بعد اذن مدرسين الرياضة يدخلو ضرورى جدا جدا جدا [الأرشيف]

المساعد الشخصي الرقمي

مشاهدة النسخة كاملة : بعد اذن مدرسين الرياضة يدخلو ضرورى جدا جدا جدا

أحمد الزنارى

13-07-2010, 10:13 PM

طالب زهق من الدراسه

14-07-2010, 12:05 AM

ياااريت وأنا كماان عايز أعرف

elnabawy

14-07-2010, 04:47 AM

أنا كماان عايز أعرف ضرورى
انا جابب 46 فى رياضه 1

deadi

14-07-2010, 09:05 AM

أنا كمان عايز اعرف

أحمد الزنارى

14-07-2010, 11:03 PM

يا ريت اجابة الله يخليكو

emo.katkota

15-07-2010, 02:41 PM

انا برده عايزه اعرف بس هم منفضين كده

ليه

almaystrow

15-07-2010, 11:26 PM

و انا عايز اعرف يا ريت انا جبت في رياضة 1 50

اللمبودى

15-07-2010, 11:57 PM

ياريت حد يفيدنا ضروري ياجماعة أنا جايب في رياضة(1) 50

أحمد الزنارى

16-07-2010, 02:32 PM

كمان سؤال كدة عالسريع ياريت تجاوبوا علية بردة
و اسف عالتطويل
سمعت ان الفيزيا لازم يتاخد فيها حصتين فى الاسبوع
طب الرياضة نفس الكلام لازم حصتين و لا لاة
و متوسط الحصة بيبقى بكام
و انا كل سنة و الحمد لله لازم اتخم فى مدرس الررياضة
بيدينا اسئلة سهلة و الامتحان بيكون نار و كل ما اسئلة سؤال صعب يقول
سيبك دة مش جاى فى الامتحان
و بخاف اخد مع مدرس تانى ليشرح بطريقة مختلفة و اتلغبط و اضيع
يا ريت تعرفونى ازاى انشن على مدرس ممتاز من اول السنة و اخد كام حصة فى الاسبوع
و شكرا

booosy cat

16-07-2010, 03:46 PM

أحمد الزنارى

16-07-2010, 06:10 PM

السلام عليكم ورحمه الله وبركاته
بالسبه للفزياء هى ثلاث حصص فى الاسبوع مش حصتين ورياضه اتنين كذلك
وبالنسبه للرياضه 2 هما بيقولو انها طويله بس سهله لو مشيت فيها بحل مسائل كتييييييييير
واقسامها تقربيا ميكانيكا (وبتنقسم لديناميكا واستاتيكا )وجبر وتفاضل
وبالنسبه للمدرس الممتاز كل منطقه وليها لمدرسين الممتازين فيها وانت بتسال لحد ما تستقر على مرس شاطر يس
وربنا يوفقنا كلنا وندخل اللى احنا عاوزينه وياريت اكون قدرت افيدك

شكرا لردك كتير
بس انت كدة حيرتنى كتير
3 دروس فيزياء و درسين رياضة فى الاسبوع :o :o :o :o :o :o
يعنى 5 و معاك واحد عربى و انجليزى و علم نفس
يعنى 8 فى الاسبوع :excl: :excl: :excl: :excl: :excl: :excl:
الصراحة ما ينفع خالص الكلام دة
السنة اللى فاتت كنت باخد خمسة بخمس مواد بالعافية
ازاى السنادى ازود تلات حصص كمان
و الله بفكر ماخدش فى العربى و علم النفس
حاجة تحير
و سيبك مالفلوس دلوقتى مع انها مشكلة بردة لكن ممكن تتحل
ازاى اقدر انظم وقتى و الاقى وقت اذاكر اذا كنت باخد 8 حصص
حاجة تشل

