Nora_T93
11-07-2010, 01:12 AM
انا ابدأ
جبت
88.7%
نقصت ف كل المواد 7 درجات و نص و نقصت ف الكميا لوحدها 15 درجة و نص
علمي مرحله اولى
جبت
88.7%
نقصت ف كل المواد 7 درجات و نص و نقصت ف الكميا لوحدها 15 درجة و نص
علمي مرحله اولى
|
مشاهدة النسخة كاملة : يلا هنا اللي جاب اقل من 90% Nora_T93 11-07-2010, 01:12 AM انا ابدأ جبت 88.7% نقصت ف كل المواد 7 درجات و نص و نقصت ف الكميا لوحدها 15 درجة و نص علمي مرحله اولى اسماعيل البدرى 11-07-2010, 01:14 AM 60% ادبى مرحلة اولى انا هولع فى نفسى Dr.Gehad 11-07-2010, 01:16 AM متولعش يا بابا انت ادبى انما احنا علمى عندنا 81 دى ملهاش لازمه rainbow 11-07-2010, 01:18 AM يا جماعة لو سمحتو هوا كام اصلا عدد اللي جايبين فوق ال 90% Nora_T93 11-07-2010, 01:21 AM نفسي اعرف يا رب نكون احنا أكتر اسماعيل البدرى 11-07-2010, 01:22 AM حسبى الله ونعم الوكيل ممكن سؤال هو ممكن النت يكون غلطان ولا النتيجة دية صح 100% Mohamed.Helmy 11-07-2010, 01:24 AM أنا أعرف واحد جايب 99 والله rainbow 11-07-2010, 01:24 AM في موقع elmo3alm تقريبا فيه بس مش راضي يفتح عندي ممكن تحاولي فيه؟ Nora_T93 11-07-2010, 01:28 AM أنا أعرف واحد جايب 99 والله شكرا ؛ انت فعلا فرحتنا جامد و ادتنا امل ف درجتنا ؛ مش فرق كبير هههههه كونان العرب 11-07-2010, 01:31 AM و انا اعرف اتنين جابوا 99.5% ما شاء الله **اية 11-07-2010, 01:35 AM انا ابدأ جبت 88.7% نقصت ف كل المواد 7 درجات و نص و نقصت ف الكميا لوحدها 15 درجة و نص علمي مرحله اولى الف مبرووووووووووووووووووووووك اولا مجموعك مش وحش شدي حيلك وربنا يوفقك السنة القادمة وتجيبي إن شاء الله الدرجات النهائية اهم حاجة انسي اللي فات وركزي جدا في اللي جاي Nora_T93 11-07-2010, 01:37 AM فرحونا اكتر هههه ؛ ما شاء الله و مبروك بس الي يعرف حد جاب اقل من 90 يقول اصل الموضوع مش للي جايب 99 **اية 11-07-2010, 01:37 AM 60% ادبى مرحلة اولى انا هولع فى نفسى مبرووووووووووك والحمد لله علي كل شئ ركزي وشدي حيلك وربنا يوفقك السنة القامة إن شاء الله Nora_T93 11-07-2010, 01:40 AM الف مبرووووووووووووووووووووووك اولا مجموعك مش وحش شدي حيلك وربنا يوفقك السنة القادمة وتجيبي إن شاء الله الدرجات النهائية اهم حاجة انسي اللي فات وركزي جدا في اللي جاي ربنا يخليكي يا رب ؛ فعلا عايزين كلنا نشد حيلنا السنة الجاية rainbow 11-07-2010, 01:40 AM انا اخويا جاب 86.5% مستر هجان 11-07-2010, 01:42 AM انا قريبتي جابة 88 % علمي رياضة Elmagician 11-07-2010, 01:45 AM انا أعمل أية جايب 90% أكمل علمي رياضة ولا أحول أدبي حد يرد بسرعة Nora_T93 11-07-2010, 01:45 AM انا علمي رياضه برضه ؛ ؛ ان شاء الله علينا التنسيق يقل أحمد الزنارى 11-07-2010, 01:47 AM الحمد الله انا جبت 91 بس كل اصحابى اقل من 90 واحد 86 اربعة 75 واحد 68 و هكذا Elmagician 11-07-2010, 01:48 AM حد يقولي هينفع لو شديت حيلي في