أستفتاء عن مستوى أمتحان التفاضل و التكامل2007 [الأرشيف]

Merozek

13-06-2007, 10:42 AM

المتحاااااااااااااااااااااااااااااان صعب صعب صعب صعب صعب صعب

وفيه مسألتين منيلين

بتاعت المثلث والأخيرة دول معقدين وبياخدوا وقت

يعنى صعوبتهم تكمن فى صغر وقت الامتحان

يعنى عايزه وقت عشان تتحل

اما الباقى فمهوش حاجة صعبة متهيألى حجات تركيز بس مش أكتر

ربنا يستر بقى انا خلاااااااااااااااااااص اتخنقت

The_Relativistic200

13-06-2007, 10:48 AM

باختصار ... :)
سهل ممتنع(مش موجودة فى التصويت)
ويمكن طويل سنة صغيرة (يمكن عشان ورقتى كانت مقطوعة وغيرها فى 7 دقايق...انا حاسبهم :) )
واخر مسألة بايخة شويتين
ومش عاوز اعرف حلها

ولد في ثالثة ثانوي

13-06-2007, 11:09 AM

ممكن بس حد يعمل سكان لورقة الأسئلة في المنتدى عشان الورقة ضاعت مني؟ :(

emooo

13-06-2007, 11:12 AM

االامتحان يعنى بس المسائلة الخيرة كانت غلسة

وللاسف عودت عشان اجيب الثابت فى معادلة المنحنى بدلت بالسين والصاد لبلسف

طلع الثابت معايا -2 وهو مفروض -1

يا ترى عليها اد ايه ارجو الافادة :angry:

ولد في ثالثة ثانوي

13-06-2007, 11:15 AM

<div class='quotetop'>إقتباس(حرااااااااااااااااااام @ Jun 13 2007, 10:12 AM) 326383</div>
االامتحان يعنى بس المسائلة الخيرة كانت غلسة

وللاسف عودت عشان اجيب الثابت فى معادلة المنحنى بدلت بالسين والصاد لبلسف

طلع الثابت معايا -2 وهو مفروض -1

يا ترى عليها اد ايه ارجو الافادة :angry:
[/b]
2.5 درجة تقريبا :(

shefo

13-06-2007, 11:17 AM

طب حد يقولى ب فى السؤال الرابع طلعت 10سم و 10سم و 10سم .. ولا انا غلطاااااااان ؟؟ بس يكون حاللها يعنى مش بالشبه كدا اصل بيقولك مثلث متساوى الساقين وف الاخر طلع متساوى الاضلاع وناس كتير جدا مطلعينها 10 و 10 و 10 وماحدش يقولى ازاى :huh:

emooo

13-06-2007, 11:18 AM

ازاى يعنى

ده هو عليه 1,5

وبعدين انا حلة الخطوات كلها صح جات على الثابت عملته -2

بدل من -1

mohamed shabana

13-06-2007, 11:19 AM

هوه الامتحان جاى سهل صعب يعنى اول ثلاث أسئلة جاية مش سهلة بس تتحل وتاخد وقت :rolleyes:
نيجى بقى بعد التلات اسئلة الاولى عينك ماتشوف الا النور
زفتتتتتتتتتتتتتتتتتتتتتتتتتتتتتتتتتتتتتتتتتت :ph34r:
والامتحان عاوز وقت اكتر من كده بكتير

messi_19

13-06-2007, 11:25 AM

السلام عليكم
بصراحه ياجماعه الامتحان مفيش اسهل من كده
انا عن نفسى كنت عارف كل الامتحان مساله المعدلات والمثلث وجيت
احلهم وصلت للخر عشان اطلع س ماكنتش راضيه تطله
والله دماغى شاطت بس عرفت فى الاخر اى امتحاااااااااااااااااان عاوز مجهود
بس والله الاهم من المجهود هو التوووووووووووووفييييييييييييييييييييييق التوفيق

