مناقشات تدور بين طلبة علمي [الأرشيف] - بوابة الثانوية العامة المصرية

كونان العرب

13-07-2010, 04:39 PM

أحمد الزنارى

13-07-2010, 04:47 PM

انا واخد علم نفس
كلو نصنى بيها
بس لسة متردد هيا و لا اقتصاد و احصاء

ningooooo

13-07-2010, 04:47 PM

اخيرررااااااااااااااا حد هيتناقش في الموضوع ده

والله انا برضه محتار بين اقتصاد و احصاء و علم نفس

انا عايز اقتصاد و احصاء و اصحابي كلهم هياخدوا علم نفس

بيقولوا مضمونة فيها الـ 50 من 50 بس انا مش بعرف احفظ خاصة ان علم النفس عامل زي الفلسفة و الحاجات الرخمة دي و المنهج طويل اوي بس بيتهيألي الامتحان بيجي سهل بس خايف مش اقدر احفظه و اضيع فيه خاصة ان ذاكرتي ما شاء الله احط الكلمتين من هنا يطيرو ا في ساعتها

اما الاقتصاد و الاحصاء .. الاحصاء سهلة كما يقال لكن انا خايف من الامتحان يلعبوا فيه و يجيبوا تركات صعبة و انا اتهبل في الامتحان و اغلط و ساعتها هنقص بينما زمايلي يبقوا جايبين 50 في علم النفس و الاقتصاد هيبقي برضه صعب في الحفظ لكن علي الاقل هيبقي في نص حجم علم النفس !!

ياريت يا جماعة اسمع رأيكم عشان انا محتار خااااااااالص
وانا علمي رياضة ان شاء الله
أنا برضو زيك مش بحب الحفظ و ذاكرتي برضو في الضياع و محتار بين المادتين دول في ناس بتقول ان علم النفس مادة مضمونة بس أنا في أولي ثانوي مكنتش بطيق الفلسفة
و الاقتصاد و الاحصاء ساعات بيتفزلكوا فيه
و انا كمان محتار بين الاحياء و الرياضيات2
و مش عارف اعمل كنت استقريت علي الاحياء بس لقيت في 40 و احد في مدرستي أعلي مني و في مجاميع عالية جدا و انا عن نفسي متقبل المادتين بس محتار و مش عارف الكلام ده عادي و نسبة اللي فوق 95% بتبقي كدة كل سنة و لا أقل و لا أعلي و مفيش حد راضي يفيدنا

كونان العرب

13-07-2010, 05:00 PM

أنا برضو زيك مش بحب الحفظ و ذاكرتي برضو في الضياع و محتار بين المادتين دول في ناس بتقول ان علم النفس مادة مضمونة بس أنا في أولي ثانوي مكنتش بطيق الفلسفة
و الاقتصاد و الاحصاء ساعات بيتفزلكوا فيه
و انا كمان محتار بين الاحياء و الرياضيات2
و مش عارف اعمل كنت استقريت علي الاحياء بس لقيت في 40 و احد في مدرستي أعلي مني و في مجاميع عالية جدا و انا عن نفسي متقبل المادتين بس محتار و مش عارف الكلام ده عادي و نسبة اللي فوق 95% بتبقي كدة كل سنة و لا أقل و لا أعلي و مفيش حد راضي يفيدنا

طب والعمل ايه ؟! انا كل اما اسأل حد ! يقولي علم نفس بلاش فزلكة و تعمل نفسك عبقري !!
والله حاسس لو اخترت علم نفس هرجع اندم و برضه لو اخترت اقتصاد و احصاء برضه هرجع اندم في الاخر ..
يعني كله ندم x ندم ..
وانا كمان كنت بكره الفلسفة في اولي ثانوي .. ارسطو و افلاطون و ........ إلخ
و فاكر القوانين بتاعة أ . أ هو أ و الشئ اما يكون أ او لا أ ........ باين كده و لا ايه كانوا 3 قوانين احفظ الاول انسي التاني ههههههههه ربنا يشفيهم ..
ربنا يسهل بقي و يعدي الموضوع ده علي خير و استقر علي حاجة ..

طب انت جبت كام ؟!
يعني انتَ متقبل المادتين ؟! ممم طب عايز تبقي دكتور و لا مهندس !!
يعني اكيد عندك ميول اكتر لحاجة معينة
انا عن نفسي بكره الاحياء لدرجة محدش ممكن يتصورها ..... دي اغبي مادة شفتها في حياتي !!
و مع ذلك خايف من رياضة 2 .. بس هبذل اقصي جهدي و ربنا يسهل ^^"

اه انا برضه عايز اعرف كده المجاميع نازلة و لا ايه ؟!! بس بيتهيألي ان المجاميع اللي فوق ال95 نسبتها زي كل سنة
لكن اللي كانوا بيجيبوا من 90 : 95 هما اللي نزلوا للتمنينات !! علي ما اظن بس برضه فيه شاطرين جدااااا و كانوا والله يستحقوا 98 و 99 بس نزلوا خالص .. ربنا يكون في عونهم ..

انا التاني علي المدرسة علمي رياضة و الخامس علمي علي بعضه
و حاولت اجيب مدارس محافظتي كلها واجمع كده شوية لقيت اني السادس مكرر علمي رياضة ^^
بس مكرررررر اوي يعني لان
2 -------- 203.5
4 -------- 203
5 -------- 202.5
6 -------- 202
10 ------- 201.5
15 -------- 201 >> انا من دول ^^
بس فيه برضه 204 و 203 و 202 بس اخدين احياء في الاول ^_^

ningooooo

13-07-2010, 05:06 PM

طب والعمل ايه ؟! انا كل اما اسأل حد ! يقولي علم نفس بلاش فزلكة و تعمل نفسك عبقري !!
والله حاسس لو اخترت علم نفس هرجع اندم و برضه لو اخترت اقتصاد و احصاء برضه هرجع اندم في الاخر ..
يعني كله ندم x ندم ..
وانا كمان كنت بكره الفلسفة في اولي ثانوي .. ارسطو و افلاطون و ........ إلخ
و فاكر القوانين بتاعة أ . أ هو أ و الشئ اما يكون أ او لا أ ........ باين كده و لا ايه كانوا 3 قوانين احفظ الاول انسي التاني ههههههههه ربنا يشفيهم ..
ربنا يسهل بقي و يعدي الموضوع ده علي خير و استقر علي حاجة ..

