MaHmOuD 0112250766
19-07-2010, 08:07 PM
بسم الله الرحمن الرحيم
انا طالب ثانوية عامة لغات انا رايح 3 ثانوى لكن للأسف انا علمى رياضة و مجموعى 87.5% ,,, و كنت عايز أحد رأيكم أحول أدبى ولا أفضل زى ما انا علمى رياضة ؟؟
و كمان انا قريت الفترة اللى فاتت عن كلية سياحة و فنادق (لغات ) و حسيت أنها ممتعة جدا و انا بحب المجال ده أوووى بس محتار و الله و خايف أحول أدبى علشان أدخلها و بعين ألأقيها كلية سكة و تعبانة لأنى سألت ناس كتيررر و فى ناس تقولى ممتازة و ناس تقولى بلاش تدخل مع أنى بحب المجال ده أووى يا ريت حد يقولى أعمل ايه أكمل ولا أحول أدبى و مستقبلى هيبقى عامل ايه لو دخلت كلية سياحة و فنادق خصوصا أنى معايا لغتين أنجلش و فرنساوى و بعرف أستخدمهم بطلاقة و أيه افضل كلية ( إعلام ,تجارة أنجلش , السن , سياحة و فنادق ) ؟؟؟؟؟
انا ااسف أنى طولت عليكم بس بليز انا عايز الرد ضرورى بسرعة مستقبلى مهدد و الله و فى خطر :(
MaHmOuD 0112250766
20-07-2010, 09:41 AM
يالهوووى 46 مشاهدة و مفيش ولا رد ,,,, عموما شكرآآآآآآآآآ جزيلآ
شكلى كده سجلت فى المنتدى الغلط سلام
labelle_princesse
20-07-2010, 08:14 PM
بصراحة لو عايز تعرف عن كلية سياحة وفنادق فهى كلية رائعة ومجالات الشغل فيها كثيرة ولو انى زى ما بتقول انك كويس فى اللغات فدا اكثر حاجة انتى عايزها فى الكلية والكلية فيها القسم كثير تبع ما تحبه من مواد زى قسم الدراسات السياحية بيعتمد على دراسة جدوالت الشركات والعلاقات العامة اما قسم الدراسات الفندقية فيعتمد على دراسة اقسام الفنادق الداخلية مثل المطبخ والمطعم وتكاليفهم وكيفيت تشغلهم واما قسم الارشاد السياحى يقوم بدراسة التاريخ واللغات فبنسبة لك احسن قسم هو الارشاد عشان اللغات
اما بالنسبة لكلية الالسن فهى مجالها احسن وممكن تدخل كلية السن وتختار لغة نادرة مثل الروسى والصينى وبعد التخرج تاخد دبلومة سياحة وفنادق ممكن العمل بها كمرشد سياحى بما ان معاك لغة نادرة من الالسن ستجد الوظيفة سريعا وباجر عالى :av4056bb7jp3:
طالبة سياحية
21-07-2010, 08:02 AM
بص.... انا نفس حالتك
كنت جايبه 87 % ف تانية.... ومن غير تردد حولت ادبي لاني مكنتش هلحق حاجه كويسف ف علمي رياضه....
فــ الخطوة الاساسية دلوقت انك تحول ادبي.. عشان تلحق كليات كويسة كتير متاحة قدامك اكتر من العلمي
تاني حاجه بالنسبة لكلية سياحة وفنادق... زي ما انت بتقول الكلية ممتعه جدااا وعملية جدااا جداا وبتعتمد ع اللغات
وفكك من الكلام اللي بيتقال عليها انها سكة... هي كلية كويسة وف اي مجال مش ف السياحة بس... اللي بيشتغل بجد بيلاقي
وانت لو اجتهد اكيد ان شاء الله هتلاقي.... ده غير ان مجالتها كتير ووظائفها اكتر... يعني فرصة العمل متاحة قدامك بشكل كبير ان شاء الله ف اي قسم من اقسامها
وبالنسبة لأحسن كلية.... من رأي... سياحة وفنادق من غير تردد (دي من وجهة نظري انا الشخصية)
-----
بس نصيحة من اخت... حول ادبي عشان الكليات المتاحة ليك هتبقي اكتر وربنا يوفقك....