محمد صبره

16-07-2010, 10:22 PM

بعد اذن مدرسين الرياضة
طلب من حضراتكوا
عايز اعرف فكرة عامة عن رياضة 2
اقسامها _ افكارها _ سهولتها _ فصولها _ طولها _ مسائلها _ امتحاناتها _ و هكذا
عشان انا بفكر اكمل فى علمى رياضة و مش عارف اى حاجة عنها خالص فاى حاجة حضرتك شايفها تفيدنى بخصوص الرياضة يا ريت تقولهالى و اكيد كل الطلبة هتستفيد
بردة عايز اعرف اية هى الهندسة الفراغية دى سمعت انها صعبة لكن مش عارف هى اية اصلا
كمان انا جبت 44.5 فى رياضة 1 فعايز اعرف دة يؤهلنى عشان اكمل رياضة 2 و لا متنصحنيش انى ادخل عشان مجموعى فى اولى بالرياضة مع العلم انى بحب حل المسائل الصعبة لكن فى كثير منها مبعرفش احلهم و لما اوريهم للمدرس بتاعى يقولى سيبك دة مش جاى فى الامتحان
مع خالص الشكر على الرد مقدما
حبيبى أحمد الزنارى
معروف يا أحمد أنهم سنتين كفاح ولازم نتعب علشان نرتاح
بالنسبة للصعب وللسهل دى مسألة نسبية من طالب لآخر
وللعلم فيه طلبة تعبت فى الأول ثم أنطلقت وكانو ممتازين
عدد حصص رياضة 2 فى المدرسة خمس حصص
أما كدرس خصوصى دا حسب الطالب والمدرس لكن فى الغالب 3
موضوعات رياضة 2 هى :
التفاضل والتكامل ( كتاب مستقل) (ورقة امتحانية)
الجبر والفراغية (هندسة)( كتاب مستقل) (ورقة امتحانية)
الميكانيكا ( كتاب مستقل) (ورقة امتحانية) تشبه الى حد كبير الفيزياء
أى استفسار أنا تحت أمرك

أحمد الزنارى

16-07-2010, 10:38 PM

حبيبى أحمد الزنارى
معروف يا أحمد أنهم سنتين كفاح ولازم نتعب علشان نرتاح
بالنسبة للصعب وللسهل دى مسألة نسبية من طالب لآخر
وللعلم فيه طلبة تعبت فى الأول ثم أنطلقت وكانو ممتازين
عدد حصص رياضة 2 فى المدرسة خمس حصص
أما كدرس خصوصى دا حسب الطالب والمدرس لكن فى الغالب 3
موضوعات رياضة 2 هى :
التفاضل والتكامل ( كتاب مستقل) (ورقة امتحانية)
الجبر والفراغية (هندسة)( كتاب مستقل) (ورقة امتحانية)
الميكانيكا ( كتاب مستقل) (ورقة امتحانية) تشبه الى حد كبير الفيزياء
أى استفسار أنا تحت أمرك

شكرا على ردك حضرتك اولا و توضيح النقاط الأساسية
و طبعا مستحيل انى اخد 3 حصص فى الرياضة
ممكن 2 بالعافية
أولا عشان الوقت ثانيا عشان الفلوس
فتنصحنى حضرتك ابدا من امتى عشان انا السنة اللى فاتت بدات مع اول الدراسة و خلصنا متأخر جدا
و لو مدرس معجبنيش ممكن اغيرة و لا هلاقى التانى بيشرح بطريقة مختلفة و اتلغبط
و شكرا على ردك أولا و اخير

محمد صبره

17-07-2010, 12:48 AM

شكرا على ردك حضرتك اولا و توضيح النقاط الأساسية
و طبعا مستحيل انى اخد 3 حصص فى الرياضة
ممكن 2 بالعافية
أولا عشان الوقت ثانيا عشان الفلوس
فتنصحنى حضرتك ابدا من امتى عشان انا السنة اللى فاتت بدات مع اول الدراسة و خلصنا متأخر جدا
و لو مدرس معجبنيش ممكن اغيرة و لا هلاقى التانى بيشرح بطريقة مختلفة و اتلغبط
و شكرا على ردك أولا و اخير
ابدأمن شهر 8
سواء أخذت حصتين أو ثلاث لابد من مذاكرة الرياضيات يوميا
ليه بتهملوا دور المدرسة..... المدرسة مهمة
طبعا هناك مدرسين ممتازين ولكن العبىء الأكبر على الطالب
الطالب ممكن يشغل المدرس وممكن يكسله

أحمد الزنارى

17-07-2010, 01:58 AM

ابدأمن شهر 8
سواء أخذت حصتين أو ثلاث لابد من مذاكرة الرياضيات يوميا
ليه بتهملوا دور المدرسة..... المدرسة مهمة
طبعا هناك مدرسين ممتازين ولكن العبىء الأكبر على الطالب
الطالب ممكن يشغل المدرس وممكن يكسله

للاسف مفيش حاجة اسمها مدرسة عندنا
من تانى اسبوع محدش كان بيجى و المدرسين قالولى و كان معايا واحد و لا اتنين بس فى الفصل
اقعدوا ذاكروا فى البيت احسن
المدرس بيبقى ممتاز فى الدرس و مبيبقاش مدرس اصلا فى المدرسة
بيبقى نفسة الحصة تخلص قبل ما تبدا مش عارف لية
طبعا لازم اقول فى الاخر ان مش كل المدرسين كدة
بس عالاقل كل مدرسين فصلى كدة الا واحد و لا اتنين بالكتير عندهم ضمير
يعنى اروح المدرسة من 6 الى 1 عشان حصتين :040vk0:
يا رب يبقى فى مدرسين كويسين السنة الجاية و انا ان شاء الله اروح المدرسة علطول
يا رب