طب انت جبت كام ؟!
يعني انتَ متقبل المادتين ؟! ممم طب عايز تبقي دكتور و لا مهندس !!
يعني اكيد عندك ميول اكتر لحاجة معينة
انا عن نفسي بكره الاحياء لدرجة محدش ممكن يتصورها ..... دي اغبي مادة شفتها في حياتي !!
و مع ذلك خايف من رياضة 2 .. بس هبذل اقصي جهدي و ربنا يسهل ^^"

اه انا برضه عايز اعرف كده المجاميع نازلة و لا ايه ؟!! بس بيتهيألي ان المجاميع اللي فوق ال95 نسبتها زي كل سنة
لكن اللي كانوا بيجيبوا من 90 : 95 هما اللي نزلوا للتمنينات !! علي ما اظن بس برضه فيه شاطرين جدااااا و كانوا والله يستحقوا 98 و 99 بس نزلوا خالص .. ربنا يكون في عونهم ..

انا التاني علي المدرسة علمي رياضة و الخامس علمي علي بعضه
و حاولت اجيب مدارس محافظتي كلها واجمع كده شوية لقيت اني السادس مكرر علمي رياضة ^^
بس مكرررررر اوي يعني لان
2 -------- 203.5
4 -------- 203
5 -------- 202.5
6 -------- 202
10 ------- 201.5
15 -------- 201 >> انا من دول ^^
بس فيه برضه 204 و 203 و 202 بس اخدين احياء في الاول ^_^

أ نقصت جامد في الانجلش مع اني كنت شاطر فيه و ده لاني كنت مصدع جدا وقت الامتحان و حليت بغباء جدا مش عارف ليه مع اني شايف ان الامتحان كان يعتبر سهل
يلا قدر و ما شاء فعل و مفيش حد بياخد اكتر من نصيبه
الحمد لله علي كل حال
و انا محتار جدا و إبن عمي كان واخد علم نفس السنة اللي فاتت و هو برضو مش بيحب الحفظ بس بيقولي اخدها و انها مادة حلوه

كونان العرب

13-07-2010, 05:08 PM

أنا جايب 199 بس نقصت جامد في الانجلش مع اني كنت شاطر فيه و ده لاني كنت مصدع جدا وقت الامتحان و حليت بغباء جدا مش عارف ليه مع اني شايف ان الامتحان كان يعتبر سهل
يلا قد و ما شاء فعل
الحمد لله علي كل حال
و انا محتار جدا و إبن عمي كان واخد علم نفس السنة اللي فاتت و هو برضو مش بيحب الحفظ بس بيقولي اخدها و انها مادة حلوه

اها معلش قدر الله و ما شاء فعل
و درجتك حلوووووووووة جدا ما شاء الله
فعلا يعني ممكن واحد مش بيحب الحفظ يحب المادة دي ؟! مممم طب هوا جاب كام ؟

ningooooo

13-07-2010, 05:10 PM

اها معلش قدر الله و ما شاء فعل
و درجتك حلوووووووووة جدا ما شاء الله
فعلا يعني ممكن واحد مش بيحب الحفظ يحب المادة دي ؟! مممم طب هوا جاب كام ؟

و الله مش عارف هو كان جايب كام
بس شكلي كده هستقر إن شاء الله علي علم النفس
و ربنا يسهلها علينا كلينا

كونان العرب

13-07-2010, 05:12 PM

و الله مش عارف هو كان جايب كام
بس شكلي كده هستقر إن شاء الله علي علم النفس
و ربنا يسهلها علينا كلينا

ياااااااااااااااااااااااااارب

أحمد الزنارى

13-07-2010, 05:20 PM

الحل يا جماعة ناخد تاريخ
ههههههههههههههههه

hoda20101

13-07-2010, 05:20 PM

طاب يا جماعه انا جايب 92.2 ممكن يكون في امل اخش هندسه ولا لا ارجو الرد

أحمد الزنارى

13-07-2010, 05:22 PM

طاب يا جماعه انا جايب 92.2 ممكن يكون في امل اخش هندسه ولا لا ارجو الرد

فى امل كبير ان شاء الله

كونان العرب

13-07-2010, 05:26 PM

الحل يا جماعة ناخد تاريخ
ههههههههههههههههه

هههههههههههههههه فكرة جااااامدة .. مش جت علي بالي خالص ^^
ههههههههههه :d

ningooooo

13-07-2010, 05:35 PM

الحل يا جماعة ناخد تاريخ
ههههههههههههههههه
يااااااااااااااااااااااااه مش عارف راحت عن بالي فين
بس مش تبقي تقيله شويه

أزهار الخريف

13-07-2010, 06:26 PM

علم نفس طبعا انا احياء جبت 98.3

*يارب نور دربي*

13-07-2010, 06:38 PM

كله محتااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااار

صلو استخاره وبعدين

طيب اقتصاد واحصاء اسهل ياجماعه بس لل بيفهم

وف ناس بتقول ماده واحده احسن من مادتين

توفير وقت ومجهود

وااختي جمبي اهي وبتقولي علم نفس وفلسفه عايزين حفظ مع فهم بس الحفظ اكتر

احنا هنوصل لقرار امته لما الامتحانات تقرب ولا ايه

لازم نقرر بسرعه وانا شايفه انك تاخد ال هتفهمها وهتكون لذيذه ف المذاكره معاك وسيبكو من صحابي واخدين كذا وكدا كل واحد بيكتب ال هيعرف يمشي فيها وهم شكلهم بيحفظو

انت ممكن تحفظ ازاي بقي للهياخد علم نفس او فلسفه بالورقه والقلم ومش هتنسي حتي لو ايه و ال بيعرف يكتب وليه ميول للكتابه وكدا ممكن ياخد علم نفس لانه ممكن يكتب بسهوله مدام بيعرف يكتب ومع المذاكره طبعا

alsakr30

13-07-2010, 06:43 PM

السلام عليكم
يا خوانى انا ادبى
وبقلكم
اسهل مادة علم النفس والاجتماع مادة جميلة جدا جدا جدا
وجات سهلة جدا السنة دى

alsakr30

13-07-2010, 06:45 PM

يا خوانى
الاقتصاد والاحصاء زى الرياضة بتيجى صعبة
لكن علم النفس والله سهل جدا
بس اللى يذاكر وهى احسن من الفلسفة وسهل منه بكتير جدا
انا قلت النصيحة واللى عايز ياخد بها
الله ما قلت الله ما اشهد

alsakr30

13-07-2010, 06:47 PM

==============علم النفس يا جماعة ===========
==========انا شايف فى ناس كتيرة محتارة مش عارف ليه =========
====== الاقتصاد والاحصاء صعبة يا جماعة انا قلت لكم ============

