انا ان شاء الله داخل تالته ثانوى وللاسف ومش عارف ازاى جبت 81% السنادى (سنه تانيه)

معنى طول عمرى ناجح جايب فى اعدادى 95% وابتدائى 96% ولكن قدرالله ماشاء فعل

والله انا حاسس انى اتظلمت جامد

انا بس نفسى حد يطمنى ويقولى هل هناك امل فى انى ادخل حاسبات السنه الى جايه مع العلم انى طول عمرى حاببها ونفسى ادخلها لانى مليش غير فى الكمبيوتر طول عمرى مع ال علم انى اشتغلت ويب ديزين وفى جوجل ادسنس دة غير الفوتوشوب والصيانه والله انا هتجنن لانى حاسس ان اكيد فى ناس هتدخلها وملهاش فى البطيخ
وفى الاخر هقول حسبى الله ونعم الوكيل على الى حط النظام الفاشل دة :(

هاحسبها معاك
لو جبت 100 السنة الجاية
هيبقى مجموعك 90.5
نزود واحد فى المية مستوى رفيع تبقى جبت
91.5
و هى ممكن تاخد من 90 فى ظل هذة المجاميع
لو نقصت 6 درجات بس و قفلت المستوى الرفيع تجيب 90
هى مجازفة كبيرة جدا و خطرة طبعا
لكن الحب يصنع المستحيل
و بما انك بتحب حاسبات و معلومات يبقى ممكن تجيبها
احسبها مع نفسك و شوف تقدر ما تنقصش السنة الجاية اكتر من 6 درجات و لا لاة
و بعدين قرر
على فكرة انا كمان مغرم بحاسبات و معلومات
ان شاء الله السنة الجاية ندخلها مع بعض

بلاش تفكر بالطريقة السلبية دي يا زياد

واضح من كلامك انك ما شاء الله متفوق وعملت اللي عليك السنة دي ودا قدرك انك تجيب المجموع دا ..

لو انت مقتنع من جواك انك مقصرتش ومأهملتش الدراسة يبقى خليك دايما متطمن ومرتاح

والسنة الجاية لازم تشد حيلك واكتر من السنة دي كمان وتعمل اللي عليك وتتعب

وربنا هيديك على قد تعبك ان شاء الله

حتى لو ربنا مأردش انك تدخل حاسبات اوعا تزعل او تدايق وتقول ليه يارب دنا مزاكر وانا اتظلمت وكده ..

ربنا اعلم باللي فيه الخير وجايز اللي فيه الخير يبقى غير اللي انت عاوزه ..

وصدقني انا بقولك الكلام دا عن تجربة والله

اعمل انت بس اللي عليك وخليك متطمن مهما كان ان الله لا يضيع اجر من احسن عملا ...

واتاكد ان ربنا هيهديك للي فيه الخير ليك ..

يعني باختصار .. اعقلها وتوكل ;)

:):) وربنا يوفقك ان شاء ويكون اللي انت عاوزه هو اللي فيه الخير وتنوله باذن الله ...

والله يا جماعه انتوا اديتونى دفعه كبيرة وان شاء الله انا عهمل كل الى هقدر عليه وربنا ان شاء الله هيكرمنى

انا المشكله الى بهدلنى كدة عوامل نفسيه مكنتش بعرف انام خالص قبل الامتحان وكنت قلقان جداا وكان بيبقى عندى صداع فظيع

دة غير كمان ان نظرى ضعف وعملت نضارة قبل امتحان الفرنساوى مش عارف دة كان غضب من ربنا ولا ايه ولكن الحمدلله وقدر الله ما شاء فعل وعسى ان تكرهو شيئا فهو خيرا لكم

طب انا جبت 91 % مكن احصل .. ولا لا حاسبات انا هاموت لو مخشتهاش

طب انا جبت 91 % مكن احصل .. ولا لا حاسبات انا هاموت لو مخشتهاش

هههههههههههههههههههه
الراجل جاب 81 و بنقلو ممكن يدخلها
انت جبت 91 أقولك لا مينفعش ؟
يا عم ان شاء الله داخلها داخلها هى مش هتعدى 91 ان شاء الله
و ممكن يبقى مجموعها 90 زى ما قلت لصاحب الموضوع
اطمان
على فكرة انا جايب 91 زيك و باذن الله داخل حاسبات و معلومات

