الحب & الصداقة .


شيئين عظيمين فى معناهما والعيش فى بحرهماااااااا

الحب

هو امتلاك و علاقة غامرة تجعل الاثنين فوق السحاب .. أحاسيس لا يمكن وصفها و قد حاول الشعراء منذ قديم الأزل و حتى الآن ... و تبقى هى المشاعر الأجمل و الأرقى فى الوجود ...

الصداقة

هى نوع من المحبة أيضاً المغمورة بالصدق و الاخلاص و مرآة للنفس فعلياً ..
قل لى من تصادق أقول لك من أنت .,. و حتى فى الأحاديث الشريفة ..
فإن الصديق كالمسك فى خلقه يطيب صديقه .. و العكس صحيح ..

لكن السؤال الأهم هو الذى يطرح نفسه هنا .....

الحب أقوى أم الصداقة ...؟

وهل يمكن ان تنقلب الصداقه الى حب او الحب الى صداقه ؟؟؟


وفى سؤال آخر أكثر أهمية ... حب مع صداقة ... أم الحب وحده يكفى ؟؟؟

من منهما أقوى و أكثر صموداً ؟؟؟

من راى المتواضع ان الصداقه اقوى واكثر صمودا وتواصل عن الحب
والصداقه قد تنقلب الى حب ولكن ليس الحب ينقلب الى صداقه بمعنى ممكن انت مصاحب انسانه مش وصلت لدرجه الحب فممكن تيجى بعدين انما لو انت بتحب وتحولت لصداقه كل شىء بينتهى والعلاقه مش هتبقى زى الاول
فانا بفضل الصداقه عموما مع الاصحاب والحب مره واحده بيجى بعدين

د محمد شكرا على رأيك البناء الذى له صدى فى عالم الواقعية

انا رايي ان الصداقة اقوي وبتستمر اكتر من الحب
يعني مثلا لو بتحب واحد وعمل معاك حاجة مش كويسه ممكن تكون دي النهاية
لكن لو صديقك عمل معاك حاجة مش كويسة صحيح بتزعل وكده
بس بترجعو تتصالحو تاني وتبقو سمن على عسل
وده طبعا لانك لما بتحب انسان بتبقى مديله جزء كبير من قلبك
وبتعامله معاملة خاصة وحساسة جدا
وبتبقى عايزه برضه يعاملك نفس المعاملة
فلو حصل غير كده ممكن تكون دي نهاية العلاقة بينكم
اما صديقك فالمعاملة بتبقى مختلفة خالص
وبتعمل معاه حاجات متقدرش تعملها مع اللي بتحبه
والف شكر على الموضوع الرائع يا مستر ايمن

استاذ احمد الشريف شكرا لتواجدك الذى اسعدنى وايضا وجهه نظرك الصحيحة التى تنم عن شخصيتك الراقية

سؤال صعب اوى
بس فى زمانا ده اختار الصداقة
ممكن الصداقه تنقلب لحب ؟
ممكن طبعا
الحب عمره ماينقلب لصداقه صعب اوى
بشكرا على موضوعك
تحياتى

الحب عمره ماينقلب لصداقه صعب اوى
فعلا صعب جدا

اولا:موضوع جميل جدا جدا ودايما شاغلنى وبفكر فيه
ثانيا:انا مقدرش احدد ايه اقوى لانه لا يمكن مقارنة الحب بالصداقة والعكس صحيح لان لكل منهما مكان محدد فى القلب.......................
وبالنسبة للسؤال التانى فانا شايفة ان الصداقة ممكن تتحول الى حب لكن لا يمكن ان يحدث العكس لان من يحب شخصا ويتعلق به كحبيب ويرآه فى احلامه لا يمكن ان يعتبره بعد ذلك مجرد صديق............
وطبعا الحب لوحده كفاية بس انا شايفة ان لما يكون فيه حب مع صداقة يكون فيه تفاهم وتحمل اكتر لان الصديق يظل بجوار صديقه مهما حدث