ايمان عبد ربه

13-07-2010, 06:48 PM

اولا السلام عليكم انا اقترح ان نقرا جزء من علم النفس ولو لاقيناه سهل ناخده وعايزه حد يفكر معايا فانا جبت 94% مش عارفه اكمل علمى رياضه ولا احول علمى علوم ارجو الافاده

alsakr30

13-07-2010, 06:56 PM

وعليكم السلام

يا ختى انا ادبى وكنت واخد علم النفس
وهو مادة سهلة جدا جدا جدا وكمان علم الاجتماع اسهل منه
واول باب فى علم النفس مش ها يخد يوم مذاكرة
وعلم النفس 5 ابواب
علم الاجتماع 4 ابواب
وعلى فكرة انا لم اخذ اى درس وكان سهل جدا
والراى الاخير لك
وعلى فكرة كل طلاب العملى هنا بياخد علم النفس لانه سهل
ولابنا يوفقك

etwad3na

13-07-2010, 06:57 PM

انا كمان كنت محتاره ما بين علم نفس وافتصاد واحصاء
لكن انا بحب الرياضه وناويه اخد اقتصاد واحصاء باذن الله
وبالنسبه لحكايه ان الاقتصاد والاحصاء مادتين كمان الفلسفه والمنطق جزئين
واظن ان الاقتصاد والاحصاء احسن بالنسبه لعلمى رياضه
بالنسبه بقى للاحياء فدى ماده لذيذه والله بس عاوزه دماغ انامش كنت بحبها فى الاول لكن المنهج شيق وتستمتع بيه
انا عاوزه اسالكم سؤال تانى بقى
بخصوص المستوى الرفيع
انا كنت عاوزه اخد احياء بس دى هتحتاج مجهود وانا جبت السنه دى 197,5 يعنى محتاجه ازود مجموعى السنه الجايه بشكل كبير
فقلت اخد عربى عشان اضمنه
اللى عنده تعلق ياريت يناقش لانى عاوزه اخد المواد اللى تفيدنى زى احياء كمستوى رفيع

محدش له دعوه

13-07-2010, 07:04 PM

انا جبت 98.5 وانشاء الله هاخد علم نفس ومستوي عربي

ningooooo

13-07-2010, 07:52 PM

انا هاخد مستوي رفيع إنجليزي
في رايكوا العربي افضل؟

last_net

13-07-2010, 08:01 PM

شاكرين الافضال

طارق حسام

13-07-2010, 08:06 PM

كده الواحد احتار بعد ما شاف الردود

انا كنت ناوي ادخل ان شاء الله اقتصاد و احصاء

و اخويا نصحني بكده و قلي بدام انتا علمي رياضة يبقى هتبقى كويس في الاقصتاد و الاحصاء

انتو ايه رأيكو

كونان العرب

13-07-2010, 08:07 PM

اه صحيح العربي اسهل و لا الانجليزي كمستوي رفيع ؟؟

انا شفت امتحانات السنة دي في العربي و الانجليزي !!
من رأيي الانجليزي ^^

بس عايز اعرف رأيكم ؟

كونان العرب

13-07-2010, 08:10 PM

كده الواحد احتار بعد ما شاف الردود

انا كنت ناوي ادخل ان شاء الله اقتصاد و احصاء

و اخويا نصحني بكده و قلي بدام انتا علمي رياضة يبقى هتبقى كويس في الاقصتاد و الاحصاء

انتو ايه رأيكو

انا رأيي من رأيك اقتصاد و احصاء بس الناس شكلهم هيأثروا عليا
تقريبا كده هقرأ شوية من علم النفس و من الاقتصاد
اما الاحصاء متأكد من سهولتها ^^

booosy cat

13-07-2010, 08:10 PM

انا كنت محتاره زيكو كده فى انى اخد اقتصاد واحصاء ولا علم نفس بس كتير قالى انى اخد علم نفس احسن ولانو مضمون فيه ان الواحد يجيب 50 وانا بصراحه لما فكرت فيها الحمد لله اهتديت لعلم النفس مع العم انى علمى رياضه
وبالنسبه للمستوى الرفيع انا وخداه انجليزى انتو ايه رايكو ؟

كونان العرب

13-07-2010, 08:29 PM

ياريت اي مدرس يدخل يقولنا رأيه !!

muslem14

13-07-2010, 08:58 PM

علي فكره علم النفس افضل ماده انا اخدتو وذاكرتو ف اخر شهرين ونص والله ما كنت اعرف عنو حاجه قبل كده ولا كنت باخد درس غير ف اخر شهرين دول وجبت فيه 49 ووالله كمان ما غشيت ولا كلمه عشان محدش يقول غش

nora2000

13-07-2010, 09:01 PM

انا طالبة رايحة تانية طب

انا عن نفسي كنت واخدة علم نفس وكان سهل جدااااا

وفي اصحابي كانو واخدين اقتصاد واحصا وقالو انه حلو بردو

انا عن تجربتي شايفة ان علم النفس كان حلو وكنت حاسه انه مادة صغيرة

اهم حاجة ابعدو عن مستوي الرفيع احياااء

انا مااستفتش منه خالص

كان عايز مزاكرة جامدة زي الاحياء العادية والامتحان بيبقي طويل زي امتحان الاحياء العادية

6 اسئلة تختار 5 منهم وكل سؤال بعشر درجات

وامتحاني كان وحش اوي كمان يعني من الاخر عايز مزاكرة جامدة زي باقي المواد

*يارب نور دربي*

13-07-2010, 09:02 PM

انا بقي ان شاء الله اقتصاد واحصاء

ربنا معاكو

الاحصاء انا شفتها ولقتها سهله لسه هشوف الاقتصاد

ميدو مواسم

13-07-2010, 09:05 PM

أحمد الزنارى

13-07-2010, 09:13 PM

يا ناااااااااااااااااااس الوزير لغى تحويل المستوى والمواد الاختيارى القرار ده تم تطبيقه علينا ((سنة الفراغ))

يعنى اللى كتبته فى استمارة تانية ...قضى الامر

ومفيش تحويل من علمى لادبى او من رياضة لعلوم..لذلك استيقظوا

لااااااااااااااااااااااااااااااااااااا معلووووووووووووووووووووووووومة خااااااااااااااااااااااااااااااااااااااطئة
لو عمل كدة
مش هيعيش لبكرة
لان نص علمى هيحولو ادبى عشان المجاميع و محدش هيسكت لو قال مينفعش
و الاهالى مش هيخلوة يشوف نفسة تانى يستحيل

كونان العرب

13-07-2010, 09:34 PM

............................