التوفيق ياجماعه
مع تمنايتى للجميع

shefo

13-06-2007, 11:27 AM

<div class='quotetop'>إقتباس(mazloom geddan @ Jun 13 2007, 11:25 AM) 326402</div>
السلام عليكم
بصراحه ياجماعه الامتحان مفيش اسهل من كده
انا عن نفسى كنت عارف كل الامتحان مساله المعدلات والمثلث وجيت
احلهم وصلت للخر عشان اطلع س ماكنتش راضيه تطله
والله دماغى شاطت بس عرفت فى الاخر اى امتحاااااااااااااااااان عاوز مجهود
بس والله الاهم من المجهود هو التوووووووووووووفييييييييييييييييييييييق التوفيق

التوفيق ياجماعه
مع تمنايتى للجميع
[/b]
طب ( ب) فى السؤال الرابع .. 10 و 10 و 10 ؟

emooo

13-06-2007, 11:32 AM

والسؤال الاخير طلعت ارقامه كام؟

الافضل

13-06-2007, 11:34 AM

الاجابات المختصره جدا

السؤال الاول ب العظمي المطلقي 16

الصغري المطلقي -65

السؤال الثاني ا ص- 9س -21 = 0
ص-9س +11=0

ب ا = -1

الداله قابله للاشتقاق

السؤال الثاث ا انا مش فاكر غير ان الثابت كان -2

ب عملته غلط اهي اهي اهي

4 ب 10 و 10 و 10

السؤال الخامس

ب 1 -100

2 يا اما 12 او 40\3 انا مش عارف ايهم

emooo

13-06-2007, 11:37 AM

للاسف الثابت طلع -1

احا عوضنا غلط

mohamed shabana

13-06-2007, 11:40 AM

يا جماعة اللى راح راح احنا هنقعد نقول ده كان كام و ده عمل ايه
واعمل حساب ان فى ناس محلتش حلو او مش عارفة هيا عملت ايه و انت كده بتقلقها
وعلى العموم احنا نفكر فى اللى جاى

على فكرة انا من الناس اللى مش عارفة عملت ايه :(

الافضل

13-06-2007, 11:40 AM

مش مهم اللي فات

اللي جاي اكتر

لسه في الفيزيا

ربنا يسهل

ولد في ثالثة ثانوي

13-06-2007, 11:41 AM

يا جماعة حد معاه سكانر عشان ينزلنا الورقة على المنتدى؟؟
عشان ضاعت مني :(

emooo

13-06-2007, 11:44 AM

هى ازاى الخيرة طلعت -100

ارجو الاجابة

mohamed shabana

13-06-2007, 11:44 AM

معلش يا دوكتراة انت عاوز الورقى فى ايه الوقتى هتحل الامتحان تانى :unsure:
على العموم على رأى الافضل احنا نفكر فى اللى جاى زى الفيزياء
و متنساش ان التفاضل و التكامل ده اسهل فرع فى الرياضة 2
يعنى ربنا يستر فى اللى جاى :(

Merozek

13-06-2007, 11:47 AM

يا جماعة الثابت ب -2

والله العظيم ب -2

واللى بيقول -1

يحل المسألة دلوقتى كده قدامى :angry:

