ملتقى طلاب تانية ثانوى 2010/2011 [الأرشيف] - بوابة الثانوية العامة المصرية

MoHammed Youssef

22-07-2010, 08:09 PM

السلام عليكم ورحمة الله وبركاته

http://www.nsaayat.com/up/uploads/nsaayat3a0327f19e.gif (http://www.nsaayat.com/up/)

كل سنة وانتوا طيبين يا أحلى أعضاء فى الدنيا وأحلى اصدقاء .... اهلا بكل الناس اللى فى منتدى الثانوية العامة

-----------------------

كل سنة وانتم طيبين

http://i339.photobucket.com/albums/n477/moha4ever/moltqa.jpg (http://www.nsaayat.com/up/)

سنة جدية وبداية مستقبل جديد وحلم جديد ...:049gc0:.. بداية امل وبداية حماس وبداية بداية الحياة فى الدنيا دى :049gc0:

http://www.nsaayat.com/up/uploads/nsaayate754137f40.gif (http://www.nsaayat.com/up/)

طبعا احنا كنا فى أولى ثانوى وطبعا احنا السنة دى عارفين احنا عملنا فيها ايه ( طبعا اللى اجتهد ربنا اداه

واللى سابها على الله وقال سنة وهتعدى ويعنى عدت برضه ) المهم احنا عدينا السنة دى بمرها وحلوها وانا بقول معاكوا اهى سنة وعدت وهتروح زى ما راحت السنين التانية يمكن احنا مكناش متوفقين فيها اوى ومكناش بنذاكر فيها اوى يعنى ( برضه هى مش مقياس ) احنا موضوعنا دلوقتى على السنة الجديدة ( تانية ثانوى ) الخطوة الاولى فى المستقبل مش لازم نفكر فى اللى فات المهم نفكر فى اللى جاى عشان دا الاهم ...............

http://www.nsaayat.com/up/uploads/nsaayate754137f40.gif (http://www.nsaayat.com/up/)

احنا طبعا كنا عاملين ملتقى السنة اللى فاتت والحمد لله استفدنا وافدنا بعض وكله كان تمام وكانت تجربة وعدت

والوقتى جه وقت التحقيق من التجربة دى ( طبعا احنا فى اولى ثانوى اتعرفنا على المواد واخدنا فكره عن كل مادة وعرفنا يعنى ايه ثانوية عامة )))) .....

..................

دلوقتى هنا فى الملتقى الجديد ( ملتقى تانية ثانوى ) هنعمل زى ما عملنا فى اولى ثانوى وهنستفيد ونفيد بعض

هندور على اى حاجة ممكن نفيد بيها بعض ونستفاد منها اى مواضيع اى مذكرات فى المنتدى اى افكار جديدة وطرق المذاكرة والمذكرات الخارجية ..........................

......................

http://www.nsaayat.com/up/uploads/nsaayate754137f40.gif (http://www.nsaayat.com/up/)

تاااااااااااااااااااابع الموضوع

^
^
^
^
^
^

MoHammed Youssef

22-07-2010, 08:15 PM

حوار متميز مع متفوقة المنتدى (http://www.thanwya.com/vb/showthread.php?t=228535) ‏(http://www.thanwya.com/vb/life/misc/multipage.gif 1 (http://www.thanwya.com/vb/showthread.php?t=228535) 2 (http://www.thanwya.com/vb/showthread.php?t=228535&page=2) 3 (http://www.thanwya.com/vb/showthread.php?t=228535&page=3))

موضوع جميل

MoHammed Youssef

22-07-2010, 08:17 PM

الي داخلين تانيه ثانوي عام يدخلوا كده؟؟؟؟؟؟؟؟؟؟؟ (http://www.thanwya.com/vb/showthread.php?t=220024) ‏

شوف الكتب الخارجية واحسنها

MoHammed Youssef

22-07-2010, 08:18 PM

خبــــــــــــــــــــــــــــــــــ سنتين ـــــــــــــرة ثانوية عامة!! (http://www.thanwya.com/vb/showthread.php?t=185069) ‏(http://www.thanwya.com/vb/life/misc/multipage.gif 1 (http://www.thanwya.com/vb/showthread.php?t=185069) 2 (http://www.thanwya.com/vb/showthread.php?t=185069&page=2))
موضوع جميل وفيه افادة كبيرة جدا مع ناس عاشت ايام الثانوية

MoHammed Youssef

22-07-2010, 08:19 PM

عاوز تذاكر بجد وتنجح وتجيب مجموع كبير او تقدير عالى...اقرا ا (http://www.thanwya.com/vb/showthread.php?t=186248) ‏(http://www.thanwya.com/vb/life/misc/multipage.gif 1 (http://www.thanwya.com/vb/showthread.php?t=186248) 2 (http://www.thanwya.com/vb/showthread.php?t=186248&page=2))

موضوع مهم للغاية

MoHammed Youssef

22-07-2010, 08:22 PM

حل لمشكلة الملل من المذاكرة ( خاص لطلاب الثانوية العامة ) (http://www.thanwya.com/vb/showthread.php?t=125160)

MoHammed Youssef

22-07-2010, 08:25 PM

اعرف ازاي تذاكر يا طالب ثانوية عامة (http://www.thanwya.com/vb/showthread.php?t=27328) ‏(http://www.thanwya.com/vb/life/misc/multipage.gif 1 (http://www.thanwya.com/vb/showthread.php?t=27328) 2 (http://www.thanwya.com/vb/showthread.php?t=27328&page=2))

MoHammed Youssef

22-07-2010, 08:34 PM

ياريت يا جماعه كل واحد يسجل اسمه او لقبه هنا لعمل جدول بالاسامى فى الموضوع وتحديد الغرف الصوتية والمواعيد وسيتم وضعه فى جدول فى الموضوع ( بطاقة شخصية :d :d )

الاسم :
اللقب فى المنتدى :
علمى \ ادبى :
المادة الاختيارية :
ملاحظــــات :

ياريت نتفاعل مع الموضوع وان شاء الله كلنا هنستفيد
.....
مع بداية شهر اغسطس ان شاء الله هيكون لكل واحد مهمة داخل الموضوع يعنى اللى عايز يفيد غيره وسيتم كتابة اسمه فى الموضوع ومهمته
.....