CaStLeS In ThE AiR

13-07-2010, 10:37 PM

أنا أخدت علم نفس و بردو مش بحب أحفظ بس كلامه حلو و سهل مش محتاج حفظ أصلا مش زي حفظ الأدب (يا ساتر يا رب)
الواحد يحفظ يحفظ و الحصيله صفر

ningooooo

14-07-2010, 12:27 AM

يا ناااااااااااااااااااس الوزير لغى تحويل المستوى والمواد الاختيارى القرار ده تم تطبيقه علينا ((سنة الفراغ))

يعنى اللى كتبته فى استمارة تانية ...قضى الامر

ومفيش تحويل من علمى لادبى او من رياضة لعلوم..لذلك استيقظوا
يا باشا بلاش تعمل بلبلة الكلام ده أنا مسمعتوش نهائي و هو عنده حق يعني ترحولوه قبل اللجنة بعشر دقائق و تقولوا عايزين نغير المستوي الرفيع ده طبعا كلام مش منطقي مع احترامي لحضرتك

و في نسبة رسوب عالية و ربنا يكون في عون هؤلاء الطلاب هما و أهاليهم و فيهم نسبة مؤكد هتحول لادبي اما لو لغي التحويل من علوم و رياضة للي واخدين كيمياء فدي تبقي كارثه و ربنا يستر و اعتقد انو كلام خاطئ

و شكرا لكل فرد شارك برأيه و لسي مستنين المزيد و ياريت الناس اللي أكبر مننا يفيدونا بتجربتهم

Dr NoOda

14-07-2010, 12:46 AM

السلام عليكم
انا متابعة المنتدي من اسبوعين كده
بس بجد عجبني جدا واخيرا سجلت فيه
انا واخدة اقتصاد واحصاء
والمستوي عربي
اصل احصاء حصة في الاسبوع وكذلك اقتصاد يعني توفير وقت مش كده ولا ايه ؟؟؟؟

كونان العرب

14-07-2010, 12:50 AM

طب علم النفس ايه نظامه كام حصة ؟!
بيتهيألي علم النفس شغال طول السنة
اما الاقتصاد بيبدأ من الاول و الاحصاء من شهر 12 كده ؟!

كونان العرب

14-07-2010, 12:52 AM

و شكرا لكل فرد شارك برأيه و لسي مستنين المزيد و ياريت الناس اللي أكبر مننا يفيدونا بتجربتهم

ايواااااااااا ياريت ولكم جزيل الشكر

CaStLeS In ThE AiR

14-07-2010, 12:57 AM

أنا أختي كانت واخدة علم نفس وجابت 49 بس علي سنتهم كان الاقتصاد و الإحصا نااااااااااااااااااااااار بس طبعا كان فيه خمسينات كتير في علم النفس

التائبة الى ربها

14-07-2010, 12:57 AM

انا عن نفسى اضمن 50 فى علم النفس اكتر من الاقتصاد والاحصاء
اخويا كان عنده غلطة وجاب 50
واختى كان عندها غلطة وجبت 50
وان شاء العزيز المقتدر اجيب 50

ningooooo

14-07-2010, 01:06 AM

طيب يا جماعة الخير هو علم النفس بيبقي طول السنة و لا برضه آخر شهرين
و المستوي الرفيع بيتشرح و لا انا بذاكره مع نفسي

كونان العرب

14-07-2010, 01:06 AM

بعد كل النقاش ده مش قادر اوصل لقرار برضه ؟!!

كونان العرب

14-07-2010, 01:08 AM

المستوي الرفيع بسمع ان فيه مدرسين بيدوه ؟ بس انا مش مع الفكرة دي !! انا هذاكره في البيت يعني ليلة الامتحان كده
وممكن احاول اذاكره في الاجازة بس اما اعرف الاول هاخد ايه ؟!

Dr NoOda

14-07-2010, 01:08 AM

طب علم النفس ايه نظامه كام حصة ؟!
بيتهيألي علم النفس شغال طول السنة
اما الاقتصاد بيبدأ من الاول و الاحصاء من شهر 12 كده ؟!
بيتهيالي 3 حصص في الاسبوع زي بقية المواد
الاقتصاد والاحصاء كل واحد حصة في الاسبوع
بس اغلب ظني الاتنين بيبدؤا من الاول

ningooooo

14-07-2010, 01:11 AM

بعد كل النقاش ده مش قادر اوصل لقرار برضه ؟!!
ليه كدة
انا عن نفسي تقريبا استقريت علي
1-علم النفس كمادة أدبية
2-الإنجليزي كمستوي رفيع
إن شاء الله
و لو حد عنده تعقيب ياريت يفيدنا

كونان العرب

14-07-2010, 01:11 AM

يعني المنهج طويل علي كده عشان يخدوا 3 حصص في الاسبوع مع اني اعتقد انه اقل من كده !!

كونان العرب

14-07-2010, 01:14 AM

ليه كدة
انا عن نفسي تقريبا استقريت علي
1-علم النفس كمادة أدبية
2-الإنجليزي كمستوي رفيع
إن شاء الله
و لو حد عنده تعقيب ياريت يفيدنا

انا نفسي كمان استقر علي اي حاجة
ده انا ساعات بتمني ان يبقي قرار عدم التغيير في الاستمارة صحيح عشان اخلص بقي من وجع الدماغ ده !!
بس طبعاً مش هيحصل القرار ده و انا متأكد ..

