سؤال إجبارى وممنوع تقرا وتجرى [الأرشيف] - بوابة الثانوية العامة المصرية

أ/رضا عطيه

19-07-2010, 05:39 AM

لـــــــــــــــــيه كـــــــــــــــــــــدا ؟

طبعــــــــــــــــــــــــــــنا كــــــدا؟

تعالــيم إسلامـــــــــــنا كـــــــدا؟

شهامــــة ابن البلــــد كـــــــــدا؟

ضع سؤال من الأسئله السابقه فى موضوع إنت تختاره
وعلى فكره السؤال اللى هتختاره يبقى إجبارى بالنسبة لك
يعنى موقف شفته - حاجه مش عجباك- موقف دينى يوضح بعض تعاليم الدين الحنيف من الماضى والحاضر-المهم اتكلم قووووووووووووووووووووووووووووووووووووووووول
ومسموح بنقل الحكايه من أى مكان إلى ورقة الاجابة-ودا مش غش لأنها حصة مراجعه ومجانا كمان
المهم ممنوع الكسل -
ممنوع كلمتين وبس -
وممنوع تقرا وتجرى
يلا
يلا

الاواه

19-07-2010, 11:03 AM

وممنوع تقرا وتجرى
هههههههههههههههههههههههههه
هههههههههههههههههههههههههههههههههههههههه
الردود مكسرة الدنيا
معلش كل واحد بياخد نصيبه فى الدنيا

samar saad

19-07-2010, 11:41 AM

والله انا لو اخترت يبقى هختار كلمة ليه كده

وهقولها الحقيقة للى حصل السنة دى فى الثانوية العامة, وليه عايزين يخصصوا التعليم وليه مش عاملين حساي للغلابة اللى مش لاقين وليه عملين نفسهم مش سامعين وليه احنا جوانه ثورة ولسة لحد دلوقتى ساكتين وليه عارفين انهم هيدمروا المستقبل واحنا برضوا شايفين وساكتين وليه عمرنا ما خدنا معاهم حق ولا باطل

بس كفايانى ليه بس بجد الحقيقة الفكرة عجبتنى جدا

stoof

19-07-2010, 12:00 PM

شكرا على الموضوع الجميل ده .. وانا عندي سؤاال
ليه كدة ليه ليه ؟؟
ليه لما بنزل الشارع بكره نفسي من كتر الي بشوفه .. ايه هو فين الدين؟؟ .. هو الدين بيقول للبنات تلبس ضيق و تحط بوية على وشها؟؟ .. هو قال إن البنت تحط ريحة ( بارفان) وهي نازلة الشارع ؟؟
ليه كدة ؟؟
هو ديننا بيقولنا البنت تلبس هدوم أختها الصغيرة وتسقط البنطلون ؟؟؟ والله حاجة غريبة ؟؟؟
أنا مش بسخر من حد أبدا لكن انا متضايق جدا والله .. طب ليه البنت بعد كل الي عاملاه ده و بتزعل اما يجي حد مش محترم ومش متربي يعاكسها ؟؟؟ حاجة يعجب لها العقل .... ؟؟؟

أنا مش بقول إن كل البنات كدة .. لا في بنات كتير محترمين جدا جدا جدا .. لكن دايما الشر هو الي بيبان و الخير مستخبي ...
إحنا عايزن نعكس الموازين بقا ونغير نظرة الناس لينا ...
أرجو أن حد يجاوب ....
كل واحد بقا يرمي المشكلة ده على البنات نفسهم . لا .. هو ده بسبب الاخلاق الي راحت من بعض الأسر و نسيوا دينهم أو تناسوه بمعنى صحيح ...
مش عارف أرجو من حد يرد عليا :excl:

samar saad

19-07-2010, 12:06 PM

Eng..LiNa

19-07-2010, 12:11 PM

سؤئة الطيوبة

19-07-2010, 12:12 PM

هختار طبعـــــــــــــــــنا كـــــــــــــدا

لية طبعنا كدة لية بنشوف اى حد احسن منا

لية مبيعجبناش حالنا

لية بنبص للى فى ايد غرنا

لية معندناش رضااااااااااا

ونحمد ربنا

لية منحبش الناس
لية شيلين غل وكرهة للناس

لية منحبش نفسنا ونقدرها

لية معدناش امل وطموح

وشكرا موضوع مميز

سؤئة الطيوبة

19-07-2010, 12:17 PM

وكمــــــــــــــــأن هقول

لــــــــــية منقمش ,,,,,,,,,نصلي الظهر حالاً

أ/رضا عطيه

19-07-2010, 12:18 PM

هههههههههههههههههههههههههه
هههههههههههههههههههههههههههههههههههههههه
الردود مكسرة الدنيا
معلش كل واحد بياخد نصيبه فى الدنيا

