مشاهدة النسخة كاملة : حرام امتحان تانيه
the_legend 10-06-2007, 01:49 PM طبعا الاول الحمد لله
وبعدين بجد حرام الامتحان يجي بالسهوله ده يعني بعد مذاكرة و تعب الامتحان مفيهوش ذرة صعوبه واللي بيقول النحو صعب يبقي غلطان اوي سهل جدا و اسئله القراءه من القطعه بس الملاحظه الحيده ان اول سؤال في الادب بيقول
ما اسباب تطور النثر في العصر العباسي التاني؟
وده طبعا ملوش اس اثر في منهجنا
لبس يعني ليه اجابات عامه زي
تشجيع الخلفاء للادباء
النضج العقلي والفكري
تعدد الحواضر الادبيه
*هدير* 10-06-2007, 02:01 PM على فكرة النحو كان وحش اوووووووووووووى
واللى يقول غير كدة يبقى هو اللى غلطان
the_legend 10-06-2007, 02:06 PM ممكن تقولي ايه اللي وحش فيه
اولا الحمد لله الامتحان كان سهل
السؤال بتاع الادب اجابته في كتاب المدرسة:
1. زوال الفارق بين الفكر الاجنبي والفكر العربي الخالص فامتزج الاثنان لتكوين حركة علمية ادبية متكاملة
2. ازدهرت المواعظ علي ايدي الوعاظ والدواوين ظلت تجتذب كبار الادباء فنشطت الرسائل الديوانية والرسائل الاخوانية لم تترك موضوعا للشعر دون ان تسهم فيه
3. الباقي اللي انت قلته .
كنت عايزة اسال في الربيع الفتان : كأنما هو مقمر : مكتوبة في كتاب الاضواء كناية عن اعتدال درجة الحرارة وتوحي بجمال الطبيعة بس اصحابي بيقولوا تشبيه ؟؟؟؟ هو صح بس بتاعتي غلط؟؟؟ عايزة اعرف
the_legend 10-06-2007, 02:08 PM اي صوره ممكن تعتبر كنايه بي لما يجيبها المفروض يعني تقولي تشبيه لان كنايه ده حاجه عامه بس ان شاء الله تتحسيبلك صح
سمية حامد 10-06-2007, 02:11 PM يا جماعة ممكن حد ينزلى الاعراب عشان انا عايزة اتاكد منه
بس هي موجودة كدة في كتاب الاضواء مش معقول غلط يعني؟؟؟؟؟؟؟
the_legend 10-06-2007, 02:13 PM انا مقولتش غلط اي صوره في الدنيا اكيد بتكون كنايه عن حاجه
1. نعت مرفوع بالضمة
2. فاعل مرفوع بالضمة
3. فعل مضارع مجزوم بحذف حرف العلة
4. مضاف اليه
السؤال بتاع اسم الفاعل منتشرة زهوره والنبي يا جماعة بلاش فلحسة لان دي حاجة بديهية ومتتذاكوش علي السؤال
the_legend 10-06-2007, 02:15 PM ايوه كده صح نفسي اعرف ايه اللي صعب مكنش فيه الا فكره صغيره بتاعت اسلوب الشرط هتعكس الجمليتن وده حاجه بالمعني يعني
Ahmed Radi 10-06-2007, 02:17 PM اعراب جذر الى بعد الا
the_legend 10-06-2007, 02:19 PM فاعل
سمية حامد 10-06-2007, 02:20 PM انتوا عاملين مشكلة ليه على الربيع منتشره زهوره انا حليت نفس الجملة قبل كده
جذر اعرابها فاعل مرفوع بالضمة لان الكلام ناقص منفى
الامتحان كان سهل جدا
وكان تقريبا كله متوقع ,,,
والنحو كان فيه تكات اه بس سهلة اوى
سمية حامد 10-06-2007, 02:28 PM بس سؤال لو لعتبرنا ان كلمة جلى معناها جاء واتى تبقى غلط لانى انا شفتها عندى بمعنى حل