انت دفعة سنة الفراغ يا أحمد الزنارى ؟؟

انت دفعة سنة الفراغ يا أحمد الزنارى ؟؟

noooooooooooooooooooooooooooo

انا من رايى ان لو عندك امكانيات تدخل جامعة خاصة ادخل رياضة ولو معندكش مانصحكش
انت كدا بتضحك على نفسك لازم متكونش اقل من 92 عشان تكمل رياضة ولو 90 عاوز شد جاامد فى تالتة عشان تلحق
هيا فى المتوسط ان شاء الله مش هتزيد عن 93 زى 2007
وممكن تكون فى 92
المهم اعمل اللى عليك بس انك تدخل رياضة مجازفة كبيرة جدا
وخصوصا ان تالتة تقيلة عن تانية وفيها رياضة 2 ودى عاوزة حل بالعبييييط وكمان الفيزياء يعنى لازم تصلى صلاه استخارة
وربنا يوفقك

اعتقد ان اللى جايب فوق 90 هوا اللى يقدر يلحق حاسبات بس ده اعتقاد مش اكتر

انا كنت جايب فى تانية 90.5 دخلت رياضة وجبت فى تالته سنة 2008 الشهيرة 90.5 برضه ودخلت حاسبات

من كلامى دا اقولك انها مجازفة جامدة منك انا جازفتها بس اللى انقذنى ربنا اولا ثم صعوبة الامتحانات ونزول التنسيق

فانت مش هتضمن التنسق على سنتك شكله هيبقى عامل ازاى ...

صلى صلاة استخارة و اتمنى انك تقدر توصل للقرار الصحيح

علمى رياضة وتوكل على الله
وان الله لا يضيع اجر من احسن عملا
وشد حيلك السنة الجاية وباذن الله تدخلها
وادعيلى انا ايضا بدخولها وربنا يوفقك

يا جماعة اللي قلقان من مجموعه في ثانية ثانوي يطمن لأن أنا في كلية حاسبات ومعلومات الفيوم الفرقة الثانية
ودفعة سنة أولى اللي جايه عندنا السنادي أعلى وحدة جايبة 368 وأدنى واحد جايب 343 يعني أن شاء الله يكون في أمل
أنك تدخل حاسبات ومعلومات وبالتوفيق للجميع

والله ياجماعة فيه امل وماحدش يعرف ايه اللي هيحصل في التنسيق
يعني انا في سنتي كنت جايبة في 2 ثانوي 87.3 وكنت محطمة وخايفة جدا وكان نفسي حد يشجعني علشان كدة انا حاسة بزياد
بس الحمد لله شديت حيلي و جبت في 3 ثانوي97.3 طبعا كانت مفاجاة كبيرة ماحدش يتوقعها وفرحة اكبر وفي الاخر كان مجموعي 92.3 ودخلت اقل حاسبات وهي حاسبات الاسماعيلية وحولت المنصورة علي طول

ربنا يوفقك الموضوع كله عايز تعب وحل كتير وماتخافش فيه امل ان شاء الله وخد بالك من المستوي هيفرق معاك
وشد حيلك عايزين نشوفك معانا في الكلية لانها بجد لذيذة جدا

والله انا بقول كدة لاني فعلا كنت بحس نفس احساسك ده واهم نصيحة والله انك تستعين بالله وماتبطلش دعاء وتصلي قيام الليل وتقرا قران كل يوم ولو صفحة قبل ماتنام

بجد دي نصيحة من القلب
واي استفسار انا موجودة

والله ياجماعة فيه امل وماحدش يعرف ايه اللي هيحصل في التنسيق
يعني انا في سنتي كنت جايبة في 2 ثانوي 87.3 وكنت محطمة وخايفة جدا وكان نفسي حد يشجعني علشان كدة انا حاسة بزياد
بس الحمد لله شديت حيلي و جبت في 3 ثانوي97.3 طبعا كانت مفاجاة كبيرة ماحدش يتوقعها وفرحة اكبر وفي الاخر كان مجموعي 92.3 ودخلت اقل حاسبات وهي حاسبات الاسماعيلية وحولت المنصورة علي طول

ربنا يوفقك الموضوع كله عايز تعب وحل كتير وماتخافش فيه امل ان شاء الله وخد بالك من المستوي هيفرق معاك
وشد حيلك عايزين نشوفك معانا في الكلية لانها بجد لذيذة جدا

والله انا بقول كدة لاني فعلا كنت بحس نفس احساسك ده واهم نصيحة والله انك تستعين بالله وماتبطلش دعاء وتصلي قيام الليل وتقرا قران كل يوم ولو صفحة قبل ماتنام

بجد دي نصيحة من القلب
واي استفسار انا موجودة