بحلم ان كل الناس تحب بعض وتشتغل بجد مش روتين وبس ومشى حالك ياسيدى مشى حالك وكلمة مش مهم وعادى ومحدش واخد منها حاجه الناس مش بتعمل شغله مظبوط بس انا مش بعمم لان فيه ناس شايفه شغلها كويس بس مش كتير ياريت كلنا نشتغل بضمير اتمنى ان كل الناس تفتكر دايما (حاسبو انفسكم قبل ان تحاسبوا)

ليس كل ما نتمناه يمكن تحقيقة!!!

ليه بس الأحباط دا أستاذ محمد
كل شىء جايز وممكن تحقيقه
بس لو بقينا إيد وحدة
آه صعب نبقى إيد وحدة لكن مش مستحيل

شكرا أستاذ سامو على الموضوع
وبجد أنا كمان نفسى أشوف الناس عندها ضمير وبتشتغل علشان ترضى ربنا
مش لمجرد إنهم لأزم يشتغلوا علشان يعرفوا يعيشوا

شكرا بجد لحضراتكم
ديما منورين المحافظة بتواجدكم
ربنا يوفقكم


اللهم إهدنا لما تحبه وترضاه

ليس كل ما نتمناه يمكن تحقيقة!!!

طب احنا ممكن نبدأ بنفسنا ونغير اللى حوالينا مش عيب انى احلم وهفضل احاول احقق احلامى بالرغم من كل اللى احنا فيه

[quote=بنت الريف;2346895]<div align="center">

كل شىء جايز وممكن تحقيقه
بس لو بقينا إيد وحدة
آه صعب نبقى إيد وحدة لكن مش مستحيل

شكرا أستاذ سامو على الموضوع
وبجد أنا كمان نفسى أشوف الناس عندها ضمير وبتشتغل علشان ترضى ربنا
مش لمجرد إنهم لأزم يشتغلوا علشان يعرفوا يعيشوا

شكرا بجد لحضراتكم
ديما منورين المحافظة بتواجدكم
ربنا يوفقكم



بجد انا اللى بشكرك على ردودك الرائعه ياريت كل الناس تفكر زى حضرتك

ليه بس الأحباط دا أستاذ محمد
كل شىء جايز وممكن تحقيقه
بس لو بقينا إيد وحدة
آه صعب نبقى إيد وحدة لكن مش مستحيل


على فكرة شكرا على التواصل وعلى تفاعلكم فى الردود
وده مش إحباط ولا حاجة على فكرة ده واقع احنا بنعيشه والمشكلة فى مصر احنا شعب عاطفى زيادة عن اللازم ودايما نردد كلمات اظن انها انتهت من زمممممممممممان كل مبنتكلم نقول احنا الفراعنة احنا الى بنيننا الأهرامات احنا الى كنا متفوقين أول من علم الامم الزراعةأول أول........................ طيب مش ده انتهى من زمان ولا إيه طب احنا ايه الآن نصنا حرامية بتسرق لقمة عيش الغلابه والنص التانى محروم وغلبان وبيتمنى مش ده واقع عايشينه
استاذنا الى من سمالوط أنا من سمالوط زى حضرتك و على فكرة من 2004 بحاول التغيير فى مدرستى ومجتهد جدا والحمد لله فى عملى ومدرب معتمد من الوزارة ومدرب معتمد أيضا من المديرية فى مجال آخر يعنى بدرب فى تخصصات مختلفة والمشكلة انى بحارب من زمان والنتيجة ايه اترم علي كل الحمل فى المدرسة ومحدش بيساعدك والناس كلها بتهرب عارف ليه للبحث عن مصدر رزق آخر وعلى فكرة فى البداية كنت ضد ده ولكن أنا الآن متعاطف معاهم لما مدرس متعين من 24 سنة ومرتبه الآن 480 جنيه وعلى فكرة عنده طالب فى الثانوية العامة وبنته فى كلية آداب وتلميذين ابتدائى تقدر حضرة المدرس المحترم تقسمله دول على الشهر والغريب أكتر ان الدولة كمان قالتله انت مينفعش تدرس علشان انت مشرف نشاط طيب مش ده كان بيدرس من 20 سنة وطلع أجيال كتير طيب الدولة كانت فين فى العشرين سنة الماضية معرفتش انه فاشل طيب انا فى مدرستى 8 مدرسين من هذه النوعية تقدر تقنعة انهم يشتغلوا صعب مش كده!
وعلى فكرة يا ريت تروح مجلس محلى علشان تخلص ورقة يتدفع يا............ ولما نتكلم مع الناس دى ونقول الدين والضمير يقولك يا عم علشان أعرف أعيش وأعلم اولادى طيب هتعلم اولادك من حرام يقولك الدولة كلها حرامية طيب خلى الدولة تدينا
واكيد استاذة بنت الريف اى انسان هيحبط لما يكون بيشتغل بضمير وبيتعب جدا فى عمله ومرتبه 400 جنيه بعد 7 سنين تعيين ونسمع فى الجرايد ان سكرتيرة الوزير المغربى بتاخد 120 ألف جنيه فى الشهر وإن مرسى عطا الله كان بياخد مليون و200 ألف فى الشهر وان الأرز كان مسرطن وكمان لما الشعب اتكلم حرموه منه ومنعوم من التومين وان القمح الى دخل مصر كان ايضا مسرطن وان اللحمة فيها ديدان وان بعض الأدوية تصنع تحت السلم وتتباع وان وان...............................................
كل ده وافع وانا زيكم بحلم وبحلم ولكن بصحى من الحلم على صوت الغلابة الى كتروا فى بلدنا كنا بندرس زمان ان مصر بها ثلاث طبقات فيهم طبقة اسمها الطبقة المتوسطة يا ريت لو حد لاقها يقولى علشان بدور عليها من زمان نفسى اتعرف على حد منها يا جمعة احنا بقنا طبقتين طبقة السادة والعبيد والعبد اظن ميملكش غير الحلم احنا بنحلم فقط وعلى فكرة احنا كمان مبنقدرش نغيير حاجة لما تقرأ التاريخ هتلاقى كل الناس الى غيرت كانت من الطبقة العالية مش عرابى كان باشا وضابط ومصطفى كامل وفى 52 كان كلهم ضباط ورتب فى الجيش احنا لا نملك إلا الحام والدعاء لله إن يفرج عنا ما نحن فيه
على فكرة دى فضفضة مش إحباط

بشكر حضرتك على ردك انا بحاول زى حضرتك بالظبط وعارف كويس ان اللى جاى الله اعلم بيه غالبا مش كويس بس مينفعش نتشائم لعل ربنا يزيل الغمه والناس تفوق