طيب هو حد هيبقى صديقك إلا إذا كنت بتحبه
الخلطه تكسب
شكرا ع الموضوع الجميل

لاشي صعب

لا شي مستحيل

والحب ممكن ان يصبح صداقة لو اردنا ذللك

لكن انا برائ اري ان الصداقة افضل من الحب

وشكرا لك موضوع مميز

اشكركم على هذه الاراء الجميلة والواقعية :
نغم رنا ... يا نغم انا شايف بالاجماع ان الحب لا يتحول الى صداقة وممكن الصداقة تتحول الى حب
احمد رجب وانت ايضا مؤيد لهذا الرأى شكرا جزيلا
الزهور الزرقار راى صائب بكل تأكيد ولكن كيف تتواجد الصداقة والحب فى وقت واحد ؟؟؟
blak blak 66 احترم وجه نظرك ورأيك ... ليه لأ !!!!
سؤئة الطيوبة ... شكرا على ردك طبعا الصداقة شئ جميل جدا ولكن ان يتحول الحب الى صداقة .. اعتقد ممكن ولكن فى حالات نادرة جدا
اشكركم جميعا اصدقائى صديقاتى على هذه الاراء والردود الرائعة التى اسعدتنى جدا .... تحياتى للجميع

انا مع الحب هو اقوي من الصداقه وخصوصا لو كان الحبيب صديق في نفس الوقت ومتفاهم مشاعر حبيبه اللي بيمر بيها .حتي لوالحبيب جرح الصديق اللي فيه حيداوي الجرح .
بالنسبه للصداقه الواحد مش بيبقي متحكم اوي في صديقه .يعني في وقت ممكن يخفف عنه .او يسانده .ويراعي ظروفه في الغياب
الحبيب لو غاب عن حبيبه مش بيراعي ظروفه لانه بيحبه بيعتبره قوه محركه ليه يعني اساس

طيب هو حد هيبقى صديقك إلا إذا كنت بتحبه
الخلطه تكسب
شكرا ع الموضوع الجميل

مش لازم تحب صديقك ممكن تحب حاجه فيه لكن لازم تحب حبيبك

سمسة يا سمسة اعتقد هذا الرأى هادف جدا وصائب جدا واعتقد هذه وجه نظر خاصة بحضرتكم واحترمتها جدا
شكرا لمرورك الغالى

شكرا على الموضوع
سؤال الحب اقوى ام الصداقة ؟ قيل الحب اقوى ولكن الصداقة ابقى فقد يجف النهر بمجراه ويبقى الصديق باحلى ذكراه

ماهر محنمد هاشم ... ما اجملها حكمة وشكرا جزيلا

والله انا مجربتش الحب الا حب اصدقائى وانا بدعى ان ربنا يديم عليا محبتهم وصداقتهم

من رأيى انهم زى بعض مفيش حاجة اقوى
احيانا الصداقة والحب يبقوا غدر واحيانا يدوموا ويتحولوا لفرح

الفرق بس فى التسمية مش أكتر
الاتنين نفس الاحساس نفس المشاعر
الصديق او الحبيب الصح بيكون مخزن الاسرار ومحل الثقة وموقع الامان

وبرده الحبيب او الصديق الخاين اندال بيكسروا الانسان

اعتقد الفرق بس فى المسمى


تقبل مرورى

عبدالله الرفاعى شكرا لوجودك ومرورك
ياسمين سعيد ::ممكن تكون فى بعض الحالات المسمى واحد ولكن ليس بالضرورة ينطبق هذا الشعور مع كل البشر فشكرى وتقديرى واحترامى لرأيك يا ياسمين

بصراحة مش عارفة
مش حاسة ان في حاجة منهم موجودة عشان احكم

لولو احلى عروسة شكرا لتواجدك فليس الموضوع متعلق بالاحساس فقط ولكن تعبير عن وجهات النظر المختلفة للبشر بشكل عام

أعتقد الحب أقوي من الصداقه
لاني بشوف كتير صحاب بيبيعوا بعض عشان حبيبتهم

free_love شكرا جزيلا لمروك الغالى تقبل تحياتى

الحب & الصداقة .

لكن السؤال الأهم هو الذى يطرح نفسه هنا .....
رأي المتواضع
الحب أقوى أم الصداقة ...؟
الحب اقوي لان الصداقة احيانا لا تدوم
وهل يمكن ان تنقلب الصداقه الى حب او الحب الى صداقه ؟؟؟

ايه المشكلة ان تنقلب الصداقة الي حب
لكن لا اعتقد ان الحب ينقلب لصداقة
وفى سؤال آخر أكثر أهمية ... حب مع صداقة ... أم الحب وحده يكفى ؟؟؟

الحب يكفي في حالة واحدة ان يكون حب صادق بدون هدف من ورائه
من منهما أقوى و أكثر صموداً ؟؟؟
الحب اذا كان صادق فقط

آيه .....فعلاً اذا كان الحب صادقاً ....شكراً جزيلاً لمرورك الكريم