بسم الله الرحمن الرحيم

عن أبي هريرة رضي الله عنه قال : قال
رسول الله صلى الله
عليه و سلم : (( من حسن إسلام المرء تركه ما لا يعنيه ))
* حاجة غريبة تبقى طالع فى المصعد وتلاقى
جارك بيقولك انت رايح فين ..؟
* ولا واحد يمسك موبيلك ويتصفح الحافظة ...؟
* ولا واحد يقولك انا شفتك امبارح قاعد
مع عم ابراهيم هو كان فى ايه ...؟
* ولا واحد كل نص ساعة يرن
عليك ويقفل فتتصل بيه فيقولك كنت بس
عاوز أعرف منك تليفون بورصة اليابان ...؟
بجد دماغى تعب من الناس الحشرية
اللى يحشر نفسه فى
خصوصياتك ويشاركك وقتك
و..........وكملوا انتوا
طيب هو حشرى ليه ؟؟!!!!!!!!!!!
السلام عليكم

بارك الله فيك على هذا الطرح

والله في ناس زي كده كتير

وبتحس بفرح لما تعمل كده وتضايق لما حد يعمل فيها كده

والله ناس فعلامعندهاش دم

باختصار

من دخل فيما لايعنيه
سمع مالايرضيه
يعنى بياخد عقابه فى ساعتهاولا إيه؟


إضافه جديده ومنافسه عنيده
ولازم كلنانسلم و نرفع إيدينا
ونعترف ونقول خلاص راحت علينا:d

بارك الله فيكم
وجزاكم عنا كل خير:078111rg3::078111rg3::078111rg3:

طرحٌ رائع مستر ممدوح
و لكن أظن هو حشرى أصبحت سمة فى كل من نتعامل معهم
و نفسى أعرف الإجاية
هو حشرى ليه!!!!!!!!!!!!! ؟؟؟

جزاك الله كل خير

لازم يرد واحد حشري يا جماعه .
علي العموم انا باستخدم طريقه فعاله لحد دلوقتي .هههههههه هو يسالني في حاجه تخصني اساله في حاجه توجعوا هههههههه دقه بدقه

بارك الله فيك على هذا الطرح

والله في ناس زي كده كتير

وبتحس بفرح لما تعمل كده وتضايق لما حد يعمل فيها كده

والله ناس فعلامعندهاش دم
ويا سلام على الحشرى
الذى يشغل الموبيل فى المواصلات
ويجعل الصوت عالى .
حشرى وبيشاركنى فى سمعى
وبسماع حاجة لا ارغبها
جزاكم الله خيرا
بس هو حشرى ليه ؟؟؟!!!!!!!!!!!

لأن حرية الفرد تنتهى عندما تبدأ حرية الاخريين

أنا حاسس إنها مش متركبه صح بس يلا ياريت تكون مقبوله
وشكرا

شكـــرا مستر ممدوح للطــرح الرائــع ,,,

من وجهة نظــرى المتواضعة:blush: ..

أنا شايف ان الانســان ده بيبقى فضولى زيادة عن اللــزوم:confused: ..لدرجة ان الناس بتقفل من طريقته و بتضايق من وجوده ..:angry2:

وده يرجع لأنه أنســان فاضى:romarioxp6: , ومش وراره حاجة تشغله ولا حاجة يعملها ..فأكيد طبعا بيقعد يدور مين عمل ؟؟ ومين سوى ؟؟:049gc0:

علشان كده المفروض يشغل نفسه بشغله وعمله و يبقى ملوش دعوة بحد علشان الناس تحب تتواجد معاه وتساعده لما يقع فى أى مشكله ...:):friendsxs3:

.. شكــرا للموضوع ,,, ودى وجهة نظرى مش أكتر:078111rg3:

الطبع يغلب التطبع

وهذا هو طبعنا نحن المصريين

ماهو لو مكانش ده طبعنا ما كانش الواحد فينا يمرض تلاقي الشارع كله بعد ساعة جاي يزورك
وقس علي ذلك في مختلف الشئون

اضحك الله سنك أستاذنا
فعلا نماذج تقابلنا كثيراً
أعتقد أن معظم الناس بيكون عنصر الفضول أو التطفل عندها زايد عن معدله
ولو جاءتك الجرأة لتسأل أحدهم عن سبب تدخله يكون الرد
ابدأ بطمن عليك
ده دليل حبى وإهتمامى

والله أعلم بالنوايا
خالص تحياتى

إضافه جديده ومنافسه عنيده
ولازم كلنانسلم و نرفع إيدينا
ونعترف ونقول خلاص راحت علينا:d

بلاك بلاك 66
شكرا جزيلا بالملاين
ومنافسة يقبلها الغلاين
طيب قولى انتى فين ...؟
لاسمح الله مش حشرين
ولابداعاتك منتظرين .