بما أن المشتقة = 2 - 1/س2

تكون ص = 2س + 1/س +ث

بالعويض ، س = 1/2 ، ص = 1

1 = 1 + 2 + ث

ث = -2

فى طريقة اوضح من كده <_<

ولد في ثالثة ثانوي

13-06-2007, 11:50 AM

هو على العموم أمتحان زباله زي الي حطه وديه مش أول مره يعملوا الحركات ديه في رياضة 2
حصلت السنة اللي فاتت و 2004 و سنين كتييييييييييييييييييييييييييييييييييييييييييييير ربنا ياخدهم
ربنا ينتقم منهم ..... ربنا على الظالم..... ربنا على المفتري.... كله من الوزير اللي شبه الخنزير ده
هما بيعملوا كده في بتوع رياضة 2 عشان الناس كلها تدخل كليات خاصة ؟؟؟؟ولا أيه نظامهم دول بتوع علمي علوم مش بيعملوا فيهم كدة مع أن مجاميع كلياتهم أعلى من كلياتنا .....أيه الظلم ده ..... حد منكوا شاف أمتحان مصر لجمهورية السودان 2007 ؟
أمتحانات دون المسوى و تحت المستوى طاب أشمعنه ؟؟؟ ديه اللجنة اللي حاطه أمتحانتهم هيا نفسها اللي حاطه أمتحاناتن والأمتحانات ديه بيحطوها للبعثات المصرية في السودان و بيجوا يدخلوا كليات مصرية
كل ده ظلممممممممممممممممممممممممم أحنا عايشين في دولة الظلم

الافضل

13-06-2007, 11:50 AM

يا باشا ده اسهل سؤال في المسأله

هو قايل ان ن = 4

هتعوض في القانون اللي انت اثبته و تجيب ف

و ةتشتق نفس القانون و تعوض

بس التعويض كبير شويه

eslam_sony2007

13-06-2007, 11:51 AM

لو سمحتم حد يقول ازاي طلعت -100 المسالة الاخيرة

الافضل

13-06-2007, 11:53 AM

<div class='quotetop'>إقتباس(Merozek @ Jun 13 2007, 12:47 PM) 326432</div>
يا جماعة الثابت ب -2

والله العظيم ب -2

واللى بيقول -1

يحل المسألة دلوقتى كده قدامى :angry:

بما أن المشتقة = 2 - 1/س2

تكون ص = 2س + 1/س +ث

بالعويض ، س = 1/2 ، ص = 1

1 = 1 + 2 + ث

ث = -2

فى طريقة اوضح من كده <_<
[/b]

يا باشا كلامك صح و انا قايل كده

emooo

13-06-2007, 11:58 AM

يا استاذ انا طلعتها برضة -2

سورى والله ماخت بالى انا محسبتش ان

1
=

2x1/2

صح كده -2

اصل انا احوليت :) شكرا ليك جدا

الافضل

13-06-2007, 11:58 AM

<div class='quotetop'>إقتباس(الافضل @ Jun 13 2007, 12:50 PM) 326436</div>
يا باشا ده اسهل سؤال في المسأله

هو قايل ان ن = 4

هتعوض في القانون اللي انت اثبته و تجيب ف

و ةتشتق نفس القانون و تعوض

بس التعويض كبير شويه
[/b]

اما حرررررررررررررررم

ولا يهمك

انت لسه زيي طالع من الامتحان

emooo

13-06-2007, 12:00 PM

ايوة ما لنا عملت كده بس طلع معايا مش - B)

shefo

13-06-2007, 12:00 PM

حد يجاوبنى قبل ماتجنن ..

اضلاع المثلث فى السؤال الرابع كاااااااااااااام ؟

hoobih

13-06-2007, 12:06 PM

انا باخد الامتحان بالانجليزى الا متحان فى غلطة فى الترجمة فى السوال الرابع ا
طلب فى النجليزى
lim f(x)
و كاتب +at x tends to pie/2

و و مش كاتب فى العربى علامة + و ده طبعا يغير المعنى و يخلينا نعمل جزء واحد بس
شوفتوا بقا
لو حد فيكم انجليزى يشوف الورقة العربى و يتأكد

طالبه ثانوى

13-06-2007, 12:09 PM

هو مكنش صعب بس فيه مسئلتين فيهم تكات وكان منهم واحدة اختيارى :lol: :rolleyes: :lol: :D ;) :) :P

الافضل

13-06-2007, 12:09 PM

اجابه المثلث

10و10و10

ولد في ثالثة ثانوي

13-06-2007, 12:12 PM

يا جدعان حد يعمل لورقة الأسئلة العربي سكان و يجبهلنا :( :angry:

