نتفق جميعا على أن أفضل أيام فى حياتنا هى مرحلة التعليم الابتدائى :romarioxp6:
براءة -- مفيش مسئولية -- صداقه وزماله بجد -- لعب ومرح :av4056bb7jp3:-- مدرسين ومدرسات زى العسل
كتاب كله صور وأناشيد وفاكهه وشجر وبساتين وحيوانات أليفه وحصص ألعاب وطبيخ وموسيقى ورسم وحفلات:av4056bb7jp3:
كتاب برىء بلاجزيئات ولاذرات ولابطليموس واسكندر ولاجا وجتا ولامفعول به وله وعليه وكمان لأجله ومطلق:blush:

تيجوا نفتكر ؟:)
يلانقول ونتكلم عن مدرس أو مدرسه أثروا فينا ولسه بنحبهم:078111rg3:
ومدرس أومدرسه كنت مابرتاح لهم بدون ذكر أسماء:stickjo4:
المهم تقول وتفتكر وتنسى شويه ثانوية الأعصاب :049gc0:
يلا افتكر
يلا
يلا

هبدأ وأمرى لله
أتذكر جيدا مدرس الرياضات وأنا من صغرى وبينى وبين الرياضيات علاقة مش ولابد
لكن كان هذا المدرس قمه فى مادته رحمة الله عليه
فى يوم كتب لى مسأله على السبوره وطلب منى أحلهاوكانت طرح
حاولت معاها شمال يمين مفيش فايده وكنت منتظر العقاب بفرع شجره ولارجل كرسى ولاحاجه
لكن عمل معايا حاجه تأثيرها معايا لحد الان
بعتنى للعامل وقال لى إسأله على حلها وفعلا حلها العامل صح
فماكان من هذا المعلم القدير إلا وطلب من التلاميذ يصفقوا لى ولعم مصطفى (العامل)
ودارت الأيام واصبحت زميلا له فى نفس المدرسه وكان ناظر لها ولكنى كنت مدرس دراسات
وفى يوم سألت التلاميذ عن المحاصيل الصيفيه والشتويه فى مصر
فلقيت نص الفصل مش عارف
فعملت إيه ؟فقررت أخدهم للجمعية الزراعيه ورحت اٍستأذن من الناظر لقيته ضحك وقاللى بس أنا بعتك للعامل مش للجمعيه الزراعيه - يعنى هو كمان فاكر ودا اللى خلانا ضحكنا بطريقة غريبه
أخدت الفصل كله للجمعيه الزراعيه وكانت ملاصقه للمدرسه وكل تلميذ ومعاه كراسته وسألوا فى كل درس البيئه الزراعيه
وزى ما أنا فاكر اللى حصل معايا -- الفصل كله فاكر اللى حصل معاهم--والأجمل لما تلاقى المدرس هو كمان فاكر
قصه بلدى بتحاول وزارة التربيه والتعليم تنفيذها الأيام دى وربط الطالب بالبيئه اللى عايش فيها
شكرا للجميع

إيه الحكايه
هو كله كاره طفولته ولا إيه؟
ماتقولوا حاجه ----------------

تيجوا نفتكر ؟:)
يلانقول ونتكلم عن مدرس أو مدرسه أثروا فينا ولسه بنحبهم:078111rg3:

مرحلة المدرسة دي مرحلة رهيبة بجد
أنا فعلا بعتز باساتذة كثير جداا جداا
كل شخصية فيهم أثرت فيه جامد جدااا
كان عندنا أستاذ عربي متميز في العربي
جداا وعنده فكر رهيب
لما كان حاجة تحصل في التليفزيون او الجرنال
غلط وممكن تأثر علي تفكرنا
كان يجي ع طول ويحكي معانا وايه حكم الدين والشرع
كان أزهري

ويقول ان الناس دي بتهاجم الإسلام
ساعتها كنت صغيرة في 3 اعدادي
ولا كنت فاهمة حاجة
لكن لما كبرت وقرأت نفس الموضوع
اللي حكي عليها الأستاذ
بجد استفدت جداا من فكره وارائه
ولحد اللحظة دي فاكرة كلام كثير من كلامه
يمكن مش بيطلع في دماغي الكلام
الا لما يخصلي موقف او يحكي لي موقف
انا واصحابي
كنا بزعل اووووي لما ينقصنا الأستاذ
علي غلط صغير زي نقص الهمزة وحاجة زي دي
فقلنا للأساتذة فهو حضرتك عمرك ما بتغلط في العربي مرة
قال لا طبعا مش تحاولوا كان غيركم اشطر
في مرة شرح حاجة لمعلوماتنا احنا ان لو فيه راجل
وملايين النساء يبقي لازم نخاطب بالمذكر للتغليب
في مرة دخل الأستاذ وقال:السلام عليكم ورحمة الله وبركاته
وكلنا كنا بنات
فقلت للأستاذة ان دلوقتي فيش راجل يعني
حضرتك مش المفروض تقول السلام عليكن
فقال :ياناصحة(الأستاذ ديما كان بيمدحني ههههه)
مش احنا دلوقتي في مجلس علم
قلت :اه
الأستاذ:والرسول(عليه أفضل الصلاة والسلام)قال ان في مجلس العلم
تجتمع الملائكة
وانا بخاطب بالمذكر عشان معانا ملايكة:d




