ياجماعة لو سمحتم احنا دلوقتى عاوزين نعرف الجماعة القدموا تظلم اية الحصل معاهم وهل هيعيد تصحيح الاجابات ام تجميع الدرجات زى ما سمعنا ؟؟؟؟؟؟؟؟؟؟؟؟؟؟؟ ياريت ياجماعة كل من قدم تظلم يقولنا عمل اية او يعرف حد قريب منة يحكى عمل اية ووصل لاية.............لعل وعسى الطلاب الجدد يستفيدوا ونعرف احنا ماشين ازااااااااااى


بصراحة فى عضو متميز شرح لنا كيفية التظلم
وبالنسبة لعمل التظلم
يجب ان تعلم ان لا بد للتظلم ان يكون قبل 15 يوما من بعد اعلان النتيجة

والتظلم من النتيجة لا يعيد تصحيح ورقة الاجابة بل يتم مراجعة تجميع الدرجات فقط
ومراجعى اى سؤال لم يتم تصحيحة من قبل لجنة التظلم( خدوا بالكم من النقطة دى )
ولتقديم التظلم عليك بالخطوات الاتية :
1-قم بالذهاب الى شؤون الطلاب (مكان الكنترول الخاص بإدارتك التعليميه) اطلب نموذج تظلم
هذا النموذج تكتب بة المواد المشكوك فيها وعنوانك ورقم هاتفك
بعد ذلك اذهب الى الخزانة وادفع على كل مادة مشكوك فيها 100ج
وبعد الدفع سيتم ختم نموذج التظلم من قبل الخزانة
اذهب الى شؤون الطلبة مجدداّ وسلم نموذج التظلم
وسيتم مراجعه جمع الدرجات
واذا كان لك حقاً سوف تأخذه
وسيتم اعطائك
شهاده بالدرجات المستحقه

منقول http://www.thanwya.com/vb/showthread.php?t=226820

انا مستنيه اعرف اى معلومات عن التظلم بفارغ الصبر

ياريت بجد ياجماعه لو حد عارف حاجه يقول

لانى انظلمت فى الكيمياء اوى

وعايزة اعمل تظلم ومش عارفه هوصل لايه

لان كتير قالولى مش بيفيد فى حاجه ومش هتاخدى درجات

ميرسى ليكى يا الهام علشان فتحتى الموضوع ده

التظلم عباره عن اعادة تجميع الدرجات فقط دون اعادة تصحيح الورقة مره تانية ده اللى حصل لابن عمتى السنه اللى فاتت دفع ال 100 جنيه بس السنه دى الله أعلم

الوزير بيقول النهارده ان اللى ليه نص نمرة هيخدها مش عارف قصده ايه بالكلام ده

الله اعلم من قصدة بس الوزير عنيد ومش بيحب حد يمسك علية غلطة وواثق من نفسة

عزيزتى eyes_smille شكرا لمرورك وحاولى تقراى الموضوع تانى لانى اضفت جزء جديد ان شاء الله يفيدك

شاكرين الافضال

شكرا للموضوع ...لكن عندى سؤال ؟

أفرض لو واحد راح عمل تظلم فى مادة .. وكان عنده حاجة غلط وحسبوها صح مثلا ..ده ينقصوه ولا مدام اتصححت خلاص ؟؟؟

عزيزتى eyes_smille شكرا لمرورك وحاولى تقراى الموضوع تانى لانى اضفت جزء جديد ان شاء الله يفيدك


ميرسى ياقمر على المعلومات دى

انا هروح اعمل تظلم ان شاء الله

واللى فيه الخير يقدمه ربنا...ربنا يستر

شكرا للموضوع ...لكن عندى سؤال ؟

أفرض لو واحد راح عمل تظلم فى مادة .. وكان عنده حاجة غلط وحسبوها صح مثلا ..ده ينقصوه ولا مدام اتصححت خلاص ؟؟؟
لا طبعا
اساسا الراجل مبيبصش على تصحيح الاسئله
مادام واخد درجه
انشاله تكون كاتب سؤال كامل غلط والراجل المصحح عامله صح
خلاص ولا يقدر يعملك حاجه

