بدأت المديريات التعليمية بالمحافظات، اليوم الاثنين، فى تسلم تظلمات طلاب الثانوية العامة من نتائج امتحانات المرحلتين الأولى والثانية، التى أعلنتها وزارة التربية والتعليم أول أمس السبت، وشهدت لجان تلقى طلبات إعادة فحص أوراق الإجابات بالمديريات تزاحماً واضحاً لمئات من الطلاب وأولياء الأمور، والذين اصطفوا أمام شبابيك تلقى الطلبات على هيئة "طوابير" شهدت وقوع مشاحنات بين المتظلمين وموظفى اللجان نتيجة الزحام.

من جهتها، حددت وزارة التربية والتعليم يوم الخميس المقبل، الموافق 15 يوليو الجارى، موعداً لبدء إطلاع الطلاب المتظلمين على صور من كراسات إجاباتهم على أن يكون الترتيب بأولوية التقدم بالتظلم ودفع الرسوم، البالغ قيمتها 100 جنيه للمادة الواحدة، فى فروع بنوك "المركزى" و"الأهلى" و"مصر".

وداخل لجنة تظلمات طلاب الثانوية بمحافظة الجيزة، ومقرها مدرسة السعيدية الثانوية العسكرية، وقعت مشاحنات بين الطلاب وموظفى اللجنة لعدة أسباب، منها تخصيص موظف واحد فقط لتسجيل الطلبات وهو ما أدى إلى تأخير أولياء الأمور والطلاب.

وقالت الدكتورة منى مصطفى، ولى أمر طالبة متظلمة، "نحن متواجدون داخل اللجنة منذ الساعة الثامنة صباحاً وحتى الثانية ظهراً ولم نتمكن من تقديم التظلم بسبب الزحام الشديد ووجود موظف واحد فقط على شباك تسليم الطلبات"، وطالبت الدكتور أحمد زكى بدر، وزير التربية والتعليم، بتخصيص أكثر من منفذ لتلقى الطلبات فى المديرية الواحدة أو عدم خفض مدة التظلم إلى أسبوعين بدلاً من 60 يوماً، وأفادت بتخصيص شباكين فقط لجميع طلاب محافظة الجيزة أحدهما للبنات والآخر للبنين.

وشكك أولياء الأمور والطلاب فى أعمال الرصد والتصحيح بكنترولات الثانوية العامة، ووصفوها بـ"غير الدقيقة"، واعتبر عدد منهم أن أبناءهم حصلوا على درجات أقل من تلك التى يستحقونها، مؤكدين أن المعلمين قاموا بمراجعة الأسئلة مع أبنائهم بمجرد نهاية الامتحانات فأفادوهم بأنهم يستحقون درجات مرتفعة غير التى ظهرت فى نتائجهم، وقال محمد إسماعيل، طالب بالمرحلة الأولى بإحدى مدارس "الجيزة"، أنه حصل على 30 من 50 درجة فى الرياضيات "1" رغم أنه، وحسب اعتقاده، أجاب فى الامتحان إجابات نموذجية.

من جانبها، رفضت لجان التظلمات مطالبات أولياء الأمور بإدخال معلمين مع أبنائهم أثناء فحص الإجابات، وأعلنت اللجان أن الإطلاع سيكون على صورة من كراسة الإجابة وليس الأصل وبحضور ولى الأمر فقط فى الموعد المحدد للاطلاع، على أن يدون الطالب ملاحظاته على أعمال التصحيح فى نموذج معد خصيصاً لذلك، ثم يقوم بتسليم صورة كراسة الإجابة مع نموذج الملاحظات إلى عضو لجنة "النظام والمراقبة".

وفى حالة اكتشاف المديريات استحقاق أحد المتظلمين لدرجات بعد اكتشاف أخطاء فى الرصد وليس التصحيح ستخطره المديريات بذلك على عنوانه بخطاب مسجل بعلم الوصول بالتعديل، ويضم أيضاً إخطارا يطالب بالحضور لاسترداد ما دفعه من رسوم، أما فى حالة التأكد من عدم استحقاقه فتخطره المديريات أيضا بذلك.

