star-55
11-07-2010, 03:22 PM
بسم الله الرحمن الرحيم
السلام عليكم
يا جماعة فى واحدة صحبتى جابت فوق الـ92 بشوى
هى درجاتها ف المواد ما شاء الله حلوة اوى
بس ف الرياضة جايبة درجة مش اوى وهية اللى نزلت المجموع بتاعها
م الاخر هى جايبة حوالى 42 كدة
دى تدخل ايه ف تالتة ؟؟
مجموع 92 مش حلو بالنسبة لعلوم
و ف نفس الوقت كون ان الرياضة هى اللى نزلتها دة مؤشر انو مش من مصلحتها تخش رياضة اتنين
تفتكرو فيه حلول تانية غير انها تحول ادبى ؟
eng.ahmed66
11-07-2010, 03:28 PM
ممكن تكون بتحب الرياضة ونزلت ..انا كنت بموت ف حاجة اسمها رياضة وكنت جايب ف رياضة 1..45.5 كملت رياضة اتنين والحمد لله شديت ف تالتة وربنا اكرمنى
لو كانت بتحب الحفظ ممكن تدخل ادبى ومعظمهم بيعلوا ف تالتة ممكن تلحق السن واعلام
انما انها تكمل علمى علوم ....لألالالالا ....حتى ولو كانت واثقة من نفسها وهتموت نفسها دا لمصلحتها
انا بردو كنت جايب ف تانية 92.7 بصراحة كنت شاكك ف قدراتى حولت ادبى ومعرفتش احفظ ولا كلمه كملت علمى على طول وشديت وعرفت ان السنة دى اللى هتعب فيها وهرتاح ف السنين الجاية...الحقيقة مش هرتاح اوى ...ربنا يعدينا من الكلية دى على خير
وربنا يوفقها
ALLALL
11-07-2010, 04:56 PM
واحدة صحبتى علمى علوم جابت 190.5 يعنى 92.9 تكمل ولا تحول علمى رياضة بس هيه جابت 48 فى الرياضة تعمل ايه الرياضة خينة
ارجو الرد فورا
losclareta
11-07-2010, 05:45 PM
السلام عليكم ورحمة الله وبركاته
هي حكاوي القهاوي ال بتودي النس ورا الشمس
مين قال ان الرياضه خوانة وانها صعبة والكلام دا
رياضة 2 على فكرة احلى بكتييييييييير من رياضه 1
هي عاوزه حد يحل كتير بس علشان يكتسب معرفة ودا في اي حاجه يعني مش الرياضة بس
بالنسبة لل جايب 48 دا حاجه جميلة جدا ويطمن خالص
بس يشد حيله فيها وربنا يكرمه
اما ال جايب 42 تقريبا ؟؟ مش متذكرة الرقم معلش
والله لو عارفة انها هتشد حيلها جااااااااامد تدخل رياضة طبعا
حرام تدخل ادبي ومجموعها حلو جدا جدا
بس في حاجه مهمة .... متحطش الرياضة عقده
وتشد حيلها
وربنا يكرم الجميع
shoosho
11-07-2010, 07:33 PM
رياضه 2 سهله بس عايزه حد يحبها ويهتم بيها ويفهمها ويفهم كل حاجه جايه منين
ومش شرط انها جايبه 42 انها ماينفعشى تدخل علمى رياضه عشان رياضه 3 لان ده بيعتمد ع حبها للرياضه وعلى مقدرتها على مذاكرتها
هيا لوبتحب الرياضه يبقى تتوكل على الله وتدخل انما لومش بتحب رياضه يبقى علمى رياضه صعب وهيحتاج منها مجهود وهيبقى فيه مخاطره شويه
احمد حسن حامد
11-07-2010, 07:42 PM
انا جايب 84% وي الرياضة هيا الي ضيعتني 33.5 من50 مش عاريف اعمل ايه؟
ممكن حد يرد عليا
Dr|shereen
11-07-2010, 09:57 PM
انا جايبة 96 % ادخل ايه علمى علوم ولا رياضة مع العلم ان المادة الوحيدة اللى مقفلاها الرياضة اعمل اييييييييييييييييييييييييه ؟؟؟؟؟؟؟؟؟؟؟؟؟؟؟؟؟