هاشم الشوربجى
07-07-2010, 11:57 AM
:confused: انا متقدم لهذا الاختبار واريد ان اسال على نوعية الاسئلة فى الاختبار وشكرا لمن يرد:078111rg3:
|
مشاهدة النسخة كاملة : للطلاب المتقدمين لفصل المتفوقين هاشم الشوربجى 07-07-2010, 11:57 AM :confused: انا متقدم لهذا الاختبار واريد ان اسال على نوعية الاسئلة فى الاختبار وشكرا لمن يرد:078111rg3: ahmed ali12345 07-07-2010, 04:05 PM بص يا هاشم فصل المتفوقين علشان تدخله هتمتحن اختبار ذكاء زى اسئلة تيمز فى الرياضيات واسئلة تقيس ذكاء الطلاب بس مفيش حاجة تذاكر منها وتروح تمتحن .....لالالالالالالالالا دى اسئلة لو انت متفوق هتعرف تحلها بسهولة جدااااا .......... بس لو انت ............ (ربنا معاك) بهزر طبعا انت ركز الامتحان وانت هتلاقيه سهل جدااااا هاشم الشوربجى 08-07-2010, 12:38 PM شكرا لك يا احمد وربنا يوفقنا فى القادم ahmed ali12345 08-07-2010, 12:43 PM :022yb4:ان شاء الله يا هاشم:022yb4: وباذن الله هتنجح فيه..................بس ( متنساش الحلاوة):p:p:p اى استفسار انا فى الخدمة:078111rg3: الشيخ النوبى 08-07-2010, 01:43 PM في اي نوع تكون الاسئلة وهل هيكون سهل ياريت الرد بسرعة هاشم الشوربجى 08-07-2010, 03:01 PM اسئلة تيمز فى الرياضة تقيس مستوى الذكاء ahmed ali12345 08-07-2010, 03:26 PM الامتحان سهل باذن الله بس انت ركز فيه ومتتسرعش علشان لو اتسرعت هتغلط فى حاجات كتيييييييييير:006et4: زى ما قالك هاشم مثلا اسئلة تيمز وفوازير رياضية بس تكون مفيدة طبعا. يعنى مش هيقولك ليه الصعيدى ............؟:p لا حاجات محتاجة تفكير وبردو ممكن اسئلة تيمز فى العلوم تكون سهلة زى اللى كانت فى كتاب الامتحان بس حاجات بسيطة ;) انا كنت هدخل فصل المتفوقين بس مقدمتش لان المدرسة اللى فيها الفصل ده بعيدة جدااااا عننا ثم انى مش حاسس بأنه حاجة يعنى اصلا فى ثانوى مش هتحتاج المدرسة فى حاجة الا سنة اولى علشان اعمال السنة:d واصلا المدرسين ممكن هيعملوكوا على انكوا متفوقين لوحدكوا فممكن ميشرحوش حاجة اصلا ويقولوا منتوا عارفين كل حاجة:mad: بس الحاجة الحلوة اللى فيها انك هتكون مع طلاب قى مستواك فدا هيشجعك على المذاكرة :028ja7: معلش طولت عليكوا سلام:022yb4: salma hanem 12-07-2010, 12:33 AM لا لا يا جماعه عندنا هنا ف الدقهليه فيه ورق فائقين بينزل هاشم الشوربجى 13-07-2010, 01:44 PM ممكن تجيب الورق ده omnia badr 13-07-2010, 03:50 PM طيب احنا عندنا فى الشرقيه مفييييييييييييييش فصول متفوقين لييييييييييييييييه؟ فاطمة عبدالرحمن 13-07-2010, 05:40 PM لا فيه فى الشرقية فصول متفوقين وانا قدمت فيهم ايمان السايح 20-07-2010, 07:59 AM طب هو فى فى القليبوبيه؟ salma hanem 22-07-2010, 12:44 AM انا جيبت الورق سؤال الرسم مش فاهماه بحاول افهمه :d ندى اولى ثانوى 22-07-2010, 01:41 PM الامتحان سهل خالص فاطمة عبدالرحمن 22-07-2010, 02:16 PM انتى امتحانتى هاشم الشوربجى 22-07-2010, 03:00 PM فين الورق ده moon sky 25-07-2010, 12:32 AM الامتحان يوم 27 _7 وانا جبت مذكرة فيها امتحانات سابقة اسئلة سهلة يعنى مثلا يجبلك صورة اسد بيفكر ويقلك فماذا يفكر الاسد ومثلا يجبلك مجموعة من الكلمات ويقول طلع الكلمة المختلفة مثال :الطبيب -المريض -الممرضة_المرض المختلفة المرض لان كلهم اشخاص ويجبلك شكل هندسى ويقلك طلع منه رسمتين متشابهتين وحاجات رياضة يجبلك ارقام وانته تكمل الفاضى زى اكمل بالتسلسل يعتى عاوز تركيز salma hanem 25-07-2010, 05:31 AM انت محافظة ايه ؟؟؟؟؟؟؟؟ moon sky 25-07-2010, 12:32 PM انا من الدقهلية:022yb4: عمار رمزى احمد 25-07-2010, 12:58 PM بالنسبه لامتحان الدقهليه هو ببقى فين انا فى دكرنس بيبقى فى المنصوره basma elwany 25-07-2010, 10:23 PM انا كمان قدمت وجبت ورق قديم من سنة 2006 وكان سهل بس يارب الامتحان يجى منه اونفس مستواه:049gc0: salma hanem 25-07-2010, 11:29 PM * عمار رمزى الولاد بيبقوا ف مدرسه والبنات ف مدرسه عشان متسألش واحده بنت والامتحان يضيع عليك لما تروح مدرسه غلط :d * بسمة الدقهليه ولا ايه؟؟ سراقه 26-07-2010, 12:18 PM انا من محافظه الغربيه ليه الورق ده مش عندنا ممكن حد يعرض نماذج اكتر لاسئله omnia badr 26-07-2010, 02:16 PM انا كمان رايحه الاختبار بكره لو حد يقدر ينزل الورق ع المنتدى اكون شاكرة جدا damwsthel 26-07-2010, 03:06 PM انا كمان رايحه الاختبار بكره لو حد يقدر ينزل الورق ع المنتدى اكون شاكرة جدا وانا بردوا نفس الحكايه :bosyht9: lolaaa2010 26-07-2010, 03:44 PM انا كمان هاروح بكره الامتحان انا همتحن فى مدرسه الحلميه الثانويه بنات لو فى حد معايا ياريت يقولى ودى شويه حاجات لقيتها كده # الإمتحان هـ يبدأ الساعة 8صباحاً بس روحوا بدرى عشان الزحمه ع مستوى الجمهورية .. # اللجنة هـ يكون فيها 3 مراقبين .. # هـ ناخد السؤال الأول ومدته 10 دقايق بس ولو الوقت خلص وأنت لسة مش خلصت حل إنسى إنك ممكن تحله تاني .. وبعد الـ 10 دقايق دول هـ ناخد السؤال الثاني وله نفس المدة وهكذا لـ مدة ساعة ونص .. وبعدين هـ ناخد ريست " مش عارفة قد إيه بـ الظبط لـ الأأسف " .. بعد الريست هـ نرجع نمتحن تاني تقريباً بـ نفس النظام لـ مدة ساعة .. وبعدين هـ نروح ع بيوتنا << إن شاء الله نكون مبسوطين وقته ا.. #الإمتحان كل ع بعضه معلومات عامة وفوازير وأسلة ذكاء وكدة >> يعني الدَش ونظام الدحيحة ده مش هـ يكون موجود .. ومفيش أي حاجة هـ تيجي من منهج الإعدادية .. # و بـ يقال إنه اللجنة هـ يكون فيها بنات ع أولاد .. هاشم الشوربجى 26-07-2010, 06:27 PM لو سمحتم اى حد ينزل الورق بسرعة علشان الامتحان خلاص بكرة gogov2010 26-07-2010, 10:15 PM ادعولى يارب انجحححححححححححححححححح فى الامتحان بكرة يارب.............................................. ...................... امين ولكم تحياتى وشكرا لكل من ساهم فى هذا الموقع gogov2010 26-07-2010, 