Dr NoOda

14-07-2010, 01:17 AM

والله ما اعرف يا كونان بس الاقتصاد نص كتاب علم النفس او اقل كمان
وبعدين كفاية عليا الاحياء في تانية قرفتني في الحفظ
ده فصل زي الاحساس خد مرة معايا 8 ساعات وبعدها بتلات ولا اربع ايام ابيض هههههه
الحمد لله ربنا كرمني وجبت فيها 48 بس بجد الامتحان كان ناااااار بالنسبة لي عالاقل
والاحصا الكل بيقول فيها انها هايفة

كونان العرب

14-07-2010, 01:18 AM

يعني انتَ هتاخد اقتصاد و احصاء ؟

كونان العرب

14-07-2010, 01:19 AM

اه ماشي الاحصاء هايفة بس ممكن الامتحان يجيي صعب وتجيلك حالات غباء بعد الشر يعني و تروح في داهية في الاخر ؟!

Dr NoOda

14-07-2010, 01:24 AM

اه ان شاء الله
ومعاك ان الامتحان ممكن يجي صعب
بس في الاول والاخر كله توفيق
بس يعني هو يخترع افكار يعني لو حلينا دليل التقويم وكتاب المدرسة مع ملخص خارجي
ان شاء الله نقفله
المهم انا مش بقا عندي قدرة احفظ زي الاول كفاية عليا الاحياء واللي ورتهولي

الدكتورة اسراء مصطفى

14-07-2010, 01:27 AM

والله ياجماعة انا ان شاء الله هادخل تانية انشاء الله وخايفة جدا ياريت تطمنونى وعايزة نصائحكم اتعلم منهالانكم خضطم هذه المرحلة الصعبة ارجو الرد سريعا لانى قلقة بالفعل

كونان العرب

14-07-2010, 01:27 AM

ما انا زيك برضه مش بحب احفظ و بنسي بسرعة و كمان عايز ادخل هندسة قسم اتصالات و ده معتمد علي الاحصاء شوية
عشان كده عايز ابقي دارس الاحصاء عشان مش اتعب بعد كده ..
فكل اما اقول خلاص اقتصاد واحصاء ارجع تاني في رأيي مش عارف ليه ؟!!!!!!!
يمكن عشان كله اخد علم نفس

Dr NoOda

14-07-2010, 01:32 AM

انا رائي تاخد اقتصاد واحصاء
لان انت علمي رياضة يعني اعتبرها فرع من فروع الرياضة اللي هتاخدها باذن الله
بدل ما هم خمسة اعتبرهم ستة
وهيتبقي عندك الاقتصاد صغير وال25 مضمونة فيه باذن الله
وربنا يختارلك الخير وتدخل الكلية اللي عايزها
وابقي صلي ركعتين استخارة

كونان العرب

14-07-2010, 01:36 AM

يارب و انتَ كمان بإذن الله
اه فعلا انا محتاج اصلي صلاة استخارة يمكن ربنا يهديني ..

وشكراً لك علي التشجيع
ومعلش خنقتك حبتين ^^"

أحمد الزنارى

14-07-2010, 01:36 AM

انا لسة سائل اختى اهة و هى مخلصة من تلات سنين ثانوى
هى كانت ادبى على فكرة
بتقول انهم ماكنوش بياخدو دروس فى الاقتصاد و الاحصاء غير فى شهر 12
و الاقتصاد اصعب من الاحصاء
و جابت 48.5
و فى علم النفس بتقول ميعتبرش مذاكرة دة كانة ترفية و بتقرا فى كتاب عادى مالوش علاقةبالمدرسة و كدة
و جابت فى علم النفس 50
عشان كدة بفكر فى علم النفس
و بالنسبة للحفظ بتقول تفهم الموضوع و بعدين تكتبة فى الامتحان بطريقتك

Dr NoOda

14-07-2010, 01:36 AM

والله ياجماعة انا ان شاء الله هادخل تانية انشاء الله وخايفة جدا ياريت تطمنونى وعايزة نصائحكم اتعلم منهالانكم خضطم هذه المرحلة الصعبة ارجو الرد سريعا لانى قلقة بالفعل
بصي يا قمر اهم حاجة طاعة ربنا اولا والدعاء
خلي كل اللي حواليكي يدعولك
وماتخافيش ولا حاجة
لازم تهدي نفسك
لان اهم حاجة التركيز والهدوء
وذاكري اول باول<<مش كنت بعملها اوي هههههههه:d>>
وحلي في الانجلش والرياضة والفرنساوي كتيرررررررر خالص لان الحل اهم حاجة
والعربي احفظي وحلي مع مدرسك
بس لازم النحو والبلاغة تحلي فيهم كتير والادب راجعيه داااااااايما

قوليلي بقا انتي كميا و لا احياء ولا ادبي

suzy m

14-07-2010, 01:37 AM

السلام عليكم اصدقائى الاعزاء هو الامر صعب التفكير فيه لكن اقولك فى الاول صلوا صلاة الاستخارة اما ثانيا فالاخوة الذين لايقدرون على الحفظ مثلى من الافضل ليهم اقتصاد واحصاء اما الذين يقدرون على الحفظ فعلم تفس افضل ليهم اما بالنسبة لصعوبة الامتحانات قهذا فى علم الغيب وبصراحة من الطبيعى يجى الامتحان فى تكات سواء فى المادتين تحياتى لكم

Dr NoOda

14-07-2010, 01:40 AM

لا يا كونان ولا خنقتني ولا حاجة انا سعيدة جدا اني انضميت للمنتدي لان حبيته بجد خالص
وربنا يوفقك يارب

احمد
اللي مخوفني من علم النفس انه يتوقف علي تعليم المصحح
يعني ممكن مصحح يلاقي اجابتك ناقصة في نظره وينقص نص
ونص علي نص يخرب المجموع
اما الرياضة فحسابات صح صح غلط غلط
انا اخويا هندسة بترول وقالي اقتصاد واحصا مفيش اسهل منه

كونان العرب

14-07-2010, 01:41 AM

أحمد الزنارى

14-07-2010, 01:42 AM

والله ياجماعة انا ان شاء الله هادخل تانية انشاء الله وخايفة جدا ياريت تطمنونى وعايزة نصائحكم اتعلم منهالانكم خضطم هذه المرحلة الصعبة ارجو الرد سريعا لانى قلقة بالفعل