وفاء بركات

18-07-2010, 03:57 PM

احنــــــــــــــــــــــــأ بالنسبالنا هنا

الفيزيــــــــــا 3 حصص ف الاسبوع

الرياضيـــــــــــــات يوميا

العربــــــــــي 3 حصص ف الاسبوع

يلاااا
اي خدمه

أحمد الزنارى

18-07-2010, 04:39 PM

احنــــــــــــــــــــــــأ بالنسبالنا هنا

الفيزيــــــــــا 3 حصص ف الاسبوع

الرياضيـــــــــــــات يوميا

العربــــــــــي 3 حصص ف الاسبوع

يلاااا
اي خدمه

طب سؤال
بتلاقى وقت فين للمذاكرة نفسى اعرف
لما يبقى عندى كل كم الدروس دى
اذاكر امتى
و شكرا جدا عالرد

الاستاذ محمد سرور

19-07-2010, 04:16 PM

lovely-girl5100

19-07-2010, 05:25 PM

الاستاذ على الدين يحيى

19-07-2010, 06:43 PM

بعد رد أساتذتى الكبار الأستاذ / محمد صبرة والأستاذ / محمد سرور
المفروض ألا أرد
ولكن رسالتك لى والحاحك فى كتابة رد جعلنى أرد الآن فليسمحوا لى أخوانى الأفاضل :

رياضيات 2
تحتاج لطالب يحب المادة ويتمتع بحل تمارينها ويشعر بالحنين لها كلما شعر بالتعب أو الارهاق من مذاكرة بقية المواد
وتحتاج أبضاً لطالب يحب حل المشكلات العلمية والتى يعمل فيها الفكر - ويكره المواد المحفوظة
فإذا كنت من هؤلاء قتقدم اليها بصرف النظر عن مجموع الرياضيات فى الصف الثانى
أما عن فروع الرياضيات 2 فهى كالاتى :
( 1 ) الجبر : وهو امتداد طبيعى لما سبق دراسته بالصف الثانى ولن تشعر معه بأى تغيير عما سبقه من ناحية طريقة مذاكرته .
( 2 ) الهندسة الفراغية : وهى تعتمد على كل ماسبق دراسته من نظريات وحقائق هندسية سبق دراستها فى السنوات السابقة سواء المرحلة الاعدادية أو الثانوية . وقد سميت هندسة فراغية لأنها تتحدث فى الفراغ ( الابعاد الثلاثة ) فمثلاً بدلاً من الحديث عن مستطيل نتحدث عن علبة ( جسم ) يسمة متوازى مستطيلات أو مكعب . وتعتمد على التخيل الصحيح للمجسم ولكن العلاقات هى نفسها العلاقات الهندسية القديمة وزيادة عليها قليلا , وهى اسهل فرع على الاطلاق . فلا تخف منها
( 3 ) التفاضل والتكامل : وهو مقرر يتحدث عن المشتقة الأولى والمشتقات الأعلى منها وتطبيقات عليها ( يعنى تكملة لما سبق دراسته فى التفاضل يالصف الثانى ) أما التكامل فهو باب من ضمن أبواب التفاضل وهو العملية العكسية للتفاضل بمعنى أن أعطيك المشتقة الأولى للدالة وأطلب منك الدالة الأصلية .
( 4 ) الميكانيكا : وهى الفرع التطبيقى للرياضيات وتنقسم إلى فرعين :
الأول : الاستاتيكا - وتتحدث عن تأثير القوى المختلفة على الجسم قبل أن يتحرك مباشرة ( مثل الشد والضغط والدفع ورد الفعل وقوة محرك السيارة وغيره
الثانى : الديناميكا - وتتحدث عن تأثير القوى المختلفة المؤثرة على الجسم أثناء حركته
وكذلك سرعة الجسم ومسافته والزمن والعجلة وخلافه
ويمكنك الاطلاع على كافة فروع الرياضيات بالتفصيل الممل على موقعى الشخصى :
http://alyeldeen.com
وجميع الفروع جميلة وممتعة بشرط أن تكون أنت ممن يشعرون بالامتاع عند حل التمرين ولا ينامون إذا توقفوا فى إحدى المسائل .
أما عن سؤالك الخاص بالدروس الخصوصية :
فحسب معلوماتى فى القاهرة : أن الفيزياء والرياضيات كل منهما يأخذ حصتين فى الأسبوع وباقى المواد حصة واحدة فقط كما أن الاحصاء تعتبر من ضمن وقت الرياضيات .
أما عن المدرس الذى يرفض حل أى تمرين لك بحجة أنه لن يأتى فى الامتحان فأبتعد عنه فوراً لأنه مدرس ضعيف
والطالب الذكى هو من يستطيع أن يحكم على قوة المدرس الذى معه من أول حصة أو حصتين على الأكثر
وكما قال أخى الفاضل الأستاذ محمد صبرة : الطالب هو المحرك الأساسى للمدرس .
وأخيراً أرجو أن أكون قد وفيت بالرد
مع خالص شكرى وتقديرى

