سلام عليكم


اولا احب اقولكوا ان انا واخدة فكرة الموضوع دة من موضوع تانى اسمه نمرة موبايل الريس بس هو مش نفس الموضوع

اقولكوا بقى اللى بقى فى نفسى :

تخيلوا يا جماعة لو الريس قرر انه يحط رقم موبايله فى اعلان فى التليفزيون عشان يقرب من الشعب (طبعا عمره ما هيعملها) تفتكروا الناس هتعمل اية و هتقول له اية .

وانت ذات نفسك هتقول له اية؟ بجد بجد هتنفعل و تهزق و انت بتكلمه من كابينة فى الشارع عشان ميجيبكش؟

ولا هتقوله حسبى الله ونعم الوكيل وتقفل؟

ولا هتحكيله مشاكلك وتقوله انه اسوأ رئيس و صاحب اسوأ حكومة ؟

ياريت تعبرونى .

الو ....

- حسني معايا ؟؟؟

- ايوه مين معايا ؟؟

-هيكون مين ، واحد طلعان عين اللي جابوه من عمايلك .

-انت عارف انت بتكلم مين يا ولد ؟؟

- ياعم عارف ، امال بتصل بواحد معرفوش .

- يبقى احترم نفسك .

- احترم نفسك انت الاول ، خليت راسنا في الارض .

-مش بدل ما اخليها في السما ؟ ، الارض اقرب .

- انت بتهزر ؟؟ منتا فايق ورايق ، وانت همك حاجة؟؟

-امال يابني ؟؟

- مهزرش ليه ؟؟ هو في حد فى الشعب يقدر يفتح لابؤه معايا ؟؟

- يعني انت يا عجل السرجة مش همك ؟؟؟؟

- ما تلم نفسك ياض والا والله لاجيبك ..

- هتجيبني ازاي ؟؟ دي مش نمرتي .

- امال دي نمرة مين ؟؟؟

- هقوله : دي نمرة سنترال ابو شوقي اللي في الهرم ، واروح باصص لابو شوقي واجري

هههههههههههههه
بجد ضحكتنى دا انت لو عملت كدة والله ما هتنام فى بيتكو تانى وهانقول الله يرحمة كان كويس
نورت الموضوع

موضوع جميل وفكره رائعه
بس عايز أقول حاجه
هو ولى أمر الطالبه صاحبة موضوع التعبير الشهير كان معاه تليفون الريس؟
ومين اللى حارب هذه الطالبه وحرمها الدرجات (كل مدرستها)ومين اللى أكد على حريتها فى التعبير -- ( الريس)
ياساده فى مجتمع أصبح معظمه يقدس (أنا مالى وبكام) لازم ينتج الفسادوتنتشر الفتن المستوده
لسنا براء ممايحدث ولكننا شركاء بطريقه مباشره أوغير مباشره
وباب الحريات مفتوح -- لكن مزاجنا الوقوف تحت الشباك!!!!!!!!!!!!!
وخلوا هيما ورفاقه يسيطروا على الباب والبواب كمان-- ماهم بيقولوا ليل ونهار -- جرى شىء؟
وكل اللى نعمله ندارى فى الدره أو القصب من وهم الخوف اللى دسوه فى نفوسنا
شكرا على الموضوع الجميل يامصريه

كلام لا يودى ولا يجيب
اشكى لمين يا ناس وازاى تفكروا يوم ان الريس او اى مخلوق يصلح انك تشتكى له حالك
فالشكوى لغير الله مذله
لن تكون شكواى سوى لربى ورب مبارك
لن تكون شكواى سوى للخالق المتصرف بتسيير الامور المتحكم فى المقادير
الذى بيده كل شى بيده ازاحة هذا المبارك عنا
وبيده ان يخلفنا من بعده من يسومنا اسوأ العذاب
وبيده ان يولى امورنا خيارنا وافضلنا
انه المتحكم فى كل شىء القادر على كل شىء
اخوانى عزاؤنا الوحيد فى خضم الظلم الواقع فى عالمنا
ان لهذا الكون اله ورب يعلم كل شىء ومطلع وعادل
فاللهم اننا نشكو اليك قلة حيلتنا وضعف قوتنا وهواننا على الناس

كلمه اخرى اوتسجيلها
لو تكلمت مع الريس او اى مسئول لن اشتكى اليه
بل سانصحه بالعدل واذكره بان المسئوليه عظيمه وانه محاسب عنها عند من لا يغفل ولا ينام
فالدين النصيحه(لله وللرسول ولائمة المسلمين وعامتهم )
مشكوره اختى الكريمه على هذا الطرح

هههههههههههههههه فكره حلوه كل الناس هطلع اللى فى قلبها وهوا عمره ماهيعملها

انتوا قلبتوا الموضوع نكد؟؟؟؟؟

فكوها يا جماعة

كل ده احنا عارفينه

بس احنا صلا متنكدين وعارفين كل اللي انتوا بتقولوه

بس الموضوع قصده الترفيه عن النفس

هدوا نفسكوا واشربلكوا بتاع 2 لتر ليمون وهتبقوا زي القشطة

احب اقولك ياريس ان مصر في عهدك اصابها :

