السلام عليكم


انا طالب من المحلة رايح تانية ثانوي عامة


وعايز اتفوق اتمنى من كل طالب او طالبة اتفوقت


في الامتحانات تشرح ازاي اتفوق وتدينا
امور خبرات مكتسبة من مرورها بالثانوية ولو لسنه


ارجو من يدخل يرد حتى لو بكلمه ومن ارد الاكثار فهو افضل


ياريت ال يدخل افضل يرد يشرح ازاي تفوق


او ال فشل اتعلم ايه من فشله وايه اسبابه عشان مش انا لوحدي ال هستفيد الجميع ان شاء الله هيستفيد

وجزاكم الله كل خير جميعا

1 اولا لازم تكون بتصلى و دايما بتعمل حاجات خير عشان ربنا يرضى عنك و يوفقك
2 لازم تكون فى شلة صحاب شاطرين و اخلاقهم كويسه
3 لازم تذاكر الدروس بتاعتك اول باول و اللى تاخده فى الدرس تروح تذاكره و تحل عليه فى يومها
4 حاول قدر الامكان انك يكون عندك ايام فاضية فى الاسبوع مافيهاش دروس عشان يبقى عندك قابليه انك تذاكر
5 تمتحن كل الامتحانات اللى المدرسين بيعملوها فى الدروس
6 تخلى دروسك كلها ورا بعضها من غير فوارق بينها

1 اولا لازم تكون بتصلى و دايما بتعمل حاجات خير عشان ربنا يرضى عنك و يوفقك
2 لازم تكون فى شلة صحاب شاطرين و اخلاقهم كويسه
3 لازم تذاكر الدروس بتاعتك اول باول و اللى تاخده فى الدرس تروح تذاكره و تحل عليه فى يومها
4 حاول قدر الامكان انك يكون عندك ايام فاضية فى الاسبوع مافيهاش دروس عشان يبقى عندك قابليه انك تذاكر
5 تمتحن كل الامتحانات اللى المدرسين بيعملوها فى الدروس
6 تخلى دروسك كلها ورا بعضها من غير فوارق بينها

الخمسة اللى فى الأول زى الفل

الأخيرة لازم يكون فارق وقتى علشان تقدر تاخد نفسك وخصوصا فى الشهور الأخيرة اللى الدروس فيه بتمتد لوقت طويل وبتكون الدروس معقدة ومليئة بالمسائل والأسئلة الصعبة

وانت اعمل اللى عليك وخلاص والدرجات والنتيجة حاجة مش بايدنا

احب اضيف ع نصايح الاعضاء اللى سبقونى حاجه
1) بالنسبه للدروس اختار مجموعه تكون شاطره ومش تبدا دروس خاصه من الاول ممكن تاخد خاص من اول المراجعه وانا نفسى عملت كده لانك اول ما تبدا فى مجموعه وسط زمايل ليك كويسين اوووى ده هيعطيك حافز
2) اختار المدرسين كويس جدااا ولو حسيت ان حد قصر معاك شوف غيره ( نصيحه مجربه جدااااا ) ودى اهم حاجه انصحك بيها
3) اختار الماده الاختياريه بتركيز سواء كنت علمى او ادبى ولو عايز اى استفسار فى النقطه دى اسال وانا باذن الله اجاوبك


وباذن الله تذاكر من الاول صح هتلاقى نتيجه ده فى الاخر

والله انت تعمل اللى عليك وربنا يوفقك

احب ان اخبرك ايه الزميل العزيز ان من اهم اسباب التفوق عدم اخذ دروس في جميع المواد فمثلا العربي مادة سهلة لاتحتاج دروس وكذلك الانجليزي مثلا وأنا تفوقت لاني لم اخذ درسا في اي مادة وكنت اذاكر من سيديهات تعليمية وكان وقتي منظم جدا وربنا بارك لي في وقتي وجهدي والحمد لله

انت طبعا لازم تبقى قريب من ربنا كل الرقب ودى حاجه طبيعية لازم تقرأقران كل يوه سوره على الاقل وتسمع كلام باباك ومامتك وتتقى ربنا فى تصرفتتك وتنظم وقتك اوىىىىىىى دى اهم حاجه متتخطش على نفسك فى المذاكره من الاول علشان متتخنأش وتكره المزاكره اكتر ماحنا كلنا بنكرها وكل فترة تغير جو علشان متملش وطبعا تذاكر اول بأول وتهتم بالمذاكره فى كل حاجه انا عن نفسى مكنتش بذاكر خااااااااااالص بسسسسسسسسسسس كنت بحل كتير جدااااااااااااااا انا فكرة انى فى الانجليزى حليت حوالى 15 كتاب بالمراجعه وتهتم بتوسيع فكرك كل ماده بطريقتها يعنى الكيميا تحل مسائل وتشوف افكار كتير وكذلك الرياضه وطبعا الفرنساوى والانجليزى تحفظ كلمات كتيرة والعربى ده بقى لازم تذكره كويس من اول السنه علشان متحتاسش بيه فى الاخر زيى

الاخوة
doory

والكينج

etwad3na

samar saad

saraaaaaaa

جزاكم الله كل خير

وال عنده اي حاجة زيادة حب يزيدها يزيد كمان

وكله ان شاء الله في ميزان حسنتكم

ولو عايزين تكتبوا مقال بالتفصيل الممل اكتبوا وانا هقرا ومقدر كل نصايحكم


جزاكم الله كل خير مرة اخرى حقيقى اسعدتني ردودكم واهتمامك


وياريت لو اي حد دخل تاني يزود عادي لو هيقول باسلوب مختلف

مفيش مشاكل

لازم تؤمن بهدفك بس لازمتعرف ان الله لا يتخلى عن عبده اذا لم يتخلى العبد عن ربه

بصراحه انا مش رايحه ثانويه عامه انا لسه رايحه اولى ثانوى بس الحمد لله السنادى كنت من اوائل المحافظه وقولت اقولكم رايي فى حكايه الدروس