Merozek

13-06-2007, 12:16 PM

ايوه انا والدى بيراقب وجابلى الامتحان الانجلش

واكتشفت فيه كده بالصدفة

بس المهم ان انت كان معاك ورقة عربى

ربنا يستر فى الانجلش والفيزيااااااااااااااااااااااء

CrazY Bo$S

13-06-2007, 12:28 PM

يا نهار منوحس
هيا النواتج الأخيرة الناتج الأخير بكام؟

الافضل

13-06-2007, 12:31 PM

<div class='quotetop'>إقتباس(الافضل @ Jun 13 2007, 12:34 PM) 326416</div>
الاجابات المختصره جدا

السؤال الاول ب العظمي المطلقي 16

الصغري المطلقي -65

السؤال الثاني ا ص- 9س -21 = 0
ص-9س +11=0

ب ا = -1

الداله قابله للاشتقاق

السؤال الثاث ا انا مش فاكر غير ان الثابت كان -2

ب عملته غلط اهي اهي اهي

4 ب 10 و 10 و 10

السؤال الخامس

ب 1 -100

2 يا اما 12 او 40\3 انا مش عارف ايهم
[/b]

sumaya

13-06-2007, 12:34 PM

يا جمااااااااااااااعه الثابت ب -2 صح والمثلث اضلاعه ب 10
ون طلعت ب 12 صح

ولد في ثالثة ثانوي

13-06-2007, 12:35 PM

مش عارف :(

sumaya

13-06-2007, 12:40 PM

مش عارف ايه بالظبط؟

ولد في ثالثة ثانوي

13-06-2007, 12:42 PM

المصيبه أن مادام اللجنه اللي حاطت التفاضل هيا اللي حتحط باقي أمتحانات الرياضة كلها والأحصاء
و مدام التفاضل جيه كده يبقى نيتهم مطمنش أبدا و شكلهم ناوين على نيه سوده زي كل سنه :( بدايه غير مبشره
دوول حيجيبوا أمتحان الميكانيكا نااااااااااااااااااااااااااااااااااااااااااااااااا ااااااااااااااااااااااااااار :o
و الهندسة لفراغية حيجيبوها طلاسمممممممممممممممممممممممممممممممممممممممممممممم ممممممممممممممممممممممم :blink: :( :huh: :o

sumaya

13-06-2007, 12:44 PM

مش عارف اييييييييييييييييييييييييييه؟ :angry:

ولد في ثالثة ثانوي

13-06-2007, 12:47 PM

موشا مفيش حاجه طلعت معايا صح أصلا
الورقة أتوزعت علينا بعد مرور 45 دقيقة من زمن الأمتحان يعني حلينا في ساعة وربع !!!!
ساعه وربع بقى ديه الواحد يقدر يحل فيها أيه ؟؟ خدوا الورق مننا الساعه 11 بالضبط !!!! :o :o :o :o :( :(

ممكن تولولوا و تسوطوا عليا ؟؟؟؟
و يا ريت لو في بنات يقعوا يندبوا و يصرخوا :( :( :( :( :( :( :( :( :( :(

الافضل

13-06-2007, 12:49 PM

ههههههههههههههههههههههههههههههه

انت متفائل اوي

يا باشا كل ةسنه كده

التفاضل صعب

الجبر اسهل

الميكانيكا اسهل

مش نااااااااااااااااااااااااااااااااااار

ولد في ثالثة ثانوي

13-06-2007, 12:49 PM

أحنا عايشين في دوله ظالمه :(
دوله كافرة
دولة متعرفش ربنا
أنا حرفع على وزير التعليم قضيه و حكسبها :angry:

الافضل

13-06-2007, 12:53 PM

انا مستعد اترافعلك

بس التعويض بالنص

mero 2000

13-06-2007, 12:54 PM

[quote]
أحنا عايشين في دوله ظالمه :(
دوله كافرة
دولة متعرفش ربنا
أنا حرفع على وزير التعليم قضيه و حكسبها :angry:
[

