angle
03-07-2010, 12:40 AM
ههههههههههههه حلوه شكرا على الموضوع

القسم دا بقى فيه مواضيع تضحك كتير
شكرا على مرورك
scream angle
03-07-2010, 12:44 AM
وبعد كدة روفيدة راحت فين ؟
____________
حلو وى
Hhhhhhhhhhh
شكرا على مرورك
مروه
03-07-2010, 01:45 AM
هههههههههههه

منك لله خلتينى اشك فى المسكين

تسلمى ع التوبيك
العمل سبب الامل
03-07-2010, 04:47 AM
بقى انااقعد اقرا كل دة بس موضوع جامد
أ\سلوي
03-07-2010, 08:54 AM
موضوع جميل جدا يشدالواحد فعلا
يارا95
03-07-2010, 08:55 AM
انا قريت الموضوع كله ويطلع كده
والله قلبى كان جاسس
المنتدى بقى فيه حاجات كتيره تضحك
samar saad
03-07-2010, 10:19 AM
هههههههههههههههههههههههههه لا جامد الموضوع والله انا اتخضيت قولت بيشيل مين ده ولا بيبوس مين هههههههههههههه ميرسى ليكى
asmaa232
03-07-2010, 10:25 AM
ههههههههههههه والله حكاية زى العسل
دا انا كنت اندمجت خالص طلعتينى ليه بس م الحكاية دى بس يلابكرة روفيدة تكبر
stoof
03-07-2010, 10:34 AM
:078111rg3::078111rg3:
أنا صدقت نفسي وقولت ده حظه من السما هههههههههههههههههههه

على العموم :stickjo4::stickjo4::stickjo4: شكرا جزيلا موضوع دمه خفيف :bosyht9:
agomaa60
03-07-2010, 01:21 PM
برافووووووووووووووو واللة الموضوع شدني اوي
♥روميســـاء♥
03-07-2010, 04:49 PM
ههههههههههههههههههههههههههههههههههههههههههههه
أضحك الله سنك

جزاكِ الله خيراً يا قمر
سلمت يداكِ
شروق الطلخاوى
03-07-2010, 06:00 PM
ههههههههههههههه
يا نهارى ايه الموضوع
اللى بيجنن هادا
انا اتخضيت اما شلها
وقالتلو اناعندى 3 سنين
mr muhamed
03-07-2010, 07:57 PM
لما تكبر اتجوزها
JASSY
03-07-2010, 08:48 PM
ههههههه..حرام عليكي بعد ده كله...

بس ولا يهمك الموضوع جامد..
scream angle
03-07-2010, 10:40 PM
شكرا لكم جميعا
الطامحة للافضل
03-07-2010, 10:45 PM
ههههههههههههه جميلة اوى القصة
scream angle
03-07-2010, 10:51 PM
شكرا على مرورك
سؤئة الطيوبة
03-07-2010, 11:08 PM
هههههههههه وانا اقاعدة اقرابحماس

ههههههههههحلوة اوى خطيرة جدا

تسلمي ع الموضوع التحفة دة
scream angle
03-07-2010, 11:11 PM
شكرا على مرورك