ثالثة ولا لا توتة احلى بنوتة 11-07-2010, 01:50 AM مش شرط اقل من 90 انا92.4وعلمى علوم وطبعا ملهاش لازمة لان كان عليا امل كبيييييييييير قدر الله وما شاء فعل اهىء اهىء اكيد ان ربنا بيقدر لنل الاحسن وهو ده اللى بيخفف عنى Elmagician 11-07-2010, 01:52 AM انا جبت درجة زبالة في الرياضة عكس المواد الثانية جايب فيها درجات كويسة Elmagician 11-07-2010, 01:57 AM انا بتمني التنسيق يقل إن شاء الله ولكن ياجماعة ماتنسوش إن فيه سنة ثالثه فتحبطوش نفسكم واجتهدوا وإن شاء الله ربنا مش هيضيع تعب حد وانا معاكم إن شاء الله Mohamed.Helmy 11-07-2010, 01:58 AM أقولكم درجاتى : عربى 27.5 انجليزى 20 فرنساوى 47.5 تاريخ 49.5 رياضيات 30 يعنى لو جبت 40 فى الرياضة كان زمانى جايب 90 % ... الحمد لله الحمد لله الحمد لله ... قدر الله وما شاء فعل 85 % مش وحشة برضه ...بعدين أنا عاوز أدخل فنون جميلة Nora_T93 11-07-2010, 01:58 AM انا جبت درجة زبالة في الرياضة عكس المواد الثانية جايب فيها درجات كويسة بص أولا ده بيعتمد على انت حابب ايه ناس كتييير جدا بتدخل هندسه لا بيفلحوا فيها ولا حاجة على الرغم من انهم بيكونوا جايبين في ثانوي 99% ثانيا انت لو شديت حيلك في تالته بتفرق جامد خد بالك انو في مستوى رفيع يرفعك خمس درجات بحالهم و في تالته و ثانية سوا من 410 يعني كل 4 درجات بواحد ف المية انت جبت 90% يعني ناقص 20 ف المية لو نقصت 10 درجات ف تالته يعني 30 درجة في تانية و تالته اقسم 30 على اربعة علشان تعرف ناقص كام ف المية يعني ناقص 7 ونص ف المية يعني جايب 92.5% جميل جدا تدخل هندسة Nora_T93 11-07-2010, 02:00 AM أقولكم درجاتى : عربى 27.5 انجليزى 20 فرنساوى 47.5 تاريخ 49.5 رياضيات 30 يعنى لو جبت 40 فى الرياضة كان زمانى جايب 90 % ... الحمد لله الحمد لله الحمد لله ... قدر الله وما شاء فعل 85 % مش وحشة برضه ...بعدين أنا عاوز أدخل فنون جميلة جميل ولله شد حيلك ف تالته جامد مفيش رياضة ولا فرنساوي و انت ما شاء الله جايب حلو في بقيت المواد يعني تدخل فنون جميلة و أنت مغمض d: Nora_T93 11-07-2010, 02:12 AM انا حاسة ان المجاميع مقلتش ولا حاجة لسة في ناس كتير مجاميعها خرافية ربنا يوفق الجميع و يارب درجات التنسيق تنزل و تبقى معقولة **اية 11-07-2010, 02:14 AM أقولكم درجاتى : عربى 27.5 انجليزى 20 فرنساوى 47.5 تاريخ 49.5 رياضيات 30 يعنى لو جبت 40 فى الرياضة كان زمانى جايب 90 % ... الحمد لله الحمد لله الحمد لله ... قدر الله وما شاء فعل 85 % مش وحشة برضه ...بعدين أنا عاوز أدخل فنون جميلة ربنا يوفقك وتدخل اللي تتمناه إن شاء الله rainbow 11-07-2010, 02:14 AM انا حاسة ان المجاميع مقلتش ولا حاجة لسة في ناس كتير مجاميعها خرافية ربنا يوفق الجميع و يارب درجات التنسيق تنزل و تبقى معقولة يا رب درجات التنسيق تنزل يا رب ربنا يستر Elmagician 11-07-2010, 02:20 AM Merci beaucoup Nora_T93 11-07-2010, 02:25 AM بس اهم حاجة نشد حيلنا في مدرسة عندنا