الامتحان كله من كتاب المدرسة

abkarino

13-06-2007, 12:55 PM

<div class='quotetop'>إقتباس(ولد في ثالثة ثانوي @ Jun 13 2007, 12:47 PM) 326503</div>
موشا مفيش حاجه طلعت معايا صح أصلا
الورقة أتوزعت علينا بعد مرور 45 دقيقة من زمن الأمتحان يعني حلينا في ساعة وربع !!!!
ساعه وربع بقى ديه الواحد يقدر يحل فيها أيه ؟؟ خدوا الورق مننا الساعه 11 بالضبط !!!! :o :o :o :o :( :(

ممكن تولولوا و تسوطوا عليا ؟؟؟؟
و يا ريت لو في بنات يقعوا يندبوا و يصرخوا :( :( :( :( :( :( :( :( :( :(
[/b]

مع احترامي ليك انا لو الورقة اتاخرت اكتر من ربع ساعة

كنا نعمل كلنا انا واصحابي اعتراض ومنقعدش نمتحن

ونخرج نعمل محضر بالواقعة ونطالب اني يدونا ساعتين كاملين

لكن انت ازاي تتهاون في حاجة زي دي

جا مستقبل

الافضل

13-06-2007, 12:56 PM

لا يا باشا مش كله

انا ذاكرته و مش كل الامتحان منه

ولد في ثالثة ثانوي

13-06-2007, 12:57 PM

جبر مين ياعم اللي أسهل ؟؟ :(
أنت نسيت الهندسة الفراغية ؟؟ ( الهندسة الفراغية وما أدراك ما الهندسة الفراغية)
محدش في أمتحان الجبر أصلا بيعرف يرسم مسائل الهندسة الفراغية عشان تتحل أصلا
و بعدين الميكانيكا مبتتحلش
انت مشفتش أمتحان 2006 و 2004 ؟؟ بص عليهم و انت تعرف
المصيبة أن كل أباطرة الدروس الخصوصيه بيعملوا حركة غش و خداع بيحطوا المسائل اللي جت السنين اللي فاتت
في ملازمهم و بيدربوك على حلها عشان لما تيجي تفتح أي أمتحان ثانويه عامة متلقيش حاجة جديدةأو صعبة عليك
و تلاقي كل اللي في الملزمه موجود في الأمتحانات السابقة و كل سنة المدرسين يعملوا الحركة ديه يحطولك المسائل
الجديدة اللي جات في الأمتحان اللي قبل دفعتك في الملازم و طبعا الدفعة اللي قبلك أدبست في أمتحان مسائلة جديدة و صعبة
وهكذا و ديه دائرة مغلقة والكلام دهبيحصل في كل المواد مش الياضة بس

Merozek

13-06-2007, 12:59 PM

<div class='quotetop'>إقتباس(mero 2000 @ Jun 13 2007, 01:54 PM) 326512</div>

الامتحان كله من كتاب المدرسة
[/b]

مش من كتاب الوزارة ولا حاجة

انا حليت الكتاب ده كله والله العظيم امبارح وسهرت فيه بالليل كله

راس المسألة بيجى من كتاب المدرسة بس الباقى بيكون متطلبات جديدة

احنا مش بنقول ان الامتحان صعب

بس عايز وقت اكتر من كده

إزاى رياضة 2 وتفاضل وتكامل يبقى فى ساعتين

لكن بلاش التحجج بكتاب المدرسة اللى مبيكتبش حاجة ومعتبر الطلاب علماء عصرهم

نيران

13-06-2007, 01:02 PM

اولا ردا علي حضرتك العيب مش في الدوله عشان تقول عليها كده والمفروض كاي مصري ما تسمحش لنفسك تقول الكلام دة

