مشاهدة النسخة كاملة : الموضوع كتر بقى وبقى زياده عن اللزوم بجد


samar saad
21-07-2010, 10:04 AM
ازيكم عاملين ايه يارب تكونوا بخير , طبعا كلنا والحمد لله خلصنا من بدرى واطمنا على النتيجه وارتحنا والحمد لله وبدء الصيف بقى والاجازة والخروجات والفسح الحقيقة يا جماعه انا كان فى موضوع عايزة الصراحه اتكلم فيه وبقيت اشوف انه حاجه لايمكن الواحد يسكت عليها مش عارفة ايه اللى بيحصل ده بالظبط , بقيت كل لما تخرج وتروح فى اى حته خصوصا الاماكن العامه تلاقى نسبة الشحاتين بقيت عالية جدا , وخصوصا فى مكان بجد انا كرهت اروحه من كتر كده هو حديقة الحيوان مش المشكلة فى الشحاته نفسها لا ده ربنا سبحانه وتعالى امرنا بده وان الواحد يتصدق , بس ربنا ماقالش ندى الناس اللى بتمثل انها محتاجه , الناس اللى بجد بتخلى الواحد قلبه يتقطع من منظرهم وفى الاخر بيمثلوا , يعنى الواحد مش بيخرج كتير ويوم لما يخرج يلاقى الموضوع ده , والله يا جماعه انا لو عليه نفسى ادى كل محتاج بس حرام فى ناس بتبقى بتمثل بجد , طب ياللى بتمثل انت ماتشفلك شغلانه اشترى بيها كرامتك وحالك افضلك , واللى بيجننى اكتر انك تلاقيه سليم قدامك وبيشحت طب انت فيك ايه هل انت مثلا عاجز انك تشتغل وتسترزق , واطفال وشباب وكل الاعمار , يعنى الواحد بعد كده لما يجيى يخرج يعمل ميزانية للخروجه وميزانية للناس اللى بيشحتوا من كترهم , والله انا مش بسيء لاى حد بس حرام بجد تقطعوا قلب الناس وانتوا بتكدبوا , انتوا حضرتكم بجد شايفين ايه انا عندى حق ولا ايه

مجنونة الثانوية
21-07-2010, 10:59 AM
فعلا والله حاجه تقطع القلب
بس اعتقد مش بيمثلوا الدنيا بقت نار والاسعار غاليه جدا
والغلابا ملهمش مكان ومش عارفين يعيشوا من الفقر

أ/رضا عطيه
21-07-2010, 03:47 PM
زياره واحده للسيد البدوى هتعرفى إن كل اللى شفتيه ده لايساوى 1% من اللى بنشوفه هناك كل يوم
تسلمى على الموضوع الجميل
وشكرا لكى

سهر 2000
21-07-2010, 04:31 PM
الموضوع ده فعلا منتشر جدااااااااااا
وفعلا اغلبهم بيكونو بيستهبلو
ومناظرهم بتقطع القلب

Dr/Diroooo
21-07-2010, 04:39 PM
الواحد بيبقى متضايق جدا لانهم بيصعبوا علينا
ربنا يرزق كل محتاج
(امييييييييييين)
د:هدير

samar saad
21-07-2010, 11:03 PM
امين يارب متشكرة ليكم كلكم على رودودكم الجميلة

solidsnake
21-07-2010, 11:20 PM
يا جماعة الواحد بيتصدق لربنا مش عشان يبقي اسموا اتصدق
شحات ولا مش شحات احنا بنعمل كدة لوجه الله

Dr. Hoda Ahmed
21-07-2010, 11:32 PM
طبعا انت معذورة فى اللى شوفتيه
لكن انتى مش عارفه هم محتاجين ولا لا انتى بطلعى صدقة ونيتك طيبة ولك الاجر لكن لا تسئ لهم

يكتفى البسمه والكلمة الطيبة افضل من المال لو انتى شايفه انهم مش محتاجين
الكلمه الطيبة صدقة

nooneasme1
21-07-2010, 11:46 PM
بسم الله الرحمن الرحيم

هبدأ بآية قرأنية
قال الله تعالى: ( ظهر الفساد فى البر والبحر بما كسبت أيدى الناس ليذيقهم بعض الذى عملوا لعلهم يرجعون )

موضوع أن الفقراء بقوا كتير وأن مصر احتلت المركز 115 ما بين دول العلم تبعا لرضاء الشعب عن مصر دى حاجة مش كويسة