في اسماعيلية بالكامل ساقطين يعني مش فرق درجة أو نص أو ساقطين في مادتين في ناس ساقطة ف الخمس مواد درجات غريبة أوي 3 في الرياضة و 10 ف العربي و حاجات كده ana_Esraa 11-07-2010, 02:30 AM ألحقوووووووني انا جبت 92.9% علمي احياء وخلاص اخدت احياء السنه دي اكمل علمي ولا احول اكيد مش هلحق ولا كلية قمة السنه الجايه بس والله اتظلمت في الاحياء وكمان لو حد يعرف ازاي بنكشف عل درجاتنا يقولي وربنا يجازيكم خير ومبروك للجميييع Nora_T93 11-07-2010, 02:33 AM انتي لو شديتي جامد ف تالته ممكن ان شاء الله تدخلي صيدلة لأن زي ما قلت مجموع تانية و تالته سوا بيبقى ال 4 درجات ب واحد ف المية لو شديتي حيلك ان شاء الله هتحصلي صيدلة rainbow 11-07-2010, 02:35 AM يا جماعة انا و الله اخويا جايب 86% و احياء و ان شاء الله هيكمل علمي احنا منعرفش التنسيق هيبقى عامل ازاي Nora_T93 11-07-2010, 02:36 AM مظبوط rainbow أنا من رأيي نبتدي نذاكر من دلوقتي و المنهج عالمنتدى يعني مش كده هههههههههههههههه :D:D rainbow 11-07-2010, 02:39 AM استعينو بالله rainbow 11-07-2010, 02:40 AM هههههههههه ana_Esraa 11-07-2010, 02:42 AM ياااااااااااارب ربنا يكرمني في تالته نفسي ابقى دكتوووووورة اووووي والله ادعولي من قلبكم بجد ان ربنا يكرمني وادخل صيدله علشان افرح بابا وماما بس الكيمياء والفيزيا سهل اجيب فيهم درجات عاليه؟؟ Nora_T93 11-07-2010, 02:46 AM أنا بكره الكيميا من زماااااااااان لكن الفيزياء ممتعه مذاكرتها أنا ف أولى ثانوي طبعا ماكنتش اعرف اي حاجة ف أي حاجة بس كنت بذاكر قبل الامتحان باسبوعين الكميا كانت مقرفة لكن الفيزيا كنت بحب اقراها و احل مسائلها يعني بصراحة أنا شايفة الفيزيا احلى من الكميا بسس الناس بيقولو ان صعب حد يجيب فيها الدرجة النهائية يعني بينقصوا لو ذاكرو بالكتير درجة أو درجة و نص يعني اطمني ان شاء الله و اللي ربنا كاتبهولنا هناخده Mohamed.Helmy 11-07-2010, 02:48 AM حد يعرف فنون جميلة بتاخد من كام ؟؟؟؟؟ ana_Esraa 11-07-2010, 02:49 AM iهو انتي كمان في تانية يانورا ؟؟؟؟؟؟؟ انا بجد جالي اكتئاااااب وحاسه اني مش قادرة اكمل ومن الاخر حاسة ان مليش مستقبل في علمي ده ......:frown::frown::frown: Nora_T93 11-07-2010, 02:51 AM أنا ف تانية ثانوي بس مرحلة أولى لكن بتكلم على فيزيا و كمياء بتوع أولى ثانوي Nora_T93 11-07-2010, 02:58 AM حد يعرف فنون جميلة بتاخد من كام ؟؟؟؟؟ متخافش أعلى فنون جميلة (فنون الاسكندرية) كانت ف 2009 من 368.5 يعني 89.9% وده لما المجاميع كانت عالية جدا يعني ان شاء الله هتحصلها و أكتر بس انت عايز فنون جميلة ولا فنون تطبيقية؟؟ elmo3zeb 11-07-2010, 02:59 AM 75% مظلوم والله Nora_T93 11-07-2010, 02:59 AM هي يا اسراء الكميا سهل تجيبي فيها مجموع بس تشدي حيلك لأنها محتاجة مذاكرة جامد أنا مكنتش بذاكرها علشان كده نقصت فيها لكن كتير بيقفلوها متقلقيش Nora_T93 11-07-2010, 03:01 AM 75% مظلوم والله علمي ولا أدبي؟؟ اسامه نور الدين 11-07-2010, 03:02 AM انا جايب 80.2 ممكن استفسار انا علمى احول ولا ايه انا عاوز اكمل و اشد حيلى بس كان نفسى ادخل كليه العلوم بس خلاص ضاعت Nora_T93 11-07-2010, 03:11 AM انا جايب 80.2 ممكن استفسار انا علمى احول ولا ايه انا عاوز اكمل و اشد حيلى بس كان نفسى ادخل كليه العلوم بس خلاص ضاعت علوم القاهرة سنة 2009 كانت من 90.7% يعني انت ناقص 40 درجة علشان تدخلها لازم ف تالته ثانوي متنقصش بس القاهرة دي أعلى حاجة بس انت شوف انت عايز تدخل ايه غير علوم هل هو ف علمي ولا ف أأدبي ضوء الشمس 11-07-2010, 03:14 AM مدرسة ايه في اسماعيلية اللي كلها ساقطة؟ انا من اسماعيلية Nora_T93 11-07-2010, 03:15 AM مدرسة مكة المكرمة الخاصة يللا نقوم نصلي الفجر و ندعي ربنا يوفقنا في السنة اللي جاية ان شاء الله elmo3zeb 11-07-2010, 03:18 AM علمى اعمل ايه بس Nora_T93 11-07-2010, 03:22 AM انت لو منقصتش حاجة ف تالتة تجيب 87.8% تقدر بيها تدخل حاسبات ومعلومات كلية قمة أو اي كلية أدبي بس أنا شايفة انك أحسن تعمل تظلم لو حاسس انك فعلا مظلوم و بتفرق جامد على فكرة ربنا معاك شد حيلك elmo3zeb 11-07-2010, 03:24 AM امى قلتلى حصل كدة مع اختك وعملنالها تظلم ومعطولهاش حاجة مع ان كان ليها 10 درجات قلولها ارفعى قضية وانا مظلوم فى 15% seule 11-07-2010, 03:26 AM يلا يا جماعة حصل خير ارموا الكلام ده ورا ضهركم و استمتعو بالاجازة والخير فيم اختاره الله نورا انتى من مدرسة ايه اصلك بتفكرينى بواحدة اعرفها ؟ Nora_T93 11-07-2010, 03:27 AM حاول جرب ممكن تكون المكشلة ف المجموع هما بيحسبو المجموع يعني لو انت حالل صح و عملوهالك غلط مش بيعدلوها لكن بيعيدوا الحساب بس ولله بتفرق جرب انت ممكن محصلش نصيب مع اختك لكن ممكن يحصل معاك بس حاول و ربنا معاك Nora_T93 11-07-2010, 03:28 AM يلا يا جماعة حصل خير ارموا الكلام ده ورا ضهركم و استمتعو بالاجازة والخير فيم اختاره الله نورا انتى من مدرسة ايه اصلك بتفكرينى بواحدة اعرفها ؟ انتي مريم مش كده أنا هطق اصلا ده محدش عاجبو الدرجة خاااالص seule 11-07-2010, 03:33 AM هبوظ انا الموضوع خالص ما علينا سايبانى هنا بموت من القلق عليكى وانتى هنا بتعملى مواضيع اصلى الفجر وتفتحى ايميلك اكلمك عليه عشان خاطرى Nora_T93 11-07-2010, 03:37 AM اوك أنا بس شكلي هنكد عليكي اصلا محدش اتصل باركلي غير خالتو و عمو فتحي تخيلي ههههههههههههه بس انا بقى مصدعة و حالتي بالبلا مش هطيقي تكلميني اصلا بس هفتح الميل أوك هقوم اصلي علشان مصلتش و حرام كده ومعرفش ذنب ايه الناس ب خالتو ناديو ولا عمو فتحي ههههههههه يللا معلش يا جماعة كأنكو مقرتوش المسج دي مروه 11-07-2010, 03:54 AM كويس لسه فيه امل اهوه أمير بلا إمارة 11-07-2010, 04:14 AM عربي 26.5 انجلش 22 رياضة 45.5 فرنساوي 49 كيميا 50 مجموع 193 النسبة 94.2 وانا علمي علوم احول رياضة ولا ممكن الحق صيدلة انا نفسي في صيدلة جدا ادعوللللللي يااااااارب Nora_T93 