اتعلمى مننا بدل ما تبقى زينا و عشان تبقى دكتورة زى ما مكتوب فى اسمك
هقولك السر
ممكن تضحكى علية لانك سمعتية كتير جدا و مقولة قديمة جدا لكن اقسم بالله هذا هو السر و لو طبقتية هتبقى دكتورة فعلا و تعدى 98 ان شاء الله
لا تؤجل عمل اليوم الى الغد
هو دة السر نفذى الجملة دى بس و اضمنلك تحققى اللى عايزاة
شوية نصايح عالماشى كدة
غلطات وقعت فيها و بحذرك منها
حسن اختيار المدرس و المجموعة اللى هتاخدى فيها درس و متتكسفيش انك تطلبى من المدرس نقلك لمجموعة اشطر او حتى تسيبى المدرس لو كان وحش
ما تسمعيش لصحابك اللى بيقوللك مابنذاكرش و خليكى فى نفسك و بس

كونان العرب

14-07-2010, 01:43 AM

انا اخويا هندسة بترول وقالي اقتصاد واحصا مفيش اسهل منه

ايوا كده هوا ده الكلام طمنوني ^^"
كده اتنين عليا مرة واحدة احمد الزناري و هند شريبة
انا هموت من الفرحة ^_^
اخيراااااااااااااااااااااااا

كونان العرب

14-07-2010, 01:44 AM

للي مخوفني من علم النفس انه يتوقف علي تعليم المصحح
يعني ممكن مصحح يلاقي اجابتك ناقصة في نظره وينقص نص
ونص علي نص يخرب المجموع
بجد الكلام ده بيحصل !! يعني زي الفلسفة كده ولا ايه ؟

كونان العرب

14-07-2010, 01:46 AM

معلش كمان هوا الاقتصاد حفظه صعب يعني و لا ايه ؟
انا سمعت انه بيكلم عن البورصة و النقود و حاجات كده ؟!

أحمد الزنارى

14-07-2010, 01:53 AM

بص يا سيدى
الاقتصاد بيتكلم عن الاموال و البنوك و التضخم و الضرايب و الكلام دة بس بتقول رخم شوية و فية حفظ
الاحصاء لذيذة عبارة عن مسائل بتحلها فى شكل رسم بيانى و سهلة
علم النفس بيهتم بدراسة شخصية الانسان و سلوكة و حاجات كدة و سهل جدا و بتحب تقراها اصلا قبل النوم مثلا زى الحواديد
علم الاجتماع سهل بس فية شوية حفظ و مش فى نفس متعة علم النفس لكن كويس
لكن فى المحصلة
علم النفس احسن من الاقتصاد و احصاء
احب ازود انا من عندى
ان كل واحد لية زوق يعنى هيا محبتش الاقتصاد و الاحصاء انت ممكن تحبها الله اعلم

Dr NoOda

14-07-2010, 01:55 AM

بيتهيالي يا كونان ان الواحد استحالة يحفظ الكتاب بالظبط
فكل خوفي ان ادخل علم نفس
يجي سؤال اعبر فيه بفهمي انزل نص درجة
خصوصا ل و سؤال مثلا عليه 1.5 فالمصحح مش يعجبه الاجابة ينزل عليها نص
فعلي ايه خلينا في الرياضة احسن
بس بجد رائي ليك بدال انت رياضة 2 فمش فارقة كملهم ست فروع مش هم اصلا خمسة ؟

أسورة

14-07-2010, 01:56 AM

الماده الادبيه علم نفس
المستوى الرفيع انجليزى
وربنا معانا

كونان العرب

14-07-2010, 01:57 AM

اها ودي حاجة ثابتة ان علم النفس احسن و لا ممكن تختلف من شخص لاخر ؟

أحمد الزنارى

14-07-2010, 01:59 AM

احمد
اللي مخوفني من علم النفس انه يتوقف علي تعليم المصحح
يعني ممكن مصحح يلاقي اجابتك ناقصة في نظره وينقص نص
ونص علي نص يخرب المجموع
اما الرياضة فحسابات صح صح غلط غلط
انا اخويا هندسة بترول وقالي اقتصاد واحصا مفيش اسهل منه

هو الاحصاء اللى هيا الرياضة مقدور عليها
كلة بيقول سهلة
المشكلة فى الاقتصاد بردة عايز حفظ

Dr NoOda

14-07-2010, 02:00 AM

اكيد تختلف طبعا

كونان العرب

14-07-2010, 02:01 AM

هما 6 فروع ب 3 امتحانات
بس فيهم فرع صغير اوي مش يعتبر فرع يعني ممكن نقول خمسة ^^

علي فكرة بدأت اقتنع بالاقتصاد والاحصاء ^^

والله شكرا لكم بجد .. حاسس اني بدأت ارتاح

Dr NoOda

14-07-2010, 02:02 AM

بس انا قريت ان كتاب الاقتصاد يمكن نص علم النفس او اقل كمان

أحمد الزنارى

14-07-2010, 02:02 AM

اها ودي حاجة ثابتة ان علم النفس احسن و لا ممكن تختلف من شخص لاخر ؟

هو دة اللى لازم اقولهولك
مش كل الناس زى بعض
ممكن واحد يحب مادة و واحد ميحبش نفس المادة
فدة مش حكم

كونان العرب

14-07-2010, 02:03 AM

بس علي الاقل حفظ الاقتصاد هيبقي اقل من حفظ علم النفس

أسورة

14-07-2010, 02:03 AM

طيب لو امكن المدرسين يدخلوا ينصحونا:blush:
نبقى متشكرين جدا جدا:078111rg3:

كونان العرب

14-07-2010, 02:04 AM

بس انا قريت ان كتاب الاقتصاد يمكن نص علم النفس او اقل كمان

^_________________________________________^

Dr NoOda

14-07-2010, 02:04 AM

ربنا يكتبلك الخير يا كونان
وخلاص اتوكل علي الله وصلي ركعتين استخارة
واللي في الخير الاكتر ربنا يكتبهولك

كونان العرب

14-07-2010, 02:05 AM

هو دة اللى لازم اقولهولك
مش كل الناس زى بعض
ممكن واحد يحب مادة و واحد ميحبش نفس المادة
فدة مش حكم