MaHmOuD 0112250766
21-07-2010, 09:58 AM
شكرآآآآآآآآآآآآآآآ يا جماعة أوووى على مروركم ,,, بس ممكن استفسار كمان ؟؟
فى ناس قالتلى خليك علمى رياضة لأن مجموع هندسة السنة الجاية هيبقى قليل يا ترى ده صحيح ؟؟ :078111rg3:
ميزو مان
02-09-2010, 04:18 PM
محدش عارف السنه الجايه فيها ايه كل سنه تختلف عن الي قبلها
انت معاك انجلش وفرنساوي يبقي سياحه وفنادق وتتدرس لغه كمان معاهم تبقي تمااااااام اوي
Sherif Shoman
04-09-2010, 07:01 AM
يا حبيبى
دى كليه دمااااااااااااااااااااااااااغ :022yb4:
لما تخشها هتتظبط تظبيط محش اتظبته قبل كده :av4056bb7jp3::av4056bb7jp3:
كفايه انك هتتمتع من كله بعد ما تخلص
الحق الفرصه قبل ما تفوتك
وفكك منى بقى يا معلم
lolo_m7bibi
24-10-2010, 10:04 PM
بص كلية السياحةوالفنادق جميلة جدا ومجلها حلو في الشغل بس اهم حاجة اللغة والكمبيوتر ولو دخلت فنادق يبقي احسنك كتير لان مجلها للشباب احسن بكتير عن البنات وخصوصا شارم والغردقة علي فكرة انا متخرجة منها وبجد كلية جميله جدا بس اهم حاجة الخبرة ولو سياحة يبقي اهم حاجة شركات الطيران مهمة بردو يعني تاخد بالك من المادة دة وطبعا التقدير النهائي وربنا معاك بالنسبة للكليات اللي بتقول عنها حلوة ولا لا انا معرفش غير الكلية اللي انا متخرجة منها بس:friendsxs3:
دينا نور1
10-12-2010, 08:39 PM
بص اكيد هى حلوة وانا كمان نفسى ادخلها بس هى للاولاد اكترمن البنات لكن القرار الا تاخذة وف مصلحتك او لا متزعلش انك اتاخدته
titodragon
25-12-2010, 08:21 PM
والله الحقيقة المفروض دا يبقى قرارك وتحاول تاخدة بسرعة وتحدد انت عاوز اية بالضبط
لانى اعتقد ان دا هيبقى مستقبلك .
والنسبة لكلية سياحة وفنادق هيا كلية كويسة وجميلة.وشغلها كويس
على حسب اختلاف الاقسام ومرتبطة باكتر من مجال .
وبالنسبة للغات اللى بتقول انك تتقنها دا كويس جدا يبقى تدخلها وانت مطمن وربنا يوفقك يا رب
وتاخد مادة كمان يبقى كدة تمام اوى .
واى خدمة .اهم حاجة تعرف انت عاوز اية .
Spanish Eyes
21-10-2011, 02:57 PM
اتوكل على الله وحول ادبى الاول .. ثانيا انا داخل تالتة ثانوى زيك وجبت 88% فى تانيه بس انا ادبى من الاول وناوى ادخل سياحة وفنادق ان شاء الله .. الكلية بجد جميلة جدا وشغلها ومستقبلها كويس وفكك من اى حاجة تانيه وركز فى دى بس طالما انت حاببها كمان
محمد طارق 1
21-10-2011, 10:05 PM
موضوع قديم جدا
زمان صاحبها معانا في اولي دلوقت
ايمان هارون
23-10-2011, 06:49 PM
هههههههههههههههههههههههههههههههههههههههههههههههههه هههههههههههه اة فعلا
محمد طارق 1
23-10-2011, 10:02 PM
يعني ايه كلمة anosha يا ايمان