|
مشاهدة النسخة كاملة : __________ ( أدخل علمى رياضة و لا اية ) ___________ أحمد الزنارى 12-07-2010, 01:18 AM ان جبت مجموع 91.2 طبعا مينفعش افضل علمى علوم فبفكر أحول رياضة لكن المشكلة انى جبت فى الرياضة السنادى 44.5 فهل دة ممكن يكون مؤشر انى مش هعرف امشى فى الرياضة السنة الجاية و هل رياضة 2 أصعب بكتير من رياضة 1 يا ريت تجاوبونى و تساعدونى تحياتى msh-tlba 12-07-2010, 01:21 AM السنة دي كان تركيزك يا مان علي الكيميا و الفرنساوي و كدة لكن الرياضة كانت في اخر الليستة بتاعة اهتمامتنا دة الي جانب ان الامتحان كان جاي شديد شوية في التفاضل فدرجة الرياضة مش مقياس اوي المهم انك السنة الجاي تشد اوي في الرياضة 2 والفيزيا و متعملش غلطتنا السنة دي و تهمل بعد المواد نظرا لاهمية المواد الاخري msh-tlba 12-07-2010, 01:22 AM و بكدة ممكن تلحق هندسة باقل اقل مجهود الله المستعان мι∂σ мαησ 12-07-2010, 01:30 AM اى ثينك ان انت المفروض تكمل علمى علوم يعنى اصلا التنسيق هينزل عشان الدرجات زباله قليل اوى اللى جابو درجات عاليه يعنى حتى لو جبت درجه مش حلوة يبقا كليه علوم ان شاء الله بالكتير اوى فمش تخاف ربنا معاك اصل رياضيات صعبه اوى في تالته ثانوى علي حسب ما بسمع الكــــــــــــــابوس 12-07-2010, 01:31 AM بص يامـــــــان انت دلوقتى مش صغير يعنى دا مستقبل فلو اخترعولك مادة لازم تتكيف معاها و تذكيرها و ان شاء الله مش حتكون صعبة و حتروح هندسة , انت عايز كمان قد ده واكتر عشان تبقى فى الامان...... ربنا معانا باذن الله الكــــــــــــــابوس 12-07-2010, 01:33 AM اى ثينك ان انت المفروض تكمل علمى علوم يعنى اصلا التنسيق هينزل عشان الدرجات زباله قليل اوى اللى جابو درجات عاليه يعنى حتى لو جبت درجه مش حلوة يبقا كليه علوم ان شاء الله بالكتير اوى فمش تخاف ربنا معاك اصل رياضيات صعبه اوى في تالته ثانوى علي حسب ما بسمع التنسيق دا لعبتنا اللى مركزين عليها تعالى نعيش الواقع افضل حيقل قد ايه ؟؟؟؟ 2% ؟؟؟ ولو كمل علوم مش حيحصل اى حاجة ويبقى فى النص مش لاقى اى حاجة ...... noooura 12-07-2010, 01:41 AM الف مبروك ليك اولا انت حاول تسأل حد كبير يكون دخل رياضه 2 و شوف رأيه و يا ريت يكون عارف مستواك قريبك مثلا و بعدين صلى صلاه استخاره و لو شايف ان هدفك هندسه يبقى توكل ع الله و كمل علمى رياضه ده مستقبلك انا كمان فى حيره زيك انا جبت93 و كان نفسى فى صيدله و مش عارفه اكمل علمى علوم بس شكلى هكمل لانى مش بحب الرياضه و بخاف تضيعنى و كمان مش عايزه احول ادبى بس ده هيتطلب مجهود كبير جدا eng.midosaid 12-07-2010, 01:43 AM متهيالي تكمل رياضة احسنلك و رياضة اتنين بجد موش صعبة اوي زي ما بيوصفوها الموضوع كله عايز شوية تعب في حل المسائل طول السنة و كمان اهم من دا كله حل امتحانات في الاخر وهتبقي سهلة وكويسة معاك ان شاء الله لكن بصراحه ما انصحكش تكمل علمي علوم لان زي الكابوس ما قال هتقع في النص وموش هتلاقي حاجه أحمد الزنارى 12-07-2010, 01:54 AM يا جماعة شكرالعى مشاركاتكو كلها فعلا علمى رياضة هيبقى أحسن لى على رأيكو طمنتونى عشان كنت بدات اشك و حتى لو مجتش هندسة مش مشكلة كلية حاسبات و معلومات جامد جدا بردة و نفسى ادخل هيا كمان فان شاء الله هاخد برايكو و ادخل علمى رياضة احسن لى تعرفو الللى ضيعنى فى الرياضة السنادى اية المدرس بتاعى كنت كل ما وريلة مسالة يقولى سيبك منها دى صعبة و مش هتيجى فى الامتحان نفسى أعرف ازاى اختار مدرس رياضة يشرح بطريقة مبسطة و يفهمنى كويس و يحل أى مسألة اطلبها منه و دة الأهم noooura 12-07-2010, 02:07 AM متخترش مدرس مشهور جدا لان ف الغالب بيبقى واثق ف نفسه زياده عن اللزوم و كمان بلاش مدرس ضعيف خد مدرس يكون حد قريبك كان واخد معاه لان هو اللى هينصحك بى او لا و كمان مدرس مرتاحله و هاقولك على حاجه انا كنت باخد الرياضه السنه دى مع مدرسه مش مدرس و كمان مدرسه مرحله اعداديه بس انا اعرفها من اعدادى و كنت مرتاحه معاها و جبت الحمد لله 47 ف الرياضه مش وحش اوى العبره مش بالمدرس المشهور جدا لان اغلب الطلبه بتجرى ورا الاسماء خد مدرس ترتاح معاه و تفهم منه ربنا يوفقك |