طب كويس اوي كده كلامكم فجأة انقلب 180 درجة عشان يريحني ^_^

كونان العرب

14-07-2010, 02:10 AM

ربنا يكتبلك الخير يا كونان
وخلاص اتوكل علي الله وصلي ركعتين استخارة
واللي في الخير الاكتر ربنا يكتبهولك

هوا ده اللي هعمله
جزاكم الله خيراااااااااااااااا انا مبسوط اوي

ningooooo

14-07-2010, 02:22 AM

يا كونان شوف اللي انت حاسس او في خير يعني مثلا مادة زي الكيمياء في ناس و احنا داخلين سنة ثانية كانوا يقولوا دي معقده و صعبه

و لكن بالعكس و الحمد لله انا كنت شايف انها كانت تعتبر مادة حلوه و كان برضو فيها شوية حفظ فده مش مقياس
احنا بس بناخد آراء غيرنا و في الآخر اللي يطمن ليه قالك أتجه إليه
و ربنا يوفقك ويوفقنا جميعا و كل واحد يأخد علي قد عمله

ningooooo

14-07-2010, 02:28 AM

كونان العرب

14-07-2010, 02:28 AM

شكرا يا نيجوووووووو ^_^
معاك حق و انا الحمد لله خلاص استقريت

والله صعب تلاقي ناس بتساعد بعض ^_^

من فرج عن مسلم كربة من كرب الدنيا فرج الله عنه كربة من كرب يوم القيامة

كونان العرب

14-07-2010, 02:37 AM

في يا جماعة موضوع تاني عاوزين نتناقش فيه
انا في اللجنة بتاعتي كان في غش في بعض المواد بس أنا و الله مسألتش واحد عن كلمة
بس اللي قدامي كان أحياء و هو صاحبي و كان بيغشش و سبحان الله اللي كان بغششوه ده جاب مجموع اعلي منه و اللي بيغش ده ما كنش يستحق المجموع ده علي حد معرفتي ليه في السنسن اللي فاتت
و أنا و الله مكنتش برضي أغش و الحمد لله
و علي فكره احنا كنا بنمتحن الفرنساوي في مدرسه و الالماني في مدرسه
و في ناس كانوا بيحلفولي ان المدرسة اللي كان فيها الالماني كان فيها غش رهيب و فعلا مجاميع الالماني اعلي من الفرنساوي
انا مش عاوز اظلم حد بس انا اعرف ناس فيهم كتير و هما فعلا كانوا يستحقوا مجاميعهم دي و ربنا يحميهم
فهل انا أخطأت عشان مرضتش أغش؟

لا طبعا مش غلطت .. خير ما عملت
الغش عمره ما هيتمحي من الوجود و اللي عايز يغش براحته و خليه يدخل الكلية اللي عايزاها مش من عرقه وتعبه و لو عنده ضمير اكيد هيشعر بتأنيب الضمير طول عمره و بعدين ممكن يدخل كلية بعد كده ويبقي فاشل زي ما هو الحال دلوقت اللي غش و دخل ثانوي و هوا لا يفقه اي شئ ! وكمان سمعت والله اعلم ان رزقه بعد كده يبقي حرام ..
انا برضه كان عندي غش في اللجنة بتاعتي و طبعا مش غشيت و لا غششت حد ^_^
مفروض كل واحد ياخد علي قد تعبه .. انا بحب اللجان الصعبة جدااااااا حتي الواحد يعرف يركز في الحل
في رأيي لو ركزت و حليت هتحقق احسن ما تغش و مش تبقي مركز بتكتب اي حاجة وخلاااااااص !!
ده غير الناس اللي بتغشش غلط وكده ..
واكيد بتنرفز لما حد يغش و يجيب اعلي مني بس خلاص خليه يفرح في الدنيا و في الاخره بقي ينال جزاءه
اكيد يعني الدنيا مش تساوي حاجة بالنسبة للاخره
بس طبعا مش عايز اظلم حد .. لان اكيد مش كل اللي جاب مجموع جابه بالغش .. الناس بتتعب و بتذاكر و ربنا بيوفقها بدون و لا كلمه غشها و في الاخر يقولوا اكيد غش حرام برضه يعني !!

ningooooo

14-07-2010, 02:48 AM

لا طبعا مش غلطت .. خير ما عملت
الغش عمره ما هيتمحي من الوجود و اللي عايز يغش براحته و خليه يدخل الكلية اللي عايزاها مش من عرقه وتعبه و لو عنده ضمير اكيد هيشعر بتأنيب الضمير طول عمره و بعدين ممكن يدخل كلية بعد كده ويبقي فاشل زي ما هو الحال دلوقت اللي غش و دخل ثانوي و هوا لا يفقه اي شئ ! وكمان سمعت والله اعلم ان رزقه بعد كده يبقي حرام ..
انا برضه كان عندي غش في اللجنة بتاعتي و طبعا مش غشيت و لا غششت حد ^_^
مفروض كل واحد ياخد علي قد تعبه .. انا بحب اللجان الصعبة جدااااااا حتي الواحد يعرف يركز في الحل
في رأيي لو ركزت و حليت هتحقق احسن ما تغش و مش تبقي مركز بتكتب اي حاجة وخلاااااااص !!
ده غير الناس اللي بتغشش غلط وكده ..
واكيد بتنرفز لما حد يغش و يجيب اعلي مني بس خلاص خليه يفرح في الدنيا و في الاخره بقي ينال جزاءه
اكيد يعني الدنيا مش تساوي حاجة بالنسبة للاخره
بس طبعا مش عايز اظلم حد .. لان اكيد مش كل اللي جاب مجموع جابه بالغش .. الناس بتتعب و بتذاكر و ربنا بيوفقها بدون و لا كلمه غشها و في الاخر يقولوا اكيد غش حرام برضه يعني !!
أه والله انا كنت راجع من امتحان الجبر مضايق علي الرغم من ان ربنا الحمد لله كرمني بس عشان علي الرغم من إن الامتحان كان سهل لكن كان في غش و باين كده ان الامتحان ده مصرح فيه بالغش علي مستوي الجمهورية بس احنا مكناش نعرف:p
و طبعا مش كل الي جايبين مجاميع عالية كانوا بيغشوا ده اكيد تعب و عرق مش بالساهل و عشان كدة ربنا كرمهم و ربنا يحميهم

