اللي هيدخل يقول الحمد لله علي نفسه؟؟ [الأرشيف] - بوابة الثانوية العامة المصرية

مشاهدة النسخة كاملة : اللي هيدخل يقول الحمد لله علي نفسه؟؟

الباش مهندسة.*.*.*.*

11-07-2010, 02:27 AM

اللي هيدخل يقول الحمد لله علي نفسة لان مااافيش حد زي
72في المية وعلمي رياااضة وكماان نفسي اروح هندسة
انتوا قولولي اعمل ايه ؟وانا والله مش مصدقة درجاات الرياااضة والكيمياء والفرنساوي
الكيمياء33,5
الفرنساوي42
الرياضياات 33,5

دا انا متخيلة اني اجيب 48كيمياء
وكماان الرياااضة منقص كدة دا التفاااضل 3درجاات والجبر انصاص علي الناتج

اعمل ايه .ايه الحل؟؟ساعدوني

الباش مهندسة.*.*.*.*

11-07-2010, 02:29 AM

ردوا علي ياجمااعة بسرعة ارجوكم

mai fathei

11-07-2010, 02:33 AM

]بصي بجــــــد انتي لو متأكدة من حلك انتي لازم تعملي تظلم
ومش تسمعي كلام اللي بيقولوا التظلم مش بتاخدي منه حاجة اعملي اللي عليكي وروحي شوفي ورقتك عشان ترتاحي
انا اصحابي عملوا تظلم واخدوا درجات ودا بيبقي مقدر ومكتوب وبيبقي توفيق من ربنا
بكررلك لو متأكدة فعلا من درجاتك اعملي تظلم وتوكلي علي الله[/color]

ana_Esraa

11-07-2010, 02:33 AM

اكشفي على نتيجتك يابنتي وان شاء الله يطلعلك درجات
انا كمان ناوية اكشف على نتيجة الاحياء
وربنا يكرمنا كلنا دا انتي لو طلعتي درجات في الكيمياء والرياضه هتفرق معاكي جاااااااااااامد
وربنا يقدرلك الخير احمدي ربنا على كل حال وخير ان شاء الله

الباش مهندسة.*.*.*.*

11-07-2010, 02:38 AM

انا والله مش عاارفه اعملايه
انا ابن عمي معااي في نفس الصف
بس جايب 95وهتجنن ومش مصدق اني اجيب كده
وكنا في الدروس مع بعض وهوكااان غلطان اكتر مني في الكيميااء
مش عرفه اعمل ايه
انا بنت عمي كانت في تانية ثانوي جايبة 93وعملت تظلم علي 9 درجاات في الكيمياء ومأخدتش اي حاجة

الباش مهندسة.*.*.*.*

11-07-2010, 02:42 AM

انا بفكر اعيد السنه.بس معرفش هينفع ولا ايه
احناا في مدرستنا مفيش غير كاام ولد وبنت وحدة اللي جابو فوق ال90 والباااقي في ال80و70
وانا عمري مهوصللفوق ال90 في ثالثة
لاني لو جبت 100في المية ودامستحيلهبقي جايبة حاجة و80
مش عااارفة؟
هو ممكن اطلب اعيد السنة
وحتي لو عملت تظلم ممكن اخد حقي كله واوصل ل85 وفوق
اكيد لأ طبعاااا

ممكن حد يقولي ينفع اعيد السنة

الباش مهندسة.*.*.*.*

11-07-2010, 02:44 AM

ردواعلي ..ارجوكم

ana_Esraa

11-07-2010, 02:46 AM

بصي بقى احمدي ربنا وقدر الله وما شاء فعل
وفي معهد سنتين كده لو دخلتيه بتكملي بعده على هندسه
هو كويس جدا ومستقبله ما شاء الله كويس كمان
وناس كتير اعرفهم دخلوه
سيبك بقى من تعيدي السنه والكلام الفاضي ده
ركزي في الجاي وبكرة اكيد احسن وربنا مقدرلك الخير
ولو مش عاوزة المعهد ده ممكن بقى تدخلي اي كلية وتثبتي نفسك فيها وتبقي احسن من مليون مهندس كمان
والف مبروك ياقمر وربنا كاتبلك الخير في درجتك دي