MoHammed Youssef

22-07-2010, 08:46 PM

الجدول هيكون زى كده

http://i339.photobucket.com/albums/n477/moha4ever/table.png

MoHammed Youssef

22-07-2010, 08:47 PM

سيتم وضع المذكرات مع بداية شهر اغسطس للاستفادة

smsm.com

23-07-2010, 11:30 AM

جزاكم الله خيرا على المجهود الملحوظ
وفقنا الله واياكم

lolo cat

23-07-2010, 12:30 PM

اللقب لولو
المادةالاختيارية احياء
علمى علوم

محمود المخترع

23-07-2010, 03:51 PM

ههههههههههههههههههه وانا برحب بيكو بس يارب اطلع تانيه على خير هههههههههههههه
ربنا يوفقكم يا جامعه ولو فيه اى حاجه انات تحت امركم
والسلام عليكم

Farawlla

23-07-2010, 09:00 PM

طب لو سمحت انا داخلة تانية

ازاي استفاد بالمذكرات االموجودة وايه منها كويس وايه عادي

وامتي مذاكرات 2011 هتنزل

وشكرا

يارا95

24-07-2010, 09:40 AM

اسمى يارا
لقبى يارا95
اخترت كمياء
الكتب الخارجيه لسه المدرسين ما قلوش عليها

اسماعيل ابراهيم

24-07-2010, 09:59 AM

انا اسمى اسماعيل
ممكن تقولولى سموعه
انا كمان اخترت كيمياء
وربنا يوفقنا يارب

MoHammed Youssef

24-07-2010, 04:56 PM

اللقب لولو
المادةالاختيارية احياء
علمى علوم

اهلا بيكى يا لولو
:022yb4:
التوفيق ان شاء الله

MoHammed Youssef

24-07-2010, 05:01 PM

طب لو سمحت انا داخلة تانية

ازاي استفاد بالمذكرات االموجودة وايه منها كويس وايه عادي

وامتي مذاكرات 2011 هتنزل

وشكرا

اهلا بيكى
طبعال المذكرات بتاعت المنتديات فيه ناس كتيرة وممتازة بتعملها لوجه الله ولافادة الطلاب
وهى ممكن تساعدك فى حاجات كتيرة لو كان عندك طابعه ممكن تطبعى الورق وتذاكرى فيه وهينفعك اوى
......
بالاضافه لكده فيه مواقع كتيرة اوى تعليمية وفيديوهات تعليمية جميلة هنزلها هنا فى الملتقى عشان الكل يستفاد منها .......
وكمان المذاكرات هنزلها فى الموضوع وكل المذكرات القديمة والجديدة هنزلها
وتسجيلات الحصص الصوتية للناس اللى محضرتش الحصة فى الغرفة وكل ده مع بداية اول حصة صوتيه
والمذكرات هنزلها مع بداية شهر اغسطس بإذن الله

والله ولى التوفيق

MoHammed Youssef

24-07-2010, 05:02 PM

اسمى يارا
لقبى يارا95
اخترت كمياء
الكتب الخارجيه لسه المدرسين ما قلوش عليها

اهلا بيكى يا يارا معانا

اانا نزلت المواضيع اللى فيها اختيار احسن الكتب الخارجية
.........
بالتوفيق

MoHammed Youssef

24-07-2010, 05:04 PM

انا اسمى اسماعيل
ممكن تقولولى سموعه
انا كمان اخترت كيمياء
وربنا يوفقنا يارب

اهلا بيك يا سموعة
ربنا وفقنا يا رب
اهلا بيكى معانا فى الملتقى :022yb4:

MoHammed Youssef

24-07-2010, 05:06 PM

ممكن يا جماعه تغيروا صفتكم فى المنتدى ( الصفة اللى تحت الاسم ) الى طالب بالصف الثانى الثانوى
اذهبوا لقسم صوت الاعضاء واعملواا موضوع طلب تغيير الصفة وسيتم الاستجابة ان شاء الله
صوت الأعضاء (http://www.thanwya.com/vb/forumdisplay.php?f=30)

Farawlla

25-07-2010, 04:30 AM

اوك ممكن يا محمد تقول لنا انت ناوي تنظم وقتك

ازاي السنة الجاية وتوفق بين الدروس والمذاكرة كويس؟

MoHammed Youssef

25-07-2010, 12:47 PM

عاشقه الاقصى2

25-07-2010, 09:22 PM

السلام عليكم
جزاكى الله خيرا
يسلموا على الموضوع الروعه
انا اسمى الزهراء
لقبى الزهراء احمد محمد
علمى (كيمياء)ان شاء الله

عاشقه الاقصى2

26-07-2010, 02:21 PM

اهلا بيكى
طبعال المذكرات بتاعت المنتديات فيه ناس كتيرة وممتازة بتعملها لوجه الله ولافادة الطلاب
وهى ممكن تساعدك فى حاجات كتيرة لو كان عندك طابعه ممكن تطبعى الورق وتذاكرى فيه وهينفعك اوى
......
بالاضافه لكده فيه مواقع كتيرة اوى تعليمية وفيديوهات تعليمية جميلة هنزلها هنا فى الملتقى عشان الكل يستفاد منها .......
وكمان المذاكرات هنزلها فى الموضوع وكل المذكرات القديمة والجديدة هنزلها
وتسجيلات الحصص الصوتية للناس اللى محضرتش الحصة فى الغرفة وكل ده مع بداية اول حصة صوتيه
والمذكرات هنزلها مع بداية شهر اغسطس بإذن الله

والله ولى التوفيق

جزاكم الله كل خير:022yb4::022yb4::022yb4::022yb4::022yb4:

عاشقه الاقصى2

27-07-2010, 12:38 AM

يا طلاب الصف الثانى اثانوى
ممكن تساعدونى
المستر شرحلنا لا النافيه للجنس
والكتب الخارجيه مانزلتش
وانا عاوزه اتدرب عليها
قولولى اعمل ايه