أحمد الزنارى

19-07-2010, 07:10 PM

انا مش هقدر قول حاجة بعد كلام مستر محمدصبره فقد اوفى فى اجابة الاستفسارات

ولكن اود ان اضبف ان المتعة كلها فى رياضة 2
بس اهم حاجة تنظم افكارك

فمثلا انا بقسم الاستانيكا الى قسمين قوى متلاقية وقوى متوازية

وكلاهما بهم نفس الدروس مع اختلاف الطريقة 4 دروس لكل قسم منهم

وهكذا باقى الفروع ..تابع معى من اول 8 شروحات منهج رياضة 2 للعربى واللغات

اطيب الامنيات بالتوفيق

شكرا على اهتمام حضرتك و توضيح الكثير من النقاط الهامة التى لم اكن اعلمها
اكرر شكرى و لا اجد ما اقول فقد عجز لسانى عن التعبير
جزاك الله كل خير و جعل هذا الشرح فى ميزان حسناتك
استاذى الفاضل

أحمد الزنارى

19-07-2010, 07:12 PM

احنا بناخد رياضة 3 حصص
عربي 3 حصص
فيزياء 3حصص
انجليزي 3 حصص
و اقتصاد واحصاء حصتين او ممكن 3 :022yb4:
يعني مش بنروح البيت من الدروس تقريبا
وكمان ممكن يبقى عند 2 مدرسين يعني توصل المادة 6 حصص في الاسبوع :frown:

الف شكر عالرد
وربنا يعينك على انت فية كل دى دروس ;)
بالتوفيق و ان شاء الله يجى بفايدة

lovely-girl5100

19-07-2010, 07:14 PM

على فكرة انا جايبة 44.5 برده للاسف اسوأ مادة عندي

أحمد الزنارى

19-07-2010, 07:16 PM

أحمد الزنارى

19-07-2010, 07:25 PM

على فكرة انا جايبة 44.5 برده للاسف اسوأ مادة عندي

ان شاء الله تحسنى السنة الجاية
ربنا يوفقك

النمر ahmed

20-07-2010, 01:06 PM

يا جماعه انا مجموعى 91% اكمل رياضة ولا ايه رايكم ؟

أحمد الزنارى

20-07-2010, 04:06 PM

[QUOTE=النمر ahmed;2428666]يا جماعه انا مجموعى 91% اكمل رياضة ولا ايه رايكم ؟[/QUOT
اتوكل على الله و ادخل

*يارب نور دربي*

20-07-2010, 05:59 PM

السلام عليكم

بجد والله ياجماعه رياضه مش صعبه بالمره دي جميله خالص وخصوصا للناس ال بتفكر وبتشغل دماغها

انا القيت نظره ع المنهج بتاع 3 ثانوي ولقيته حلو مش صعب ولذيذ جدا

( هو فعلا المناهج ممكن تتغير ولا ايه النظام علشان انا دلوئتي بذاكر الابواب الاولي فعايزه اعرف اذا كان ف تغيير ولا لاء)ــــــــــ>هام

وزي المدرسين موضحولنا

فربنا يوفق الكل

أحمد الزنارى

24-07-2010, 07:42 PM

معتقش الناهج هتتغير
و شكرا لردك

طموح جارية

24-07-2010, 07:55 PM

على فكرة احنا فى مطروح بدئنا الدروس و بالنسبة لمنهج رياضيات2 جميل و ممتع للغاية بس محتاج تحل كتير و متهملش الرياضة حتى لو كانت بالنسبة ليك سهلة لانها من المناهج التى سريعا ما ينساها الطالب لومش مداوم على الحل يومياً

mohamed3210

24-07-2010, 11:38 PM

ربنا يسهل والواحد بعمل الى عليه