|
مشاهدة النسخة كاملة : عندى انترفيو بكرة ومش عارف اعمل ايه the_best_boys 05-07-2010, 03:48 PM هاى شباااااااااب انا عندى انترفيو بكرة فى سياحة جامعة اسكندرية ومش عارف اعمل ايه ومعرفش بيتكلم على ايه لو يريت حد يقولى اعمل ايه وايه نظام الاسئلة وكدة وايه نظام اللجنة وبيتساهلو ولا لا وكل حاجة عن انترفيو جامعة اسكندرية eslam_2009 06-07-2010, 11:26 PM متقلقش ,,, انت ممكن لا يتم قبولك فى الكلية فى حالة واحدة وهى انك تسقط فى الـ3 لجان وده مستحيل واكيد هبقلوك لان انت 3 ثانوى فى سنة فراغ فهما عايزين طلبة مش بيطردوا طلية ,,, متقلقش يعنى the_best_boys 07-07-2010, 01:36 AM ههههههههههههههههههههههههههههههههههه ده طلع انترفيو اى كلام تحصيل حاصل زى ما بيقولو اول دكتورة سالتنى عن السياحة فى سينا والمزارات السياحية وعرفت ميعاد الانتر فيو ازاى وايه اقسام الكلية وعايز تخش قسم ايه بس نصيحة بقى ف السؤال ده متجعلصهاش اوى وانت بتجاوب عليه يعنى متقلش ارشاد علشان لو قلت ارشاد هتقلق طب معاك جروب سياحى هتوديه فين وفى الوقت ده هيبقى عندك زاهيمر ومش هتفتكر مكان واحد توديهم فيه وهتتلجلج وانت بتتكلم وهتفكر كتير انا قلتلها عايز ابقى شيف وادخل قسم ادارة فنادق تانى دكتورة سالتنى عن شوية معلومات عامة ايه اكتر الاخبار المتدولة ف العالم وعن الفيفا وكاس العالم فين وسالتنى شوية اسئلة بالانجليزى عرف نفسك وهوياتك وهنا لما تقول هواية تبقى عارف اى حد مشهور بيمارسها يعنى انا اول مقلتلها سباحة قالتلى تعرف مين من السباحين العالمين والمصريين والقراءة هتسالك عن كتاب وبتحب تقرالهم ليه وايه لفت نظرك وشوية اسئلة بالانجلييزى زى عدد اخواتك و عن السياحة وتبقى مركز معاها اوى وهى بتتكلم الدكتورة التالتة سالتنى معلومات عامة بردو سالتنى عن العواصم عاصمة تركيا انجلترا ليبيا الصين المانيا وعدد محافظات مصر والمدينة الى فيها تلت اثار العالم وايه الاماكن السياحية الى زرتها قلتلها المتحف المصرى قالتلى ايه الى لفت نظرك هناك وكدة وشوية اسئلة بالانجليزى خفيفة خالص وبعدين الدكتورة التانية والتالتة سالتنى انت مقدم ف حاجة تانية علشان كنت حالق شعرى على واحد فقلتلها كلية حربية قالتلى طب لو جتلك حربية وسياحة تفضل ايه وليه رود رد خبيث يعنى انا قلتها ادخل سياحة طبعا لان السياحة رغبتى انا وحبب مجالها اما الحربية فهى رغبة الاسرة وكدة وطبعا لو جتلى حربية اكيد هدخلها ههههههههههههههههههههههه وف الاخر خالص قالتلى اننا قبلناك بس بالانجليزى واهلا بيك معانا مع ان النتيجة طالعة بعديها باسبوع والتلات دكاترة بيقيمو بقى المظهر العام وطريقة الكلام واللباقة وتبقى مطقم فكك من الى يقولك لبس كلاسيك هتسمع تعالى ببدل والجو ده انا رحت بطقم كاجول عادى وده ف مصلحتك انت على فكرة وبالتوفيق ان شاء الله the_best_boys 21-07-2010, 01:13 AM على فكرة ياجماعة انا نجحت فى الانتر فيو بس مجموعى مجبش سياحة وفنادق جيب 77% وا نجليزى 41.5 بس ربنا موفقنيش ادعولى بقى ف كلية عسكرية ان ربنا يوفقنى |