كونان العرب

14-07-2010, 02:57 AM

أه والله انا كنت راجع من امتحان الجبر مضايق علي الرغم من ان ربنا الحمد لله كرمني بس عشان علي الرغم من إن الامتحان كان سهل لكن كان في غش و باين كده ان الامتحان ده مصرح فيه بالغش علي مستوي الجمهورية بس احنا مكناش نعرف:p
و طبعا مش كل الي جايبين مجاميع عالية كانوا بيغشوا ده اكيد تعب و عرق مش بالساهل و عشان كدة ربنا كرمهم و ربنا يحميهم
هههههههههههههه ^^

يلا ربنا يكرم الجميع و كل واحد هياخد نصيبه

Bent 3bdo

14-07-2010, 03:04 AM

ابقوا شوفوا الموضوع ده يا شباب
http://www.thanwya.com/vb/showthread.php?t=227256
هتلاقو ناس نخلصه ثانويه عامه راده ع اسئله انتو عايزنها
ربنا معاكو يارب

fantazia22

14-07-2010, 08:07 AM

السلام عليكم ازيكم يا شباب

انا مرحلة اولى وجبت الحمدلله 98.5 وهكمل علمى علوم وربنا يستر فى تالتة ياااارب ( نقصاهم فى الفرنساوى هههههههههههه غبية )

بالنسبة للمادة الادبية فعشان انا متعقدة من دفعة 2007 او 2008 مش فاكرة والله المهم ان الاحصاء خسفت بناس كتير اوى الارض وكانوا بينقصوا بال 3 درجات واكتر

ومنهم 5 اعرفهم لولا ان ربنا وفقهم فى المواد التانية وخصوصا الفيزيا اللى كانت جاية نار سنتها كانوا ملحقوش طب اللى همة فيها دلوقتى

خلاصة الكلام 90% ان شاء الله انا هاخد علم نفس

وربنا يستر

طب سؤال ... بالنسبة للمستوى الرفيع .. انتوا ناويين ع ايه ؟؟؟

الدكتورة اسراء مصطفى

21-07-2010, 12:09 AM

السلام عليكم انا اختكم فى الله انا لسة رايحة تانية ثانوى اتمنى ان تغيدونا بنصايحكم بما انكم خضتوا هذه المرحلة قبلنا انا فى انتظار الرد واسال الله ان يوفقنا جميعا وان يثبتنا على هذا الدين ادعو لى

الدكتورة اسراء مصطفى

21-07-2010, 04:17 PM

السلام عليكم يا شباب الهمة ات شا الله ربنا يوفقنا جميعا انا:022yb4: اختكم فى الله رايحة تانية ثانوى السنة دى ارجو من كل من يقرا هذه الرسالة ان يفيدنا بحكم تجربته ولو بكلمة مستنية الرد:039uw8:

الدكتورة اسراء مصطفى

21-07-2010, 08:28 PM

بصي يا قمر اهم حاجة طاعة ربنا اولا والدعاء
خلي كل اللي حواليكي يدعولك
وماتخافيش ولا حاجة
لازم تهدي نفسك
لان اهم حاجة التركيز والهدوء
وذاكري اول باول<<مش كنت بعملها اوي هههههههه:d>>
وحلي في الانجلش والرياضة والفرنساوي كتيرررررررر خالص لان الحل اهم حاجة
والعربي احفظي وحلي مع مدرسك
بس لازم النحو والبلاغة تحلي فيهم كتير والادب راجعيه داااااااايما

قوليلي بقا انتي كميا و لا احياء ولا ادبي
والله شكرا على هذه النصيحة الغالية بجد ريحتينى:romarioxp6: وانا علمى علوم ان شاء الله وهاخد كيمياء فى تانية واحياء فى تالتة

الدكتورة اسراء مصطفى

21-07-2010, 08:35 PM

اتعلمى مننا بدل ما تبقى زينا و عشان تبقى دكتورة زى ما مكتوب فى اسمك
هقولك السر
ممكن تضحكى علية لانك سمعتية كتير جدا و مقولة قديمة جدا لكن اقسم بالله هذا هو السر و لو طبقتية هتبقى دكتورة فعلا و تعدى 98 ان شاء الله
لا تؤجل عمل اليوم الى الغد
هو دة السر نفذى الجملة دى بس و اضمنلك تحققى اللى عايزاة
شوية نصايح عالماشى كدة
غلطات وقعت فيها و بحذرك منها
حسن اختيار المدرس و المجموعة اللى هتاخدى فيها درس و متتكسفيش انك تطلبى من المدرس نقلك لمجموعة اشطر او حتى تسيبى المدرس لو كان وحش
ما تسمعيش لصحابك اللى بيقوللك مابنذاكرش و خليكى فى نفسك و بس
شكرا واتمنى ان يوفقك الله فى ايامك اللى جاية:022yb4:

the sky

21-07-2010, 10:51 PM

كل الناس نصحتنى بعلم النفس
لان الاحصاء بتيجى دلوقتى صعبة
جدا كعادة امتحانات الرياضة

كاريمان

22-07-2010, 01:22 PM

بصراحه انا فى راى اقتصاد واحصا ء افضل
لان الاحصاء تافه جدا وانا معايا كتاب ليها وبذاكرها لوحدى دلوقتى وانا مقتنعه ان مفيش حاجه صعبه على اللى بيذاكر وادى السنه دى فى ناس كتير قالو ان الرياض جت صعبه ومع ذلك ناس كتيرة قفلتها وهم ميش عباقرة ولا حاجه
والاقتصاد حفظ قليل وكلامه محدد بمعنى انت يا اما مذاكر فهاتخد الدرجه كامله او ميش مذاكر فهتنقص يعنى هيبقى العيب منك وانت اللى مقصر

اما بالنسبه لى علم النفس بحس انها مادة عايمه حسب المصحح عامله بالظبط زى التعبير فى العربى ممكن تكتب الاجابه صح ومتعجبش المدرس فينقصك
فبحس ان بيحصل فيها ظلم كبير زى درجات التعبير بالظبط تلاقى واحد ناقص درجه والتانى ناقص درجتين مع ان ممكن جدا يكونوا كتبين نفس الافكار وباسلوب متشابه بس كل مدرس وتذوقه للى مكتوب
ودا بقى اللى بيقهر الواحد انك تبقى كاتب صح بس باسلوبك واسلوبك معجبش المدرس