™ Ī ДӍ ҊǾŦ ДLΣǤΣҊÐ

11-07-2010, 02:52 AM

هدى اعصابك بس

على ما أظن ما ينفعش تعيدى السنه بعد ما نجحتى
بس اصبرى لحد ما يدخل عارف يفيدك

انا كنت أحياء وجبت فى تانيه 85
وكان نفسى اخش طب
ودخلت تالته وماكنش عندى امل ولا عندى نيه أذاكر لدرجه انى جيت فى نص السنه وبطلت دروس وبطلت مذاكره
وما روحتش اﻷمتحان
وعدت السنه وتقريبا نفس الطريقه بس دورت حواليا لقيت ان الطب ماكنش هدفى بل كان هدف اهلى ومشيت وراهم ﻷنى بصيت ان دى اكليه الى مفيش زيها وأنى هأبقى دكتور أد الدنيا والكلام الفاضى ده
بس فكرت لقيت ان فى حجات تانيه بحبها أكتر من الطب
وحاليا بأحاول انى أدخل حاسبات ومعلومات

مش مهم هتضيعى السنه دى ولا الى بعدها المهم انك تعرفى هدفك الحقيقى والى فعلا نفسك فيه ساعتها هتكونى مشيتى نص الطريق والنص التانى تحقيقه

الى عاوز أوصلهولك حددى هدفك الأول وتأكدى من انك الى أخترتيه وبعديت شوفى طريق لتحقيق الهدف ده
فتحقيق الهدف ربما يكون أصعب من الوصول إليه

الباش مهندسة.*.*.*.*

11-07-2010, 02:52 AM

معهد ايه ده؟
بس انا مش مصدقة

elmo3zeb

11-07-2010, 02:56 AM

ana_Esraa

11-07-2010, 02:57 AM

بصي هو معهد في ناس كتير تعرفه بس اسمه بالظبط انا مش عارفاه
انتي بتدخلي سنتين المعهد وبتروحي منه على كلية هندسه اعدادي على طول مش بتاخدي بقى اولى هندسه
اسأالي كده وانتي هتعرفي ناس كتير تقولك
وانا هسألك على اسمه وهقولك برده

الباش مهندسة.*.*.*.*

11-07-2010, 03:02 AM

يعني افضل في ريااضة ولا اعمل ايه

بس ياااجمااعةبجد ممكن اخد درجاات من التظلم
معلش انا والله عااملة زي المجنونة

™ Ī ДӍ ҊǾŦ ДLΣǤΣҊÐ

11-07-2010, 03:07 AM

قولتلك اﻷول حددى نفسك تخشى كليه ايه نفسك تبقى ايه؟

هل هدفك تبقى مهندسه؟ حاسه هتعملى حاجه فى المجال ده؟

لو اه احسن حل علشان يوفر سنين عمرك هو انك تكملى وتشدى وبعدين تخشى هندسه خاصه مثلا

او لو ينفع تعيدى السنه عديها وده هيأخرك سنه تقريبا لو ينفع

او فى حل تالت لو ماينفعش تعيدى دى تدخلى تالته وبعدين تعيدى الثانويه العامه ودى هيأخرك سنتين تقريبا

او موضوع المعهد ده وبرضه هيضيع سنتين

اما لو ناويه تغيرى موضوع الهندسه ده ممكن تحولى أدبى مثلا وتشوفى تجاره

وهكذا بس صدقينى اقعدى مع نفسك شويه وفكرى فى الكليه الى نفسك فعلا تخشيها

نصيحه من مجرب

الباش مهندسة.*.*.*.*

11-07-2010, 03:20 AM

انا مش عارفة افكر والله

الباش مهندسة.*.*.*.*

11-07-2010, 03:30 AM

بس انا والله نفسي في هندسة
ودا هدفي
ومش عارفة اعملايه
وحسة انمعدش عندي طرق امشي فيهااا
اناا ممكن اكمل في ريااااضة2وازود مجموعي ل80 بس وبعدين

™ Ī ДӍ ҊǾŦ ДLΣǤΣҊÐ

11-07-2010, 03:33 AM

انا مش عارفة افكر والله

صلى الفجر ونامى
وما تقلقيش سيبى الموضوع ياخد وقته ﻷن مستحيل فى دقيقه هتحددى هدفك
انا قعدت تلات سنين افكر
هههههههههههههههههههههههههههههههههه

بس مش تعمليش زيى يعنى ﻷنى مالقتش حد يوجهنى او يقولى اختار الى انت عاوزه

عاوزك تركزى على شويه حجات فى التفكير

شيلى من دماغك انك جبتى 72 خالص وفكرى كأنك لسه هتخشى تانيه وبتحددى عاوزه تخشى ايه بالظبط

حاولى تشيلى موضوع الهندسه من دماغك وما يدخلهاش تانى إلا لما انتى الى تاختاريها مش أهلك الى يختاروها ﻷنك انتى الى هتعيشى مستقبلك مش هم