1- وجود انسداد مزمن فى مواسير التنمية
2- انيميا فى المرتبات
3- سرطان فى الاسعار
4- تجمع دموى فى مراكز التفكير الديموقراطى
5 - تخلف طبيعى فى الجين رقم 82 والجين رقم 29 يجعل من المستحيل التفكير بصورة طبيعية(الجين = مادة الدستور)
احب اطمنك ياريس:احنا ضايعين ضايعين ضايعين

احب اقولك ياريس ان مصر في عهدك اصابها :

1- وجود انسداد مزمن فى مواسير التنمية
2- انيميا فى المرتبات
3- سرطان فى الاسعار
4- تجمع دموى فى مراكز التفكير الديموقراطى
5 - تخلف طبيعى فى الجين رقم 82 والجين رقم 29 يجعل من المستحيل التفكير بصورة طبيعية(الجين = مادة الدستور)
احب اطمنك ياريس:احنا ضايعين ضايعين ضايعين

هو ده الرد

انا متشكرة لكل اللى دخلو الموضوع بس انا قصدى يعنى نرفه عن نفسنا شوية بدل الهم اللى شايلينه
وكمان اللى عنده حل لمشكلة ما فى البلد يقولو كأنه يعنى بيقولو للريس وكدة
بس ادى قصدى ومتشكرة ليكو ونورتو الموضوع

هههههههههههههه

طيب افرض بقي الريس بيتفرج علينا دلوقتي مش حد هيعيش تاني هههههههههههه

هههههههههههههه

طيب افرض بقي الريس بيتفرج علينا دلوقتي مش حد هيعيش تاني هههههههههههه
لااااا هو لو شايفنا اصلا مكنش ادانا فرصة نقول ربع حرف من اللى اتقال
هههههههههههه
مرسى لمرورك يارا نورتى التوبيك

قوموا ناموا احسن

عندك حق نوم الظالم عبادة
مش كدة بردو

أنا بقى لو ده حصل فعلا هيبقى حوارى بسيط جدا وهو
*الو
*ايوه مين معاى
*أنا واحدة من خلق ربنا الكتير
وعلى العموم مش المهم أنا مين المهم عايزة ايه
*اتفضلى يا بنتى قولى عايزة ايه
*انا طلبى بسيط جدا وهو : ممكن حضرتك تخرج مرة للشعب من غير حرس ولا ضباط ولا حد يعرف من الوزارء بكده تكون لوحدك
*وايه الحكمة فى كده عايزة تغتالينى ولا ايه
*لا حضرتك فهمتنى غلط بس عايزة حضرتك تشوف الشعب على حقيقته مش بعد عملية التجميل اللى بيعملوه ليه كل مرة قبل خروج حضرتك لأى افتتاح او زيارة
طبعا دى حاجة ولا فى الاحلام بس الله أعلم جايز تحصل
وسلمت يداكى على الموضوع

هقوله كلمه واحده بس

الو ........... ممكن تحولي رصيد ياريس الاوطه غليت ههههههههههه

وليه يحولك رصيد
يشتريلك 2 ولا3 كيلو اوطة احسن من الرصيد والكلام الفاضى ده
ههههههههه

موضوع رائع
سلمتِ وسلمت يداكِ
أنا هقوله كلمتين بس : (( اتقِ الله ))

الله عليك
وانا هاضيف عليهم كلمتين
ربنا ياخدك
نورت التوبيك

هاقولة سؤال واحد وبسيط واكتر من رائع
لو سمحت ياريس
لو واحد عندة 200 مليار دولار وعنده 80 سنة يا ترى يقدر يعيش باقى عمرة يصرف منهم من غير ما يخلصوا
ولا لازم يسرق شوية كمان عشان يأمن مستقبله؟
مع العلم ان 200 مليار دول ثروتة لوحدة يعنى من غير ثروات ولاده واحفادة
يعنى الراجل بيكفى نفسة بس
ويارب يجاوبنى بقى

شكلك هاتودينا ورا الشمس
يالهوى لو سمع الكلام ده
ههههههههه
شكله لسة ما استكفاش
يلا خليه يسرق شوية كمان مش هاياخد اكتر من اللى خدو
نورتى موضوعى بجد

عادى خالص

هقوللو ازيك وازاى ماما سوزان

وطبعا مش هنسى بقيت افراد العصابه

الوزراء والحكومه وغيرهم..........

اصل طبعا لو ماقلتلهمش ازيكم

اكيد تبقى فيها اعتقال

لحظه

لحظه

مش اعتقال وبس اعتقال للابد


يسلمو قلبى ع التوبيك

مرسى على الرد الجميل
نورتى التوبيك

مرسى على الرد الجميل
نورتى التوبيك

ده نورك حياتو

مرسى يا قمر

ممممممممممممممممم
انا مش هاتصل من اساسة
يعنى هاتصل اقول ايه مش هاقول حاجة
ولو اتنرفزت هايحصل ايه يعنى ولا اى اى حاجة ولا هاتودى ولا هاتجيب
فانا افضل انى مااتصلش خالص

احسن بردو بالاقل توفرى رصيدك احسن من وشه
ههههههههههه