فى غزة تلاقى الناس
بتبيع الحزن بلاش
فى غزة تلاقى الناس
تشترى أوهام ببلاش
......................
فى غزة تلاقى المدفع
رابض جنب الرشاش
فى غزة تلاقى وتسمع
همس وزعق الأوباش
..........................
فى غزة تلاقى بيوت
صبحت أكوام وتراب
فى غزةتلاقى الموت
ساير جنب الأغراب
....................
فى غزة تلاقى حصار
فى غزة تلاقى ضلام
فى غزة تلاقى النار
فى غزة تلاقى الام
.....................
فى غزة تلاقى الخوف
فارد جنحاته خيام
وتلاقى بمدد الشوف
أعلام غير الأعلام
....................
فى غزة تلاقى صبايا
حنتهم طيب الدم
جدران مليانة حكايا
مكتوبة بلون الدم
..................
فى غزة تلاقى حاجات
وحاجات م تصدقهاش
يابتوع الاحتجاجات
عاش الصمت العربى عاش
................قلم /هيثم عبدربه السيد

بارك الله فيك يا استاذ هيثم
قصيدة معبرة .....
فعلا نحن العرب ( أقصد الحكومات العربية ) لا نتجاوز الشجب والاستنكار
وأحيانا نندد
ولا نجرؤ يوما أن نهدد
مع أن أوراق التهديد في أيدينا كثيرة
ولكنه الجبن وحب الدنيا وعشق الكراسي المزخرفة
لا نملك الا ان نكبر اربع تكبيرات على النخوة والكرامة العربية
فانا لله وانا اليه راجعون