مصطفى الشقي

27-07-2010, 09:49 AM

السلام عليكم و رحمة الله و بركاته
شكرا ليك يا محمد على متابعتك لموضوع ملتقى اولى ثانتوي و استكماله لتانية ثانوي
اهلا بكل الأعضاءالمشاركين
طبعا كلنا عارفين ان اللعب كده خلاص خلص و ان شاء الله هيبدأ الجد او ( الطحن ) باسلوب افصح
ربنا يوفقنا في السنين اللي جاية و نجتهد و كل واحد يحقق اللي نفسه فيه
و تقبلوا مروري

مصطفى الشقي

27-07-2010, 09:55 AM

اسف نسيت اقدم نفسي
الاسم : مصطفى فوزي
اللقب : مصطفى الشقي
المادة الاختيارية : كيمياء
و ربنا يسهل

مصطفى الشقي

27-07-2010, 09:57 AM

على فكرة انا سمعت اننا هانروح المدرسة السنادي كمان علشان نسبة الغياب قلت
يا ريت اللي عنده معلومات يفيدنا

MoHammed Youssef

27-07-2010, 10:03 AM

يا طلاب الصف الثانى اثانوى
ممكن تساعدونى
المستر شرحلنا لا النافيه للجنس
والكتب الخارجيه مانزلتش
وانا عاوزه اتدرب عليها
قولولى اعمل ايه

ازيك يا زهراء فى الملتقى معانا
بالنسبة لطلبك فيه مذكرة للاستاذ على العربى اسمها التفوق فى النحو فيها تدريبات حلوة على كل درس لغاية ما تجيبى الكتب الخارجية

المذكرة فى المرفقات

MoHammed Youssef

27-07-2010, 10:04 AM

MoHammed Youssef

27-07-2010, 10:05 AM

على فكرة انا سمعت اننا هانروح المدرسة السنادي كمان علشان نسبة الغياب قلت
يا ريت اللي عنده معلومات يفيدنا

والله الحكاية دى مخوفانى اوى اوى ومضايقانى
انا بسمع كتير الخبر ده بس مش متاكد منه يعنى انه هيشددوا اوى على الغياب ( يلا ربنا معانا وليها حل اكيد )

only one

27-07-2010, 02:33 PM

MoHammed Youssef

27-07-2010, 02:39 PM

السلام عليكم ....اولا برحب بكل الاعضاء اللى كانوا فى ملتقى أولى ثانوى و اللى موجودين دلوقتي وعايزه اشكر محمد اوى عشان استكمالك للموضوع بجد فادنا كتييير جدا فى أولى ......و ان شاء الله نفس الافادة و أكتر باذن الله........
الاسم / دينا
اللقب/only one
المادة الاختيارية/ كيمياء
وربنا معانا

ازيك يا دينا اهلا بيكى معانا مرة تانية
وبالتوفيق لينا وليكى يارب
.....
ان شاء الله الاستفادة السنة دى هتكون اكبر واكبر بإذن الله

Doctor S.E

28-07-2010, 05:56 AM

بسم الله الرحمن الرحيم

اولا....مبرووك على الملتقى الجديد و ان شاء الله يكون فاتحه خير لينا كلنا
و الكل يستفيد و بإذن الله كل واحد يطلع منه محقق الي عايزه

ثانيا ... انا doctor s.e كنت في الملتقى القديم
و بإذن الله داخله علمي علوم .. احياء ;);) و ربنا يستر

ثالثا ..الحضور انا فعلا سمعت عنه و بالرغم من اني في مدرسه خاصه الا انهم شددوا علينا برضو في الحضور
..بس ان شاء الله انا ممكن ابقى اروح اسال كده على نص ثمانيه و اشوف

ثالثا ... طبعا اهم حاجه الجد و الاجتهاد من اول السنه ... و محدش يسمع الكلام الي بيتقال ان الي يشد حيله في الاول بيكسل في الاخر ...لا طبعا ده كل الي في الاول مبني عليه الي في الاخر
ف ان شاء الله كل حد فينا يكون عارف مصلحته كويس ...عشان نعدي منها على خير :d

اسفه على الاطاله .... و السلام عليكم

عاشقه الاقصى2

28-07-2010, 10:16 AM

ازيك يا زهراء فى الملتقى معانا
بالنسبة لطلبك فيه مذكرة للاستاذ على العربى اسمها التفوق فى النحو فيها تدريبات حلوة على كل درس لغاية ما تجيبى الكتب الخارجية

المذكرة فى المرفقات
السلام عليكم
جزاك الله كل خير
والله انا مش عارفه اشكرك ازاى يا محمد

MoHammed Youssef

28-07-2010, 01:28 PM

MoHammed Youssef

28-07-2010, 01:30 PM

السلام عليكم
جزاك الله كل خير
والله انا مش عارفه اشكرك ازاى يا محمد

don't mention that
:022yb4:

احنا فى الملتقى هنا بنفيد بعض

MoHammed Youssef

28-07-2010, 01:42 PM

"التعليم": بث المناهج "إلكترونياً" بداية العام الجديد (http://www.youm7.com/News.asp?NewsID=259384&SecID=65&IssueID=0)

Farawlla

28-07-2010, 07:02 PM

انا اكتر حاجة مسببة مشكلة ليا دلوقتى الدروس عشان كل الدروس داخله فى بعض ومش منظمة فانا اول حاجة هاجرب بقى جدول تجريبى لغاية ما الدراسة تبدأ وابقى انظم الجدول يعنى حاليا ولغاية الدراسة انا الحصة اللى باخدها برجع البيت بذاكرها وبحل الواجب بتاعها وقبليها كمان براجع عليها تانى عشان افتكرها وهكذا بس ده مؤقتا برضه لحد ما الامور تستقر واعمل جدول قابت ومنظم

ايه يا محمد انت بدات دروس ولا ايه:o:o:o

طمنا عالمنهج لو كنت بدات وناوي تعمل ايه في موضوع الحضور

الوزير قام بالواجب وهيخلينا نحضر رسمي فهمني نظمي

:stickjo4::stickjo4:

ربنا عالمفتري:slap1qk6::slap1qk6::slap1qk6:

Doctor S.E

28-07-2010, 07:21 PM

انتو عارفين
انا بدات درس رياضيات بس و الحمد لله الحمد لله مش فاهمه اي حاجه خاااالص :d;)
مش عارفه يمكن عشان المستر الي بدات عنده بدأ من زمان ف شادد عليا اوي
عشان يخليني الحق المجموعه
احنا عموما اخدنا حساب مثلثات و انا حاسه كأن عمري ماشفت حساب مثلثات قبل كده :d
..... يا رب يكون ده الانطباع الاول بس و نظرتي تتغير بعد كده .....
ربنا يستر
شكلها سنه فل :022yb4:

Doctor S.E

28-07-2010, 07:28 PM

"التعليم": بث المناهج "إلكترونياً" بداية العام الجديد (http://www.youm7.com/News.asp?NewsID=259384&SecID=65&IssueID=0)

الله ... المناهج على الانترنت :rolleyes::rolleyes:
الحمد لله
ده الاهالي هتنبسط خاااالص
و احنا الحمد لله هنقعد عالنت هنقعد مفيش مفر :):)
ميرسي يا وزير :078111rg3:

MoHammed Youssef

28-07-2010, 10:23 PM

ايه يا محمد انت بدات دروس ولا ايه:o:o:o

بدات من اول الشهر ( بعد عنك عذاب )

طمنا عالمنهج لو كنت بدات وناوي تعمل ايه في موضوع الحضور

ربنا يستر بقى ونشوف صرفه ياما المنازل

الوزير قام بالواجب وهيخلينا نحضر رسمي فهمني نظمي

:stickjo4::stickjo4:

ربنا عالمفتري:slap1qk6::slap1qk6::slap1qk6:
يارب

..............

MoHammed Youssef

28-07-2010, 10:27 PM

انتو عارفين
انا بدات درس رياضيات بس و الحمد لله الحمد لله مش فاهمه اي حاجه خاااالص :d;)
لييييييييييه كده دى الرياضة حلوة اوى
مش عارفه يمكن عشان المستر الي بدات عنده بدأ من زمان ف شادد عليا اوي
عشان يخليني الحق المجموعه

لا انت تذاكرى الحصة بعد ماتيجى عالطول وتراجعيه كتيير اوى لحد ما تفهمى وتحفظى وتحلى مسائل كتير
ممكن
احنا عموما اخدنا حساب مثلثات و انا حاسه كأن عمري ماشفت حساب مثلثات قبل كده :d

ههههههه لا احنا لسه قربنا نخلص الفصل الاول فى الجبر مش خدنا حساب مثلثات بس ده تافه وسهل واسهل من الجبر

..... يا رب يكون ده الانطباع الاول بس و نظرتي تتغير بعد كده .....
ربنا يستر
شكلها سنه فل :022yb4:
ان شاء الله تكون احلى سنة

Farawlla

28-07-2010, 10:27 PM

يا راجل

دا انت شكلك دحيح

طب نظام مدرسينك ايه في الدروس

amira.m

29-07-2010, 12:58 AM

السلام عليكم ..... بصراحه المنتدى شكله كويس وان شاء الله نستفيد منه .. انا برده رايحه تانيه ثانوى ..ربنا يستر

الاسم/ اميره
اللقب/ amira .m
الماده الاختياريه/ كيميا

Doctor S.E

29-07-2010, 07:37 AM

هو المنهج في الاول بيتكلم عن حل المثلث (( مش القائم طبعا ده كان زمااان :d ))
و بعدين فيه 3 اثباتات اول اتنين حلوين :) و الثالث بقى :o:o بصوا عايزله فرصه عشان يدخل :confused:
انا اخدت حوالي 4 او 5 دروس لحد دلوقتي في يوم واحد :(
و كل اما نمشي في المنهج يرخم :angry2:
انا بقول تاني (( يمكن عشان اخدت كل ده في يوم و ملحقتش اذاكره )) :(
ربنا يستر

MoHammed Youssef

29-07-2010, 03:02 PM

يا راجل

دا انت شكلك دحيح
ههههههههه لا والله مش اوى كده انا متوسط فى كل حاجة

طب نظام مدرسينك ايه في الدروس

تمام الكل بيشرح كويس

Mostafa Walid

30-07-2010, 03:57 PM

ليه انا شوفت الرياضة لاقتها جميل وخصوصا التفاضل والمثلثات اما الجبر الدالة خنيقة شوية
انا بدات الكمياء بس لكن بصراحة حلو اولها

#sooma#

30-07-2010, 05:08 PM

ازيكوا:049gc0:
انا اسماء
اللقب بتاعي سوما او سمسم عادي كله بيطلع في الغسيل:d
انا ريحت دماغي ودخلت ادبي وربنا معانا كلنا
وهبدا دروس يوم السبت بكره يعني
بس بصراحه انتوا طمنتوا الواحد ع المناهج لدرجه اني انا مش عاوزه اخروج اروح الدروس ربنا يستر بجد

ندى22

30-07-2010, 06:08 PM

السلام عليكم ورحمه الله
جميل اوى الموضوع ده واللينكات التحفه بتاعه النصايح والمذاكره وعايزه اكون معاكم فى الغرف الصوتيه ونكون مجموعه كويسه وربنا يوفقنا جميعا
الاسم / ندى نادى احمد
اللقب/ ضى الليل
الماده الاختياريه/ الكيمياء ان شاءالله

Doctor S.E

31-07-2010, 10:23 AM

Doctor S.E

31-07-2010, 10:25 AM

و بعدين لحظه ...
انا عايزه افهم حكايه الغرف الصوتيه دي
يا ريت حد يشرحها بإستفاضه .... اصلي مليش خبره فيها (( اسمع عنها بس ))

MoHammed Youssef

31-07-2010, 03:20 PM

MoHammed Youssef

31-07-2010, 03:27 PM

لا هو المثلثات الحمد لله اتعدل
بس بعد حل تمارين و كده
ربنا يستر بقى على التفاضل انا ماخدتوش بس شكله رخم ... و الله اعلم ...
و الجبر معرفش عنه حاااجه
بس نصييحه ..... الحل ثم الحل ثم الحل ....انا مكنتش فاهمه في المثلثات لحد اما حليت مسائل