بلاك بلاك 66
شكرا جزيلا بالملاين
ومنافسة يقبلها الغلاين
طيب قولى انت فين ...؟
لاسمح الله مش حشرين
ولابدعاتك منتظرين .



حضرتك بتسألنى أنا فين--أنا ياأستاذنا فى البدروم
ولولا شوية الايمان بالله--لسهرنا الليل نعد النجوم
من فقر مكسر ضلوعنا --وأفكار مريبه زى السموم
وابداعاتنا من بعض ماعندكم ولجهودكم مليون دعوه فى اليوم
وأنا كدا حشرى ؟يمكن --وأملى يغفر لى الحى القيوم
شكرا لحضرتك

طرحٌ رائع مستر ممدوح
و لكن أظن هو حشرى أصبحت سمة فى كل من نتعامل معهم
و نفسى أعرف الإجاية
هو حشرى ليه!!!!!!!!!!!!! ؟؟؟
صعب جدا ان تكون سمة فى كل
من تتعاملى معهم ، وربنا يكون فى عون حضرتك
ومواجهة الحشرى واحراجة امر ضرورى وهام
ويحتاج الى لباقة فى ايقافه .
وهو حشرى ليه .........؟؟ متفهميش
الاروع مشاركة حضرتك زميلتى الفاضلة

موضوع مفيد جدااا وشكرا على الطرح المميز
وانا نفسى نعمل بالحديث ده
*جزك الله خيراا*

وعليكم السلام ورحمة الله وبركاته


طيب هو حشرى ليه ؟؟!!!!!!!!!!!

لأن هو دا العادي من شعب مصر :romarioxp6:
مش عارفة الصراحة
يمكن فضول
ع العموم طبع المصريين
انهم حتي كل واحد ليه اسلوبه الخاص مع اللي
يقوله حاجة ويسأله وهو مبيحبش كداا
يقوله : انت مالك
الحشري: مالي في جيبي ههههه:039uw8:
شكراا ع الموضوع ياأستاذنا

جزاك الله كل خير
واياكم جزاكم الله كل الخير
كنت متعشم يا محمد
تقولى هو حشرى ليه ؟؟؟؟؟؟؟؟؟!!!!!!!!!!
من وجهة نظرك طبعا
تحياتى وشكرا لمرور حضرتك

طيب هو حشرى ليه ؟؟!!!!!!!!!!!

سبب محدش يعرفه بس هو طبع فى المصريين
وبارك الله فيك

ياجماعه هناك خيط رفيع بين الحشرى
وبين حق المسلم عليك
فأرجوا ألا تطيح الفلسفه الزائده بهذا الخيط
وكى لا أصير حشريا
أبعد وأقول أنا مالى
وأظن هذا ماصار
شكرا على موضوعك الجميل

لازم يرد واحد حشري يا جماعه .
علي العموم انا باستخدم طريقه فعاله لحد دلوقتي .هههههههه هو يسالني في حاجه تخصني اساله في حاجه توجعوا هههههههه دقه بدقه
الحوار بين اثنين حشرين
غير مجدى ، ولكن لو حشرى ورخم
سيكون حوار ممتع.
واعتقد ان علاج الحشرى
ان نسترخم معه.
فحشرى سالنى وانا راكب مركب
بيعدى النيل لبلد واحدة فقط جهة الشرق اسمها مطوبس
فقلت له رايح ادكو وهى بلد جهة الغرب
فبدت عليه علامات التعجب
وقالى يا رجل انت رايح مطوبس ؟؟؟؟؟؟!!!!!!!!!

وده يرجع لأنه أنســان فاضى:romarioxp6: , ومش وراره حاجة تشغله ولا حاجة يعملها ..فأكيد طبعا بيقعد يدور مين عمل ؟؟ ومين سوى ؟؟:049gc0:

مرورك الأروع
وطرح حضرتك ووجهة نظرك جميلة
اشكرك
ويسر الله لك كل أمر
وخالص الدعوات

الحشري دة انسان فضولي زائد عن الحد مررت بهم كثيراً وبكل أسف لا استطيع التعامل معهم على الرغم من أنهم يظهرون حبهم وحرصهم عليك إلا انهم يشعرون بالغيرة منك والحقد عليك ومحاولاتهم الدائمة اظهار الرضا عن أنفسهم وهم في الواقع يكرهون وضعه ويحبون أن يكونوا في موضع الآخرين وقانا الله واياكم شرهم.