هى الدروس الكتيره مش مفيده خالص وبعتبرها بصراحه تضييع للوقت والشطارة مش بكثرة الدروس
انا كنت باخد درس انجليزى بس عشان هى لغه ولازم اعرف النطق الصحيح والجرامر بتاعها

ومن رايي اهم الدروس الانجليزى والرياضه

كمان مع تنظيم الوقت والهدوء تقدر تستوعب الماده اكتر لما تشرحها لنفسك

وبالتوفيق لنا جميعا.....

اهلا بيك ،،
من خبرتى فى تانيه طلعت بشويه حاجات زى الفل

1.علاقتك مع ربنا والله اهم من المذاكره نفسها

2.متحاتولش تتعب نفسك خالص يعنى متذاكرش مثلا بال12 ساعه
يعنى شوف انت اخرك فين وتذاكرش متواصل
"نصيحه منى" يعنى كل ساعه مثلا بتاع نصف ساعه راحه
"فرجه ع التليفزون بقى انت حر"
3.حاول تحب الماده على قد ما تقدر لانك زى ما هتديها هتديك
4.زى ما تدى عقلك نوم وراحه هيديك هدوء وتركيز
يعنى متاكلش اى حاجه وخلاص وكل فاكهه كتير عشان الفاكهه خفيفه ومش هتقل جسمك او مخك
"ومتعملش زيي كنت بذاكر واكل فطير بالعسل:039uw8:"

نصيحة بجد بجد فرقة معايا كتييييييييييييييييييييير زاكر بالورقة والقلم مفيش مزاكرة من غيرهم

ما شاء الله الاعضاء كفو و وفو ..

لكن احب ان اضيف بعض النقاط البسيطة ..

اولا : بالنسبة للدروس اهم حااااجة انك تفهم من الاستاذ و مش شرط يكون مشهووور و حط مليون خط تحت مشهور
لاني من خلال متابعتي لزميلاتي وجدت انهم بيهمهم الاستاذ معروف او لا ..و مش مهم بقى بفهم او لاء ..

وديه نقطة عن تجربة شخصية .. انا كنت باخد عن اساتذة ماحدش يعرفهم اوي
و الحمدلله جبت درجات مرتفعة جدا ..

ثانيا : لا انصح بتعدد الدروس فالمادة الواحدة .. و ماحدش يقولك تعرف اسلوب او معلومة او ... الكلام الفارغ ده
لانك عندك 5 مواد و هم 7 ايام يعني تمام و حلو جدا ..
و عشان ما تشتت نفسك ..


ثالثا : ركز ثم ركز ثم ركز .. اهم حاجة التركيز
ساعة واحدة تكون مركز فيها احسن من عشرة بالك مشغول ..

رابعا : اياك ثم اياك ان تترك كتاب المدرسة .. مش هقولك زاكر منه
بس لازم الاسئلة تتحل ..
و ياريت تقرأه لان فيه حاجات بين السطور بتيجي منها اسئلة
و مش مذكورة عند المدرسين او الكتب الخارجية ..

خامسا : احذر مِن مَن هم في مثل مرحلتك ..
هناك من يكون متخصص بس في تشتيتك بوسائل عدة ..
لا تسمع منهم و لا تتكلم عن مذاكرتك معهم ..
مش بقولك اكدب و تقول مش بذاكر و الكلام ال بيرفع الضغط عندنا كلنا
لاء خليك وسط ..
ذاكرت ؟! الحمدلله ..
يعني خليك غامض نوعا ما ..

و اهم حاجة مش تسمعلهم .. البعض هيوترك اني مذاكر المادة الفلانية خمس ست مرات و هو ولا مذاكر و لا منيل
بس عشان يحسسك انك ضايع ..
و ناس تقول انا مش بذاكر و دول بيبقو حافظين الكتاب من الجلدة للجلدة ..

يعني المختصر المفيد خليك فحالك ..

و انا مش بخوفك .. ابدا والله
و لكني شاهدت و عاصرت مثل هذه الحالات
وكم اسفت على كل هذا ..
و احببت ان انبهك ..

اعتقد كدة مليتو من الرغي بتاعي ..
كفاية .. صح !!

و بالتوفيق لك و لجميع الطلبة ..

ما شاء الله الاعضاء كفو و وفو ..

لكن احب ان اضيف بعض النقاط البسيطة ..

اولا : بالنسبة للدروس اهم حااااجة انك تفهم من الاستاذ و مش شرط يكون مشهووور و حط مليون خط تحت مشهور
لاني من خلال متابعتي لزميلاتي وجدت انهم بيهمهم الاستاذ معروف او لا ..و مش مهم بقى بفهم او لاء ..

وديه نقطة عن تجربة شخصية .. انا كنت باخد عن اساتذة ماحدش يعرفهم اوي
و الحمدلله جبت درجات مرتفعة جدا ..

ثانيا : لا انصح بتعدد الدروس فالمادة الواحدة .. و ماحدش يقولك تعرف اسلوب او معلومة او ... الكلام الفارغ ده
لانك عندك 5 مواد و هم 7 ايام يعني تمام و حلو جدا ..
و عشان ما تشتت نفسك ..