و متعدوش درس الا اما تحلوا عليه كفايه ...و الامثله برضو حلوها تاني بس بإديكوا

دي نصيحتي

و ربنا معانا

لا المثلثات مش تقلقى منه حلو خالص ونصه اخدناه فى اولى ثانوى

التفاضل حلو وقصير بس رخم حبتين
والجبر كبير بس لذيذ انا قربت اخلص الفصل الاول
الجبر هو كله عبارة عن داله كل المنهج داله حقيقية ولوغاريتمية وتتحول الى داله المتتابعه بس لذيذ خالص :049gc0::049gc0::049gc0:
.......
اكيد طبعا الحل اهم حاجة والتمارين بالذات بتاعت الكتاب المدرسى :romarioxp6::romarioxp6::romarioxp6:
ميغسى على النصيحة يا دكتور

MoHammed Youssef

31-07-2010, 03:40 PM

و بعدين لحظه ...
انا عايزه افهم حكايه الغرف الصوتيه دي
يا ريت حد يشرحها بإستفاضه .... اصلي مليش خبره فيها (( اسمع عنها بس ))

يووووووووووه دى حكاية كبيرة اوى
احلى حاجة فى المواقع التعليمية الغرف الصوتية دى عبارة عن انك بتاخدى درس بس من بعيد
واساسا هى احلى وارقى من الدروس
....
هى عبارة عن مدرس لكل مادة بيشرحلك وكانه قدامك بس انت مش بتشوفه بس بتشوف الورق بتاعه وهو يشرح بصوته وانت معاه وبالماوس بتاعه ورسومات وحاجات زى كده وانت تكلميه كتابة عادى وكده يعنى
ادخلى قسم الغرف الصوتة وانت تعرفى كل حاجة

الغرف الصوتية (http://www.thanwya.com/vb/forumdisplay.php?f=111)

Doctor S.E

31-07-2010, 03:57 PM

يووووووووووه دى حكاية كبيرة اوى
احلى حاجة فى المواقع التعليمية الغرف الصوتية دى عبارة عن انك بتاخدى درس بس من بعيد
واساسا هى احلى وارقى من الدروس
....
هى عبارة عن مدرس لكل مادة بيشرحلك وكانه قدامك بس انت مش بتشوفه بس بتشوف الورق بتاعه وهو يشرح بصوته وانت معاه وبالماوس بتاعه ورسومات وحاجات زى كده وانت تكلميه كتابة عادى وكده يعنى
ادخلى قسم الغرف الصوتة وانت تعرفى كل حاجة

الغرف الصوتية (http://www.thanwya.com/vb/forumdisplay.php?f=111)

انا دخلت عاللينك بس يعني فهمت شويه حاجات
بس عايزه اسأل
هو ليه علاقه بالايميل و الماسنجر .... و لا بس البرنامج ده و خلاص
و هل بيبقى كذا حد في الغرفه دي و لا ايه

MoHammed Youssef

31-07-2010, 04:23 PM

لا هو برنامج وخلاص والموقع التعليمى وبس ملهوش دعوة بالميل
بيكون فى ناس معاكى فى الغرفة طبعا فى سنك

Doctor S.E

31-07-2010, 04:29 PM

لا هو برنامج وخلاص والموقع التعليمى وبس ملهوش دعوة بالميل
بيكون فى ناس معاكى فى الغرفة طبعا فى سنك

اااااااااااااااه ..
ماشي انا كده فهمت
.شكرا جزيلا على التوضيح
بس بتفهموا منه ...يعني محدش شايف المستر و كده ؟؟؟ :d !!!

مصطفى الشقي

01-08-2010, 10:59 PM

بسم الله الرحمن الرحيم
اهلا بكل الأعضاء الجدد
اخباركم ايه فيالدروس؟؟؟
انا للأسف لسة ما بدأتش حاجة خالص غير حصة تنشيط انجليزي و ان شاء الله بكرة الكيمياء و الرياضة في نص ثمانية و الفرنساوي بكرة و العربي يوم 6 يعني على اخر الأسبوع مش هايكون فاضلليغير الرياضة
بسانتوا قلقتوني من الرياضةشوية
يا ريت حد يطمني
و بعدين ان عايز رد اكيد منكم عن موضوع اننا هانروحالمدرسة ده دي تبقى سنة زفت للأسف
:frown::frown:
:giljotiiniug3::giljotiiniug3::giljotiiniug3:

آية ممدوح

02-08-2010, 03:36 AM

السلام عليكم
انا طالبة داخلة ان شاء الله تانيه ثانوي وكنت عايزة اعرف هي الملخصات بتاعة المواد بتنزل امتى وفين يعني عند المدسين نفسهم ولا ممكن في المكتبات
انا ان شاء الله علمي واخترت كيمياء

only one

02-08-2010, 09:13 PM

بسم الله الرحمن الرحيم

اهلا بكل الأعضاء الجدد
اخباركم ايه فيالدروس؟؟؟
انا للأسف لسة ما بدأتش حاجة خالص غير حصة تنشيط انجليزي و ان شاء الله بكرة الكيمياء و الرياضة في نص ثمانية و الفرنساوي بكرة و العربي يوم 6 يعني على اخر الأسبوع مش هايكون فاضلليغير الرياضة
بسانتوا قلقتوني من الرياضةشوية
يا ريت حد يطمني
و بعدين ان عايز رد اكيد منكم عن موضوع اننا هانروحالمدرسة ده دي تبقى سنة زفت للأسف
:frown::frown:
:giljotiiniug3::giljotiiniug3::giljotiiniug3:

ع فكره الرياضه جامده جدا السنة دى ...الجبر رررخم شويتين بس التفاضل & حساب المثلثات سهل ولذيذ خالص
ازاي مش بدأت دروس خالص كده انا يعتبر بدأت كله ماعدا الchemistry بس.

only one

02-08-2010, 11:18 PM

ممكن حد يكون بدأ chemistry يدينا فكره اصل انا خايفه منها أوووووووووى & خاااااااالص & جدااااااااا

وعايزه اسألكوا فيي سؤال كده !!!!!!!!!!!!