10:19 PM ادعولى وقولوا يارب انجح .................................................. ................................................. امين damwsthel 26-07-2010, 10:44 PM يااااااااااااااااااااااااااااااااااااااااااااااااا ااااااااااااااااااااااااااااااارب كلنا ننجح فيه بكره:bosyht9: gogov2010 26-07-2010, 10:48 PM انا داخل امتحان فصل المتفوقين بكرة..................... ادعولى بقى:av4056bb7jp3::friendsxs3::022yb4: gogov2010 26-07-2010, 11:17 PM ان شاء الله ناجح يا جوجو nada allam 27-07-2010, 12:38 AM اشمعنى الكلام ده مش عندنا فى الغربيه يا ناس ؟؟!!!! salma hanem 27-07-2010, 04:28 AM * nada allam مستويات يا ماما :p damwsthel 27-07-2010, 05:41 AM يا جماعه ادعولي انا خلاص نصف ساعه وهروح الامتحان moon sky 27-07-2010, 02:52 PM وانا خلصت الامتحان بخير الحدمد لله كان حلو جدا ارجوكم ادعولى انجح فية nada allam 27-07-2010, 06:05 PM ماشى يا سلمى ماشي متشكرين ع العموم مدرسننا بحالها هتكون متفوقين ان شاء الله مش فصل واحد ولا اتنين وافتكريها يا عم (((((المستويات )))))...!!! damwsthel 27-07-2010, 07:12 PM وانا خلصت الامتحان بخير الحدمد لله كان حلو جدا ارجوكم ادعولى انجح فية وانا كمان خلصته وكان حلو بس ياررب انجح فيه المستر اللي كان واقف علينا بيقول انوا مفيش حد بيسقط فيه فانا مش عارفه ان الكلام ده صح ولا لا لو حد عارف ياريت يقولي damwsthel 27-07-2010, 07:24 PM اااااااااه صح حد يعرف النتيجه بتعتها بتطلع امتي وهعرفها منييييييييييييييين moon sky 27-07-2010, 10:54 PM ايوه انا كمان عاوزة اعرف النتيجة هتظهر فن وامتى انتى محافظة اية يا damwsthel هاشم الشوربجى 27-07-2010, 11:16 PM النتيجة تظهر قيل الدراسة باسبوعن ى المدرسة اللى قدمتوا فيها damwsthel 27-07-2010, 11:24 PM ايوه انا كمان عاوزة اعرف النتيجة هتظهر فن وامتى انتى محافظة اية يا damwsthel انا محافظه الجيزه وانتي محافظه ايه damwsthel 27-07-2010, 11:28 PM النتيجة تظهر قيل الدراسة باسبوعن ى المدرسة اللى قدمتوا فيها بس لسه كل الوقت ده يعني كده هتظهر في اول 9 :( :wacko: طب يعني مينفعش نعرفها قبل كده omnia badr 27-07-2010, 11:32 PM اانا محافظة الشرقيه والنتيجه هتظهر على النت وفى المدارس قبل الدراسه باسببوعين وكمان المستر اللى كان بيراقب عليا كان بيقولى ان اللى بيصححوا الورق دول اساتذه جامعه هاشم الشوربجى 28-07-2010, 12:35 PM هتظهر على لنت فى موقع الوزارة ولا ايه moon sky 28-07-2010, 10:43 PM انا من الدقهلية ويارب كلنا ننجح ان شاء الله:022yb4: salma hanem 29-07-2010, 12:07 AM مش حكايه مفيش حد بيسقط فيه شوفى هو فصل الفائقين لازم يكون العدد اللى فيه تلاتين فلو عدد الناجحين ف امتحان الفائقين زاد عن كده هيبدأوا ياخدوا بمجموع تالته اعدادى لو انتى جايبه مجموع كبير هتدخلى اكيد ان شاء الله انا الدقهليه كماااااااااان