ثانيا بخصوص امتحان التفاضل انا في رايي مش الامتحان صعب ولا سهل المهم ان التصحيح يكون فيه ضمير والمصححين يدوا كل طالب حقه :P :P :P :P :P

الافضل

13-06-2007, 01:02 PM

يا باشا انا اخدت مع مدرس من غير ملازم

و بعدين الهندسه الفراغيه

سؤال اكمل

و التاني نظريه

يعني انت بتحل سؤالين بس

أيمن الحسينى

13-06-2007, 01:07 PM

انا من فاقوس يا وله انا ايمن حسينى محدش يعرفنى ازاى يا محب

نيران

13-06-2007, 01:10 PM

يا اهل الرياضيات حد يقوللي اجابات المثلث طلعت (7.5&7.5&15)ولا لا عشان انا مطلعاها كده وخايفة اوى انها تكون غلط
ارجو الافادة :huh:

Merozek

13-06-2007, 01:17 PM

اطوال اضلاع المثلث هى

10 ، 10 ، 10

معلش يا نيران خييييييييييييييييرها فى ميكانيكتها وجبرتها وفيزيائتها :(

The Lord Of The Rings

13-06-2007, 01:39 PM

يا جماعة ارجو انك تفهموا حاجة

ده اسمه امتحان أو اختبار

يعني وظيفته الأساسية هو قياس قدرات الطلبة

و تفرقة المستويات العامة للطلبة عن بعضها

عشان اللى يستحق حاجة يحصل عليها

يعني انا نفسي أفهم حاجة : هو الطلبة مستنيين ان الامتحان يجيلهم و ييجي معاه (في المرفقات) ارشادات الأجابة

ولا مستنيين ان يجيلهم امتحان أوله ( حل اللى تعرفه و هتاخد النهائية ) ؟؟؟؟؟؟؟؟؟؟؟

يا جماعة لازم تتقبلوا الفكرة دي و تفهموها

ان لو الامتحان جت فيه حاجة صعبة

فده حاجة طبيعية عشان يميز مستويات الطلبة عن بعضهم

وطول م احنا متبعين وجهة النظر دي

لو حد شاف ان فيه حاجة صعبة عليه كل رد فعله هيكون (( قدر الله و ما شاء فعل ))

و ف الآخر كلنا لازم نحمد ربنا على كل شئ

الحمد لله في السراء و الضراء

و كده (على ما أظن ) احسن من ان الواحد يهري نفسه و يتأثر بكده ف الامتحانات الجاية

يلا ربنا يوفقنا و يوفقكم

سلااام

نيران

13-06-2007, 01:47 PM

والله كلامك منطقي جداا بس لاسف تبع المثل الشعبي (اللي ايده في الميه مش زي اللي ايده في النار)
وتاني حاجه المشكله مش انك تعرف المساله هتتحل ازاي بالعكس احنا بنكون عارفين فكره المساله ونطبقها
وفي الاخر نضيع نفسنا بسبب جمع وطرح وحاجات بتاعت ابتدائي ولالاسف الشديد ده اللي حصل معايا النهارده :lol: :lol: :lol: :lol: :lol:

QueeNo

13-06-2007, 02:02 PM

يا جماعة خلوها على الله

مش كلكو تعبتو و عملتو الي قدرتو عليه!!!!!!!!

اتوكلوا على ربنا و بإذن الله ربنا يكرمنا كلنا

يلا بقى سيبكو من التفاضل دلوؤتي و ركزوا في الانجليزي

بصو لأدام

الي يبص لورا يقع B)

abkarino

13-06-2007, 02:06 PM

عيد حساباتك عيش في حياتك جاي منين على فين

مهما هتقوى هي الاقوى كلة سلف ودين :huh:

السحابة البيضاء

13-06-2007, 02:28 PM

انا اضلاع المثلث طلعتها 7,5 و 7,5 و 15
والمسالة الاخيرة 40 على 3 دقيقة يعني 800 ث