واللهى مجرد مرورك لوحده أكبر نجاح للموضوع
نورت الدنيا وشكرا على الاصطباحه العسل

ZIKA*STAR

19-07-2010, 12:23 PM

انا هجري لحد لما الاقي الرد المناسب ^_^

انتظر ردي

coody

19-07-2010, 12:32 PM

هختار طبعنا كده
ليه الناس مش بتعترف بخطأها حتي لو ثبت انه غلط؟؟
بزمتكوا شوفو دي
واحد مصري بيقول ان الجاذبية ارادية و مستشهد بآية كريم من سورة الكهف (فوجدا جداراً يريد ان ينقض فأقامه)
بيقول يريد يعني الجاذبية اردية
فهمناه و قلناله يريد يعني يكاد يعني الجدار يكاد او اوشك انه يتهد يعني قديم و مكسر مفيش فايدة
في غباء اكتر من كده؟
و برضه مصر علي خطأه
ده لو كل واحد طلع بافتكاسة كده مش هانعرف بعد كده الصح من الغلط

etwad3na

19-07-2010, 12:41 PM

اولا فكره الموضوع حلوووووووووه جدااااا
انا لو بدات بسؤال لـــــــــــــيــــــــــه كده
اظن انى هكتب حاجات كتير لسبب بسيط جدا وهو انه السلبيات بقت كتيــــر

اولها هقول ليه الناس اختفت من عيونها الابتسامه الجميله اللى بتدوب اى مشكله
ليه كل واحد مش يخليه فى نفسه ( لازم يعنى يقعد يحقد ع فلان ويتدخل فى حيات فلان ويحسد فلان )
خلاص بقى قليل اووووى اللى بيتمنى للتانى الخير ليه ما تبقاش فيه غيره شريفه مثلا بمعنى ان كل واحد يحب النجاح للتانى ويحب يكون زيه بس مش يتمنى بقى زوال النعمه من غيره لمجرد سلوك بقى منتشر دلوقتى اسمه الحقد والحسد
ليه بقى دينا بعيد عننا سؤال بوجهه لكل الناس دلوقتى وانا معاكم
ليه واقفين نتفرج ع القدس وهى بتضيع من ايدينا مش احنا برده الاولى اننا ندافع عن حقنا ؟؟؟؟؟؟!!!

وبجد بكرر شكرى ع التوبيكـ

stoof

19-07-2010, 12:41 PM

والله عند حضرتك حق بس تقدر تقول ضعف ايمان , طب انا هقولك حاجه انا لما كنت صغيرة شوية كنت بفضل ققول لنفسى لما بتفرج مثلا على فيلم اجنبى او حاجه ليه مالبسش كده وليه معملش كده وليه وليه وليه احنا معقدين كده بس لما كبرت لقيت الوضع مختلف لقيت تربيتى هى اللى بتحكمنى لقيت ايمانى والحمد لله هو اللى وقف التفكير ده وخلانى فى الطريق الصح فهو فعلا والله ضعف ايمان بس الواحد يقدر يوقف ده , بس تعمل ايه بقى فى الشباب اللى بيعكسوا بنات مع انهم لابسين اخر احترام واخر ادب وبرضوه بيعاكسوهم ها رد حضرتك ايه , وايه الحل
[/quote]

الي بيتطبق على البنت هو الي بيتطبق على الولد و مفيش حاجة اسمها أنا ولد وأعمل الي أنا عايزه ؟؟
ولما يقوم شاب غير محترم يعاكس إنسانة محترمة و مؤدبة ؟؟ يبقى ده إنسان عنده ضعف في وازعه الديني وفاسد الأخلاق وده مرجعه الأسرة برضو يعني الأسرة المتدينة المحترمة هي الي بتنتج شباب وشابات محترمين و عندهم أخلاق والعكس صحيح
وفي الأخر بقول حسبنا الله ونعم الوكيل .. و يهدي الله الجميع و يوفقهم إلى ما فيه الخير
والحل هو العودة إلى الله ... نعم العودة إلى رب العزة فهو القادر على كل شيء وهو يهدي من يشاء صراطه المستقيم
وشكرا

