يا دنيتى ودينى
شعر / سمير الأمير
على حسابك يقع مطر الكلام
حواديت وأوهام
وعشم نشوف وشك بينده علينا
على حسابى با موت عيان
واموت محروق واموت غرقان
وانا مش من بقيت عدوينك
ياست الحُزن
عشان ترمينى للأحزان
أنا ضحكة عنين المشتاقين ليكى
بحة هتاف المؤمنين بيكى
أنا من صحابك يا سارقانى من دمى
وم الإحساس بشرايينى
يا دنيتى ودينى
وسفرى ورجوعى
ياسر شدة قامتى قُصاد القهر
و رفضى لخضوعى المؤجل
منذ انتصار الخوف ع الميتين
وصعود اللى جابوا الرمل للوادى
على اكتاف الشجر والطين

سايق عليكى كرامات الأوليا والأنبيا والملحدين
ماتحبسنيش فى صوت ما هوش صوتى
ولاتندهيش عليا وانا بين إيديكى
عشان ما أموتش بحسرتى على نفسى
أو ع الأقل اشد رحالى ف سكوتى
واتوه فى غُربة الأحاسيس.

http://www.3sl3.com/up/upfiles/9pb43856.gif



أسعدنى الحظ إنى أكون أول زائر
للكلمات الرائعة لحضرتك
تسلم إيديك
دمت دائما مبدعا
ربنا يوفقك

وحشتنا قصايدك
قصيده رائعه جدا سلمت يمناك
ادام الله عليك نعمة الاحساس
ودام قلمك المبدع
تحياتي لحضرتك

يا دنيتى ودينى



سايق عليكى كرامات الأوليا والأنبيا والملحدين
ماتحبسنيش فى صوت ما هوش صوتى
ولاتندهيش عليا وانا بين إيديكى
عشان ما أموتش بحسرتى على نفسى
أو ع الأقل اشد رحالى ف سكوتى
واتوه فى غُربة الأحاسيس.[/quote]

مشاعر متدفقة وكلمات جميلة معبرة يفهمها من يعرفك أو لايعرفك
قصيدة تحفة تضاف لأجمل أعمالك
حفظك الله لكل أحبابك

إلى بنت الريف
أشكرك على كلماتك الرقيقة وأتمنى أن أحظى بتقديرك على الدوام

الأستاذة/ نغم
والله إنى أسعد بكلماتك التى تجعلنى أشعر أن رسائلى لا تذهب أدراج الرياح
إحترامى الخالص لشخصك ولإبداعك
سمير

العزيزة الغالية / هدى محمد
ليس لى أن أشكرك لأننى أصبحت متوقعا لتشجيعك على الدوام وكأننى اكتسبت حقا أصيلا- تقبلى احترامى ومودتى

العزيزة الغالية / هدى محمد
ليس لى أن أشكرك لأننى أصبحت متوقعا لتشجيعك على الدوام وكأننى اكتسبت حقا أصيلا- تقبلى احترامى ومودتى
شرف لى ياأستاذى يامن علمنى أن شخصية المعلم ليست فى العصا التى فى يده ولكن فى عقله وتفاعله مع من يعلمه
أدين لك بالكثير وأتشرف بمعرفتك