محمود طه القالع

13-06-2007, 05:15 PM

برحاء عمل اسكان للامتخان
ووصعة واكون شاكر جدا جدا

محمود طه القالع

13-06-2007, 11:20 PM

خلاص
تفكر في الي جاي
بعد اذنكوا

Miss_CaR!zma

14-06-2007, 08:39 AM

الامتحان فعلا كان سهل ممتنع

بس بالله عليكو مين فيكو يقدر يحل لو قاعد فى لجنه لوحده؟

انا مش عايزه اكتر من انى انجح فيه :( :(

محمود طه القالع

14-06-2007, 12:22 PM

برجاء وضع الامتحان في الموفع
عازو اشوفوا
حتي ولو في رسالة خاصة
واكون شاكر جدا جدا جدا جدا جدا جداجدا

ولد في ثالثة ثانوي

14-06-2007, 03:57 PM

أمتحان مادة التفاضل والتكامل لمرحلة أتمام الشهادة الثانوية العامة من المرحلة الثانية (الدور الأول لعام 2007 )

الورقة الأولى

http://img297.imageshack.us/img297/1785/tafadol1hu0.jpg

الورقة الثانية

http://img243.imageshack.us/img243/6669/tafadol2wg8.jpg

أما بعد
الأمتحانات المصرية لجمهورية السودان
[أمتحان مادة التفاضل والتكامل لمرحلة أتمام الشهادة الثانوية العامة من المرحلة الثانية (الدور الأول لعام 2007 )]
ملحوظة:-هذا الأمتحان خاص بطلبة الثانوية العامة المصريين من البعثات المصرية و المقيمين بجمهورية السودان

الأمتحان

http://img297.imageshack.us/img297/8928/sudantafadol20071sb9.gif

نموذج أجابة الأمتحان

http://img297.imageshack.us/img297/4981/sudantafadol2007answeryw8.gif

قد وضعت لكم الأمتحان المصري الموجه للطلبة المصريين الموجودين داخل جمهورية مصر العربية
وأيضا وضعت لكم الأمتحان المصري الموجه للطلبة المصريين الموجودين داخل جمهورية السودان
وكلا الأمتحانان موضوعين من نفس اللجنة التي تضع أمتحانات الرياضيات لعام 2007
ولاحظوا الفرق الكبير أخواني بين الأمتحانين و ان دل فلن يدل الأ على شيء واحد وهو مدى الظلم
الشديد الذي يتعرض اليه الطلبة الذين يتقدمون لأمتحانات الثانوية العامة داخل جمهورية مصر العربية
ولذلك تجدوا الكثير من الطلبة يتوجهوا لدول عربية أخرى للألتحاق بالثانوية العامة هناك
والسلام عليكم ورحمة الله وبركاتة

sai3_net

14-06-2007, 05:47 PM

انا بقى ياجماعه الامتحان كنت حالل اغلبيته قبل ما ادخل والله العظيم بس للاسف مكنتش نايم قبله ومكنتش مركز الامتحان سهل موووت والمسأله الاخيره فى كتاب المدرسه بس العيب الوحيد انه طويـــــل موووووووووووووووووووووووووووووت
انا يعتبر يعنى سبت سؤال بسبب الوقت وربنا يجازى اللى حاطه الامتحان دة كان المفروض على الاقل تلت ساعات والله حرام حسبنا الله ونعم الوكيل فى اللى حاطه
كلها دوله ظلم

خلاص بقى سيبكم من اللى فات وفكرو فى اللى جاى وان شاء الله تيجى الفيزياء ساهله وباقى الرياضه تيجى ساهله وعلى فكرة امتحان التفاضل بردو مخرجش عن الكتاب وعن امتحانات 99 الى 2005 فى مسأل بالنص جاتت
فاللى عايز يحل فى الباقى يحل امتحانات من 99 او 2000 لغايه 2006 +كتاب المدرسه وانا اتحداه بعدين