أ/رضا عطيه

19-07-2010, 12:51 PM

وكمــــــــــــــــأن هقول

لــــــــــية منقمش ,,,,,,,,,نصلي الظهر حالاً

شكرا على التذكير ولحضرتك كل التحيه والتقدير

وجزاك الله خيرا

samar saad

19-07-2010, 12:53 PM

احييك بجد شكرا جدا وبحب اشكر ايضا صاحب الفكرة

أ/رضا عطيه

19-07-2010, 12:56 PM

الاسئلة دي تعجيزية
من بره كتاب الوزارة
واعلي من الطالب المتوسط
ههههههههههه
بجد الموضوع حلو اوي
حختار طبعنا كده
عشان احنا مش بنعترف باخطائنا
ومش بنحترم راي الاخرين
بنجري ورا سراب ومش مصدقين انه مش موجود
بس

الأسئلة كلها من المنهج :d
والكتاب المقررلكن الكتاب المرادى كبير جدا
فى البيت فى الشارع فى المدرسه فى النادى فى المصيف
قادر ربنا يحول السراب لحقيقه أويهدينا للحقيقه
شكرا

ايه كمال

19-07-2010, 01:24 PM

أنا هختار شهامة ابن البلد كده بسبب القصة دى
ضابط بالأمن المركزى يتمكن من إنقاذ فتاة من الخطف وال****** على أيدى 6 سائقين، بعدما دخل معهم فى معركة تمكنوا خلالها من طعنه بمطواة فى بطنه، إلا أنه تمكن من إجبارهم على الهرب بعدما أشهر سلاحه النارى وأطلق 9 طلقات فى الهواء، ورفض بعدها مساعدة الأهالى بنقله إلى المستشفى قبل الاطمئنان على الفتاة التى تمكن من مساعدتها على الهرب، وتوجه إلى الشارع التى دخلت فيه ليجدها قد دخلت منزلها، وقام والدها بنقله إلى مستشفى الشرطة بالعجوزة بواسطة سيارته الخاصة فى حالة حرجة
الحمد لله مصر لسه بخير
وتسلملنا يا أستاذنا على موضوعاتك

عمر المختار الغرابلى

19-07-2010, 01:40 PM

اولاااا/ شكرااااااا كتيير قوى على هذا الموضوع المتميز
كما عودتنا دائماااااااااااا
بس انا هختار ليه كده

ليه فقدنا الامل فى بكره وبعده

ليه احلامنا بقت بسيطه

ليه العنف زات

وكتييير قوى ليه
بس نكتفى بهذا القدر الان

scream angle

19-07-2010, 01:47 PM

موضوع جميل جدا شكرا لك

بصراحة مش لاقية حاجة اقولها بس قرأت كل القصص جميلة جدا

لما الاقى حاجة هقولها

أ/رضا عطيه

19-07-2010, 02:34 PM

انا هجري لحد لما الاقي الرد المناسب ^_^

انتظر ردي

واحنا فى الانتظار
شكرا على تواجدك معنا وهذا يكفى

أ/رضا عطيه

19-07-2010, 02:36 PM

موضوع جميل جدا شكرا لك

بصراحة مش لاقية حاجة اقولها بس قرأت كل القصص جميلة جدا

لما الاقى حاجة هقولها

واحنا فى الانتظار
وبالتوفيق
وشكرا على مرورك الكريم

ZIKA*STAR

19-07-2010, 02:59 PM

لـــــــــــــــــيه كـــــــــــــــــــــدا ؟

ليه ناس وقت الصلاة واقفة في محلاتها ولا كأن الامر يعنيهم؟؟ ليه كده ؟؟

ليه الناس في اجمل شهر في السنة (رمضان) تفطر بسبب سيجارة ملهاش اي لازمة؟؟؟ ليه كده؟؟

ليه مبقاش في اعتبار ان اختك اللي ماشية في الشارع ليها حق عليك حمايتها من اي مكروه ، وانت تروح تعاكسها ؟؟؟ ليه كده؟؟

ليه نسمح للخصام يدخل بين اتنين اصحاب بسبب مصلحة ، وقد ايه العشرة ممكن تهون على واحد بسبب مصلحة ؟؟؟ ليه كده؟؟

ليه يتعب تفكيرنا من كتر ما في حاجات غلط ومش عارفين نوفي سؤال بسيط اجابة مقنعة؟؟؟ السؤال ده 0ليه كده؟؟