انتوا ع أى أساس بتختاروا mr للmath ؟؟؟؟؟؟؟؟؟

نور_m

02-08-2010, 11:56 PM

انا اسمى نور
ولقبى نور_m
وعلمى
والماده الاختياريه كيميا

the golden flower

03-08-2010, 03:45 PM

ازيكو ياجماعة
معلش انا دخلت متاخر شوية
اتمنى ان انضم للملتقى
اه كنت هنسى اقولكم انا احياء
وفكرة الملتقى دى جميلة جدا

مصطفى الشقي

04-08-2010, 10:33 AM

السلام عليكم و رحمة الله و بركاته
و الله يا دينا انا المفروض اننا على اخر الاسبوع هكون بدأت كله و انا بدأت كيمياء بس حصة واحدة لذيذةكده خلصنا فيها نص الباب الاول بس كلها حفظ
و بعدين ولا الكيمياء و لا اي مادة تخوف ما دمنا ناويين نذاكر

...................................

مدرس math مش علىاساس معين بس بنسأل اللي خدوا معاه قبلنا و عدوا و نعرف اذا كان كويس ولا وحش و هكذا او نكون اخدنا معاه في اولى و عارفين نظامه و طريقته بس يعني
هي العملية كلها تعتمد على الخبرات السابقة من الناساللي قبلنا
و تقبلوامروري
و شكرا على متابعتك يا دينا

مصطفى الشقي

04-08-2010, 10:36 AM

ازيكو ياجماعة
معلش انا دخلت متاخر شوية
اتمنى ان انضم للملتقى
اه كنت هنسى اقولكم انا احياء
وفكرة الملتقى دى جميلة جدا

بسم الله الرحمن الرحيم
اهلا بيكي يا golden flower ولا يهمك
ان شاء الله كلنا هنا مع بعضنا ننفع بعض و نساعد بعض
و ربنا يوفقك

على فكرة انت ما عرفتيناش بنفسك
علشان مش هاينفع نتكلم بالاسم الكودي ده
وتقبلي مروري

MoHammed Youssef

04-08-2010, 01:04 PM

اهلا بكل الاعضاء اللى معانا
..........
و يارب نستفيد من بعض

MoHammed Youssef

04-08-2010, 01:07 PM

اظن ان الكل بدأ دروس وكده كله تمام ان شاء الله
المناهج زى الفل بس عايزة مذاكرة وحل دائم يعنى متخافوش من حاجة ان شاء الله
بس لازم الاجتها فى السنة دى
.............
كل واحد كده يثبت ويبقى تقيل شوية على نفسه وملهوش دعوة بالتاثيرات الخارجية ( يعنى مش يتقيد باى حاجة )
خلاص احنا كده بدانا المرحلة الاولى فى المرحلة المصيرية وهما خطوتين احنا فى الخطوة الاولى وان شاء الله نجتازها بنجاح وتفوق
وان شاء الله هنقدر على الخطوة التانية

MoHammed Youssef

04-08-2010, 01:08 PM

يا جماعه ان شاء الله الملتقى ده هيكون اكبر افادة ليكم من على النت بإذن الله
..........
كفاية بقى منتديات تانية و مواقع نخلينا فى الاقسام التعليمية بتاعتنا

MoHammed Youssef

04-08-2010, 01:31 PM

اول هدايا الملتقى
تفاضل وحساب مثلثات للاستاذ الشنتوى ( مذكرة روووعة )

http://www.mediafire.com/?banr079l87pxggi

Mostafa Walid

04-08-2010, 02:59 PM

ع فكره الرياضه جامده جدا السنة دى ...الجبر رررخم شويتين بس التفاضل & حساب المثلثات سهل ولذيذ خالص
ازاي مش بدأت دروس خالص كده انا يعتبر بدأت كله ماعدا الchemistry بس.
السلام عليكم ورحمة الله وبركاته
انا مصطفى من اسكندرية
وداخل انشاء الله علمى رياضة
والمادة الاختيارية كيمياء
وانا معاك يا اونلى لانى شوفت منهج الرياضة ولقيته حلو وخصوصا التفاضل وحساب المثلثات الجبر الدالة خنيقة شوية
بالنسبة لللكيمياء بصراحة مش كلها حفظ يا مصطفى بردوا لو مفهمتش مش حتعرف تحفظ وده اللى حصل معايا قبل ما اروح لدرس يا اونلى الكيمياء بيتكام الباب الاول عن بنيه الذرة وراى العلما وكده وعلى فكرة سهلة مفيهاش حاجة بس اهم حاجة تفهم بالنسبة لمدرس الرياضة الاحسن تاخد مع مدرس بثق فيه واخدت معاه قبل كده وممكن تسال صحابك اللى جابوا درجات كويسة فى الرياضة على المدرس بتعهم و
شكرا لمحمد على اول مذكرة عقبال الباقيين كلهم وربنا يوفقنا جميعا

MoHammed Youssef

04-08-2010, 04:23 PM

ومعااااااااااااااااااااااااانااا
الباب الاول فى الجبر وبطريقة حلوووووووووووووووووة اوى ولذيذة من غير مدرس الورق هيتكلم معاك وحمل وشوف
مع مستر الرياضة الاول الاستاذ على
الدوال الحقيقية وحمـــــــــــــــــــــل

http://www.mediafire.com/?wc4u6a3vbojclrf

MoHammed Youssef

04-08-2010, 04:26 PM

تعالى نشوف الكيميا اللى بيقولوا عنها شكلها ايه فى مذكرة المعمل للاستاذ محمد غزال
هنشوفها ازاى ؟؟؟؟؟؟؟؟؟
باجمل طريقة واجمل شرح واجمل مسائل امتحانات ثانوية سابقة
مع الباب الاول (بنية الذرة) فى الكيميا والاستاذ محمد غزال ومذكرة المعمل فى الكيمياء للثانوية العامة

http://www.ziddu.com/download/11073081/.pdf.html

وكمااااااااااااان رابط تانى ( عشان احنا ناس كريمة ;) )

http://www.mediafire.com/?bi3hbwj9i3q9czz

dr:esraa

04-08-2010, 04:46 PM

الاسم : اسراء علاء
اللقب فى المنتدى : dr:esraa
علمى \ ادبى : علمى
المادة الاختيارية : كيمسترى

ahmedb20052005

04-08-2010, 04:59 PM

والله الناهج شكله سهل بس اكيد لازم يكون في بعض الافكار وياريت حد يساعدني في معرفة ايه الحفظ/وايه الدراسة بالنسبة للنصوص.....
وجزاكم الله خيرا اخوكم /احمد بركات...

