;) يا جماعة انا راحة تانية ثانوى ومرعوبة جدا لانى نفسى ااجيب مجموع عالى ياريت تقولولى على طريقة كويسة اذاكر بيها وكمان انا محتارة اخد كيميا ولا احياء فى تانية

افضل طريقة للمذاكرة بالنسبة ليا الى انا كنت بذاكر بيها وجبت 91
السنة الى فاتت فى 3
هى المذاكرة بالورقة والقلم والتركيز الجامد جدا فى المذاكرة بس مش اى حاجة تانية اوك
بالنسبة للاحياء انا ليا واحد صاحبى واخدها فى 2 السنة دى
بس انا بيتهيقلى تبقى تقيلة اوى فى 2 وعموما انتى احسن واحدة ممكن تحدد طريقة مذكرتك
والمواد الى انتى تختارها
وخليكى واثقة فى نفسك واعملى انتى قرارك ;)
وابقى ادعى لخوكى

وانا كمان زيك رايحه تانيه
امصحك شيلى الرعب دا من قلبك ........وزى ما كنتى متعوده انك تذاكرى خليكى على طريقتك
ولو مكنتيش بتذاكرى كويس حسنى شويه او زودى من وقت المذاكره لكن لو غيرتى
هتيجى على نص السنه وهتزهقى .........وعلى فكره تانيه سهله مش صعبه وكمان اسهل من اولى
ومتستغربيش لانى لسه مدخلتهاش بس عارفه منهج تانيه ........هو بس عاوز اهتمام واجتهاد بس وانتى
مش هتحسى اصلا فى ثانويه عامه .........وعلشان تثقى اكتر اختى السنه دى فى تالته ومجربه
اللى انا قلتهولك ده وحاليا احنا مش حاسين خالص ان احنا عندنا ثانويه عامه فى البيت وعلى فكره هى جابت
98,3 % السنه اللى فاتت علشان تصدقى.
وياريت تعرفى الكلام ده لاللى فى البيت علشان ميقلقوش وانتى كمان متحسسهمش انك قلقانه.
وانا اختك هنا لو احتجتى اى حاجه..
معلش طولت عليكى .......ياللا سلاااااااااااااااام

مرعوبة لية بس ؟؟
دة انتى لسة ما دخلتيش :P
بصى يا حبيبتى هدى نفسك خالص الموضوع مش مستاهل
ان شاء الله تجيبى مجموع عالى وتدخلى الكلية اللى نفسك فيها :)

بالنسبة لطريقة المذاكرة
اهم حاجة حاولى تنظمى وقتك
ويبقى فيه عدد ساعات معين للمذاكرة كل يوم
بس ما توتريش نفسك وما تموتيش نفسك فى المذاكرة من اولها
لكن ذاكرى عدد ساعات معقول ولما تيجى ايام المراجعة فى شهر 4 ان شاء الله تشدى حيلك جامد
وتذاكري اكتر بقى بكتير
بس لازم تراجعى دروسك اول باول من اول السنة كدة عشان مفيش حاجة تتراكم عليكى
اهم حاجة بس ما تقلقيش
هى ممكن تكون تجربة صعبة شوية لكن كلنا مرينا بيها ماتخافيش :)

بالنسبة بقى احياء ولا كيمياء ؟؟
دى حاجة ترجعلك بقى
اعملى استخارة وربنا يوفقك ان شاء الله
على العموم انا موجودة لو احتاجتى اى حاجة بجد انا ذى اختك بالظبط
ربنا يوفقك ان شاء الله
وابقى طمنينا عليكى

قبل ما ابدأ كلامى عايزة اشكركم كلكم اصل انا لو قلت ان انا اخد كيمياء ان شاء الله يعنى يقولولى الاحياء طويلة مع الفيزياء ولو قلت احياء يقولولى مش بيبقى فى وقت كتير مبنها ومبين الرياضة دا فى الامتحانات وكمان بيقولولى ان انا هقفل الطريق ادام نفسى بس انا من رايى ان احدد هدفى طلاما ا اخترت علمى علوم يبقى اخد ااحياء فى تانية عشان احفز نفسى على اساس ان الطريق مقفول قدامى يعنى لو مجبتش مجموع يبقى ضعت ولا اية رايكم ولتانى مرة انا بشكركم كلكم

<div class='quotetop'>إقتباس(منمين @ Jun 9 2007, 03:35 PM) 321798</div>
قبل ما ابدأ كلامى عايزة اشكركم كلكم اصل انا لو قلت ان انا اخد كيمياء ان شاء الله يعنى يقولولى الاحياء طويلة مع الفيزياء ولو قلت احياء يقولولى مش بيبقى فى وقت كتير مبنها ومبين الرياضة دا فى الامتحانات وكمان بيقولولى ان انا هقفل الطريق ادام نفسى بس انا من رايى ان احدد هدفى طلاما ا اخترت علمى علوم يبقى اخد ااحياء فى تانية عشان احفز نفسى على اساس ان الطريق مقفول قدامى يعنى لو مجبتش مجموع يبقى ضعت ولا اية رايكم ولتانى مرة انا بشكركم كلكم
[/b]
مش عارفة بقى و الله دى حاجة ترجعلك :unsure:
بس انا كنت واخدة احياء فى تانية على فكرة
على العموم ذى ما بقولك كدة اعملى استخارة وربنا يوفقك ان شاء الله