تبقى هى بمعنى ايه
اللي تشوفه 10-06-2007, 02:29 PM عملتوا التعبير ايه ياعيال
انا عملت الصداقه وكتبت تلات صفحات من غير ما اسيب سطر
midooooooo4ever 10-06-2007, 02:29 PM لو سمحتم نكشف عن مستقل فى اية
سمية حامد 10-06-2007, 02:30 PM نكشف عنها فى قلل
the_legend 10-06-2007, 02:30 PM جلي معناها ظهر او حل
التعبير عملنا الصداقه """"ومش عيال""""
نكشف في "ق-ل-ل"
سمية حامد 10-06-2007, 02:31 PM متمشيش جاء او اتى
the_legend 10-06-2007, 02:32 PM ممكن يعني
سمية حامد 10-06-2007, 02:32 PM التعبير انا عملت الصداقة وكتبت 4 صفح بس سبت سطر
the_legend 10-06-2007, 02:33 PM وانا بردو اصلا الوقت خلص بالضبط معايا ومع معععععععععععععععععععظم الناس بس انا حليت الاختياري كله يمكن علشان كده
mahmoud Refaat 10-06-2007, 02:34 PM يا أحمد هوه الناس الهبلة دى بتتكلم فى النحو على انه صعب ليه
ايمان محمد 10-06-2007, 02:34 PM سؤال الادب هو اللي صعب
مش موجود في كتاب المدرسة
DJ CHAMP 10-06-2007, 02:34 PM شكرا يا جماعة على تنزيل الاعراب بس بجد النحو كان عايز دماغ
سمية حامد 10-06-2007, 02:35 PM فى السؤال الاول فى الادب انا كتبت ازدهار المواعظ على يد الزهاد والمتصوفين _ وبسبب انا الدواوين ظلت تجذب كبار الادباء _تطور الرسائل الاخوانية التى لم تترك مجالا للشعر لم تسهم فيه ده يبقى صح ولا ايه
mahmoud Refaat 10-06-2007, 02:38 PM لو سمحتم حد يجاوب على السؤال الأول فى الأدب؟؟؟؟؟؟؟؟؟؟
the_legend 10-06-2007, 02:39 PM صح يا سوميه
mahmoud Refaat 10-06-2007, 02:39 PM يا أحمد انت عملت اسم الفاعل ايه
د.حاملة المسك 10-06-2007, 02:39 PM <div align="center">ربنا يوفقكم يا جماعة ان شاء الله
يلا انسوااا بقى
وروحوا ذاكروا التفاضل .......</div>
mahmoud Refaat 10-06-2007, 02:40 PM اخلص انت بتفتكر
the_legend 10-06-2007, 02:42 PM بص يا عم رفعت الاجابه النهائيه والاكيده هي
1-زوال الفارق بين الفكر العربي والاجنبي
2-ازدهار الرسائل الديوانيه
3-اسهمت الرسائل الاخوانيه في جميع مواضيع الشعر
4- ظلت الدوواين تجذب كبار الادباء
mahmoud Refaat 10-06-2007, 02:42 PM يا أحمد هوه اجابة سوميه كده صح يالهوىىىىىىىىىىىىىىىىىىىىىىىىىىىىىىىىىىىىىىىىىىىى
the_legend 10-06-2007, 02:43 PM انا عن نفسي طبعا مش مقتنع بالكلام ده بس احنا معندناش حاجه في النثر غيره لان ده اسمها مظاهر تطور النثر بس صح متخافوش
mahmoud Refaat 10-06-2007, 02:43 PM انت عملت كده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
the_legend 10-06-2007, 02:44 PM اه صح يا نجم واسم الفاعل منتشرة زهوره "فاعل"
mahmoud Refaat 10-06-2007, 02:44 PM مستر اسامة مقلهاش ولا حتى فى الكتاب فمتحورش!!!!!!!!!!!!!!!!!!!!!!!!!!!!!!!!!!!!!!!!!!! !
