السلام عليكم

انا لسة مخلص وشفت سنتين الفراغ بتوع ثانوى الويل من الاستهبال والتهريج والاستهتار من المدرسين ماعدا مدرس الفيزياء ربنا يباركله وهى دى المادة الوحيدة اللى مفيهاش حاجة واقعة منى الحمد لله بغض النظر عن الهندسة الفراغية اللى خدتها فى اخر شهر وملحقتش احل عليها كويس.

دلوقتى مجموعى مجابش هندسة حكومى وناوى ادخلها خاصة ان شاء الله و اخدها صح من اولها وبسئل على المواد اللى فى اعدادى بتعتمد على المواد اللى خدتها فى ثانوى
يعنى مثلا لو فية مادة خاصة بالرسم الهندسى وبتعتمد على الهندسة الفراغية اللى خدناها فى ثانوى
ولو فية مواد اقدر اذاكرها دلوقتى لوحدى بجيث انى اوفر وقت ومجهود لباقى المواد لما السنة تبدأ

ياريت حد يفيدنى ويقولى عليهم وكمان ياريت لو الناس اللى جابت تقدير جيد جدا او امتياز تقولنا جابوها ازاى

مستنى ردودكم وشكرا مقدما ;)

زى مايكون مفيش حد هنا دخل هندسة خالص
على العموم شكرا

لاء سيبك من ثانوي
في حاجات بسيطه هتحتاجها من ثانوي كفهم يعني
ومش هتاثر اوي يعني
وطبعا مفيش حاجه تستهال تذاكرخا في الاجازه

زي ما قالك بالظبط سيبك من اللي اخدته في ثانوي

الرسم هتلاقيه حاجه تانيه خالص غير مانت متوقع موش زي

الفراغية كدا لكن اللي ممكن تستفيد بيه في الكلية الكيمياء

والفيزياء وشوية حجات في الرياضة غير كدا لا وبتحتاجهم

كمان كمعلومة توضيحية موش اكتر موش حاجه اساسية يعني

عيش اجازتك يا عم

طمنتونى ربنا يطمنكم ويجازيكم كل خير :friendsxs3:

على حسب جامعتك لأن فيه مادة فى الرسم الهندسى

اسمها الهندسة الوصفية و بتعتمد على قوانين الفراغية

و أغتت منها بمراحل طبعًا - بكرر حسب كليتك لأن المادة ده فى كليات سهلة -

أما كون إنك تذاكر حاجة عشان الضغط

فنصيحتى عيش الأجازة بالطول و العرض

و فى أيام الدراسة أى حاجة تقف مهما كانت صغيرة

تسأل عليها علطول معيد ، صاحبك ، فى المنتدى هنا

لأن نظام الكلية غير الثانوى

هى أسهل بس محتاجة نفس طويل جدًا - ده فى أى كلية بس فى الهندسة أكتر -

و احب أطمنك مفيش فرق بين الهندسة الخاصة و الحكومية

غير الطلبة نفسهم فحاول متصاحبش حد إلا أما تتأكد من -----أخلاقه ----- عشان متتعبش و تتعبنا معاك ^_*

حتى لو مش هتصاحب حد أصلاً

صدق اللى قال اختر الجار قبل الدار

و أى استفسارات تانية كلنا هنا فى الخدمة ^_^

على حسب جامعتك لأن فيه مادة فى الرسم الهندسى

اسمها الهندسة الوصفية و بتعتمد على قوانين الفراغية

و أغتت منها بمراحل طبعًا - بكرر حسب كليتك لأن المادة ده فى كليات سهلة -

أما كون إنك تذاكر حاجة عشان الضغط

فنصيحتى عيش الأجازة بالطول و العرض

و فى أيام الدراسة أى حاجة تقف مهما كانت صغيرة

تسأل عليها علطول معيد ، صاحبك ، فى المنتدى هنا

لأن نظام الكلية غير الثانوى

هى أسهل بس محتاجة نفس طويل جدًا - ده فى أى كلية بس فى الهندسة أكتر -

و احب أطمنك مفيش فرق بين الهندسة الخاصة و الحكومية

غير الطلبة نفسهم فحاول متصاحبش حد إلا أما تتأكد من -----أخلاقه ----- عشان متتعبش و تتعبنا معاك ^_*

حتى لو مش هتصاحب حد أصلاً

صدق اللى قال اختر الجار قبل الدار

و أى استفسارات تانية كلنا هنا فى الخدمة ^_^

تسلم ياجميل وانا حاخد بنصيحتك بس طالما الفراغية دخلت فى الموضوع يبقى نتسلى فيها عشان متصدمش لو دخلت ولاقيتها والواحد مش خسران حاجة برضو

احلى حاجة فى هندسة او اى كلية علمية انها مفيهاش مادة حقيرة اسمها .... اللغة العربية :022yb4:

ربنا يباركلك ولو مكنتش كتبت الجملة الاخيرة دى كنت وفرت على نفسك تعب القلب اللى حتشوفو منى لو دخلت ان شاء الله هندسة :p

لو حبيت تتسلى فى الوصفية هعرفك على سكة اسطوانة جميلة جدًا فيها

بس للعلم أول ما هتمشى شوية فى الدراسة هتنسى كل اللى ذاكرته

لو مكانك كنت نزلت الاسطوانة لوقت اللزوم



بالتوفيق ،،،،،،،،،

انا مش فاكر خالص اني استخدمت الهندسة الفراغية في الوصفية

اي نعم هي حاجات فراغية برده
بس مستخدمتش فيها معلومات تقريبا من ثانوي


كلها حاجات مستقلة وهي مادة اساساً شبه ملهاش لازمة :d

اهم حاجة المبادئ الفيزيائية تكون كويسة ... وانت بتقول الفيزيا كويسة

الكيميا يعني يكون عندك فكرة برده في العضوية
بس حتلاقي الحاجات تقريبا مستقلة
والرياضة حتلاقي منها كتير بيتكرر وبيطول :d
يعني بتفصيل زيادة ..

على فكرة الوصفيه اتلغت من معظم الكليات انا داخله تانيه ومخدتهاش وكل اصحابى فى جامعات تانيه بردوا ماخدوهاش والمواد كلها مختلفه اختلاف تام هتحتاج بس شويه حاجات من الفيزياء والكيمياء
و الرياضه بس كله حاجات بتكون اساسيات اصلا ومش هتحتاج تذاكر حاجه فى الوقت ده
بس ممكن تدخل على مواقع هندسيه و تتابع وحاول تنزل دروس الرسم الهندسى من النت علشان الدكاتره بيبقوا بيتكلموا على اساس اننا فاهمين اصلا فممكن تحاول تتابع فيها شويه ربنا يوفقك