11-07-2010, 04:21 AM تلحقي شدي حيلك بس احمد زه 11-07-2010, 05:07 AM 79% ايه الناس الى كلها فوق ال97 دى انا مصدوم و الله حرام كده :*:* Nora_T93 11-07-2010, 05:09 AM و أنا ولله دول كتير جدا يعني كده التنسيق زي ما هو ولا ايه حاسة ان احنا اقل منهم احمد زه 11-07-2010, 05:16 AM مستحيل يعنى امال فين الناس الى كانت بتصوت :frown: كده كتير و الله و حاسس إن كتير كدابين لأن بجد اعصابى متوتره جامد جداً لأن لو الدرجات دى حقيقه يبقى انا خلاص رحت فى داهيه soley93 11-07-2010, 05:18 AM 63% وشايل رياضيات وبفكر اعيد السنة احمد امام 1966 11-07-2010, 05:23 AM يوسف ابني جاب 168 يعني 82% علمي علوم وكان املنا في صيدلة لكن بالشكل ده ضاع الامل خلاص وشكل المجاميع انها مرتفعة قدر الله وماشاء فعل بس لو تنصحونا يحول ادبي ولا يكمل علوم لان درجاته دي مدخلوش كلية صيدلة ابدا Nora_T93 11-07-2010, 05:28 AM هو لازم صيدلة يا اما مافيش ... طب ما تسألوه هو عايز يدخل ايه في ناس فتجارة بيقبضو ف البنوك 2000 جنيه و بتاع الصيدلة اول ما يتعين يقبض 400 جنيه معدتش بقى كليات قمة كله بقى فشنك soley93 11-07-2010, 05:32 AM هو لازم صيدلة يا اما مافيش ... طب ما تسألوه هو عايز يدخل ايه في ناس فتجارة بيقبضو ف البنوك 2000 جنيه و بتاع الصيدلة اول ما يتعين يقبض 400 جنيه معدتش بقى كليات قمة كله بقى فشنك ------------------------------------------------- علي فكرة الموضوع لو كله موضوع فلوس يبقا التعليم ده اصلا ملوش اي كرامة ولا لازمة طالما هنعد نحسب في الفلوس Nora_T93 11-07-2010, 05:36 AM مش القصد لأني بستغرب من موضوع القمة أصل كل الناس ناوية علقمة علشان الفلوس ده اللي اعرفه لأن لو هو مش ف صيدلة و دخل علوم هل ده معناه اه أقل من اللي ف صيدلة بالعكس هو بيدرس زي صيدلة و طب بس مش عارفة مين اخترع حكاية القمة Nora_T93 11-07-2010, 05:37 AM و بعدين فعلا التعليم ف مصر ملوش اي كرامة لأننا بنطلع من هنا ننسى من هنا أسألنا فأي حاجة مش هنعرف نجاوب soley93 11-07-2010, 05:40 AM في بردوا كليات ممكن مع بعض الشهادات والكورسات يوجد لها شغل زي تجارة وسياحة وفنادة والسن Karim Abd Elkader 02-08-2010, 02:04 AM انا للأسف جبت 90% بس الحمد لله على كل شئ انا خدت كيمياء و مش عارف ادخل علمى رياضة يمكن ربنا يكرمنى و ألحق هندسه أو حاسبات و معلومات ولا ادخل ادبى ؟ يعنى من غير ما أطول عليكم هل فى أمل أنى أدخل هندسة او حاسبات و معلومات؟ و الامل ده يكون موجود لو جبت كام السنة الجيه ان شاء الله؟ بس يا ريت متخدوش فى اعتباركم تنسيق سنة الفراغ سارةالنودى 02-08-2010, 03:20 PM أقولكم درجاتى : عربى 27.5 انجليزى 20 فرنساوى 47.5 تاريخ 49.5 رياضيات 30 يعنى لو جبت 40 فى الرياضة كان زمانى جايب 90 % ... الحمد لله الحمد لله الحمد لله ... قدر الله وما شاء فعل 85 % مش وحشة برضه ...