the_legend 10-06-2007, 02:45 PM في الكتاب المدرسي يا رفعت
mahmoud Refaat 10-06-2007, 02:48 PM لأ يا عم الأمور قولى ص كام
بتألف انت يامعلم . انت عندك غلطات
رد واخلص
the_legend 10-06-2007, 02:49 PM ص 79 يا معلم اخر فقره
اللي تشوفه 10-06-2007, 02:49 PM ياسيدي انا اللي عيله
بس تفتكروا ممكن الرينج بتاع الدرجات يكون كام توقعاتكم بصراحه لو الامتحانات كلها كدا ابشروا ان التنسيق هيكون في السما
وعلي فكره الغش جااااااااااااااااااااامد جدا والمشكله ان الامتحان تافهه لابعد حد
اانا خايفه من الانجليزي بيقولوا هيجي صعب الله اعلم
انا كنت متوقعه ان المقامه هتيجي بس ايه الرخامه بتاعتهم دي اختيار الصديق 3 سنين ورا بعض
صحيح شوفتوا نحو تالته بجد سهل خالص انا حليته بسهوله جدا
ربنا يوفقنا جميعا يارب
the_legend 10-06-2007, 02:50 PM طب مهو عنوان موضوعي بيقول كده بيقول حرام السهوله ده كده ارف منذاكرش احسن
اللي تشوفه 10-06-2007, 02:53 PM هههههههههههههههههههههههه
ياسيدي انتا عاوز الامتحان يكون صعب وبعدين هو مش سهل ولا حاجه علي فكره بئا انتا بيتهايالك علشان انتا مذاكر
والله عندنا العيال خرجه معيطه وفي ناس الادب والنحو عندها كله غلط
مش كل الناس فكرها ومستواها واحد فانتا حاسس كدا ربنا يكرمك يارب ويخلي الامتحانات كلها سهله ادامك كدا عالطول
the_legend 10-06-2007, 02:55 PM انا مقولتش حاجه بس يكون علي الاقل اقل من المتوسط و بعدين مفيش حد في كل المدارس اللي عندنا خرج زعلان
اللي تشوفه 10-06-2007, 03:00 PM معرفش بس زي ما قولتلك انا شايفه انوا في مستوي الامتحانات العاديه اللي مستغرباله انه جاي بقولك هات محسن بديعي بس
ولا البلاغه يخراشي يا خراشي
وكمان الادب الاصفهاني يالهوي علي التفاهه ياربي والقصه برضه في قمه التفاهه علي فكره اللي يركز في الامتحان كل سوال رقم ب مجاوب في الفقره يعني مجاوبلك الامتحان كمان عموما الامتحان الحمد لله عدي المهم اللي جاي ياريت كله يكون كدا بجد في ناس مذكرتش بس ندمت فياريت الامتحانات تيجي سهله يارب العالمين وادعولي لاني احياء ومفيش غيري انا وواحده في اللجنه
الا صحيح هما بيضموا اللجان علي بعض ولا ايه النظام
the_legend 10-06-2007, 03:06 PM في بعض المدارس بيضموها لو كان العدد قليل
و كمان كان ناقص يكتب السؤال والاجابه تحتيه بدل ميتعب نفسه ويجبها في القطعه علي العموم الحمد لله وياريت اللي جي يكون احن ان شاء الله واتمني التوفييق للجميع
يا رب
احمد سعيد محمد 10-06-2007, 03:09 PM يا جماعه فى سؤال البلاغه رقم ب علل
بيقول مافائده ستخدام الاسلوب الخبرى والانشائى
انا جاوبتها انه يعطى الكلام قوة وحيوية
هو الاجابة دى صح ولا غلط
؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟
حد يرد يا جماعه
اللي تشوفه 10-06-2007, 03:11 PM بصراحه الله اعلم مقدرش اقولك صح او غلط استاذ هو اللي ممكن يجي يقول صح ولا لا
the_legend 10-06-2007, 03:21 PM انا رديت عليك في موضوعك
Ahmad Basha 10-06-2007, 03:53 PM بصراحة الامتحان سهل بس انا حرفت في سؤال الادب شوية B)
abdullsttara 10-06-2007, 04:06 PM الامتحان بصفة عامة جيد لكن مواطن الصعوبة تنحصر في
النحو :
** علامة إعراب هندسي : نعت مرفوع وعلامة رفعه الضمة المقدرة على آخره للثقل
** سؤال خبر لحرف ناسخ : الإجابة الصحيحة .. أصلحتها . جملة فعلية
لكن يحتمل الإجابة أيضاً بمقدار القوة وتحتاج لتأويل .. لكن تعد بمقدار القوة فيصبح الخبر جملة