وأين المسلمون الذين منعوا الزكاة عن أصحابها

كل واحد يسأل نفسه؟

كام واحد يعرفه بقى بياكل مال اليتيم؟

كام واحد يعرفه باكل الربا؟

كام واحد يعرفه منع الزكاة عن أربابها؟

كام واحد وهو خارج من صلاة الجماعة يلاقى منتقبة مش لاقية تاكل؟ فى الوقت ذاته ذهب العفاف عن أخريات
قال رسول الله صلى الله عليه وسلم:

أنه قال أيها الناس إنكم تقرؤون هذه الآية { يا أيها الذين آمنوا عليكم أنفسكم لا يضركم من ضل إذا اهتديتم } وإني سمعت رسول الله صلى الله عليه وسلم يقول إن الناس إذا رأوا الظالم فلم يأخذوا على يديه أوشك أن يعمهم الله بعقاب منه
الراوي: أبو بكر الصديق المحدث: الترمذي - المصدر: سنن الترمذي - الصفحة أو الرقم: 2168
خلاصة حكم المحدث: صحيح

لو أنتظرنا كتر من كده هتبقى النهاية

أن النبي صلى الله عليه وسلم دخل عليها فزعا يقول : ( لا إله إلا الله ، ويل للعرب من شر ما اقترب ، فتح اليوم من ردم يأجوج ومأجوج مثل هذا ) . وحلق بإصبعه وبالتي تليها ، فقالت زينب : فقلت : يا رسول الله ، أنهلك وفينا الصالحون ؟ قال : ( نعم ، إذا كثر الخبث ) .
الراوي: زينب بنت جحش المحدث: البخاري - المصدر: صحيح البخاري - الصفحة أو الرقم: 3598
خلاصة حكم المحدث: [صحيح]


ربنا يهدى جميع المسلمين .... آمين

THE SMART GIRL
21-07-2010, 11:49 PM
هما بيعملوا كده عشان مفيش شغل ربنا معاهم ومعانا يارب هما بيشحتوا ليه رايكم ايه؟؟

مروه
22-07-2010, 12:06 AM
اه صح أنا معاكى أن الحكايه دى زادت جدا فى مصر اليومين دول

بس فيه أيه فى القرءان بتقول

( وأما السائل فلا تنهر )

يعنى انتى ممكن تعطيه مبلغ قليل حق السؤال فقط مش ميزانيه ولا حاجه

ولو كل واحد بس طلع زكاته صح للناس الصح

بيتهيألى مش هنشوف المنظر ده كتير

تسلمى على التوبيك

soul333
22-07-2010, 12:14 AM
بصراحة انا بتكسف ومش بعرف ادى ولا لأ

هو فعلا موضوع يدايق

nooneasme1
22-07-2010, 12:16 AM
سبعة يظلهم الله يوم القيامة في ظله يوم لا ظل إلا ظله : إمام عادل ، وشاب نشأ في عبادة الله ، ورجل ذكر الله في خلاء ففاضت عيناه ، ورجل قلبه معلق في المسجد ، ورجلان تحابا في الله ، ورجل دعته امرأة ذات منصب وجمال إلى نفسها فقال : إني أخاف الله ، ورجل تصدق بصدقة فأخفاها حتى لا تعلم شماله ما صنعت يمينه


الراوي: أبو هريرة المحدث: البخاري - المصدر: صحيح البخاري - الصفحة أو الرقم: 6806
خلاصة حكم المحدث: [صحيح]

تصدق وأخلص نيتك لله ..... أنت لست مطالب بأنت تشق عن قلوب الناس



إني لم أومر ، أن أنقب على قلوب الناس ، و لا أشق بطونهم
الراوي: أبو سعيد الخدري المحدث: الألباني - المصدر: صحيح الجامع - الصفحة أو الرقم: 2503
خلاصة حكم المحدث: صحيح



ربنا يهدى جميع المسلمين

**اية
22-07-2010, 12:36 AM
عنك حق والموضوع منتشر جاااااااااااااااااااااااااااااااااااامد

انت لو طلعت صدقة وانت مش عارف هل اللي

قصادك ده يستحقا ولا لا وهو بيدعي انه يحتاجها

فربنا هيكافئك علي نيتك

" الاعمال بالنيات وكل امرئ ما نوي"

samar saad
22-07-2010, 01:09 PM
صح فعلا عندكم حق وربنا يحمينا ويجعلوا فى ميزان حساناتنا