MoHammed Youssef

04-08-2010, 09:53 PM

الاسم : اسراء علاء
اللقب فى المنتدى : Dr:esraa
علمى \ ادبى : علمى
المادة الاختيارية : كيمسترى

اهلا بيكى يا اسراء معانا فى الملتقى
يارب تستفيدى معانا

EMINEM - the teen version

05-08-2010, 10:02 AM

السلام عليكم

أيه يا محمد الشغل الجامد ده "ماشاء الله"

طبعا سلامى و " أعتذارى" لكل الأعضاء الجدد والقدام........بالنسبه للدروس انا بدأت المانى وكيمياء الألمانى لسه مفيش جديد مجرد مراجعه على اولى ثانوى والكيمياء فى نص الباب الأول.

الأسم: محمود

اللقب: Eminem

الماده الأختياريه: كيمياء

lolo cat

05-08-2010, 10:20 AM

انا بدات المانى مراجعة ورياضة تفاضل

MoHammed Youssef

05-08-2010, 03:15 PM

MoHammed Youssef

05-08-2010, 03:16 PM

انا دلوقتى بدات كل الدروس ودخلنا فى المناهج عالطول
وان شاء الله ربنا يوفقنا كلنا

M.a.N.a.R

05-08-2010, 06:40 PM

الاسم : منار محمد
اللقب فى المنتدى : M.a.N.a.R
علمى \ ادبى : علمى
المادة الاختيارية : كيمياء

شكرا على الموضوع الرائع
تقبلوا مرورى

MoHammed Youssef

07-08-2010, 02:24 PM

الاسم : منار محمد
اللقب فى المنتدى : M.a.N.a.R
علمى \ ادبى : علمى
المادة الاختيارية : كيمياء

شكرا على الموضوع الرائع
تقبلوا مرورى

اهلا بيكى معانا

only one

07-08-2010, 02:26 PM

السلام عليكم ورحمة الله وبركاته
انا مصطفى من اسكندرية
وداخل انشاء الله علمى رياضة
والمادة الاختيارية كيمياء
وانا معاك يا اونلى لانى شوفت منهج الرياضة ولقيته حلو وخصوصا التفاضل وحساب المثلثات الجبر الدالة خنيقة شوية
بالنسبة لللكيمياء بصراحة مش كلها حفظ يا مصطفى بردوا لو مفهمتش مش حتعرف تحفظ وده اللى حصل معايا قبل ما اروح لدرس يا اونلى الكيمياء بيتكام الباب الاول عن بنيه الذرة وراى العلما وكده وعلى فكرة سهلة مفيهاش حاجة بس اهم حاجة تفهم بالنسبة لمدرس الرياضة الاحسن تاخد مع مدرس بثق فيه واخدت معاه قبل كده وممكن تسال صحابك اللى جابوا درجات كويسة فى الرياضة على المدرس بتعهم و
شكرا لمحمد على اول مذكرة عقبال الباقيين كلهم وربنا يوفقنا جميعا

شكرا ع متابعتك يا مصطفي وبجد انتوا اجدع اصحاب فى الدنيا
اااه ع فكره انا اسمى دينا :078111rg3:

MoHammed Youssef

07-08-2010, 02:33 PM

الباب الاول فى الكيميا بشرح احلى وابسط مع مستر محمد رمضان واحلى شرح وبطريقة رهيبة

http://www.mediafire.com/?mjbhv9qv19038jb

MoHammed Youssef

07-08-2010, 02:36 PM

توزيع كل عناصر الجدول الدورى بطريقة حلوة ومنظمة شوفوها وقولوا رايكم

http://www.mediafire.com/?y5lx4leus3vsdq4

only one

07-08-2010, 02:37 PM

مدرس math مش علىاساس معين بس بنسأل اللي خدوا معاه قبلنا و عدوا و نعرف اذا كان كويس ولا وحش و هكذا او نكون اخدنا معاه في اولى و عارفين نظامه و طريقته بس يعني
هي العملية كلها تعتمد على الخبرات السابقة من الناساللي قبلنا
و تقبلوامروري

و شكرا على متابعتك يا دينا

شكرا يا مصطفي ع فكره انا بدات chemistry النهارده ولقيتها سهله يعنى

only one

07-08-2010, 02:42 PM

محمد اغير الصفة اللي تحت الا سم ازااااااااااااي؟؟؟؟؟؟؟؟؟؟؟؟؟؟

MoHammed Youssef

07-08-2010, 05:18 PM

لو فى حد عنده مشكلة فى السيرفر اللى انا برفع عليه يقول

Mostafa Walid

08-08-2010, 12:16 AM

شكرا ع متابعتك يا مصطفي وبجد انتوا اجدع اصحاب فى الدنيا
اااه ع فكره انا اسمى دينا :078111rg3:
اهلا بيكى يا دينا وشكلك بتحبى الرياضة زى انا بعشقها هى والفيزياء والكيمياء حلوة وسهلة والله
وبالنسبة لمحمد لا طبعا مفيش مانع mediafire ده سيرفر جميل جدا

salma111000

08-08-2010, 07:38 PM

هو انا لازم اختار مادة واحدة ولا ممكن اكتر من مادة؟

dr:esraa

08-08-2010, 10:07 PM

هى الكيمسترى كام باب ؟؟؟؟؟؟؟؟؟؟؟؟؟؟؟؟

غرام لحب

08-08-2010, 10:39 PM

اسمى مياده واللقب غرام لحب وادبى والماده علم نفس

M.a.N.a.R

08-08-2010, 11:48 PM

هى الكيمسترى كام باب ؟؟؟؟؟؟؟؟؟؟؟؟؟؟؟؟

9 ابواب :(

only one

09-08-2010, 01:37 AM

[quote=mostafawalid;2509693]اهلا بيكى يا دينا وشكلك بتحبى الرياضة زى انا بعشقها هى والفيزياء والكيمياء حلوة وسهلة والله