** صيغة سؤال الشرط لم يقيد تقديم جملة على جملة مما يجعل الطلاب يحتمل عندهم:
- متى يتامل المرء جمال الطبيعة يُعمق إيمانه - متى يتعمق إيمان المرء يتأمل جمال الطبيعة .. فهل اشترط رد الضمير لصاحبه
التعبير
** علامة الترقيم النقطة في السؤال الأول لم تفصل بين رأس السؤال والمطلوب ( " من أنت" اكتب ) والأدق " من أنت" . اكتب
** السؤال الثاني البيت الشعري يعدد محاسن الأوطان والسؤال عن حماية الأوطان والمواطنة .. وإن أكمله بالبيت الثاني في القصيدة لكان أوقع عند الطالب وأكثر فهماً
** السؤال الثالث من المعتاد أن يكون مختلف في طبيعته عن أسئلة المقال لكن يطلب مقال فأين الاختلاف وتعدد مجالات قياس المهارات عند الطالب
القصة
** لم يحدد الفصل المنوط من ال؟إجابة عند رأس كل سؤال
** السؤال ب تغرى الطالب بالنقل من الفقرة فأين ما ذاكره
** السؤال ج مفتوح غير محدد الإجابة
فيمكن للطالب الإجابة عليه بـ ( قال له حمد لله على سلامتك )( الشعوب هجرت للحجاز ومصر والأمراء بعضهم تعاون والآخر تخاذل والقلة اتجهت للمواجهة مع قطز ضد التتار) أو يمكن فتح موضوعات إنشاء
القراءة
ما يجري على القصة يجري على القراءة
لكن المستفز في الأسئلة رأس السؤالين
دقق معي : المجموعة الثانية : من كتاب القراءة ذي الموضوعات المتعددة "
بالله عليكم حد يدور معي على الكتاب ده ........... ياجماعة الوزارة وضعت كتاب العربي في كتاب واحد
الأدب والبلاغة
أ- أسباب نهضة النثر ... لم يرد بها نص في الكتاب المدرسي في النسخة الجديدة بل اكتفى واضع الأسئلة بالنظر إلى الكتب الخارجية واتحدى ذكر الصفحة التي ورد منها في الكتاب المدرسي .. ارجع لصفحة 97
ب- لا أنسىالإشادة بسؤال الأغاني فهو يقيس قرات عليا للذكاء كالفهم والتحليل وهكذا يكون السؤال
البلاغة
- هناك فرق بين المحبة والحب فالمحبة هي تبادل الحب بين الأفراد والحب هو العطاء والأبيات تدعو لحب الآخرين والإخوة والترابط ونبذ الخلافات .. فلا ارى بالابيات تبادل للحب بل دعوة للحب وحوار نفسي لعتاب الشاعر لنفسه على البخل بالحب لأنه لا يتحكم في المحبة
النصوص
مباشرة لا تفرق بين المستويات ولا المذاكرة والتدقيق فيتساوى فيها الضعيف المتوسط ويضيع جهد المذاكر
وبصفة عامة وفق الله الجميع لما فيه الخير
والمقصد من وراء ذلك ليس التجريح ولا التقليل لكن ضرورة مراعاة الحذر من الوقوع في الأخطاء تلك في الامتحانات المقبلة
abdullsttara 10-06-2007, 04:20 PM مين اللي قال إن كل موطن للبلاغة يبقى كناية يابني الكناية ذكر الأدلة على معنى مختفي لا تشبيه ولا استعارة لوجود الأساسين في الأول ووجود أساس وقرينة على الثاني في الثاني ولا نجاز مرسل لأنه لفظ يحتمل معنيين
لكن المشهور وفيه أقوال إن كل استعارة مكنية كناية وليست كل كناية استعارة مكنية
و اللي فات مات
Hazem Ahmed 10-06-2007, 05:06 PM الحمد لله الامتحان كان سهل حتي النحو كان برضه سهل
يارب الامتحانات اللي جاية تيجي سهلة
ربنا معانا
kotsh 10-06-2007, 05:30 PM الامتحان كان سهل فعلا بس انا لغبط فى الادب
يا جماعة انا كتبت في اسباب التطور حاجتين :
ا) زوال الفارق بين الفكر العربي والأجنبي .... الخ
1) اختلاط العرب بالعجم مما أدى الى ظهور ثقافات جديدة ..
يا ترى دول صح ؟؟؟
بجد حرام السؤال مش في الكتاب المدرسي ......... وده حرااااااااااااااااااام
|