مشاهدة النسخة كاملة : انا دخلت كلية التجارة تعليم مفتوح الزقازيق
Ghareeb-Al7la 22-07-2010, 01:54 AM السلام عليكم
انا دخلت كلية التجارة تعليم مفتوح الزقازيق
عايز اعرف فين مكانها بالظبط عشان اروح اقدم الورق
تاني حاجة الاماكن اللى هاخد فيها محاضرات فين
بليز اللي يعرف يقوولي بسرعه
انا مستني
اخر حاجة
هيا كلية التجارة تعليم مفتوح حلوة؟؟
Ghareeb-Al7la 22-07-2010, 07:26 AM للرفع للاهمية
ahmed1957 22-07-2010, 09:40 AM مبروك يا غريب وكلية التجاره تعليم مفتوح كويسه جدا على فكره وبالنسبه للاماكن اللى بتاخد فيها المحاضرات بتكون هى نفس الاماكن اللى بياخدوا فيها محاضراتهم الانتظام بس انت حتكون فى مواعيد مختلفه عنهم
وخد ده موقع جامعه الزقازيق مركز التعليم المفتوح ممكن يفيدك
http://eng.zu.edu.eg/OpenEducation/Main.aspx (http://eng.zu.edu.eg/OpenEducation/Main.aspx)
Ghareeb-Al7la 23-07-2010, 08:47 AM في ناس بتقول ان مصاريف كلية التجارة تعليم مفتوح وصلت ل 5000
هل الكلام دا صح ؟؟
ahmed1957 23-07-2010, 09:53 AM لا الكلام ده مش صح طبعا المصاريف بتاعة السنه كلها بتكون حوالى 2000 جنيه بس
Ghareeb-Al7la 23-07-2010, 10:27 AM تسلملي يا غالي
طيب هيا تفرق ايه عن كلية تجارة العادية ؟؟
واسف ع الازعاج
ahmed1957 23-07-2010, 02:55 PM الفرق الوحيد ان دى تعتبر خاصه بالفلوس يعنى زى الانتساب بالضبط ولما الانتساب اتلغى دلوقتى بقت التعليم المفتوح مكانه
Ghareeb-Al7la 23-07-2010, 03:16 PM تسلملي والله يا غالي
معليش اخر حاجة
بالنسبه للمقررات
بيقولي الحد الاقصي 6
والادني 3
مش فاهم بالظبط
ممكن توضحلي؟
emma.x92 23-07-2010, 03:18 PM لا بالنسبه للمقررات هما 40 ماده للاربع سنين بتاخد اى عدد مواد تحبه بس اقصى عدد هو 10 فى السنه يعنى 5 فى الترم
ahmed1957 23-07-2010, 04:27 PM بالنسبه لعدد المقرارات بتختلف من كل جامعه عن التانيه يعنى ممكن فى جامعه معينه يكون الحد الاقصى للمواد فى الترم الواحد 8 مواد وفيه جامعات 6 و لحسب انت بتسأل فى الجامعه اللى انت حتدخل فيها
Ghareeb-Al7la 23-07-2010, 04:56 PM شكرا ايما شكرا احمد
بجد منورين الموضوع
اخر حاجة بقي عشان امشي هههههههه
كلية تجارة تعليم مفتوح احسن ولا معهد كفايه انتاجية؟
ahmed1957 23-07-2010, 08:38 PM العفو يا باشا وانا تحت امرك فى اى استفسارات بس بالنسبه لحكايه اى افضل فانت اللى تقرر ده انت طموحك يكون معاك بكالوريوس تجاره يعنى بتحب الرياضه والمحاسبات وكده ولا كفايه انتاجيه شوف انت بتميل لاى تخصص ويبقى هو ده اللى حتنجح فيه وان شاء الله بالتوفيق والنجاح للجميع وانا تحت امرك فى اى استفسارات بخصوص التعليم المفتوح
Ghareeb-Al7la 23-07-2010, 09:15 PM هيا بتبقي قليلة ولا بيبقي فيها ناس كتير ؟
هيا بتقل تركيزا عن الانتظام
يعني بيهتمو بالانتظام اكتر ؟؟
ahmed1957 23-07-2010, 11:13 PM لا طبعا فيها طلاب وطالبات كتير وبالنسبه للاهتمام الدكاتره بتدخل تعطى محاضرات وتشرح زى انتظام بالضبط والمفروض ان احنا بنطبق المحاضرات دى ونذاكرها كويس لان بيكون منها بعض اسئله فى الامتحانات
mostafa elsa3ed 24-07-2010, 03:36 PM ازيكوا ياجماعة انا صحبكو الجديد مصطفي و جالى تجارة مفتوحة الزقازيق وعايز اعرف اية الورق المطلوب وهو في معاد محدد للتقديم
ahmed1957 24-07-2010, 05:26 PM اهلا بيك يا درش والف مبروك على الكليه وبالنجاح ان شاء الله
طلب إلتحاق .
- شهادة المؤهل الدراسى أو إستمارة النجاح .
- شهادة الميلاد أو مستخرج رسمى منها .
- عدد 6 صور شخصية .
- صورة بطاقة الرقم القومى أو جواز السفر بالنسبة للوافدين .
- استماره 2 جند علشان يتأجلك الجيش
دى الاوراق بتاعة التقديم اما بالنسبه للميعاد فتقريبا فى شهر 8 ان شاء الله
Ghareeb-Al7la 26-07-2010, 10:12 AM ايه رايكم احول من
كلية تجارة تعليم مفتوح زقازيق الي
معهد كفاية انتاجية ؟؟
واية احسن بنظركم
الماجيك14 26-07-2010, 11:49 AM يا جماعة التعليم المفتوح
ياجل جيش للدبلومات
ولا لا
فى نا كتير قالولى لا
ارجو الرد
وشكرا
مريم زيدان 26-07-2010, 02:21 PM قولى هما لغوا موضوع الخمس سنين ده السنة دى ولا لسة
و لما اتصلت بهم قالولك تعالى قدم امتى ؟؟
عشان انا اتصلت قالولى تعالى فى نصف شهر 8
الماجيك14 26-07-2010, 06:38 PM محدش رد عليا بياجل ولا لالالالالالالالالالالالا
ahmed1957 26-07-2010, 09:05 PM لا هو بيأجل الجيش للثانويه العامه فقط لكن الدبلومات لا وبردو من الافضل انك تسأل فى الجامعه اللى عاوز تقدم فيها
والتقديم فى نصف شهر 8 وتقريبا موضوع الخمس سنين مستمر عادى حتى اسألى بردو يا مريم فى الجامعه اللى عاوزه تدخلى فيها
Ghareeb-Al7la 27-07-2010, 01:29 AM انا سامع ان اقبال تعليم مفتوح كبير جدا جدا
هل هذا سيؤثر سلبا او ايجابي؟
ahmed1957 27-07-2010, 03:20 PM لا عادى لان لما بيكون عدد الدفعه كبير بيقسموا الطلبه مجاميع
|