ثالثا : ركز ثم ركز ثم ركز .. اهم حاجة التركيز
ساعة واحدة تكون مركز فيها احسن من عشرة بالك مشغول ..

رابعا : اياك ثم اياك ان تترك كتاب المدرسة .. مش هقولك زاكر منه
بس لازم الاسئلة تتحل ..
و ياريت تقرأه لان فيه حاجات بين السطور بتيجي منها اسئلة
و مش مذكورة عند المدرسين او الكتب الخارجية ..

خامسا : احذر مِن مَن هم في مثل مرحلتك ..
هناك من يكون متخصص بس في تشتيتك بوسائل عدة ..
لا تسمع منهم و لا تتكلم عن مذاكرتك معهم ..
مش بقولك اكدب و تقول مش بذاكر و الكلام ال بيرفع الضغط عندنا كلنا
لاء خليك وسط ..
ذاكرت ؟! الحمدلله ..
يعني خليك غامض نوعا ما ..

و اهم حاجة مش تسمعلهم .. البعض هيوترك اني مذاكر المادة الفلانية خمس ست مرات و هو ولا مذاكر و لا منيل
بس عشان يحسسك انك ضايع ..
و ناس تقول انا مش بذاكر و دول بيبقو حافظين الكتاب من الجلدة للجلدة ..

يعني المختصر المفيد خليك فحالك ..

و انا مش بخوفك .. ابدا والله
و لكني شاهدت و عاصرت مثل هذه الحالات
وكم اسفت على كل هذا ..
و احببت ان انبهك ..

اعتقد كدة مليتو من الرغي بتاعي ..
كفاية .. صح !!

و بالتوفيق لك و لجميع الطلبة ..


والله كلامك صح 100%
وموضوع تعدد الدروس انا اعرف واحد كان التانى ع المحافظه فى 3 اعدادى وكان بياخد درسين رياضه وجاب فيها 38
يعنى مش بالكتره
وانا فى الكيمياء كنت باخد عند استاذ على اده
يعنى محدش واكرر محدش سمع عنه اصلا وكل ما اقول انى باخد عنده يضحكوا عليا
وانا جبت 50 كيمياء وكل المدرسه محدش جاب حتى ال49
يعنى المهم ترتاح مع المستر الى هيديك

وعجبتى حته
خامسا : احذر مِن مَن هم في مثل مرحلتك ..
هناك من يكون متخصص بس في تشتيتك بوسائل عدة ..
لا تسمع منهم و لا تتكلم عن مذاكرتك معهم ..
مش بقولك اكدب و تقول مش بذاكر و الكلام ال بيرفع الضغط عندنا كلنا
لاء خليك وسط ..
ذاكرت ؟! الحمدلله ..
يعني خليك غامض نوعا ما ..
نصيحه صح 100%

الخمسة اللى فى الأول زى الفل

الأخيرة لازم يكون فارق وقتى علشان تقدر تاخد نفسك وخصوصا فى الشهور الأخيرة اللى الدروس فيه بتمتد لوقت طويل وبتكون الدروس معقدة ومليئة بالمسائل والأسئلة الصعبة

وانت اعمل اللى عليك وخلاص والدرجات والنتيجة حاجة مش بايدنا
هو حضرتك وجهة نظرك كويسه بس انا كان قصدى يعنى ان لو فى درس وبعدين ساعة فاضية و بعد الساعه دى درس كمان يبقى احتمال الساعة الفاضية دى تضيع الا اذا كان الدرس جنب البيت فعشان كده لما الدروس كلها تبقى ورا بعضها هيبقى الوقت اللى ممكن يضيع بسيط .

انا من رايي انك وحدك فقط يمكنك تحديد طريقه مذاكرتك بالاضافه لبعض النصائح منثل المذكوره لكن لا تجعلها كل حاجه فى حياتك بل هى مجرد نور ينور لك طريق مذاكرتك ولكن فعلا فعلا اهم حاجه انك تبتعد عن الكلام اللى بيقولوة الطلبه عن المذاكره والدروس لانهم فاضييييين فاضيين وموراهمش غير الضياع ا ولا تمدفلانى اشطر ولا الكلام العبيط ده خالص لان انت الوحيد اللى تعرف ده لنفسك وابد عن الحتاقدين والله زميل درس هذانى فى بيتى وعملى فضيحه علشان الحقد والغيره

والله باين عليك انسان مجتهد لانك بدور على النصيحه بس الاهم انك تختار من الشخص الصح وربنا يارب يوفقكم وماتجيش الامتحانات زى سنتنا ونصحتى ودى اهم نصيحه بلاش بجد لو ذرة خوف تسيطر عليك لانك بالشكل ده هتخصر كل حاجه وايمانك بربنا سبحانه وتعالى فوق اى حاجه واتقرب لربنا افضل وربنا هينورلك طريقك ويحببك فى المذاكرة لاننا ساعات بنمل بجد وربنا يوفقك يارب

بسم الله الرحمن الرحيم والصلاة والسلام علي محمد عليه أفضل الصلاة والسلام ......

دي شوية نصايح يارب تنفعكوا بإذن الله ...

1 - أهم حاجة لازم تعرفها إن التفوق دة نعمة من عند ربنا وإن التفوف ما هو إلا توفيق ربنا ليك في الأول وفي الآخر ولازم تكون بتذاكر عشان ربنا أولا وعشان أهلك وكمان عشان تنفع دينك ..