بعدين أنا عاوز أدخل فنون جميلة زي درجات بس مع الفرق انا مش عندي فرنساوي فشيلوها وبعدين جبت درجة زبالة في الكيمياء 40يعني انا زيك في الرياضيات والعربي اما الانجليزي لا انت اكتر انا جبت 18 ونص طبعا عملت تظلم في الرياضة والكيمياء طلع ليا 9 درجااااات وقابلني لو خدتها علي فكرة ما كنتش عاوزة اقول لحد خالوها سر:slap1qk6::slap1qk6: اتفقنا :040vk0: انشاء الله التنسيق ينزل واحنا نعلي عموما لازم نكون عارفين انو الثانوية الزفتة مش مقياس المهم تنجح في الكلية او الشغل او بيتك مستقبلا وربنا يوفقنا كلنا سارةالنودى 02-08-2010, 03:40 PM بصو ياجماعة الي فات مات والعزاء كمان خلص نبدأ من جديد وبعدين احنا احسن من غيرنا احنا لسه قدمنا فرصه يعني لا تدع للاحباط مكان في قلبك لان انا عارفة الاحباط دا ما بيروحش ولا حتي بمئة علب بندول لكن ممكن يروح لو رجعنا لربنا انا عن نفسي عرفت اخطائي اي نعم خسرت كتير لكن ممكن اعوض فعلا مش هلحق اعوض كله لكن علي الاقل لما يجي يوم التنسيق ما اقعدش اعيط والدنيا تبقي سودة واقول الكلمة المشهورة يا ريت ............. ممكن يكون اهلنا بنو علينا امل كبير وراح مع المجموع الجميل لكن حااااول حتي عشان ترضيهم ولا ايه رأيكم ؟؟؟؟؟؟؟؟؟؟ سارةالنودى 02-08-2010, 03:41 PM أقولكم درجاتى : عربى 27.5 انجليزى 20 فرنساوى 47.5 تاريخ 49.5 رياضيات 30 يعنى لو جبت 40 فى الرياضة كان زمانى جايب 90 % ... الحمد لله الحمد لله الحمد لله ... قدر الله وما شاء فعل 85 % مش وحشة برضه ...بعدين أنا عاوز أدخل فنون جميلة هو لازم صيدلة يا اما مافيش ... طب ما تسألوه هو عايز يدخل ايه في ناس فتجارة بيقبضو ف البنوك 2000 جنيه و بتاع الصيدلة اول ما يتعين يقبض 400 جنيه معدتش بقى كليات قمة كله بقى فشنك والله عندك حق فعلا امال البطالة دي جيا منين؟؟؟؟؟؟؟؟؟؟؟؟ عالم المذاكرة 02-08-2010, 08:15 PM يا جماعة احنا بنقول اللى اقلمن90% اعصابنا كدة حرام عالم المذاكرة 02-08-2010, 08:16 PM انا جبت 74% ادبى ودور تانى رياضة تخيلوا يا جماعة عطينى 15 فى الفرعين وعملت تظلم ومطلعليش حاجة حسبى الله ونعم الوكيل darkmazoori 06-08-2010, 03:51 PM انا جايب 55% وعلمى علووم ازاااااااااااااااااااااى مش عااااااااااارف وكمان شايل كيمياء مدينى 8.5/50 والمفروض اجيب 47 !!!!!!!!!! والفرنساوى مدينى 31/50 المفروض اجيب فية 46 عندى ناس صحابى جايبين 39% والى جايب 44% والى جايب 60% انا كدة كدة هحول ادبى بس حد يقوووولى اعمممممل اييييييييييييييييية :frown: mbc_max 07-08-2010, 01:11 AM على كلامكم دة انا المفروض اروح انتحر انا جايبه 79% انا عمرى ما عيطت فى حياتى قد الييوم دة لان كل احلامى ولا واحد اتحقق وشكلها هترسى على حقوق او تجارة والله دعوتكم من انا ادبى على فكرة bahaaeldeen 07-08-2010, 03:50 AM خـــــــــــــــــــــــــــــــــــــــــــــــــ ــــــــــــــــــــــــبـــــــــــــــــــــــــ ــر هـــــــــــــــــــــــــــــام ياريت تسمعو كلامى وتحكمو انا خالى مدير ادارة ورئيس لجنة وعضو ف الكنترول مادة الرياضيات بيقول