bedo man
21-07-2010, 04:05 PM
يا جماعه انا الحمدلله التنسيق طلعلي و جاتلي تجاره انجلش بس متردد مش عارف هيا ولا تجاره عاديه وبالنسبه لتجاره انجلش كنت عايز اسال عن المواد والمصاريف و اهم المعلومات عنها و شكراا
|
مشاهدة النسخة كاملة : تجاره انجلش او تجاره عاديه؟؟؟ bedo man 21-07-2010, 04:05 PM يا جماعه انا الحمدلله التنسيق طلعلي و جاتلي تجاره انجلش بس متردد مش عارف هيا ولا تجاره عاديه وبالنسبه لتجاره انجلش كنت عايز اسال عن المواد والمصاريف و اهم المعلومات عنها و شكراا مسترأبوأحمد 21-07-2010, 04:52 PM طب مجموعك كام بالظبط ahmed610 21-07-2010, 11:41 PM يا جماعه انا الحمدلله التنسيق طلعلي و جاتلي تجاره انجلش بس متردد مش عارف هيا ولا تجاره عاديه وبالنسبه لتجاره انجلش كنت عايز اسال عن المواد والمصاريف و اهم المعلومات عنها و شكراا الف مبروووووووووك المصاريف بتبدأ من 3000 الى 4500 فى السنة حسب الجامعة الى انت فيها المواد هى هى مواد تجارة عربى بس بالانجلش نفس المواد بالظبط بس من كتب مختلفة تجارة انجليزى احسن ولا تجارة عربى ؟ فى الشغل اكيد تجارة انجليزى لو عايزتعرف معلومات تانى انا معاك bedo man 22-07-2010, 01:13 AM طيب انا جاتلي تجاره انجلش القاهره وشكراا ع المعلومات bedo man 22-07-2010, 04:37 AM وعندي سؤال هل هيا سهله ولا صعبه اللي يعرف اي حاجه عن تجاره انجلش يقول لان انا اول سنه لسا في الكليه ف مش عارف اي حاجه ف اي حاجه ahmed610 22-07-2010, 09:35 PM وعندي سؤال هل هيا سهله ولا صعبه اللي يعرف اي حاجه عن تجاره انجلش يقول لان انا اول سنه لسا في الكليه ف مش عارف اي حاجه ف اي حاجه بص يا بيدو مع المذاكرة مفيش حاجة صعبة والى بينفض طول السنة اى حاجة هتبقى صعبة علية الى اقدر اقولهولك ان تجارة انجلش مش كلية صعبة (فى ناس بتشوف ان طلبة المدارس الحكومية مبيقدروش يكملو فى تجارة انجلش على اساس س ان الدراسة بالانجليزى دة كلام غلط... نسبة كبيرة اوى من طلبة تجارة انجليزى جايين من مدارس عربى وانا واحد منهم وماشيين فى الكلية ومفيش مشاكل ) فا الكلية سهلة ان شاء اللة متقلقش انا عارف ان الى داخل الكلية اول سنة بيبقى قلقان وحاسس انة مش عارف حاجة خالص كلنا كنا كدة بس بعد شوية بتاخد على الجو وبتتعود وعايز اقولك ان حياة الجامعة بشكل عام ممتعة ومختلفة خالص عن حياة المدارس دة جزء مقتبس من موضوع كنت كتبة قبل كدة يمكن يفيدك : بالنسبة للدراسة هتبقى كلها بالانجلش فا محدش يتخض لما الدكاترة يدخلوا اول محاضرة ومينطقوش ولا كلمة عربى والموضوع دة مش صعب لانك بعد فترة قصيرة هتتعود علية بالنسبة للمواد هيبقى عندنا خمس مواد ترم اول وخمس ترم تانى وهى اغلبها مواد نظرية باستثناء الرياضة(Math) والمحاسبة (Accounting) فيما عادا ذلك مواد نظرية زى الادراة (Managment) او الاقتصاد (Economic) وغيرهم طبعا نظام الامتحانات عندنا حاجة اسمها امتحانات الميد تيرم ودى بتبقى بعد الدراسة بحوالى شهر ونص وبيبقى عليها ثلاث درجات فى المادة الواحدة كمان عندنا اعمال سنة ثلاث درجات لكل مادة ودى الدكتور بيديها على الحضور والمشاركة وامتحانات الكويز واحيانا الواجب (Assignment) واحيانا بمزاج الدكتور وفى اخر الترم بيبقى امتحان الفاينال وعلية 14 درجة عشان يبقى المجموع فى كل مادة من عشرين بالنسبة للكتب هتبقى كلها جاية من امريكا والمؤلفين كلهم اجانب وعلى الرغم من ان الكتب تقيلة قوى و هتتعبكو وانتو مروحين بيها بس بجد كتب نضيفة واسلوبها جميل اتمنى انى اكون افدتكم وادتكم خلفية عن الكلية ولو بسيطة طبعا الكلام دة كلة يخص تجارة انجلش القاهرة بس bedo man 23-07-2010, 04:30 AM شكرااا بجد ع المعلومات يا استاذ احمد bedo man 23-07-2010, 04:44 AM و هل في اختبار قبول فيها او حاجه اسمها انترفيو مش متاكد؟؟؟؟ Dr.Gehad 23-07-2010, 05:19 AM تجـــــــــــــــــــارة انجليزي احسن طبعا عمرو ع 26-07-2010, 02:04 PM بص يا بيدو مع المذاكرة مفيش حاجة صعبة والى بينفض طول السنة اى حاجة هتبقى صعبة علية الى اقدر اقولهولك ان تجارة انجلش مش كلية صعبة طبعا الكلام جميل جدا وكلامك يا احمد عجبنى جدا اكيد يا بيدو انت داخل كليه مش عشان تركن وتنام وتجيب تقدير مفيش تقدير بدون مزاكرة ودى حاتجه معروفه وتجارة انجلش زى ما قال احمد هى مش صعبه وانا فى تجارة انجلش بنها مش القاهره لكن معظم المواد عندنا زى بعض (فى ناس بتشوف ان طلبة المدارس الحكومية مبيقدروش يكملو فى تجارة انجلش على اساس س ان الدراسة بالانجليزى دة كلام غلط... نسبة كبيرة اوى من طلبة تجارة انجليزى جايين من مدارس عربى وانا واحد منهم وماشيين فى الكلية ومفيش مشاكل ) فا الكلية سهلة ان شاء اللة متقلقش انا عارف ان الى داخل الكلية اول سنة بيبقى قلقان وحاسس انة مش عارف حاجة خالص كلنا كنا كدة بس بعد شوية بتاخد على الجو وبتتعود بالعكس احنا معظمنا اللى داخلين تجارة انجلش مش لغات ولا حاجه داخلين من مدارس عربى وماشين فيها الحمد لله وعما الدكاتره بتراعى دا فى اول ترم اها هما مش بيتكلموا عربى لكن بيراعوا كلامهم فى اللغه بالنسبة للدراسة هتبقى كلها بالانجلش فا محدش يتخض لما الدكاترة يدخلوا اول محاضرة ومينطقوش ولا كلمة عربى والموضوع دة مش صعب لانك بعد فترة قصيرة هتتعود علية دى حاجة وجهتنا كلنا وواجهتنى انا شخصيا وكنت هاسيب تجارة انجلش بسببها بس الحمد لله لان فى دكتور كان بيجرى فى المنهج اوى وخلصلنا كل محاضره شابتر وبالتالى المنهج تراكم عليا ومكنتش لسا اخدت على مود الجامعه فعادى جدا اسمعهم وحاول تكتب كل كلمه وراهم اى كلمه لو ادلكتور كح فى المحاضره اكتبها لان الحاجات دى هتحتاجها فى الامتحانات وحكايه انهم مش بيتكلموا عربى دى فالدكاتره كلهم كدا وف الجامعات كلها كدا فى تجاره انجلش وفى دكاتره بتعمد انها من اول محاضره لاخر محاضره منتطقش ولا كلمه عربى عشان اللى مش هيقدر يكمل يحول عربى ويفوا الدفعه بالنسبة للكتب هتبقى كلها جاية من امريكا والمؤلفين كلهم اجانب وعلى الرغم من ان الكتب تقيلة قوى و هتتعبكو وانتو مروحين بيها بس بجد كتب نضيفة واسلوبها جميل بصراحة دى اكتر حاجه بتميزنا عن عربى واحلى حاجه فى تجارة انجلش الكتب كلها من برا كتب نضيفه الكتب بقا مش زى كتب الثانوى لا المؤلف وانت بتقرا تحس انها هو بيفهمك انت حتا لو الدكتور عامل كتاب ومش هتشترى الكتب الامريكن دى فيبقا فكر كتاب الدكتور من الكتب دى فتجاره انجلش لذيذه جدااااااااااااااااااااااااا وربنا معاك وشكرا ياحمد لمعلوماتك دى ربنا يجازيك خير shgawad 26-07-2010, 07:18 PM شوف تجارة شعبة متميزة الاول افضل من انجلش ومن عادي ومن كل حاجة bedo man 28-07-2010, 05:05 AM شكرااا لاستاذ عمرو ع بجد شكرا لانك طمنتنب ويعني ايه تجاره متميزه؟؟؟؟ |