بصى لكل المجالات بنظره متساويه وعادله يعنى ما تقوليش ده اﻷحسن وخلاص ... ﻷ .... قولى ده أحسن علشان فيه مميزات كذا وانا عوزاها وشدى تحت عوزاها خط واحد .. وابدأى شوفى الى فيه مميزات أكتر

كمان ما تبصيش للهندسه ان دى كليه قمه وهى دى الى اﻷهم والباقى بلاش

بس الأهم من دا كله انك تؤمنى من جواكى بنفسك وبأنك هتقدرى تعرفى هدفك وبعد كدا توصليله

وبالنسبه ﻷنك تعيدى السنه انا مش مع انك تضيعى سنه من عمرك بس على العموم فكرى وفكرى وفكرى
تصبحى على خير وعلى فكره انا جايب 65 فى الميه وشايل مادتين قوليلى مبروك D:

ومع ذلك متفائل وناوى اخش دور تانى وأعدى وأدخل حاسبات برضه ﻷن ده هدفى الى انا اخترته وانا مؤمن انى هوصله :p

™ Ī ДӍ ҊǾŦ ДLΣǤΣҊÐ

11-07-2010, 03:36 AM

بس انا والله نفسي في هندسة
ودا هدفي
ومش عارفة اعملايه
وحسة انمعدش عندي طرق امشي فيهااا
اناا ممكن اكمل في ريااااضة2وازود مجموعي ل80 بس وبعدين

اوك لو نفسك فى هندسه ممكن تكملى وتدخلى خاصه زى الدلتا ورفاقها وتقريبا السنه بتوصل ل 5 الاف

لو مش هينفع مفيش حل غير تعيدى ﻷن على ما أظن صعب تخشى هندسه ب 80 :/ والله اعلى واعلم ممكن أكون غلطان

بس فكرى مليون مره برضه فى الكليه الى عاوزه تخشيها

لو مش عاوزه هندسه وعاوزه حاجه تانيه قولى اوانا متابع معاكى الموضوع

الباش مهندسة.*.*.*.*

11-07-2010, 03:41 AM

ماشي بس عموماداهدفي انا
مش هدف اهلي خالص
واناا مش ببص علي ان هندسة دي كليه قمة وكده
ولا دا هدفي اناااوهوصلهان شااء الله
بس هفكرفي كلامكوا بردوا لانو صح وعقلانيجدا
شكرا ليكم كلكم

الباش مهندسة.*.*.*.*

11-07-2010, 03:42 AM

انااا هفكر جداا
بس هعمل كل اللي في وسعي
علشاان اوصل لهدفي
واناا هفكر في هدفي من جديد

fuoozz

11-07-2010, 03:44 AM

الباش مهندسة.*.*.*.*

11-07-2010, 03:48 AM

انا فكرت اني اكمل في رياااضة 2 واعمل كل اللي في وسعي
بس مفكرش في اي كلية وزي ما مجموعي يجي والتنسيق يجي
يبقي باش مهندسة بس بدون هدف وامل

™ Ī ДӍ ҊǾŦ ДLΣǤΣҊÐ

11-07-2010, 03:55 AM

امال انا اعمل ايه جايب 62 فى المائة بعد معاناه 5 سنين
وعذاب الدروس وعذاب اهلى معاى وهادخل حاسبات ومعلومات خاصه
برضه بصى انا من رايى متعمليش تظلم عشان هو كل اللى يعمله هيعيدلك جمع درجاتك مش اكتر
لكن تصحيح تانى مفيش شوفى انتى نفسك فى ايه ومجموعك ده هيقدر يوفيكى حلمك حتى لو دخلتى خاصه
خلاص اتكلى على الله وكملى

ربنا معاك

انا جايب 65 وشايل مادتين ادعيلى اخلصهم

وهأدخل برضه حاسبات خاصه ياريت تبعتلى فى رساله خاصه ناوى على ايه علشان ما نتكلمش فى خارج الموضوع

وبالنسبه ليكى يا باشمنهدسه

ربنا معاكى ويهديكى للصح

fuoozz

11-07-2010, 04:02 AM

لالالالالالالالا مينفعش امال هتذاكر اذاى ويكون عندك الاراده والحلم لتحقيق هدفك
لا اقعدى مع نفسك كده وفكرى انا بحب ايه ميولك فين

asmaa ahmedr

11-07-2010, 04:04 AM

طب انا زيك بالظبط كنت حاسبة اني اجيب 91 لكن جبت77 انا بردة فكرت اني اعيد السنة انا كان نفسي ادخل طب و مش عارفة اعمل اية مروحش امتحن السنة اللي جاية و اللي بعدها اعيد ثانية و اضيع سنتين مش عارفة بجد ولا اعمل تظلم و ميفيدش بحاجة ؟؟؟؟؟؟؟؟؟

مروه

11-07-2010, 04:12 AM

ربنا يوفقك ولو فعلا نفسك تكملى رياضه أو نفسك فى هندسه بجد كملى واعملى اللى تقدرى عليه

ومحدش عارف إيه اللى هيحصل أو التنسيق هيبقى عامل ازاى

ممكن تحولى والتنسيق يجى قليل وتندمى عمرك كله

وممكن تكملى رياضه وانتى مش قدها وتضيعى نفسك ومتلحقيش اى حاجه

وتندمى انك محولتيش أدبى ......