طبعــــــــــــــــــــــــــــنا كــــــدا؟

طبعنا يفرض علينا التسامح بيننا ، ليه مبقاش طبعنا كده؟؟

طبعنا يقولنا التعاون بيننا كان موجود زمان ، ليه مبقاش موجود كده؟؟

طبعنا اننا بنحب الخير لبعض ، مبقاش في خير ، ليه كده؟؟

تعالــيم إسلامـــــــــــنا كـــــــدا؟

تعاليم اسلامنا تؤمرنا باتقان العمل ، ليه مبقناش كده؟؟

تعاليم اسلامنا تقول الغش حرام ، بقينا غشاشين اوي؟؟

تعاليم اسلامنا تقول حب لاخيك ما تحب لنفسك ، كللوا يللا نفسي ، ليه كده؟؟

انا تعبت من التفكير

لما اعرف حاجة تانية حبقى اقوللك

منة2011

19-07-2010, 03:05 PM

اولا شكرا يا استاذ رضا على الموضوعات الاكثر من رائعة

انا هختار سؤال لية كدة؟

كنت نتفرج على برنامج صبايا وشفت ماساة بحاول انساها ولكنى لم استطع

وهى لفتاة سكب خطيبها عليها ماء النار

واصبح وجهها مشوها ولم تعد ترى وهذا كلة لانها اكتشفت كذبة وخداعة وقامت بفسخ الخطوبة

دى القصة باختصار

طب هو عمل لية كدة؟

ولية الحكومة لم تلقى القبض علية باقصى سرعة؟

ولية ميكنشى هناك عقاب من نفس نوع عملة؟

لو انا مكنها مش يهالى بال الا لما يشرب من نفس الكاس

ولية القضاء عندنا بياخذ سنوات طويلة علشان يحكم فى قضية؟

طب كدة مش حرااااااااااااااااااااااااااااااااااااااام؟

يا ريت نوصل صوتنا للقضاء المصرى

ويكون هناك سرعة

ذنبها اية البنت المسكينة دى تقضى بقية حياتها كدة؟

nada allam

19-07-2010, 04:35 PM

ليه كده؟

ليه اللى بيجرى فى البــــــــــــــــلد دى ؟
مالها كده حالها مش عاجبنــــــــــــــــى
فقر واهانه والحكومه ضـــــــــــــــــــدى
ناس بتلعب بالملايين وناس شكلــــــــها فقري
ناس مش لاقيه لقمه وناس فاتحاها ع البــــحرى

بقينا فى جهل وتخلف الفيس بوك والدش والتعري
الناس معدتش تخاف ربنا حياتها هجص يا فرحتـى

حرام يا حكومه كده عبري بقي لهفتــــــــــى
ياحكومه ادينى لقمه العيش ادينــــــــــــى
وكفايه جوع بقي وروقينــــــــــــــــــــى
طب دخلينى حتى السجن.. يدوب اكون ضامن لقمتى

ليه كده بقي اللى بيجرى فى البلد دى؟؟!!

أ/رضا عطيه

20-07-2010, 12:27 AM

nooneasme1

20-07-2010, 12:40 AM

أنا هختار:

تعالــيم إسلامـــــــــــنا كـــــــدا؟

قد كثر الخبث لا ينكره أحد حتى على نفسه بالكاد تلاقى حد ملتزم إلتزام صحيح
أأقل حاجة أن الواحد منا يره المنكر -وهو يعلم- فيتركه حتى ولو كان من أعز الناس عليه

ليه الأمهات بتخاف أن بنتها لن تتزوج ولا تخاف عليها من النار

ليه الأباء يخافون على ابنائهم من التعب ولا يخافوا عليهم من النار

ليه كل واحد منا لسه مصر أنه صح فى كل حاجة وهو بكده كويس ومش بيعمل حاجة غلط

أنا بوجه الأسئلة دى لنفسى قبلكم

ربنا يهدى المسلمين

ويطهر قلوبنا من حب الدنيا فإنه مميت ومهلك

أ/رضا عطيه

20-07-2010, 04:08 AM

ربنا يهدى المسلمين

ويطهر قلوبنا من حب الدنيا فإنه مميت ومهلك

أمييييييييييييييين
شكرا على مروركم الكريم

hamdyglal

20-07-2010, 10:47 AM

لية لبس اتلبنات بقى كدة لية ؟
لية لبس المحجبة بقى مثل الكاسيات العاريات لية ؟
لية الامهات مبتنصحش بناتهم باللبس الصحيح اللى يحافظ عليها لية ؟
لية البنت بقت فرجة لكل من هب و دب لية ؟
لية الخجل انتهى من عند البنات لية ؟
بجد عايزة حد يجاوبني