|
مشاهدة النسخة كاملة : حد يفيدنى فى الموضوع ده نهى مندى 13-07-2010, 05:19 PM السلام عليكم ورحمة الله انا مرحله اولى يا جماعه وهكمل علمى رياضه باذن الله بس عاوزة اعرف اخد الماده الادبيه اقتصاد واحصاء ولا علم نفس ايه الاحسن فيهم؟ والمستوى الرفيع برضه مش عارفه اخده ايه ياريت حد يساعدنى أحمد الزنارى 13-07-2010, 05:23 PM انصحك تقرى الموضوع دة http://www.thanwya.com/vb/showthread.php?t=227291 و بالنسبة للمستوى الرفيع فاختارى اللى بتحبية انا اخترت E king 99 13-07-2010, 05:27 PM انا اخترت اقتصاد واحصاء وده لانى هاخدها فى حاجه اسمها منهج مختصر فى الدرس يعنى هخلص المنهج فى شهرين هما 1 و2 ثانيا بما انك علمى رياضة فبلاش علم نفس لانه محتاج فهم وبما انك داخلة رياضة يبقى مش عايزة حفظ وتضييع وقت فيه الأميـرمحمد 13-07-2010, 05:30 PM السلام عليكم ورحمة الله انا مرحله اولى يا جماعه وهكمل علمى رياضه باذن الله بس عاوزة اعرف اخد الماده الادبيه اقتصاد واحصاء ولا علم نفس ايه الاحسن فيهم؟ والمستوى الرفيع برضه مش عارفه اخده ايه ياريت حد يساعدنى اهلاً بيكي يا نهـــي .. والله من رأيي .. تخدي علم نفس ( سهل جداً ) انا كنت جايب فيه 50 والمستوي الرفيع ( جغرافيا ) .. والله ما ذاكرتها الا بعد الفجر يوم الامتحان مسكت الملزمة وقريتها لحد وقت الامتحان وجيبت 9 من 10 وربنا يوفقك نهى مندى 13-07-2010, 05:31 PM انا كاتبه فى استمارتى اقتصاد واحصاء واختى فعلا قالتلى انها خدتهم فى شهر 1 و2 بس والحمد لله كانت مقفله الاتنين جابت 50 بس انا قلقانه بيقولوا امتحان الاحصاء بيتلعب فيه كتير وبرضه كل اصحابى خدوا علم نفس وبيقولوا درجاته مضمونه اكتر مش عارفه اقرر والمستوى الرفيع انا كنت كاتباه انجليش بس مستر العربى قال خدوا عربى لانه اسهل واحد فيهم وفعلا اصحابى كلهم واخدين عربى الأميـرمحمد 13-07-2010, 05:34 PM انا اخترت اقتصاد واحصاء وده لانى هاخدها فى حاجه اسمها منهج مختصر فى الدرس يعنى هخلص المنهج فى شهرين هما 1 و2 ثانيا بما انك علمى رياضة فبلاش علم نفس لانه محتاج فهم وبما انك داخلة رياضة يبقى مش عايزة حفظ وتضييع وقت فيه بعد اذن حضرتك .. علم النفس مش بيعتمد علي الحفظ علم النفس كله فهم .. ولو حد حفظ ومافهمش مش هيحيب اي درجة انا كنت بفهم من الاستاذ كويس و ماحفظتش كويس غير في ايام الامتحان واهوو جيبت 50 الأميـرمحمد 13-07-2010, 05:38 PM انا كاتبه فى استمارتى اقتصاد واحصاء واختى فعلا قالتلى انها خدتهم فى شهر 1 و2 بس والحمد لله كانت مقفله الاتنين جابت 50 بس انا قلقانه بيقولوا امتحان الاحصاء بيتلعب فيه كتير وبرضه كل اصحابى خدوا علم نفس وبيقولوا درجاته مضمونه اكتر مش عارفه اقرر والمستوى الرفيع انا كنت كاتباه انجليش بس مستر العربى قال خدوا عربى لانه اسهل واحد فيهم وفعلا اصحابى كلهم واخدين عربى الاحصاء فعلا ..بيتعلب كتير في امتحاناتها مثلها مثل الرياضة و انصحك بلاش e مستوي " مش مضمون " وعلم النفس لو فهمتيه كويس وحبيتيه هتضمني الـ 50 ورغم اني دخلت الجامعة .. بس لسه فاكر من علم النفس كتيررر علشان احسن مادة وأسالي مجرب *يارب نور دربي* 13-07-2010, 06:27 PM فعلا الانجليزي مستوي صعبه شويه لانه محتاج مذاكره اوي اوي اوي وبردو صعب ان الواحد يقفل النهايه وعايز يكون الواحد عنده كمية رهيبه من الكلمات اذا كان هو اساسا كمنهج بردو مش كله بيجيب فيه نهايه ع العموم ربنا يوفقك انا بردو كنت كاتبه اقتصاد واحصاء وبعدين دلوئتي محتاره اخد ماده واحده ولا مادتين لان اقتصاد واحصاء مادتين والاتنين عايزين مذاكره موت بردو وعلم نفس او فلسفه ماده واحده بس ال هنذاكرها فالواحد لسه محتار بردو ربنا يوفقك الكل ع العموم انتي ممكن لو هتكملي رياضه فعلا وده اخر قرار خدي رياضه بردو مستوي انا ممكن اعمل كدا ( هو ف رياضه مستوي ؟؟؟؟) king 99 13-07-2010, 06:44 PM بعد اذن حضرتك .. علم النفس مش بيعتمد علي الحفظ علم النفس كله فهم .. ولو حد حفظ ومافهمش مش هيحيب اي درجة انا كنت بفهم من الاستاذ كويس و ماحفظتش كويس غير في ايام الامتحان واهوو جيبت 50 حضرتك رديت على نفسك فى النهاية انك حفظت ودى فى نظرى مشكلة لواحده هتاخد فيزيا ورياضة 2 فيها 6 فروع ولا ايه ؟؟ وبالتأكيد الأقتصاد والأحصاء فيهم قرب للرياضة فبقول لها تاخدهم احسن لها وهما 6 قوانين بيتحفظوا وتشتق فيهم بمزاجك وبتحل وخلاااص انتهى الموضوع فى شهرين وفى نااس اعرفهم بيحبوا الرخامه بياخدوا درس فيها طول السنة وعلى الفاضى لانه شهريين كفاية بس لازم بعد 12 لأننا بنكون فايقين اكتر ومركزيين اكتر last_net 13-07-2010, 08:17 PM شاكرين الافضال smooth_criminal 13-07-2010, 08:30 PM سيبك من الكلام علم النفس كله كلمتين و كلام جميل و هيفيدك فى حياتك اى نعم انا جبت فيه 41 ورايح اعمل تظلم فيه بكره بس هوه مادة جميلة وسهلة bahaaeldeen 25-07-2010, 10:42 AM انا مختار اقتصاد واحصا بس هغير يا نهى لعلم نفس انا بنت خالتى رايحة اولى معهد وفاشلة وجابت ف علم النفس 38 وجابت ف الفلسفة 40 والفلسفة رخمة بس علم النفس والاجتماع فيهم تفكير انا قريت العلم دة وعندى فكرة عنه وربنا يوفقك يارب بهاء |