بيس :d omnia badr 29-07-2010, 03:29 AM ده احنا عندنا مش مكملييييييين 7 اللى امتحنوا من مدرسه وحده يبقى ازاى damwsthel 29-07-2010, 04:19 AM احنا بقي حوالي 12 دخلوا الامتحان يعني كدا كلنا داخلييييييييييين salma hanem 29-07-2010, 06:05 AM * omnia badr يبقى انتوا السبعه بس اللى هتبقوا ف الفصل ههههه معرفش والله هو ده النظام عندنا :d omnia badr 31-07-2010, 11:56 AM ههههههههههههههههههههههههههه ده لو نجحنا هههههههههههه mohamed naser 63 31-07-2010, 06:47 PM انا روحت الامتحان فعلا يا جماعة وكان سهل جدا بس كان فية سوءال المكعبات وحش بس وكان فية حل للمشكلات ووصف للمواقف وجداول تيمز فى الرياضة انامن دكرنس وامتحنت فى المنصورة وعلى فكرة اتحنا بنات وبين Captin Hoba 31-07-2010, 06:57 PM فيه في الغربيه بس ما رضيتشي اقدم فيها مع اني جايب مجموع عالي omnia badr 01-08-2010, 02:54 AM المكعبات ده كان صعب ورخم جدا salma hanem 01-08-2010, 11:47 AM ده كان حتة سؤال بايخ بتاع المكعبات ده يالهوى يا ناس منه الله وانا اعرف منين يعنى شكل المكعب بعد طيه ما كلهم ينفعوا الله وسؤال المواقف والمشاكل قال ايه يقولك قدم حلول غير مسبوقه كأنى ابو بكر الرازى قدامه بيكرهونا فيه omnia badr 01-08-2010, 11:04 PM ايووة والله عندك حق انا مكتبتش الا اتنين فى كل وحده ايه الهبل ده يعنى هنخترع حلول احمد حسنى عثمان 04-08-2010, 06:11 PM انا والله ريحت دماغى واكتفيت بالمدرسة العادية ودا ليه لان محدش من مدرستى فكر انه يروح فصول المتفوقين ( انا لاقيت كله لا يرغب قلت وانا كمان ) ربنا يعدى الثانوى على خير ونجيب الكلية اللى ف دماغنا . بالتوفيق للجميع كريم علاء محمد 06-08-2010, 01:13 PM انا امتحنت الأمتحان ده يوم 27 /7 وكان سهل مكنش فيه غير الميكانو هو الصعب لأنى مبفهمش فيه Awatef Esmat 12-08-2010, 04:42 PM ايه الميكانو ده؟؟؟؟؟؟؟؟ !! Dark Man !! 22-07-2011, 03:50 AM اتمنى ان اى حد راح الامتحان ده يفيدينا هو اسئلته تتضمن ايه ودلوقتى يا جماعة انا جايب 294 ولو سقطت مثلا مش هدخله كده يلا ربنا يوفقنا جميعا وادعولنا بالنجاح تسنيم العسل 22-07-2011, 09:07 PM اه وانا اضم صوتى لصوت حضرتك وياريت لو حد يعرف حاجة ياريت يقولنا وشكرا جزيلا General Ahmed 23-07-2011, 04:49 AM وانا كمان اضم صوتى لصوتكما gogo333 23-07-2011, 04:56 PM يا جماعة انا عندى استفسار هو الامتحان دة عبارة عن اية وهو موجود فى محافظة القليوبية انا بصراحة مسمعتش حاجة عنة قبل كدة بس انا اما شوفت الكلام انا عايزة اخشة وازاى اخشة ولما اخشة وانجح فية هيفيدنى باية وشكرا Eng. Ahmed Hekal 23-07-2011, 10:47 PM أنا هخش الامتحان ده بس بتاع المدرسه هيكون يوم الثلاثاء الجاي يارب اتقبل بس أعتقد خلاص باب التقديم انتهى ahmedegypt1 24-07-2011, 06:48 PM انا عندى اسلام عنده امتحان يوم الثلاثاء حديعرف شكل الامتحان ايه او اختبارات الاعوام الماضية |