2 - لازم تكون علاقتك بربنا كويسة وكويسة جداااااا كمان عشان ربنا يباركلك في وقتك وصحتك بمعني صلواتك في وقتها ولو قدرت تصلي السنة كمان مصحفك دايما معاك وتبدأ مذاكرتك بقراءة ولو آية وطبعا الدعاء قبل وبعد المذاكرة عشان ربنا يفتح عليك ويباركلك ..


3 - هتلاقي ناس كتيييييييييييييير بتهبطك وللأسف هتلاقيهم من أصحابك واللي يقوللك أنا مش بذاكر وأنا معرفش إييييه اوعي تصدق واعرف حاجتين مهمين جدا محدش هيخاف علي مصلحتك زي مانت هتخاف عليها و محدش في الدنيا هيحب إنك تكون أحسن منه غير مامتك وباباك طبعا ..


4 - لازم تختار زمان ومكان المذاكرة كويس جداااااا وهتلاقي مواضيع هنا كتيرة تفيدك في دة زي الموضوع ده رااااااااااااائع واستفدنا منه كلنااااااا ( الموضوع شااااااااامل جدا ما شاء الله ) ..

http://www.thanwya.com/vb/showthread.php?t=70388 (http://www.thanwya.com/vb/showthread.php?t=70388)



5 - تحاول علي قدر الإمكان تقلل عدد أيام نزولك للدروس وخصووصا لو كانت دروسك بعيدة عن البيت لأن الدروس من غير كدب بتضيع وقت ولكنها دلوقتي بقت للأسف المصدر الوحيد للمعلومة عشان المدارس بقت زي ماانت عارف ..


6 - ماتبقاش أناني .. أيوة ماتبقاش أناني أي حد من زمايلك احتاج أي حاجة ملازم مذكرات أسئلة أي حاجة ساعده ماتبخلش عليه ولكن أحيانا بتبقي مقصودة لتعطيلك فخد بالك وانت هتكون أدري باللي يستحق واللي ما يستحقش المساعدة ودة عشان ربنا يباركلك برضه في علمك ..


7 - حذار حذار حذار من الكسل .. ماتكسلش أبداا وتقول قدامي وقت .. لأ يوم الأربعاء معنديش دروس وفاضي هبقي أكمل لأأأأأأ اوعي تعمل كدة الله أعلم ممكن يحصل حاجة في اليوم دة أو هتلاقي الوقت ضاع منك من غير ماتحس في حاجات مالهاش لزوووووووم فخلي بالك من دي أوي ..


8 - التخطيط الجيد .. لازم تخطط ليومك كويس جداااااا .. يعني تبقي قايم من النوم عارف وراك إيه هتعمله يعني تكون محدد عندي كذا وكذا وكذا .. ده هعمله في المدرسة وعندي مذاكرة كذا .. وهروح درس كذا .. بحيث إنك ماتضيعش وقتك . وتحاول إن دي تبقي طريقة حياتك هتوفرلك وقت ومجهوووود كبير جداااااا ..


9 - حاول حياتك ماتكونش كلها مذاكرة عشان ماتهنجش .. بمعني انك تاخد فترة راحة ولتكن عشر دقايق بعد مذاكرة كل مادة وطبعا تخلي وقت للخروج والنت وكدة بس مع ده ماتنساش انك طالب ثانوية عامة ..


10 - أنا معدش في دماغي حاجة بس لو افتكرت حاجة أكيد هاجي أرصها علي طول وبإذن الله السنة دي هتعلمك حاجات كتيييييييير وانت اللي ان شاء الله هتقولهالنا بنفسك ..

ربنا يوفقنا جميعا آمييييين يااااااارب

هى الدروس الكتيره مش مفيده خالص وبعتبرها بصراحه تضييع للوقت والشطارة مش بكثرة الدروس
انا كنت باخد درس انجليزى بس عشان هى لغه ولازم اعرف النطق الصحيح والجرامر بتاعها
عندك حق وانا كنت زيك كده فى اعدادى
ومن رايي اهم الدروس الانجليزى والرياضه
فى ثانوى لو هاتخدى كيمياء ومش هتروحى المدرسة بانتظام لازم درس زيها الاحياء انما التاريخ اه ممكن ما تخديش
بس النحو فى العربى برضة مهم ان شاء الله درس نحو بس وكمان اللغات الثانية لازم درس علشان المدرس هو اللى هيتابع معكى وبالذات لو الطالب مستهتر وكل واحد عارف نفسه
كمان مع تنظيم الوقت والهدوء تقدر تستوعب الماده اكتر لما تشرحها لنفسك
صح عندك حق
وبالتوفيق لنا جميعا.....[/quote]

بص فى حاجة كمان نفعت حد من صحابى لو تاخد دورة انجليزى او اى لغة تانية قبل الدراسة هتنفعك والله

اهم حاجة قبل ده كله انك تكون ناوى انك هتدخل ايه وحاطت حلمك قدامك

جزاكم الله كل خير

واتمنى ان يكون لي اصدقاء مثلكم لكن قدر الله


جزاكم الله كل كل خير جميعا مهما شكرت مش هوفي حقكم جميعا ال تعب نفسه وكتب

وال دخل ومكتبش ودعالي حتى


وان في يوم جبت تقدير عالي فهيبقى ليكم جزء في كدا


جزاكم الله كل خير

واعذروني عشان مش كتبت اسمكم لكثرتها

انا عندى مشكلة فى الدروس
مفيش عندى ولا يوم فاضى غير يوم الجمعة
عشان كل درس 3 حصص فى الاسبوع
وكل يوم هاخد درسين او تلاتة
هوا لازم يكون عندى يوم فاضى ولا لا

