أولا السلام عليكم

أنا كنت في تانية ثانوي السنة دى والحمد لله نجحت وجبت 97.8 وإن شاء الله هكمل علمى علوم بس أنا محتارة في المادة الأدبية محتارة أخدها علم نفس ولا إقتصاد و إحصاء

وكمان محتارة في المستوى الرفيع أخده أحياء ولا إنجليزى

يا ريت اللى عنده خبرة يساعدنى

خدى طبعا اقتصاد واحصاء بيقولوا سهل جدا ورأيى تاخدى انجليزى افضل والف مبروك

الله يبارك فيكي

بس المشكلة ان الإقتصاد والإحصاء مادتين يعني هاخد درسين وهمتحن امتحانين حاسة انه كدة كتير اوى

انا من رائى تاخدى علم النفس سهل جدا ومن السهل تجيبى فيه الدرجه النهائيه اما بالنسبه للمستوى الرفيع احياء طبعا اسهل بكتير من الانجليزى لان فى الانجليزى هتدرسى شعر انجليزى وحاجات صعبه ويارب اكون افدتك

شوفي علم النفس
وعلي ضمنتي
وانت بنت ومحتاجة تدرسي علم النفس
هيفيدك اووووي اووووووووووووي
بجد رائع
وهتلاقي فيه جذابية وهتحبيه
ام اقتصاد واحصاء بيقولوا سهل
بس مش تضمني الامتحان
ومش هتستفيدي حاجة في حياتك
ام علم النفس هتستفيد وغير انه سهل
ومضمون خالص
50 من 50 ان شاء الله ...
ام بئا في مستوي الأحياء ع ما اظن
لو انت متمكنة في اللغات خذي انجليزي
بصراحة مقدرش افيدك في المستوي
لاني كنت جغرافية
سلالالالالالالالام

ازيك ياقمر
شوفي علم نفس من غير كلام مضمون انشاء الله
وبالنسبه للمستوي انا واخده عربي لانو كويس وسهل بردو بس انصحك تبعدي عن الاحياء صعبه جدا والله ومحدش بياخدها اصلا
لكن لو انتي متمكنه في الانجليزي خديه ولو انو هيكون متعب بردو
على فكره انا زميلتك بردو والحمد لله جبت 98.5 تقريبا ظروفنا متشابهه وحطي في بالك احنا في عرض نص درجه فاستشيري المدرسين بردو هيفيدوكي

الماده الادبيه .... علم نفس بدون تفكير
المستوى الرفيع
الاحياء .... امتحاناته صعبه و مش مضمونه بدليل امتحان السنه الي فاتت
الانجلش ... لازم تكوني فعلا متمكنه منه و بيرفكت فيه
العربي ... بيقولوا اسهلهم و المعظم بياخده

متشكرة جدا يا بنات ان شاء الله هاخد علم نفس وهحاول اسأل المدرسين في المستوى


مرة كمان شكرا على اهتمامكم

أنا كنت واخد اقتصاد واحصاء ، وكنت مبسوط أوي وأنا بأذاكر الإحصاء ..

يعني رغبتي انّي كُنت أذاكر احصاء

والاقتصاد ماكانش عاجبني فذاكرته قبل الامتحان باسبوع وأخدت في الإقتصاد الدرجة الكاملة ..
:av4056bb7jp3:

بس الإحصاء نقصت فيه درجة ، على مسألة تافهة بس الوقت ما كانش مستحمل ..

:mad:


المهم ، علم نفس مضمون ،

واللي بيدخله وبيذاكره بيجيب فيه 50

:av4056bb7jp3:


ودايماً امتحاناته بتيجي سهلة ،حتّى السنة ديه الي كُل امتحاناتها صعبة جه علم النّفس سهل ..

ولو لاحظتوا نتايج الطّلاب حتّى الخايبين من الناس الأدبي بيجيبوا 50 في علم النّفس ...



في النّهاية أنا عندي مبدأ في الدّراسة :

* لو أنا حابب علم النّفس أو الإقتصاد والإحصاء

ولو امتحاناته بتيجي صعبة موت هأدخله

لأنّ غرضي أتعلّم وأستمتع وأنا بذاكر مش الدّرجات وبس ...

وعشان كده دخلت اقتصاد واحصاء ...

:)



* ولو أنا كارهه يبقى لو هأموت هبقى زهقان

وأنا بذاكره وممكن تقع درجة ولا اتنين ،، عشان الزهقان ده !:(


* ولو مش فارق معايا وأهمّ حاجة المجموع

يبقى علم نفس واتّكل على الله !

:av4056bb7jp3:





..

وبالنّسبة للمستوى ، أنا كنت واخد إنجليزي وهوَ تافه جداً وكان حلو وأنا بأذاكره ..

هو عبارة عن 3units

الأولى : عن هاواي

والثانية : عن ماريا أول طبيبة في إيطاليا

والثالثة : عن Global Warming

وكُلها أسئلة وأجوبة بسيطة خالص ...

وبالنّسبة للجرامر فهو حلو وهيساعدك في الإنجليزي الي عليك ،

امتحان الإنجليزي عندنا كان فيه حاجات كتير من المستوى وبالذات في الـ choose ..

وأنا كنت واخد أحياء بس حوّلت انجليزي لما سمعت ان الأحياء صعب ..وفيه رسومات ..



المهمّ يعني أخدت 9.5 من 10 في مستوى الأنجليزي ..

:av4056bb7jp3::022yb4::av4056bb7jp3::022yb4:


ومفيش فيه شعر ولا حاجة !



طوّلت عليكم ، المهمّ يوصل المضمون !

:d