colorful dream
13-07-2010, 03:26 PM
اولا السلام عليكم ورحمة الله وبركاته
بس يا جمااااااااااااااعة هو انا كنت معيشة نفسي في احلام وردية ولا اييييييييييييه؟
قالولي نسبتك 97.1% ونزلت واحد في المية عشان ما بتاخديش فرنساوي ..... قلتلهم طيب
والحمد لله من كلام الناس عرفت اني الاولى ع المدرسة
"ولكن" وحطو مليون خط تحت "ولكن"
دخلت على موقع الاستاذ وجبت نسبتي
لقيتهم منقصيني الخمسيييييييييييييين درجة بتوع الفرنساوي ....
يعني حايبة في السبعينات
وترتيبي __ ترتيب ايه يا حسرة __ ماليش ترتيب
فسؤالي يااااااااااااا ترى شبكة الاستاذ بتجيب الترتيب دا من الوزارة ولا اجتهادهم
الله يخليكو حد يلحقنييييي
ردو عليا بليييييز
انتو مش عارفين ايه اللي انا حاسة بيه دلوقتي
colorful dream
13-07-2010, 03:29 PM
آآآآآه وعشان تشوفو بنفسكو
رقم جلوسي 1538197
يا ريييييت يا جماعة حد ينجدني
colorful dream
13-07-2010, 03:39 PM
فيه ايه محدش بيرد لييييييه؟
يا جماعة دا مش اي سؤال دا سؤال مصيري.....
أحمد الزنارى
13-07-2010, 03:40 PM
على ام اعتقاد
دى برمجة خاصة هما اللى بيعملوها
و مبرمج الموقع
نسى حكاية اللى مخدش فرنساوى دى لانها محدودة
تحياتى و اتمنى لك التوفيق
Xx_Youri_xX
13-07-2010, 03:46 PM
السلام عليكم
أولا أعرف حضرتك بنفسي
أنا مدير شبكة الأستاذ التعليمية
بالنسبة لنتيجة حضرتك
الوزارة سلمتنا القاعدة مكتوب فيها " معفى لغة أجنبية ثانية "
ولم تسلمنا درجاتك فيها
بالنسبة لبرنامج الثانوية العامة .. هوه يقوم بالجمع التلقائي للمواد كلها .. فعند الجمع لنتيجتك .. تجاهل القيمة وجمع من غيرها
وعشان كده حصل اللبس
للأسف مفيش تعديل أقدر أعمله لأني مش عندي النتيجة الحقيقية
لكن أقدر أخليه ميعرضش نسبة في حالة وجود إعفاء في اللغة الأجنبية الثانية
عمومًا نتيجة حضرتك اللي معاكي هيه الصح
آسفين للإزعاج ... لكن الخطأ ليس خطئنا ..
نعتذر مرة أخرى :)
Xx_Youri_xX
13-07-2010, 03:48 PM
استدراك صغير ..
حتى الآن مفيش ترتيبات تم إضافتها ..
ومتاخديش برقم الترتيب لو تم وضعه لأنه هيكون غير صحيح
colorful dream
13-07-2010, 03:57 PM
السلام عليكم
أولا أعرف حضرتك بنفسي
أنا مدير شبكة الأستاذ التعليمية
بالنسبة لنتيجة حضرتك
الوزارة سلمتنا القاعدة مكتوب فيها " معفى لغة أجنبية ثانية "
ولم تسلمنا درجاتك فيها
بالنسبة لبرنامج الثانوية العامة .. هوه يقوم بالجمع التلقائي للمواد كلها .. فعند الجمع لنتيجتك .. تجاهل القيمة وجمع من غيرها
وعشان كده حصل اللبس
للأسف مفيش تعديل أقدر أعمله لأني مش عندي النتيجة الحقيقية
لكن أقدر أخليه ميعرضش نسبة في حالة وجود إعفاء في اللغة الأجنبية الثانية
عمومًا نتيجة حضرتك اللي معاكي هيه الصح
آسفين للإزعاج ... لكن الخطأ ليس خطئنا ..
نعتذر مرة أخرى :)
الحمد لله بجد بجد انا استريحت خااااااالص
وشكرا لحضرتك
dm3t amel
13-07-2010, 04:06 PM
Xx_Youri_xX (http://www.thanwya.com/vb/member.php?u=275009)
عايزة اعرف ترتيبى ع مدرستى اعرف ازاى
colorful dream
13-07-2010, 04:18 PM
Xx_Youri_xX (http://www.thanwya.com/vb/member.php?u=275009)
معليش .. بس ما فيش طريقة اعرف بيها ترتيبي الحقيقي
واسفة ع الازعاج ........
Xx_Youri_xX
13-07-2010, 04:37 PM
السلام عليكم
أولا .. عذرًا على الخطأ الغير المقصود .. ولكن انا نسيت أوضح إن دي كانت نسخة للعرض السريع وكان مكتوب فوق إن دي نسخة تجريبية وطبيعي إن يكون فيها أخطاء.. لأنها اتعملت بسرعة جدًا عشان الطلب الزيادة على البحث بالإسم والترتيب ...
عمومًا تم إصلاح المشكلة ودلوقتي نسبتك المئوية الصحيحة هي اللي موجودة ...
بالنسبة لترتيبك على المدرسة
بكل بساطة .. ابحثي عن اسم المدرسة ..
هيعرضلك طلبة المدرسة كلهم مرتبين حسب المجموع
شوفي انت رقم كام .. وهوه ده ترتيبك :)
بالنسبة لترتيبك الحقيقي يا colorful dream ..
للأسف احنا بنرتب بالدرجات مش بالنسبة المئوية .. وعشان كده مش هتطلع معاك بصورة صحيحة
وصعبة إننا نرتب بالنسبة المئوية .. عشان الطلبة المعفيين لغة أجنبية ثانية >> 4,282 طالب فقط
إلى جانب إنها هتبقى عملية مرهقة أكثر على السيرفر
عمومًا ليك انت فقط
بنسبتك المئوية الحالية 97.1 >>> انت 10,191 على الجمهورية
وعلى شعبة علمي فقط >>> 10,114
وإن شاء الله الترتيبات هتبقى متاحة لكل الطلبة النهاردة بالليل أو بكره بالكتير ان شاء الله
السلام عليكم
الأستاذة أم شاهندة
13-07-2010, 04:51 PM
شكرا للتوضيح من حضرتك أستاذنا الفاضل
والحمد لله على حل مساءلتك أختنا الفاضلة
إسمحا لى أقوم بحذف الموضوع إنتهاء الغرض منه تحياتى