يعنى ايه لو فى خطأ فى التصحيح ميتراجعش المصحح دا بشر واكيد بيغلط
بس خلينا نتكلم بصراحة قانون اعادة التصحيح معمول بطريقة محبوكة وواضحة جدا علشان الوزارة تحمى المدرسين والف ندامة على الطالب اللى يكون حالل حل نموذجى بس غير اللى فى نموذج الاجابة او مدرس يكون مخه على قده وفى من دا كتير وميعرفش يقدر الاجابات الاخرى وممكن تلميذ يستاهل بس يتظلم وتيجى الوزارة تقول مفيش اعادة تصحيح وكأنها بتحمى خطأ المدرس ويعللوا ذلك بان الورق بيتصحح وبيتراجع وصدقونى والكلام دا متاكد منه ان فى غالبية التصحيح ان مكنش كله الورق بيتصحح مرة واحدة واللى بيراجع اخرته بيمسك القلم الازرق ويكتب انه راجع ومن غير ميبص على الاجابة واكتر حاجة بيخاف منها المصححين هى جمع الدرجات لذلك الدرجات فى غرفة التصحيح يمكن بتتجمع اكتر من 5 مرات طبعا علشان الورق لما بيتعاد تصحيحه بيتعاد جمع الدرجات ودى حاجة مش هيغلطوا فيها لكن لو المصحح معلش فى اللفظ عاكك الورقة محدش هيجى عنده
حلو قانون الوزارة دا اللى اكيد بيكسبها كتير كل مادة 100 جنيه على جمع الدرجات واكيد محدش بيطولها تانى والله لقمة عيش حلوة بيلعبوا بضمير الناس ومشاعرها حرام اتقوا ربنا شوية وخافوا منه وراعوا شعور اولياء الامور
الاقتراح المفروض يتعمل :
ان ورقة الاجابة تتصور وتشطب من الصورة جميع الدرجات الموضوعة
يقوم المدرس اللى هيعيد التصحيح بتصحيح الصورة اللى اتشطب منها الدرجات ويعطى درجة جديدة
اذا كانت الورقة درجتها تختلف عن درجة الاصل
يكون هناك خلل ما فى التصحيح يكون من حق الطالب الدرجة الاعلى وبكدة الوزارة تحلل الفلوس اللى اخدتها
حتى القانون اسمه اعادة تصحيح لكن على كلام الوزارة المفروض اسمه اعادة جمع الدرجات

حقيقى الظلم وحش بس البيحصل انة بيتم تجميع الدرجات مرة تانية والكشف اذا كان هناك اسئلة بدون درجات اى الاطمئنان والمراجعة على الدرجات بس مش المكتوب بصراحة دة العرفاه من قبل كدة ومنتظرين منكم نشوف اية الهيحصل فى عهد الوزير الجديد
وبعيد وبكرر الوزير عنيد وواثق من نفسة ومش بسهولة يطلع على نفسة غلط بدليل ان مدة التظلمات قصيرة اى لاتدعى مجال للمراجعة الكتابية وذلك فى هذا الزحام الشديد والله اعلم

ياجماعة اتمنى من الله ان ينال كل مظلوم حقة واتمنى التوفيق لكم جميعا وعاوزة اقولكم نصيحة اخوية السنة دى سنة فراغ مش لازم كل تركيزنا هندخل اية بس ولكن لازم نفكر بعد ماهندخل ( ايا كانت الكلية ) هنعمل اية فكروا واعرفوا ان العدد فى الجامعات قليل السنة دى يعنى الفرصة كبيرة للتفوق وتحقيق الذات مهما اختارت الاقدار

السلام عليكم
هقولكم ع حاجه ف بنت زميلة اختي ف الثانوي راحت عملت تظلم ومكنش ليها درجات بس علشان دفعت فلوس و سافرت وراحت هنا وهنا

فقام المدرس او ال المسئول عن التظلم مش عارفه المهم راح مزودها نص درجه و خلاها تدخل هندسه مع ان مكنش ليها نص درجه ولا حاجه


وف ناس راحت عملت تظلم كان ف اسئله متصححه ودرجاتها مش متجمعه ومخدتش والله ولا درجه

يعني كله عك × عك

وبصراحه كدا انا اتظلمت ف درجات كتير وكتبت ده ف المنتدي قبل كدا
وكنت عايزه اروح اعمل تظلم

بس لو عملت تظلم بردو مش هاخد الدرجات ال انا اتظلمت فيها كلها اخري هاخد كام درجه ومش هاخد حقي كله

فبصراحه والله انا مرضاش ان انا اروح ادفع فلوس لناس معندهاش ضمير الفلوس ال اهلي تعبو فيها اروح اديها لناس مبترعايش ربنا ف عملها ده اسمه كلام
حتي لو كان اهلي معاهم فلوس الدنيا كلها بردو مش هروح ادفع لناس ................ ولا مليم من الفلوس دي
انا خلاص حمدت ربنا وقدر الله وماشاء فعل والواحد مش عارف الخير فين

وال مكتوبلك هتنوله حتي لو عملت ايه

ال ربنا سبحانه وتعالي عايزه هيكون

وبعدين الوزير ده مش قال جديد ال قبله كانو بيقولو كدا بردو ال له نص درجه هياخدها يعني كله كلام ف كلام

ولو واحد خد عشره مش هياخدو

هم عايزين يجمعو فلوس وخلاص


حسبي الله ونعم الوكيل

اتمنى لكى التوفيق عزيزتى وصدقينى مش شرط ندخل كلية قمة علشان يكون لنا قيمة بالعكس قيمتك تقدرى تثبيتها فى اى مكان هتكونى فية

اتمنى لكى التوفيق عزيزتى وصدقينى مش شرط ندخل كلية قمة علشان يكون لنا قيمة بالعكس قيمتك تقدرى تثبيتها فى اى مكان هتكونى فية