صحيح يا جماعة

انا نسيت اقول انا لازم اخد دروس في كله عشان المدرسة مدرسينها مش حلوين

وعشان مدرسين الدرس ممتازين وهخيلوني اذاكر اكتر واحل امتحانات اكتر من انا لوحدي


اصل انا لحظت انكم كلكم مشتركين في كدا


فقلت اقول ال هيحصل معايه

وبالنسبة ليكي يا اخت الوردة الذهبية


لازم يكون في ايام فاضية عشان المذاكرة


المذاكرة اهم الي حدا ما من الدروس

المدرسه لو مش بتستفاد منها ماتروحش كتير حاول يعني انا معرفش نظام مدرستكو ايه بس انا مدرستي مكنتش بروح ابدا غير لما كان بيجيلي انزار ههههههه بس ده لاني كنت بزاكر وقت المدرسه وكمان لاني مش بستفيد منها حاجه خالص بس ربنا يستر السنه الجايه الوزير ده شكلو هيودينا المدرسه
على فكره مش لازم يبقي عندك يوم فاضي ولا حاجه انا كان عندي دروس كل يوم حتي يوم الجمعه
اهم حاجه التركيييييييز وتفهم من المدرس اللي هترحلو وتجنب زمايلك يعني خليك وسط لا كده ولا كده
وقبل ده كلو والله اهم حاجه تصلي وتتقي ربنا وتعرف ان ده رزق وان التفوق ده نصيب وتطيع ابوك وامك وماتزعلهمش ابدا والثانويه مش اخر الدنيا يعني
واه نسيت اقولك تحاول ماتتوترش ولا تقلق ومش اي حد يشكك في نفسك
ربنا يوفقك انشاء الله
وعشان اطمنك انا رايحه تالته انشاء الله وتانيه دي حصل فيها حاجات كتييييييييييير خلتني افقد ال اني اجيب مجموع من زمايلي ومن المدرسين
بس الحمد لله لاني كنت واثقه في عدل ربنا وماشيه بمبدأ جبت 98.5 والحمد لله

ربنا يوفق و يوفقنا جميعا

انا مثلك داخل ثانية ثانوى ومن نفس المحافظة ربنا يوفقنا احنا الاتنين

انا عندى مشكلة فى الدروس
مفيش عندى ولا يوم فاضى غير يوم الجمعة
عشان كل درس 3 حصص فى الاسبوع
وكل يوم هاخد درسين او تلاتة
هوا لازم يكون عندى يوم فاضى ولا لا

ليه كدة حبوبة ..

بالنسبة للدروس ليه 3 حصص لكل درس؟!

يعني نيجي نحسبها مع بعض

المواد :
عربي: حصة وحدة على ما اعتقد
انجلش : نفس الشيء
الكمياء او الاحياء لو انتي علمي : حصتين فالاسبوع
رياضة : حصة وحدة بردو
و الفرنساوي : اعتقد انه حصة ولو اني ما احبش اقولك حاجة انا ما جربتهاش ..

يعني كل يوم درس واحد و عندك يوم الجمعة اجازة تراجعي مع نفسك ..
و الوقت متاح لك كل يوم تذاكري لحد ما ييجي معاد الدرس ..

ولو حبتي تراجعي ردي الاول

و نصيحة من اخت كبيرة ليك
الدروس مش بكترتها ..
ممكن حصة احسن من 3

و الافضل تخلي الدروس قليلة لانها مضيعة للوقت ..

وعن تجربة والله و متابعة الطالبات من حوليا ..
اهم من الدروس هي مراجعتك انتي ..

لانك لو اخدتي الدرس و ما زكرتيش كأنك ما عملتي حاجة..

اتمنى افدتك ..
و لو في اي حاجة انا تحت امرك يا قمر ..

و بالتوفيق ليك و للكل يارب ..

كلمة واحدة
توكل على الله ولاكن بدون تواكل

ليه كدة حبوبة ..

بالنسبة للدروس ليه 3 حصص لكل درس؟!

يعني نيجي نحسبها مع بعض

المواد :
عربي: حصة وحدة على ما اعتقد
انجلش : نفس الشيء
الكمياء او الاحياء لو انتي علمي : حصتين فالاسبوع
رياضة : حصة وحدة بردو
و الفرنساوي : اعتقد انه حصة ولو اني ما احبش اقولك حاجة انا ما جربتهاش ..

يعني كل يوم درس واحد و عندك يوم الجمعة اجازة تراجعي مع نفسك ..
و الوقت متاح لك كل يوم تذاكري لحد ما ييجي معاد الدرس ..

ولو حبتي تراجعي ردي الاول

و نصيحة من اخت كبيرة ليك
الدروس مش بكترتها ..
ممكن حصة احسن من 3

و الافضل تخلي الدروس قليلة لانها مضيعة للوقت ..

وعن تجربة والله و متابعة الطالبات من حوليا ..
اهم من الدروس هي مراجعتك انتي ..

لانك لو اخدتي الدرس و ما زكرتيش كأنك ما عملتي حاجة..

اتمنى افدتك ..
و لو في اي حاجة انا تحت امرك يا قمر ..

و بالتوفيق ليك و للكل يارب ..

انا اول مره اسمع عن دروس حصه في الاسبوع احنا عندنا كل المواد 3 حصص في الاسبوع

انا اول مره اسمع عن دروس حصه في الاسبوع احنا عندنا كل المواد 3 حصص في الاسبوع


اممم :confused:

مش عارفة صراحة .. اوعى اكون جاية من كوكب تاني !!! ;)

عالعموم انا كتبت من خلال تجربتي الشخصية ..