أنا عارفه إنك مش قادره تفكرى دلوقتى

عشان كده متفكريش ومتقرريش دلوقتى خالص

وحطى وانتى بتفكرى جميع الإحتمالات فى دماغك

وخدى القرار اللى انتى هتقدرى تنفذيه

عشان مترجعيش تزعلى على حاجه

وإن شاء الله مش هيبقى فيه زعل

واعرفى ان ربنا كل اللى كتبه هنشوفه وهو ده الخير لينا

( لو اطلعتم على الغيب لأخترتم الواقع )

بالتوفيـــــــــــــــــــــــــــــــــــــــــــ ــق

أمير بلا إمارة

11-07-2010, 04:22 AM

عربي 26.5
انجلش 22
رياضة 45.5
فرنساوي 49
كيميا 50
مجموع 193

النسبة 94.2 وانا علمي علوم احول رياضة ولا ممكن الحق صيدلة انا نفسي في صيدلة جدا ادعوللللللي يااااااارب

asmaa ahmedr

11-07-2010, 04:27 AM

طب انا اعمل ايه هو التوتر عامل عقد معايا السنة دية

fuoozz

11-07-2010, 04:35 AM

معلش ياانسه اسماء ربنا معاكى يارب وبعدين الله اعلم مش لما كنتى دخلتى طب لقدر الله مكنتش نجحتى فيه ورسبتى
برضه ذى مابقول للاخت الكريمة اللى قبلك شوفى انتى ميولك ايه ومش ميول فقط حاجة تكون حابها بجد
وحاولى تشوفى اسرتك لو تقدرى تدخلى خاص خلاص اتكلى على الله كملى فى طريقك

asmaa ahmedr

11-07-2010, 04:39 AM

ماهو انا ميولي طب اوي كمان و الخاص عايز مجاميع عالية بردو

ab_st133

11-07-2010, 04:45 AM

انا فكرت اني اكمل في رياااضة 2 واعمل كل اللي في وسعي
بس مفكرش في اي كلية وزي ما مجموعي يجي والتنسيق يجي
يبقي باش مهندسة بس بدون هدف وامل

لية كدة بصى خلى املك فى ربنا كبير ولو انتى تعبتى بجد فى سنة تانية
اعرفى ان ربنا مخليلك الاحسن ليكى ان شاء اللة
وبعدين اعملى اللى تقدرى علية يا عالم التنسيق يكون نظامة اية :)

fuoozz

11-07-2010, 04:45 AM

لامش عاوز عالى السنة اللى فاتت اظن خدت 90 % مش متذكر بالضبط
خلاص معلش نصيبك كده بقى ماهو ممكن تكون حابها فعلا بس لو دخلتيها مش هتفهمى اى حاجة
ولو اتخرجتى تطلع دكتورة اسف فى اللفظ فاشلة مش فاهمة اى حاجة
حاولى ركزى فى اللى جاى انت علمى علوم ممكن تحولى ادبى وتشدى حيلك فى تالتة وادخلى تجاره انجيلش او اقولك انا
ممكن تشدى حيلك وتدخل حاسبات ومعلومات خاصه بس تكونى محولة رياضة 2
وحاسبات مجالها مطلوب جدا فى الشغل

ramd

11-07-2010, 05:00 AM

سبحان اللة ولاحول ولاقوةالا بالله* أعمل لأخرتك كأنك تموت غدا وأعمل لدنياك كأنك تعيش أبدا*هل الثقة أصبحت عمياء والسؤال هو * "]هل أنتم متأكدين من النتيجة فى ألأعادة ؟ أجب ثم قل الحمد الله ماشاء الله وماقدر فعل ثم توكل على الله

M.BASYOUNI

15-07-2010, 03:26 AM

السلام عليكم انا محمود جبت 80.5 ومشكلتي هي مشكلتك بظبط وبلله عليكي اول متلاقي حل متبخليش عليا والله محتااااااااااااار جاااااااااامد وعموما برده ايميلية moody_moody984***********