وجاءت مادتى "الرياضيات 1" و"الكيمياء" و"الإنجليزية" كأكثر المواد التى تظلم منها طلاب المرحلة الأولى، أما طلاب المرحلة الثانية "سنة الفراغ" فكانت أكثر تظلماتهم من مواد "التاريخ" و"اللغة الإنجليزية" و"الفلسفة".



http://www.youm7.net/News.asp?NewsID=252925&SecID=12&IssueID=117

خطوات التظلم

1- هتروح المديرية التعليمية التابع لها(اسأل عنها فى المدرسة ) وتطلب اعادة تصحيح المادة التى ترغب بها

2- هيدولك طلب تملاه وتدفع مبلغ 100 جنيها فى رقم حساب باحد البنوك الوطنية
(أكيد حتسأل على أقرب بنك ينفع جنب المديرية )

3- بعد تقديم الطلب ستاخذ ايصال عليه تاريخ محدد لمراجعة ورقتك

4- فى التاريخ المحدد ستذهب انت وولى امرك فقط (الدخول ببطاقة الرقم القومى) ويكون معاك نموذج الاجابة
وممنوع أى حد غير ولى أمرك وممنوع اصطحاب الموبيل من أى منكما

5- ستطلع على صورة ضوئية لكراسة الاجابة الخاصة بك( صورة للورقة مش الورقة نفسها)
ومعها ورقة تقرير تكتب فيها كل ملاحظاتك على ورقة الاجابة

6 بعد كده سيردون عليك عن طريق مدرستك



الرابط الجاى فيه رأى الناس العام الماضى فى تظلمات تقدموا بها
وإن حقهم لم يرجع إليهم أى كان
http://egypt.thanwya.com/city/477



أنا كدة وضعت أمامكم كل ما لدى من معلومات
سواء تخدمك تقدم تظلم أو تخليك تشيل الفكرة من دماغك
حتى أكون محايدة




استخر الله
وإهدأ وفكر
وتوكل على الله وإتخد قرارك
بالتوفيق للجميع

:confused:السلام عليكم
الى الاستاذة \ ام شهندة
انا طالبة فى المرحلة من الثانوية العامة
ولكننى مظلووووووووووووووومة جدااا فى التصحيح ومش عرفة اعمل خايفة اعمل تظلم ومخدش ولا درجة
ارجوكى ساعدينى انا فى غاية التوتر ومنهارة جدااااااااااا من البكاء ومش قدرة اتكلم مع حد ولا حتى ماما وبابا
واصحابى كلمونى ومقدرتش ارد عليهم

:confused:السلام عليكم
الى الاستاذة \ ام شهندة
انا طالبة فى المرحلة من الثانوية العامة
ولكننى مظلووووووووووووووومة جدااا فى التصحيح ومش عرفة اعمل خايفة اعمل تظلم ومخدش ولا درجة
ارجوكى ساعدينى انا فى غاية التوتر ومنهارة جدااااااااااا من البكاء ومش قدرة اتكلم مع حد ولا حتى ماما وبابا
واصحابى كلمونى ومقدرتش ارد عليهم



يا حبيتى لو أنتى واثقة
وكلمة واثقة دى محدش يقدر يحددها إلا أنتى
لو متأكدة وواثقة إن إجابات أكتر بكتير ممما حصلت عليه
إقترحى موضوع التظلم على والديك
وخدى بالك ده مكلف
وممكن الفلوس تروح على الفاضى





لكن لو مش متأكدة ومعتبرة الموضوع محاولة ممكن تفرق معك درجة أو أتنين فبلاش أحسن
وشدى حيلك من دلوقتى واستعدى لسنة جديدة أسعد حظاً إن شاء الله


ولو مظلمومة بجد تأكدى أن الله لا يضيع أجر من أحسن عملاً
وحيعوضك بأى طريقة
أمتحان تالتة يطلع سهل عليك
التنسيق يكون فى صالحك
أو تجيبى مجموع أكبر مما توقعتى




صلى استخارة
أو إدعى ربنا يوفقك للصح
وقلبى معاكى

:confused:جزاك الله خيرا
يا ام شاهندة ارحتينى بعد الشى

جزاك الله خيرا أستاذة أم شاهندة والله انا شوفت نموذج اجابة مادة الرياضيات على النت وملقتش عندى ولا غلطة وفى النهاية فوجئت بنقص 4 درجات فى المادة وعايزة اخد رأى حضرتك لأنى بجد زعلانة و تعبانة جدا من المو ضوع دة:excl::excl::confused:

بارك الله فيكي على هذا المجهود العظيم

بارك الله فيكي

ربنا يبارك فيكم جميعاً
ده رابط موضوع تانى ممكن يفيدكم http://www.thanwya.com/vb/showthread.php?t=226820

جزاك الله خيرا أستاذة أم شاهندة والله انا شوفت نموذج اجابة مادة الرياضيات على النت وملقتش عندى ولا غلطة وفى النهاية فوجئت بنقص 4 درجات فى المادة وعايزة اخد رأى حضرتك لأنى بجد زعلانة و تعبانة جدا من المو ضوع دة:excl::excl::confused:

أنا فى انتظار رد حضرتك:078111rg3::078111rg3:

جزاكي الله خير يا ام شاهندة


لو داخل اولي جامعة
ادخل هناااااااااااااا (http://www.thanwya.com/vb/showthread.php?t=226572)

جزاك الله خيرا أستاذة أم شاهندة والله انا شوفت نموذج اجابة مادة الرياضيات على النت وملقتش عندى ولا غلطة وفى النهاية فوجئت بنقص 4 درجات فى المادة وعايزة اخد رأى حضرتك لأنى بجد زعلانة و تعبانة جدا من المو ضوع دة
:excl::excl::confused:



شوفى يا دعاء
لو متأكدة متأكدة
اسألى والديك أولأ (عشان ال 100 جنيه ممكن تضيع )
ومجهود ولازم يكون ولى أمرك معاكى



لو وافقوكى
إعملى تظلم
يمكن



أو تفوضى أمرك لله
وتبدئى بالاستعداد للجديد
ولا فائدة من البكاء على اللبن المسكوب
ونستعد للسنة الجديدة
وتأكدى لو لك حق عند الله مش بيضيع
حيعوضك فى السنة الجديدة بدرجات أعلى مما تتوقعى
(زى ما حصل مع البعض السنة دى )
أو التنسيق يدخلك الكلية اللى كنت عاوزاها المهم
إعملى اللى عليكى
لكن حنفضل نعيط على اللى فات
حنضيع اللى جاى



ربنا معاكم جميعاً وبالتوفيق

انا ليا 7 درجات ومتاكده
بس لو دفعت الفلوس ممكن مش اخد حاجة
ماما قالتلى استودعيهم عند ربنا وهو هيعوضك خير السنه السنه الجايه
بي 92.4 ينفع اخش علم رياضه وانا مطمنه ولاايه

لو فى تلميذ حل مسالة فى الرياضة (تفاضل) بشكل جديد شوية وتختلف عن نموذج الاجابة مش فى الحل فى الخطوات والمصحح اخطأفى تقدير حلى للمسالة ممكن تتراجع
ملحوظة المسالة دى اديتها لمدرسين كتير وفى الاول قالوا ايه الحل دا وبعد لما شرحته قالوا حل مظبوط بس ممكن يلخبط المصحح
وعملت نموذج اجابة فى البيت لحلى واديته لاكثر من مدرس واخدت فيه 18 من 25 ولما شرحت المسالة اخدت 20 فعندى احساس قوى ان المسالة عدت على المصحح وحسبها غلط فلو راجعت الورقة والمصحح كاتب عليها غلط ازاى اخد درجتى الضايعة والقانون بيقول جمع درجات بس مش مراجعة تصحيح الورقة

لو فى تلميذ حل مسالة فى الرياضة (تفاضل) بشكل جديد شوية وتختلف عن نموذج الاجابة مش فى الحل فى الخطوات والمصحح اخطأفى تقدير حلى للمسالة ممكن تتراجع
ملحوظة المسالة دى اديتها لمدرسين كتير وفى الاول قالوا ايه الحل دا وبعد لما شرحته قالوا حل مظبوط بس ممكن يلخبط المصحح
وعملت نموذج اجابة فى البيت لحلى واديته لاكثر من مدرس واخدت فيه 18 من 25 ولما شرحت المسالة اخدت 20 فعندى احساس قوى ان المسالة عدت على المصحح وحسبها غلط فلو راجعت الورقة والمصحح كاتب عليها غلط ازاى اخد درجتى الضايعة والقانون بيقول جمع درجات بس مش مراجعة تصحيح الورقة