و يمكن تختلف من شخص لشخص او مكان لمكان ..

بس انا من وجهة نظري تعب على الطالب و اضاعة لوقته ..

يعني اتخيل حضرتك انك بتاخد درسين تلاتة فاليوم .. هل هتستوعبهم كلهم ؟!!
ما اظنش ..
احنا بردوا بشر ولينا قدرات ..

و انا ضد التعدد لانه بيقضي عالوقت .. طيب و بعدين هتذاكر امتى ؟
يعني لو تيجي تدرسها هيطلع ان وجهة نظري اقرب للصواب ..

و اخيرا انا باكتب لافيدكم و ليس لاجباركم
من يرى ان طريقته افضل فليسر عليها ..

فأهم شيء راحتك انت !!

و دائما ما انادي بأنه لا توجد طريقة معينة للمذاكرة
فكل واحد منا يرتاح لشيء و لكل منا قدراته ..

لذلك انا اقدم نصيحة فقط ..

و بالتوفيق لكم ان شاء الله ..

والله كلمكم جميعه رائع


جزاكم الله كل خير

واظن ان الاخوة بتردوا على بعض وبتوفوا

سؤال مهم يا جماااااااااااااعة


ازاي الخص المواد؟

شكرا لردك يا نقاء الروح
بس احنا عندنا فى منطقتنا كل الدروس ماشية كده 3 حصص لكل مادة فى الاسبوع
عشان تعرفوا احنا بنتعب اد ايه
عموما شكرا لتفاعلك معانا

.. الاخوة جزاهم كل خير .. وزادوا ووفوا ..
خااصة انك تلتزم وتصلي وتقرأ قراذن وتحفظ ..وماتقولش ده هيعطل ..لكن ربنا هيوفق
بس اهم حاجة انك تشوف نظام يناسبك في المذاكرة ..وتحل كثييييييييير
وماتهملش المادة ولو جزء ف السنة لان ده هيأثر وحش ..
واهم حااااااااااااااجة تركيزك في الامتحااااااان .. لان التوتر والقلق ممكن يضيع حتى ولو كنت مذاكر وكويس ولو كان عندك اصلا مشكللة بالمذاكرة هيكون اسوأ ..
والله يوفقك يارب

المذاكرة اهم الي حدا ما من الدروس

ده شئ مهم جدا جدا ..لان ممكن نظام المدرس في الدرس في اوقاته يتعبك ويضيعك ومهما كان المدرس ممتاز انت محتاااااااج وقت تذاكر فيه بمجهودك ..وبالنسبة لنظام المذاكرة والتلخيص شوف اللي بناسبك ..
.
.
وحكاية ان المدرسة مش مفيدة والدروووس اهم حاجة ..
لا أتفق تماما مع هذا المبدا اعرف ناس كانت بتروح وبتستفاد جدا جدا .. بس كل واحد وعلى حسب مدرسته ومدرسينه ..
والدروس مش كل حااجة .. الهم الطالب ومجهوده ..

شكرا لردك يا نقاء الروح
بس احنا عندنا فى منطقتنا كل الدروس ماشية كده 3 حصص لكل مادة فى الاسبوع
عشان تعرفوا احنا بنتعب اد ايه
عموما شكرا لتفاعلك معانا


العفوو حبوبة ...

سبحان الله .. فعلا حاجة غريبة و اول مرة اسمع عنها ..

عالعموم بالتوفيق ليك بأي طريقة تحبي تتبعيها ..

و الله عارفين بس ان شاء الله تنسى التعب كله اول ما تلاقي نتيجتك الحلوة
ال تفرحك و تفرح بابا وماما ..

و تذكري دائما

ان الله لا يضيع اجر من احسن عملا ..

ابذلي كل ما بوسعك و تركي الامر كله لله ..

و ربنا يوفقك و يوفق كل الطلبة ..

و دعواتك ..

ما شاء الله تفاعل كبير من الاعضاء

جزاكم الله كل خير

جميعا

بس المهم قبل ماتدخلو ا تسجلوا وانا بستأذن الادارة ربنا يخليكم اصل داخلة تانية ثانوى

سؤال مهم يا جماااااااااااااعة


ازاي الخص المواد؟

أنصحك بلاش تلخيص خاااااالص لأنك ممكن تغفل معلومة مهمة وانت مش واخد بالك وبعدين
انت المفروض ما تقولش دي مهمة ودي لأ عشان حتي ماتدخلش الامتحان وانت قلقان اهتم
بكل حاجة وممكن بدل التلخيص لو مفيش مذكرة للمدرس بتاع الدرس ممكن تعمل انت مذكرة
لنفسك عن طريق انك تكتب المعلومات بشكل مرتب وكويس يريحك في المذاكرة
صحيح ياريت بجد ودة عن تجربة شخصية ماتكتفيش بمذكرات المدرس وورقه والملازم وخلاااااص
لازم تراجع اللي في المذكرة وتشوف كتب المدرسة وتهتم بأسئئلته جداااااااااا ولو في حاجة تضيفها وهكذا عشان تبقي أخدت بالأسباب ...
وربنا معاااااك ومعانا يااااارب ...