الشعب الأمريكى هو الشعب المثالى فى إنه غير حشرى
يعنى مثلا صديقان أوزميلان فى طريقهما للعمل وعربيه خبطت واحد فيهم
كل اللى بيعملوا يتصل بالشرطه والاسعاف ويمضى فى طريقه وهو سعيد بمافعله لان هذا كل دوره
لكن احنا عندنا الناس حشريه كتير وفيه ناس قالت الشعب كله ماعدا هما (هم ملائكة الله على أرض مصر)
أمثله للناس الحشرية فى المجتمع المصرى المريض وطبقوها على فكر الامريكان
ضابط الشرطه اللى راكب عربيه فى منطقه غير منطقته وشعربشىء يدبر لفتاه فعرض نفسه للموت لانقاذها (هو حشرى ليه)
الأخت تسابيح أكرمها الله لما شافت مقاله لتموره وعارضتها ولم توافق على ماجاء فيها وهى محقه (هى حشريه ليه)
الحشرى الوحش اللى شاف واحد بيرمى نفسه تحت القطر (هوحشرى ليه)
أى انسان يرى منكرا من أى انسان ويحاول يمنعه (تنطبق عليه قاعدة هو حشرى ليه)
من يوم ما أعلينا شعار الخصوصيات والحريات المستورده عن حق المسلم على المسلم نتج حالنا المريض
وكما ذكر أحد الزملاء إنه خيط رفيع بين الحشرى وحق المسلم عليك -- فليتنا ننظر للأمر بصوره مصرية وبلاش نقول إن الشعب كله كدا---- لان الانسان اللى بيرمى نفسه فى النار علشان ينقذ انسان أخر لو طبق قاعدة إنت حشرى ليه أوأنا مالى يبقى عليه العوض ----------- والخالق سبحانه وتعالى كر م المؤمنين ومنحهم الاخوه -- لو علاقاتك مع كل انسان كأنه أخ لك وتعاملت معه من هذا المنطلق ستجد نسبة الحشريين انخفضت جدا - والدين النصيحه - لو نصحنا الحشرين هنقضى على نسبه أخرى - وندعى للباقى ربنا يهديهم ولانكتفى بنقدهم ودمتم ويجعله عامر ------------- وربنا يصلح الحال------------ (مجرد وجهة نظر)
وكل الشكروالتقدير للجميع

انا من رأيي المتواضع

انك تخللي معاك مبيد حيشري ^^

عشان اي حشري يتحشر في حاجة ملوش انه يتحشر فيها يستاهل حشر رقبته

تبقى ماشي فى حالك ، ممكن يا كابتن تغير تامر حسني ؟؟

اقوله ليه ؟؟

يقوللي ما بحبوش .

قلت اشغل عمرو دياب محدش بيكرهه . دقيقتين كابتن كابتن .

نعم يا سيدي؟؟

ممكن تغير الاغنية دي ؟؟؟

ليه ؟؟

اصلي مبحبهاش.

قلت اشغل حاجة لحسام حبيب .

لقيته راح باصللي بقرف وراح مطلع تليفونه ومشغل (انا مش انا)


قولولي ايه الحل ساعتها؟؟؟؟
































مبيد حيشري ^_^

اه فعلا والله
موضوع راااااااائع

الطبع يغلب التطبع

وهذا هو طبعنا نحن المصريين

ماهو لو مكانش ده طبعنا ما كانش الواحد فينا يمرض تلاقي الشارع كله بعد ساعة جاي يزورك
وقس علي ذلك في مختلف الشئون
صح وان كانت هناك
قلة طباعها جميلة
وتستحى معرفة
تتبع اخبار الاخرين
شــــــــــكراً وأسعدنى تفاعلك وردك

ولو جاءتك الجرأة لتسأل أحدهم عن سبب تدخله يكون الرد
ابدأ بطمن عليك
ده دليل حبى وإهتمامى


الزميلة ام شاهندة
نورتى الموضوع
وان كان مبرر الحشرى هنا
مبرر غير مقبول ولكن مبرر يحرجنا اكثر
جزاكم الله خيرا زميلتى