ومدرس أومدرسه كنت مابرتاح لهم بدون ذكر أسماء:stickjo4:
المهم تقول وتفتكر وتنسى شويه ثانوية الأعصاب :049gc0:
يلا افتكر
يلا
يلا




ع فكرة مرحلة الثانوية دي اجمل مرحلة في حياتي بجد
احسن من الجامعة كمان :)
مع ان اول سنة في الكلية بس بجد مشتاقة للثانوي ..
شكراا لحضرتك موضوع تحفه
موقف حضرتك بجد رائع ...
جزاك الله خيراا أستاذنا

شكرا على مرورك الكريم
ومشاركتك الطيبه

كانت مرحلة جميلة فعلا


واهم مايميزها (النقاء) اللي كان سائد

دا غير مدرس اثر في جدا .. واذكره طوال حياتي بالخير

كانت مرحلة جميلة فعلا


واهم مايميزها (النقاء) اللي كان سائد

دا غير مدرس اثر في جدا .. واذكره طوال حياتي بالخير



شكرا يالا بينا
ونورت الدنيا
وشكرا على مرورك الجميل

احلى مرحلة فى العمر الطفولة مافيش مسؤليات

عيشه حره نقية

اكيد مرحله الطفوله اجمل مرحله ولكن عمرها ما هتتكرر مره اخرى

ولكن نتذكرها دائما

إيه الحكايه
هو كله كاره طفولته ولا إيه؟
ماتقولوا حاجه ----------------


شكلنا كدا

انا اجمل مراحل عمرى الطفوله
هاقولكم على موقف حصل معايا انا كنت فى الابتدائى مابحبش الرياضه خالص ففى يوم كنت رايحه الدرس متاخر
لقيت المدرس موقف الدرس كله علشان يحلو مسأله والكل مش عارف يحلها المهم دخلت متاخره فالاستاذ قالى شيماء انتى جايه متاخره طيب حلى المسأله دى قولت ياحلاوه الدرس كله مش عارف يحلها انا اللى هاحلها كانت مسأله صعبه المهم بدأت احل المسأله براحه كده ولقيتنى بحلها من غير ما أفكر ومن اليوم ده وانا حبيت الرياضه اوى ولقيته ضرب الدرس كله وتغيرت حياتى كلها
بدأت اثق فى نفسى اوى واثق فى قدراتى
بجد توبيك حلو اوى

شكرا على مرورك الطيب
ومين ناوى يفتكر بعد شيماء

انا انا انا هقول

اولا شكرا لاستاذنا الفاضل لطرح الموضوع
ثانيا شكل كل الناس ذكراياتهم متعلقه بالرياضه مش عارفه ليه
ثالثا بقى و بدون ضحك :d

انا و انا صغيره في kg1 مكنتش بقعد في الفصل دقيقتين :d علطول هربانه من الحصص :d
و بعدين المستر بتاع الرياضه الي كان بيعلمني الارقام في البيت ...كان هو نفسه مدرس اعدادي و لا ثانوي في المدرسه و متسألوش ازاي :d الي حصل بقى
بعدين كنت مره هربانه من الحصه و طلعت فوق عند فصول ثانوي
و المستر شافني و عرفني طبعا و اداني شوكلاته على عددنا في البيت :d
ميعرفش اني بموووت في الشوكلاته :blush:
و بعدين للاسف مروحتش بالشوكلاته البيت اصلا ...اكلتها كلللها
و لما جه الدرس سأل اختى الي كانت في اولى ابتدائي ساعتها ...حلوه الشوكلاته ؟؟؟ :d:d
قالتلوا شوكلاته ايه :d:d
انا ساعتها استخبيت تحت طربيزه الدرس و مطلعتش تاني :d
و الى الان بتزل بالشوكلاته الي اكلتها :d
اتعلمت الامانه بقى من ساعتها :blush:

الأمانه طبعا فى كل شىء
إنما مع الشوكلاته نهس شويه

نورت الدنيا يادكتور



ومين هيكمل ويقول


اتكلم افتكر الحاجات الحلوه وبلاش حكايات الضرب والذى منه

مين هيقول

اتكلم افتكر الحاجات الحلوه وبلاش حكايات الضرب والذى منه

مين هيقول

الفكرة جميلة اوى و لسه شيفاها دلوقتى
و القصص اللى اتقالت دى اجمل

هقول انا بقى::
كنت مرة فى الفصل فى KG2
المهم كنا بناخد حصة عربى تقريبا (( مش فاكرة بالظبط))
و احنا كنا بناخد الحصة دى
كان فى حاجة فى الدرس الفصل كله ماعرفهاش
راحت الاستاذة مقومة كل الفصل
قالت لنا :: قيام ::
و راحت موقفانا شوية كدا
و بعدين خلت الفصل كله يقعد الا انا
خلتنى اقف شوية
بعد ما قعدت الفصل كله
و آخر ما زهقت رحت زعقت للاستاذة دى
و حصلت حاجات بلاش اقولها :d
(( بجد و الله مش عارفة ايه اللى انا عملته ساعتها و ازاى عملت كدا .....كنت صغيرة بقى:006et4: بس دلوقتى انا مش كدا ربنا هدانى الحمد لله....))

