قبل ما اتكلم انا زى زيكم .... جميل جداً لما تكون متفائل والاجما لما يكون عندك أمل بس الاجمل من الاثنين أنك تعيش الواقع .
كثيرمن الاخوة سمع الكثير فأخ ذهب للادارة وقاله المسئول أبشر قرار التعيين قادم ، واخ آخر ذهب للأكاديمية وقاله الموظف انا ماشين فى موضوع التعيين ، والاخر شاف نشرة مع أحد المسئولين عن قرب عملية التثبيت .
أنا مش بكذب الاخوة الزملاء بس بجد حرام كدة وكفاية لعب بالاعصاب من الاخوة المسئولين .

المهم بقى
التثبيت هيكون فى شهر مايو 2011 بعد انتهاء العقد الذى تم تجديده لهذه المدة وذلك لآتى :
1- احنا مضينا بارادتنا وبدون غصب على تجديد العقد لمدة عام آخر على وظيفة معلم مساعد الكلام ده فى مايو الماضى يعنى من شهرين ....... فالبعقل كدة معتقدش انا بعد مرور شهرين فقط من العقد يتم تثبيتنا ,لان لو كان عندهم نية للتثبيت اليومين دول كان مدوا العقد من نفسهم لمدة شهرين على الاقل .
2- اذا كنت انت اوانا اخدنا شهادة ال icdl اللى هى من شروط التعاقد فيوجد الكثير من الزملاء لم يحصل عليها وهذا ليس تقصير منهم ولكن لشدة الاقبال عليها ( مع قلة المراكز وخصوصا أنهم حددوا أن الشهادة تكون معتمدة من مركز خاضع لوزارة التربية والتعليم ) فلا يصح تثبيتك انت وهما لا لان مش ذنبهم أن تأخروا والا تحصل ثورة اكبر من الثورة الحالية .
3- موضوع التثبيت مش قليل ( احنا بنتكلم فى حوالى 80 الف معلم ) فليس من المعقول أنك تصحى الصبح تلاقى نفسك أتثبت ......... فموضوع كبير ومهم زى ده لازم يسبقه مؤشرات تدل على حدوثه ( كالسبق الصحفى فى أحدى الجرائد ، او الانفرادات التليفزيونية للبرامج المختلفة أو كلام أحد المسئولين الكبار) .

فى النهاية محدش يزعل منى ويقول أنى بحبطكم بس بجد ياريت نفكر قبل ما نسمع من ناس كتير
وكان لازم الوقفة اللى بنطالب بيها تكون من قبل من نمضى على تجديد العقد ( اى قبل خراب مالطة )
لان المسئولين مش بيهزروا معانا بعد ما نمضى بموافقتنا على التجديد لوظيفة معلم مساعد لعام آخر نيجى بعد شهرين نقولهم لا كدة ما ينفعش . ( بجد ما لعبوها صــــــــــــح )

واللهى بحبكم فى الله ومحدش يزعل منى