ان مجاميع تانية ثانوى نازلة والملاحق كتيرة اوى السنادى هتقولولى انتو كتير عدو التسعين هقولكو ان الدفعة عددها كبير وكمان كان فيه لجان سايبة ولجان شدت وتصحيح كوسة وتصحيح عادى والدليل على كدة انك تلاقى ناس مستواها اقل تلاقيهم جايبين اعلى منك ازاى متعرفش وكمان زى متش الكورة لما تلاقى منتخب مصر ف اخر عشر دقايق كسبان تحس انهم عشر سنين وتلاقى الوقت يعدى ببطئ ودة اللى ممكن يخلى التنسيق ينزل 1 او 2 ف المية ياما ينزل خالص او يفضل زى ماهو واحتمال يعلى وللاسف انا مش عارف انا نقلت ليكم كلام خالى ومش عارف اقول حاجة عموما انا جبت 88% علمى رياضة ونفسى اخش هندسة وبالنسبة للناس اللى داخلة تحرق دمنا بمجاميعها الخرافية وتغيظنا يارب يديهم ع دماغهم ف 3 عشان تحسوا باللى احنا فيه وياريت محدش ييأس لان اللى بييأس فينا يبقى ملوش مكان وبيموت واهم حاجة تبعدو عن الصحاب اليهود اللئيمة اللى تقولك مش بذاكر وهما دحيحة العيال دى هتوقعكم زى ما وقعونى ويااااااااااارب يكرمنا احنا نتعب بس وندعى ربنا اخوكم بهاء مستني ردودكم على كلامى عالم المذاكرة 07-08-2010, 05:36 PM والله انت كلامك صح فعلالا تصيحيح الرياضة بالنسبالى كوووووووووووووووووووسة حد يتخيل ان واحدة صحبتى ليلة امتحان الرياضة كانت لسة متعرفش الsin من الcos وتجيب 41 فى الرياضة وانا اجيب15 سبحان الله حظوظ وكمان تلاقى اللى داخلين دلوقتى يقولوا مجوعى94و97 ومجاميع زبالة هههههههه انتوا عايزيين اية دة المفروض تحمدوا ربنا طول مانتوا قاعدين waleed ansary 08-08-2010, 12:16 AM انا جبت 69.5 وهحول ادبى علشان احاول على قدر المستطاع انى اوصل لل 80 او ازيد وادخل تجاره ان شاء الله . ادعوووووووولى بس وربنا يوفق الجميع ان شاء الله mbc_max 08-08-2010, 01:48 AM يا جماعه انتو بتكلوا على الرياضه بلا فخر ياحلويين انا جايبه 27 فا ريت كل واحد يحمد ربه لانى مش عارفه انا جايبه دى منين انا فاشله فى الرياضه اة بس مش لدرجه دى واشكركم زيزى55 08-08-2010, 12:39 PM ياجماعه اذكروا ربكم وهو ان شاء سوف يعطى لكل واحد حقه واللى شايفه خير ليكم ومجمعكم كويس مش لازم تبصوا لاعلى منكم قولوا الحمد لله Eng:osama 08-08-2010, 01:42 PM ازيكوا يا جماعة بعد التحية::- حلوة بعد التحية دى !!! انا جايب 197.5 علمى وقررت ادخل علمى رياضة لكن مش عارف اخد مستوى رفيع اية وهل فى مستوى رفيع رياضة ؟؟؟؟؟؟؟ انا جايب فى الكيمياء 50 وفى الرياضة 50 اتظلمت فى العربى ولاقيت ليا درجات لكن فى التصحيح.. ومدونيش غير نص درجة لكن الحمد لله على كل شيء وهل ممكن الحق بترول وتعدين؟؟؟؟؟؟؟؟؟؟؟؟؟؟؟؟؟ Dr/ Nancy 11-11-2010, 02:42 AM هاى يا جماعة، أنا الحقيقة اتخرجت أصلا، بس عايزة أقولكمحاجة لعلها تساعدكم.. أنا كنت دايما باحلم انى أدخل طب أو صيدلة، و فى تانية ثانوى كانت الصاعقة جبت 94% طبعا حتقولولى ايه الدلع دا؟! بس والله كان بالنسبة لأحلامى كالصاعقة، و فكرت انتحر و حاجات هبلة كده.... المهم جيت فى تالتة ثانوى، اتقربت من ربنا جامد قوى، و قلت أنا حذاكر بس اخدا بالأسباب و انا حاسة اصلا انه خلاص راحت عليا!! رميت توكالى كله على الله، و شديت حيلى من حفظ و مراجعة و حل أسئلة بالعبيييييييططططط..... سبحان الله سبحان الله جبت فى تالتة بس 98% و المستوى الرفيع 10/10 و بقى مجموعى فى الثانوية العامة 97.3% دخلت صيدلة رجل على رجل بفضل الله و كان تحت ايدى طب بشرى برده.. ربنا ان شاء الله يعزكوا زى ما اعزنى.. اهم شىء التوكل على الله و أنك تاخد بالأسباب فى المذاكرة!!! احمد نيمو 13-11-2010, 11:11 PM مش عارف انا حاسس انى فاقد الامل انا جايب 84% ومكمل رياضة 2 على امل الحق فنون عمارة او فنون جميلة ومظلوم فى 9 درجات كيمياء و5 رياضة بجد التصحيح كوووووووووووسة وفى واحد صاحبى اقسملى بالله ان كان سايب سؤال فى الكيمياء لقى مدرس مديلو 5 من10 والى كان حالو صح شطب عليه غلط ههههههههه ماشوفتوش كوسة اكتر من كده محمود محمد رافت ابراهيم 18-11-2010, 01:11 PM انا جايب فى تانيه بالضبط 89.2 وداخل علمى رياضه واتمنى يكون فى امل وربنا يوفقنى ونفسى حد يالى فى امل اكمل علمى رياضه واحقق امل ولدى وولدتى فارس المحبة 22-11-2010, 02:19 PM انا جبت حاجة تغم انا علمى علوم وجبت مجموع يقهر بلاش اقوله احسن emyemo 26-11-2010, 03:48 AM انا ناقصة فى كل مادة درجتين معاددا الكيمياء 10 درجات و الرياضيات 30 درجة و مجموعة 68 بلا فخر بس انا كلمت علم احياء اهلى حطين امل اجيب 75 فى مية اعرف ادخل حاجة خاصة هههههههههههههههههههههههه lalian lali 27-11-2010, 08:53 PM حد يقولي هينفع لو شديت حيلي في ثالثة ولا لا انا لو منك احول ادبي انا حلت الادبي اسهل بكتير يعنى ممكن تجيب 100%بس المزاكرة اهم حاجة هتخش كلية حلوة lalian lali 27-11-2010, 08:55 PM أقولكم درجاتى : عربى 27.5 انجليزى 20 فرنساوى 47.5 تاريخ 49.5 رياضيات 30 يعنى لو جبت 40 فى الرياضة كان زمانى جايب 90 % ... الحمد لله الحمد لله الحمد لله ... قدر الله وما شاء فعل 85 % مش وحشة برضه ...بعدين أنا عاوز أدخل فنون جميلة انا بردوة جبت 81 % بس كنت علمى حولت السنة دى ونفسي اخش فنووووون تفتكر الحق؟؟؟؟ محمد طبل 04-12-2010, 01:36 PM انا جايب 97.5 % ومش عاجب اهلى Mohamed.Helmy 04-12-2010, 03:37 PM انا بردوة جبت 81 % بس كنت علمى حولت السنة دى ونفسي اخش فنووووون تفتكر الحق؟؟؟؟ اه باذن الله بس ذاكري كويس !! ايهاب المهندس 06-12-2010, 02:16 PM انا جايب80% ادبى Nora_T93 08-08-2011, 08:33 AM ياااااااااااااااااه الموضوع ده كنت كتباه بعد تانية ثانوي و انا الحمدلله خلصت تالته السنادي جبت مجموع كلي 92.5% مرحلة تانية في التنسيق الغريب ان ساعة الموضوع ده كنا حاسين ان الأغلبية أقل من 90% و سبحان الله دلوقتي المجاميع نااار اقولكم حاجة اتعملناها ان احنا منرميش أمل كده لأن الناس اللي نعرفهم جايبين مجموع قليل احنا منعرفش بكره هيحصل ايه أهم حاجة الواحد يجتهد على قد ما يقدر كل عام و انتم بخير و الحمد لله على كل حااال |