هيثم عبدربه
09-07-2010, 10:10 AM
ممكن بمرتب ال315 ان مدرس مساعد يبيع اعضاؤه عشان ياكل عيش وممكن تلاقيه بينادى فى سوق
حد عايز حتة منى
مش هبالغ مش هغالى
أصلى بايع غصب عنى
مش تجارة ف حر مالى
...حد ياخد قلب أبيض
اشترى به عيش وجبنة
حد ياخد ننى أغمض
اشترى به كيلو سمنة
تشتريلك كبد طازة
يشتغل ميت الف ساعة
عمره مابياخد أجازة
عمره أطول م الاذاعة
حد محتاج الصوابع
فيها ألف وألف حرفة
كهربائى بتاع مطابع
أسطى باشا أخد سلفة
حد ياخد معدة جامدة
ياما شافت ياما داقت
لا وبنت اصول معاندة
تسترك لو مرة جاعت
حد يطلب حد يؤمر
بس يدفع فورى كاش
اصل طعم الفقر
وياما قبلى باع وعاش
قلم /هيثم عبدربه السيد
القصيدة نشرت بجريدة الجمهورية
مستر طه أبوسمرة
12-07-2010, 05:49 PM
رائعة ....
سلمت يمينك يا استاذ / هيثم
امجد7007
13-07-2010, 11:43 AM
رائعه بجد وفعلا كلامك جه على الجرح استاذى الفاضل
ياريت حكوماتنا تنظر ماذا فعلت بمصر وبشعبها
هذه هى مصر التى كانت سله غلال الامبراطوريه الرومانية
لك الله يامصـــــــــــــــــــــــــــــــــــر
pirates
13-07-2010, 12:22 PM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههههههههه
لك الله يا مصر
يا بلدي بصلنا شويه
احنا ولادك مش حد غريب
هيثم عبدربه
13-07-2010, 02:28 PM
شكرا الاعضاء الكرام على المرور الكريم ...وتعليقاتكم الرقيقة
أمير الشعـراء
13-07-2010, 04:21 PM
http://www.samysoft.net/forumim/shokr/2/xgxgvfg.gif
رائعة سلمت يداك
ابو رفيده وترنيم
13-07-2010, 05:57 PM
حد فاهم حاجه عنى
حد واخد باله منى . .
حتى عمى .. سبنى غارق أه فى دمى
حد فاهم منى حاجه طب يقولى ؟
مين مساعد ، ومين معلم
دانا باكل وبسمى
انا عايز حته منك وياك تقضى
حبيبك ابو رفيده
( انت جامد ) والله على موهبتك وألى الامام دائمــــــــــــــــــــــــــــــــا
Yasser Gabr
19-07-2010, 11:43 PM
الله يبارك لك ف البضاعة
بجد تحفة
والفكرة جامدة جدا
معندكش شوية دم زيادة بدل اللى اتحرق؟
:giljotiiniug3:
مـــــلك
19-11-2012, 09:30 AM
وربنا بجد هاااااااااااااااااااايلة جدا
بأستثناء أنها خفيفه
الا انها موجعه جدا جدا
سلمت يداك
مريم السباعى.
19-11-2012, 01:38 PM
كلمات صعبة وافكار قوية
لمست قلوبا كثير وجدد احزننا ولكن لا قاول غير لكى الله يا مصر
وربنا يوفقك
وتتحفنا دائما باداعك
فاروق ابوعيانه
24-11-2012, 11:08 AM
رائعة كلماتك أخى الفاضل
رائعة ممزوجة بالأوجاع والآلام
ولكنه الواقع
أستاذ هيثم لقد أجدت فى تعبيراتك وأفكارك
ووصلت إلى مستوى إبداعى شديد التميز
ننتظر منك إبداع جديد
_وهج_
24-11-2012, 12:16 PM
كلماتك في غايه الروعه
بارك الله فيك