و بعد ما زعقت لها رحت اخدت الشنطة ومشيت من الفصل
روحت البيت و قلت بابا
راح بيّا للاستاذة دى
و خلانى اتأسف لها
و خلاها هى كمان تقولى معلش علشان و قفتنى من غير ذنب:p
و كان بابا جايب "" استيكر""
يعنى حاجات كدا بنلصقها فى الكراسات بتاعت الاطفال
و كان جايب واحدة فيها رسومات على شكل "" كلب ""
فقال لى اختارى استيكر من دول و اعتذرى للاستاذة
روحت اديتها
بتاع الكلب
ههههه
بس بجد كنت زعلانة منها
يلا بقى ربنا يسامحها و يسامحنى
بس بجد انا بحبها
بس هو ده الموقف اللى انا فكراه و معلق معايا اوى
و عمرى ما هنساااااااااه
و اتعلمت منه انى ما تسرعش على طوووووووووول
يمكن هى وقفتنى علشان سبب و انا مش فاكرة

و شكرااااااااااااا عل الفكرة الجميلة جدا

والله الموضوع في قمة الروعة

وانا اكتر واحدة كنت بحب ايام طفولتي والدليل داخلة باسم عاشقة الطفولة

ولو ها حكي على المواقف موش ها خلص

ومعاكم يومين تاني عشان احكي فبلاش

وفعلا والله الموضوع رائع جداااااااااااااااااااااااااااااااااااااااااااااااا اااااااااااا

والله بجد انا بشكر حضرتك على الموضوع الرائع ده بس انا الحقيقة كنت بحب مدرستى كلها بكل ما فيها لانها كانت خاصة كان اسمها ابن الخطاب الخاصة لو حد يعرفها عشت فيها من روضة لحد تالتة اعدادى لاسف من بعدها حاسه انى مش فاهمه حاجه فى التعليم وكرهت كل المدارس كنت بحس انها اسرتى وبيتى التانى واصحابى كانوا معايا من وانا عندى 5 سنين لحد 15 سنة وبجد بجد نفسى الايام دى ترجع تانى انا بجد حزينة من يوم مادخلت الثانوى لا لقيه مدرسين اعاملهم زى اخواتى الكبار ولا اصحاب انا لحد دلوقتى اصحابى اللى معايا من صغرى وبس اما الباقى فازيك الله يسلمك وبس

انا افتكر ان كان عندنا ف الإبتدائيه مدرسه دين

صعبه اوي

وكانت بتكره الفصل بتاعنا

لإننا كانت اول ما الحصه الىي قبل حصتها

تخلص كانت فرقه الفصل تشتغل وهاتك يا طبل

المهم ادتنا اوامر بإن اول ما الجرس يضرب واحده من البنات

تكون هي مختاراها تسجل اسماء الل يعمل دوشه

فى الوقت اللى الفصل كله بيسمع اسماء الله الحسني مع بعض

وكان اسلوب جميل جداا



تحياتي علي الموضوع الرائع

وكان فى برضه أستاذ رياضه كان ملتزم اوي

كان بيحاول يشجعنا على الصلاة وخصوصا

صلاة الفجر


كل لما تيجي حصته

يقولنا اللى صلى الفجر يرفع ايده

كان بيرفع ايده حوالى ٣ أو ٤ من الفصل كل يوم

عمرهم ما بيزيدوا

كنت ف الغالب ببقي منهم

وكان بيدي لكل واحد مصاصه ههههه

وطبعا ده كان بيدي احساس للواحد انه متميز بالمصاصه


وف يوم سأل واحد قاله انت مبتصليش فى المسجد ليه

قاله الغلبان أصل ماما بتخاف عليا

رد الأستاذ برد عجبني جداا

وهي ما بتخافش عليك

وانت رايح المدرسه عربيه تخبطك !!! ليه ؟؟


ربنا يحفظهم جميعا


كانت ايام جميله

يا سلام الابتدائى اجمل مرحلة فى حياتى :):):)
كان كلها لعب وهزار :)وضحك :039uw8:
وكنت بحب مدرسة التربية الدينية بس نقلت من المدرسة وزعلت اوى
ومدرسة العلوم دى حكاية هى اللى حببتنى فى العلوم :):):)
وكانت الدروس سهلة وحلوة :):)
بس الثانوى اعوذ بالله الدروس توقع جبل :(:(:(

بس الابتدائى اجمل ايام حياتى
ليت الطفولة تعود يوما دى بدل الشباب :):)

شكرااااااا على الموضوع المتميز والله الموضوع فكرنى بالايام الحلوه