أنا كمان رايح تانية ثانوى ......ربنامعانا أنا وانت ان شاء الله

نصائح شخصية
1- لازم تكون بتصلي في المسجد لان النساء بس اللي بتصلي في البيت و قراءة القرآن كل يوم علي الاقل عشر ايات
2- تذاكر اول بأول يعني الدرس اللي تاخده ترجع تذاكره في نفس اليوم و في طريقة ناجحة للمذاكرة انك تحفظ شكل الصفحة و مواقع الكلمات و العناوين لانك بكده هاتقدر تسمعهم من غير حتي ماتشوفهم (ده في المواد الادبي)
اما في المواد العلمي زي الكيمياء ممكن تقري حبتين عن موضوع درسك بس بتوسع شوية علشان تفهمها باكامل (و ممكن تتعقد من المادة) لكن ده المخطط الشخصي بتاعي
3- الدروس في رأيي تضييع وقت و مش بحبها و انا مؤمن جداً ان المناهج دي معمولة و ممكن اي طالب يذاكرها لوحده من غير دروس و انا نجحت في كده في اولي ثانوي حتي في الرياضة و الفيزياء و الكيمياء
ان كنت هتاخد دروس و ده مفروغ منه يبقي في المواد المهمة زي اللغات و الرياضة
4- تروح المدرسة كل يوم لغاية اخر لحظة لاني فعلاً مكنتش مصدق نفسي لما لقيت اصعب جملة ترجمة في الامتحان خدتها في اخر يوم حضرت فيه في المدرسة
5- مذاكرة ساعة بتركيز احسن من عشرة من غير تركيز و ماتتعبش نفسك اوي في المزاكرة لانها مزااااااااااااااااااااج و كل واحد ليه مزاجه في المزاكرة
6- ان كنت قاري في المادة العلمية اللي بتدرسها في المدرسة من برة المنهج هاتلاقي المنهج مرشق اخطاء
و انا طلعت اخطاء كتير في نهج الكيماء في اولي ثانوي فمتحاولش تتفزلك في الامتحان
7- ان كان عندك دروس طول الاسبوع فمن حقك في يوم تستريح فيه و تريح بالك او تقري في الحاجة اللي بتحبها لان زي مانتا شايف في طلاب مصريين بيعملوا اختراعات كتير فيمكن لو شغلت بالك في وقت راحتك في القراية يطلع منك عالم ولا حاجة
بس
و اتكل علي الله و ربنا معاك و معايا و مع الناس كلها!

دخلتم ولا لسه

-مهم اوى انك تذاكر وتعمل اللى عليك.وكمان تثق فى نفسك ومتتوترش ابدا واعرف ان اللى ربنا كاتبه هيكون
-لو حصل وضاع منك يوم معملتش اللى انت محضره فيه متتضايقش اوى لان ده هيعمل لك احباط وده مش كويس ..........
بس بردو لازم توقف مع نفسك ومتتضيعش ايام تانى
-كافئ نفسك بعد ما تخلص مادة ذاكرتها اعمل حاجة انت بتحبها مكافئة النفس والاحساس بالراحة ده كويس جدا
يعنى متتدخلش فى المادة اللى وراها على طول لأ تريح شوى وبعدين تكمل
-اه بلاش تاخد دروس فى كل المواد وانتظم فى المدرسة واهتم بكتب الوزارة جدا جدا جدا جداااااااااااااااااااااااااااااااااااااااااااااااا اااااااااااااااااا
ربنا يكرمك
لازم تهرف ان اهم حاجة اعصااااااااااااااااااااااااااااابك ونفسيتك
الثانوية نفسية
لازم تكون هادى و واثق من نفسك يعنى دايما واثق من اجابتك وعندك استعداد انك تتسأل فى اى وقت
وربنا يكرمك

شكرا لنصايحكم والله انتوا بجد بتفيدونا
جزاكم الله كل خير

بارك الله فيكم
مشكورييييييين جميعا

جزاكم الله كل خير

و اهم حاجة انك متسمعش لكلام اي حد و تحافظ عل اعصابك و سيبك من الامتحانات صعبه و الكلام الفاضي ده اللي هيتعبك مفيش حاجه اسمها امتحان صعب و امتحان سهل و اوعي تهمل اي مادة او جزئية و تقول هبقي اراجعها في المراجعة صدقني مهما عملت مفيش افضل من المذاكلرة اول باول و ربنا يوفقك و يوفقنا جميعا

جزاكم الله كل خير جميعا

شكرا لمروركم الكريم واضافتك الرائعة

السلام عليكم
فعلا انتم عندكم حق ومن تجربة شخصية
مش كل حاجة دروس المهم المذاكرة اول باول
وحضور المدرسة لانها فعلا بتثبت المعلومة
وطبعا لازم نقول انى فى مدارس مش بيستفيد منها الطالب ودى حقيقة علشان الدروس وقلة الضمائر عند المدرسين
واهم حاجة الصلاة الصلاة
وانا اسف على الاطالة
وان شاء الله نيجبيب مجموع السنة الجاية دى
ومحدش يفقد الامل لان الامل كبير فى ربنا

معلومات جميلة جدا وبجد مفيدة جدا لينا انا داخل تانية معاك بشكر جميع الاعضاء اللى قدموا النصائح
وبالنسبة للدروس هى حصة واحدة فى الاسبوع لكل مادة ماعدا الكيمياء اتنين والاحسن يكون كل يم مادة وفى يوم اجازة تراجع فى مثلا يوم الجمعة وربنا يوفقنا جميعا وياريت من الاعضاء فكرة عن احسن الكتب فى كل مادة وسلاموا عليكو

انا بردوا داخله تانيه ثانوي
وبجد موضوع رووووووووعه انا استفدت كتير منكوا

شكرا لاضافاتك

ومروركم

جزاكم الله كل خير

وبالنسبة للدروس هى حصة واحدة فى الاسبوع لكل مادة ماعدا الكيمياء اتنين والاحسن يكون كل يم مادة وفى يوم اجازة تراجع فى مثلا يوم الجمعة


الحمدلله لقيت حد زيي :av4056bb7jp3:..