للأسف المصحح مطالب بنموذج التصحيح
حتى لو فيه تظلم لازم يكون نموذج التصحيح معك لتثبت أنك حللت مثله ولكن لم تأخذ الدرجة أما غير هذا فللأسف مرفوض

انا ليا 7 درجات ومتاكده
بس لو دفعت الفلوس ممكن مش اخد حاجة
ماما قالتلى استودعيهم عند ربنا وهو هيعوضك خير السنه السنه الجايه
بي 92.4 ينفع اخش علم رياضه وانا مطمنه ولاايه

جاوبينى ياام شهنده

الاجابة تختلف عن نموذج التصحيح فى الطريقة لكن الطريقة اللى محلول بيها من داخل المنهج بس عايزة مدرس مصحصح
وسيدى الفاضل كمان نموذج التصحيح مكتوب فيه تراعى الاجابات الاخرى ما بالك اجابة صحيحة
لان لو اتقيدنا بنموذج الاجابة حرفيا سامحنى يبقى منسميهاش رياضيات

انا ليا 7 درجات ومتاكده
بس لو دفعت الفلوس ممكن مش اخد حاجة
ماما قالتلى استودعيهم عند ربنا وهو هيعوضك خير السنه السنه الجايه
بي 92.4 ينفع اخش علم رياضه وانا مطمنه ولاايه


لو بتحبى الرياضة وكنتى ناوية عليها من الأول كملى
ومؤكد ربنا حيوفقك إن شاء الله

والهى حقيقى انسانة عظيمة بمعنى الكلمة ام شاهندة وانا اؤيدك فى الراى يجب الحرص والتفكير جيداااا

شاكرين الافضال

وفى حالة اكتشاف المديريات استحقاق أحد المتظلمين لدرجات بعد اكتشاف أخطاء فى الرصد وليس التصحيح ستخطره المديريات بذلك على عنوانه بخطاب مسجل بعلم الوصول بالتعديل، ويضم أيضاً إخطارا يطالب بالحضور لاسترداد ما دفعه من رسوم، أما فى حالة التأكد من عدم استحقاقه فتخطره المديريات أيضا بذلك.



يعني ايه الكلام ده يا أستاذة ، يعني لو أن هناك إجابة صحيحة واحتسبت خطأ أو لم تصحح أساسا ، أو أن الورقة كانت من العينات العشوائية واحتسبت فيها مسألة خطأ ثم ألغي الحل مثلا أو احتسبت أجابات أخرى ، هل لا يتم إعطائي الدرجة ، هل بعد كل ده يقولوا المراجعة على الرصد فقط ، والله ده حرااااااااااااااااااااااااااااااااام

عايز اعرف موقف طالب حاصل على ثانوية العام الماضي ولم يقدم في التنسيق موقف هذا العام ايه يقدم ينتظر يتصل

يعنى ايه لو فى خطأ فى التصحيح ميتراجعش المصحح دا بشر واكيد بيغلط
بس خلينا نتكلم بصراحة قانون اعادة التصحيح معمول بطريقة محبوكة وواضحة جدا علشان الوزارة تحمى المدرسين والف ندامة على الطالب اللى يكون حالل حل نموذجى بس غير اللى فى نموذج الاجابة او مدرس يكون مخه على قده وفى من دا كتير وميعرفش يقدر الاجابات الاخرى وممكن تلميذ يستاهل بس يتظلم وتيجى الوزارة تقول مفيش اعادة تصحيح وكأنها بتحمى خطأ المدرس ويعللوا ذلك بان الورق بيتصحح وبيتراجع وصدقونى والكلام دا متاكد منه ان فى غالبية التصحيح ان مكنش كله الورق بيتصحح مرة واحدة واللى بيراجع اخرته بيمسك القلم الازرق ويكتب انه راجع ومن غير ميبص على الاجابة واكتر حاجة بيخاف منها المصححين هى جمع الدرجات لذلك الدرجات فى غرفة التصحيح يمكن بتتجمع اكتر من 5 مرات طبعا علشان الورق لما بيتعاد تصحيحه بيتعاد جمع الدرجات ودى حاجة مش هيغلطوا فيها لكن لو المصحح معلش فى اللفظ عاكك الورقة محدش هيجى عنده
حلو قانون الوزارة دا اللى اكيد بيكسبها كتير كل مادة 100 جنيه على جمع الدرجات واكيد محدش بيطولها تانى والله لقمة عيش حلوة بيلعبوا بضمير الناس ومشاعرها حرام اتقوا ربنا شوية وخافوا منه وراعوا شعور اولياء الامور
الاقتراح المفروض يتعمل :
ان ورقة الاجابة تتصور وتشطب من الصورة جميع الدرجات الموضوعة
يقوم المدرس اللى هيعيد التصحيح بتصحيح الصورة اللى اتشطب منها الدرجات ويعطى درجة جديدة
اذا كانت الورقة درجتها تختلف عن درجة الاصل
يكون هناك خلل ما فى التصحيح يكون من حق الطالب الدرجة الاعلى وبكدة الوزارة تحلل الفلوس اللى اخدتها
حتى القانون اسمه اعادة تصحيح لكن على كلام الوزارة المفروض اسمه اعادة جمع الدرجات