اها انا طبعا معاكي ف ان مش شرط لية قمه

بس لما يكون مستواك انك تدخل كليات قمة واكتر كمان لو فيه ومتدخلش اكيد ده بيأثر ع نفسية الواحد


بس الحمد لله ع كل شئ

انا عارفة ان التاثير النفسى صعب بس لازم نتعلم ان هى دى الدنيا لازم يكون فيها صعوبة وتعب والانسان القوى هو اليتغلب على هذه الصعوبة

مفيش حاد قال تجربيه مع التظلم كلنا بنواسى فى بعضنا والله المستعان فين اللى راحوا عملوا تظلم او يعرفوا حد عمل تظلم

عزيزتى سارة البيقول اما سمع من اخر او راح بنفسة وفى كلتا الحالتين

التظلم نتيجتة لن تظهر الان لكن نود ان نعرف هل كانوا محقين فى التظلم

وماذا حدث معهم لعل الاخرين يستفاد؟

بجد حاجة تخنق

انا جبت فى تانية ثانوى 88 وعلمى رياضة ودة مش مستوايا
انا عملت تظلم فى الكيميا والرياضة
روحت ادونى ورقة فاضية وصورة من ورقة اجابتى

الكيميا فى سؤال شرح دورة الاختزال كتباله معادلة وشرح سطرين ونص ولاقيته حاطط خط ومنقصنى نص من درجة ونص
وبرضو السؤال بتاع كيف تحصل على الهيدروجين من احداهما
انا فاعلت الكحول مع الماغنسيوم والمعادلة موزونة والمغنسيوم ثنائى التكافؤ
كانت مكتوبة فى نموذج الاجابة الصوديوم
عليها درجة لاقيته مش مدينى حاجة وعامل عليها غلط
اتصلت قالولى الكيميا سليمة ومزدتيش فيها

بالنسبة للرياضة سؤال المتتابعات كنت ماشية صح بس الارقام جت غلط ف الاخر
لاقيته مديلى درجة من 3
المفروض ليا نص ع الاقل
المهم فيه سؤال بتاع اثبت انها متتابعة هندسية واوجد الناتج
انا عوضت وجبت المجموع كمان طلع نفس الناتج اللى ف كراسة الاجابة بس كتبته كسر 255 على 4 وهو صح
لاقيته مديلى درجة من 3 وعامل على المسالة غلط مش عارفة لية
وبرضو اخر سؤال تفاضل وحساب مثلثات بتاع الرسمة اللى كانت من 3 اعدادى
حلتها صح جدا لنص المسالة وبعد كدة عملت قوانين ومشيت صح بس الناتج غلط
ادانى نص من 3


قالو كمان 3 ايام ولحد دلوقتى لسة محدش رد
انا جبت 88% وبجد حرام لان دة مش مستوايا ياريت حد يقولى موقف التصحيح وبجد مظلومة ومخنوقة اوى

asmaa ربنا معاكي ابئي بئا عرفينا الجديد أول بأول

asmaa ربنا معاكي ابئي بئا عرفينا الجديد أول بأول


انا بجد موقفى ضعيف ولا قوى ياريت حد يرد عليا

يا ريت تسمعوا قصتى للآخر ومتزهقوش...

يا جماعة أنا قدمت تظلم يوم 20/7 فى مادة الكيمياء أنا جايب 49 وخايف يكونوا مش بيهتموا بالدرجات العالية..عموما رحت وشفت ورقتى لقيت معموللى غلط على سؤال التمييز بين هيدروكسيد الصوديوم و ثيوسيانات الأمونيوم..ناقص فيه الدرجة ونص كاملين(ربنا ستر معايا كان زمانى جايب 48.5 لولا أن انا حالل 6 أسئلة وناقص فى سؤال درجة فجبت 49) طبعا الإجابة كانت عن طريق كلوريد حديد 3 هيخلى حاجة بنى محمر وحاجة تانية أحمر دموى لكن مكتوب فى نموذج اجابة الوزارة بعد الاجابة تحت:أى تجربة أخرى صحيحة...
انا كنت عامل تجربة تانية عن طريق كلوريد ألومنيوم بدلا من كلوريد حديد3 بحيث تميز مادة واحدة بس وهى هيدروكسيد الصوديوم هتطلع راسب أبيض جيلاتينى والناحية التانية كتبت لا يتكون راسب أبيض..أنا عارف انها تجربة أقل دقة من الأولى لكنها سليمة بشهادة مدرسين كثير وبشهادة نموذج إجابة الوزارة اللى كاتب أى تجربة أخرى صحيحة.. لكنها اتصححت غلط..فهل ممكن يصححولى الغلطة دى ولا واخدين 102 جنية عشان تجميع الدرجات وبس؟؟؟؟؟؟؟؟
وسؤالى الثانى..متى تظهر النتيجة مع العلم ان انا مقدم يوم 20/7؟؟؟


متشكر قوى لحسن استماعكم والسلام عليكم

?????????????????????????????????????????????

ان شاء الله يامصطفى تسمع كل خير وياريت تطمنا