وبالنسبة للكتب :

العربي : الرسالة و الاضواء

الرياضيات : المعاصر

الكمياء : الامتحان

الانجلش : فيه كتير the best , senior ,top student

و بالتوفيق يارب ,,

اه انا زيك :022yb4: احنا عندنا فى اسكندرية كده بصراحة اول مرة اشوف 3 حصص فى الاسبوع لمادة وحده
شكرا على معونتك :d

عايزه بس انصحكك نصيحه كان علطول استاذي يقولهالي ذاكر مره وحل الف مره وان شاء الله ربنا ميضيعشي اجر حد تعب واجتهد ومتنساش دعاء الوالدين اهم شئ وطبعا التقرب من اللله اول شئ ودا الاهم والاهم

انا هقولك حاجه انا مجربه وجبت مجموع حلو الحمد الله

اولا تعطى ربنا حقه عشان يعطيك حقك

تانيا كتاب المدرسه الى يقولك معقد والكلام الفاضى ده كله لا

لو انت علمى ركز على المسائل المحلوله فى الكتاب المدرسى

ولازم تكون بتعرف تطلع اسئله وملاحظات من الكتاب

وبعدين طبق فى كتاب المدرسه

ثم تحل فى اى كتاب خارجى

واوعى :040vk0:

اوعى يتراكم عاليك درس

الدرس الى يروح مش هتعرف تفهمه حتى لو اتشرحلك مليون مره

بعدين لازم تروح المدرسه

حتى لو مش هيبقه فى غيرك

والى مش فهمه من المدرس قوله يشرحولك تانى

وشارك برئيك ديما فى الفصل

واتكلم مع المدرسين

طبعا فى الدروس

لان المدرسه مهمه عشان لو اخت درس بدل ميتشرحلك

مره

:039uw8:
هيشرحلك اتنين وتلاته

وهيسبت فى دماغك :d

واشرب وانت بتذاكر سوائل وابعد عن القهوه والشاى

وربنا يوفقك:022yb4::022yb4::022yb4:

شوف يا عمدة
متحاولشى تخرج فى الدروس عن منطقتك كتير
يعنى خلى معظم الدروس فى منطقتك علشان متضيعشى وقت
يعنى انت لو الجمهورية خلى دروسك فى الجمهورية لو فى المنشية خلى دروسك فى المنشية لو فى محب خلى دروسك فى محب
ممكن تخد درس او درسين بس بعيد متكترشى عن ده

ومتدخلشى نفسك فى لعبة المدرسين
يعنى مترحشى لمدرس وتقوله قولى على مدرس عربى او اى مادة تانية
لان هو لما هيوديك عند هيوديك عند واحد صاحبة بغرض انه يبعتله واحد تانى قصادك
ومش هيهمه مصلحتك

مش مهم تجرى ورا مدرس مشهور
ممكن مدرس محدش يعرفه ويخليك تجيب الدرجة الى انت عايزها ودى عن تجربة

اخر حاجا بقى يا برنس
متسهرشى وتصحى بدرى لان الصحيان متأخر هيأثر على اعصابك
ويا سلام لو تذاكر الصبح

وخلى بالك تركز فى الإمتحانات وتعرف السؤال عايز منك ايه
علشان ورقنا بتاع المحلة بيتصحح بقذارة
لدرجة انك تبقى كاتب الإجابة زى نموزج الإجابة وتلاقى المصحح ببجاحته عاملك عليها غلط

شكرا لكم جميعا


جزاكم الله كل خير

وخصوصا تحيه للاخ ال بلدياتي وبالمرة سؤال


تنصح بمدرسين ايه في المحلة

نصيحه يا اخي وي ريت تعمل بيها

في الايام اللي قبل الامتحانات وقف كل الدروس ومتروحش مراجعات غير الرياضه بس لان بيبقي فيها افكار جديده

اما باقي المواد فنصيحه ماضيعش وقتك

واسأل مجرب

كلهم كلامهم جميل طبعا ومش عارفه هقول ايه بعد ال هم قاالوه

بس اهم حاجه انك متأخرش ومش تأجل المذاكره

ذاكر كويس اوي ومتحفظش وشغل دماغك كويس

وربنا يوفقك

وع فكره المنهج سهل جدا الحمد لله بس تشد حيلك بردو

ومش تكتر من الخاص انا اخدت خاص وكان نفسه نفس المجموعه وزي مازميلي قالولك اختار المجموعه الكويسه وال فيها ناس شغاله
وكمان ملكش دعوه بكلام زميايلك ال يقولك مبذاكرش والكلام الفاضي ده حتي لو كانو شطار بيكذبو وبيدارو

اهتم بدراستك علشان تحدد مستقبلك اما تكون فوق او تحت

وربنا معاك يارب وتكون من احسن الناس خلقا وعلما ومعرفة

جملة سمعتها كتير و خافظها لكن لا نطبقها و لو طبقتها هتبقى الاول عالجمهورية و مش اى كلام

(((((((((((((((((((((((((( لا تؤجل عمل اليوم الى الغد )))))))))))))))))))))))))))))))))

و الله هو دة السر اللى هيوصلك للتفوق و لو نفذتة مقولكش هتبقى اية

شكرا جزاكم الله كل خير