السلام عليكم

طيب انا دورت كتير ع نماذج الاجابه بس ملقتهاش ارجو المساعده بجد

انا عايزه اشوفها علشان اتاكد واروح اعمل تظلم بقلب جامد كدا واحط نماذج الاجابه وصورة كراس الحل بتاعتي ف عين ..... ال ظلمني


الرد بسرعه ارجوكم خصوصا ف الجبر والكيميا والفرنساوي بليييييييييييييييييييييييييييييييييييييييييييز

يعني ايه الكلام ده يا أستاذة ، يعني لو أن هناك إجابة صحيحة واحتسبت خطأ أو لم تصحح أساسا ، أو أن الورقة كانت من العينات العشوائية واحتسبت فيها مسألة خطأ ثم ألغي الحل مثلا أو احتسبت أجابات أخرى ، هل لا يتم إعطائي الدرجة ، هل بعد كل ده يقولوا المراجعة على الرصد فقط ، والله ده حرااااااااااااااااااااااااااااااااام

يا جماعة حد يرد عليا أنا هاتجنن

اللى عايز نموذج ااجابة اى امتحان يخش على موقع الاستاذ التعليمى

لو سمحتوا عندى سؤال مهم ياريت اللى متاكد من اجابته يرد علىا

هو اذا نزلت نموذج الاجابة من على النت واخدته معايا وانا رايحة اعمل التظلم هيسمحولى ابص فيه وانا باراجع ورقتى؟

السلام عليكم
انا احب اشكرك جدا يا أم شهندة على الموضوع ده
ثانيا بالنسبة للى بياخدوا معاهم نماذج اجابه فى ناس بياخدوها ومحدش بيكلمهم ده اللى انا سمعته بنفسى عن واحده عملت تظلم
بس يا جماعة بصوا فى الآخر فى حاجة احنا واللى عايزين يعملوا تظلم مش واخدين بالهم منها
احنا ممكن ربنا يكرمنا وده حسن ظن فيه اننا نحصل على درجات عاليه جدا السنة الجايه
ثانيا ممكن يكون الظلم اللى وقع لبعض الطلبة لهدف وانهم ما يتغروش ويجيبوا درجات عاليه جدا
وان اللى جابوا درجات عاليه السنة دى ممكن يتغروا او يثقوا فى نفسهم زيادة وده بيحصل لنسبة كبيرة منهم بس فى منهم كويسين بردو
انا كنت عايزه اعمل تظلم للكيمياء لان عارفه ان ليا درجات
لكن الحمد لله على كل حال
انا زعلت جدا فى البدايه على الدرجة لكن ممكن يكون ده خير لينا يا طلبة الثانوية
احسن حاجة فى الموضوع ده طلب الاستاذة شهندة اننا ما نزعلش على اللى انتهى خلاص
ونحمد ربنا يا شباب ويا بنات
وربنا يجعل لنا الخير فى الكليات اللى احنا عايزين ندخلها وندخلها بحوله وقوته ان شاء الله

يا جماعة انا عملت تظلم عربى ومجاش ليا درجات بس المفروض ليا درجتين ونص
وعاوزة اعمل شكوى اعمل ازاى حد يرد عليا ضرورى والنبى

Thank you very much

طيب لو عايزة اتظلم اون لاين اعمل ايه؟؟؟؟؟؟؟؟؟؟

ارجوكوا ساعدوني ولكم الثواب عند الله