فعلا أنا بموت في الرياضة بس chemistry مش أد كده ( نص نص )

EMINEM - the teen version

09-08-2010, 02:54 PM

لو فى حد عنده مشكلة فى السيرفر اللى انا برفع عليه يقول
لا مفيش اى مشاكل يا محمد الmedia fire ممتاز تحس انك على سيرفير torrnet ................"مش للدرجه دى بس تحميله كويس من 120kbps ~ 90kbps وأنت طالع"

مصطفى الشقي

10-08-2010, 11:54 AM

بسم الله الرحمن الرحيم
اهلا بكل الأعضاء الجداد معانا
وشكرات يا دينا على متابعتك
وعلى فكرو الكيمستري سهلة اوي انا فاضللي حصة واخلص الباب الأول و لحد دلوقتي سهلة ( و الحمد لله )
و الانجليزي القصة ( spiders ) مشوقة اوي انا خلصت شبتر 1
و العربي طبعاً قصة ( وا اسلاماه ) مشوقة اكتر

والفرنساوي لسة براجع منهج اولى و هابدأ المنهج الحصة اللي جاية
و الرياضة للأسف لسة هابدأ في نص تمانية او بعد كده لأن المدرس عنده مراقبة دور ثاني

بس على العموم المناهج شكلها كويس و ربنا يسهل لنا و نحقق أمانينا

مصطفى الشقي

10-08-2010, 11:59 AM

آه على فكرة نسيت أسألكم
انتوا عاملين ايه في موضوع الكتب الخارجية
لقيتوها ولا برضه زي عندنا ما فيش
و لا ماشيين على مذكرات المدرسين بتوعكم ولا ايه ؟؟؟؟؟!!!!
حسبنا الله ونعم الوكيل

EMINEM - the teen version

10-08-2010, 05:43 PM

آه على فكرة نسيت أسألكم
انتوا عاملين ايه في موضوع الكتب الخارجية
لقيتوها ولا برضه زي عندنا ما فيش
و لا ماشيين على مذكرات المدرسين بتوعكم ولا ايه ؟؟؟؟؟!!!!
حسبنا الله ونعم الوكيل

الألمانى والكيمياء شغال بمذكرات........... والرياضه هتكون بكتاب خارجى لكن الكتب مش موجوده عندنا حاليا

MoHammed Youssef

10-08-2010, 07:41 PM

محمد اغير الصفة اللي تحت الا سم ازااااااااااااي؟؟؟؟؟؟؟؟؟؟؟؟؟؟

روحى لقسم صوت الاعضاء واعملى طلب تغيير الصفة ( موضوع جديد )

MoHammed Youssef

10-08-2010, 07:48 PM

كل سنة وكل اعضاء المنتدى طيبين بمناسيبة شهر رمضان المبارك اعاده الله علينا وعليكم بالخير والمن والبركات والحسنات والمغفرة وحسن التوبة وترك المعاصى والسير فى طريق التفوق

Mostafa Walid

11-08-2010, 05:31 PM

آه على فكرة نسيت أسألكم

انتوا عاملين ايه في موضوع الكتب الخارجية
لقيتوها ولا برضه زي عندنا ما فيش
و لا ماشيين على مذكرات المدرسين بتوعكم ولا ايه ؟؟؟؟؟!!!!

حسبنا الله ونعم الوكيل

بصراحة الكيمياء سهلة وانا خلصت الباب الاول واسلاماه بردوا اول فصل جميل وthe spiders مشوقة جدا بس تحس انها قصة رعب اول شابتر اربعة بيموتوا
بالنسبة للرياضة انا اخدت النهايات وجميلة
بس بصراحة المادة اللى لغيت دلوقتى مش حببها الفرنساوى مش عارف احفظ ولا كلمات ولا اى حاجة ومخنوق منه
وبالنسبة للكتب فاحنا عندنا فى اسكندرية نزل كتاب برافو فرنساوى ب 16 جنيه يعنى سعره القديم بس انا مشترتهوش وانا شغال من مذكرات الاستاذة وعندى كتب قديمة

مصطفى الشقي

12-08-2010, 12:46 PM

بسم الله الرحمن الرحيم
كل سنة و كل اعضاء ملتقانا العزيز بخيرو صحة و سعادة
هل علينا شهر رمضان ... شهر التوبة و الغفران
جعلنا الله و اياكم ممن يعتقوا من النار في هذاالشهر الكريم
و كل عام و انتم بخير

كنت عايز اقول لكم ان عندنا مافيش كتب خارجية نزلت خالص للأسف و احنا شكلنا كده هانعتمد على مذكرات المدرسين

و للأسف شكلنا هانروح المدرسة في ثانية
يعني الوزارة مستقصدانة مستقصدانة
و حسبنا الله و نعم الوكيل

MoHammed Youssef

12-08-2010, 05:17 PM

:av4056bb7jp3::av4056bb7jp3:الجروب دة متتخصص لطلبةا لكيمياء

http://www.facebook.com/topic.php?to...9768412&ref=ts (http://www.facebook.com/topic.php?topic=251&uid=135936659768412#%21/group.php?gid=135936659768412&ref=ts)

شكرا على الجروب ده

بالتوفيق ان شاء الله

MoHammed Youssef

12-08-2010, 05:29 PM

اول هدايا رمضان
واحلى مذكرة مينى دايلوج متخليش مينى دايلوج يفوتك
وخليك بيرفكت مع احلى مستر فى الانجلش
اشرف عزت ومستر وليد

1
http://www.mediafire.com/?427a1nlpvcpx0xc

2
http://www.mediafire.com/?n5rz5s15xbagk3f

SAD HEART.

25-08-2010, 01:01 AM

انا اسمى سلوى
علمى
اخترت كيمياء

MoHammed Youssef

25-08-2010, 09:13 PM

اهلا بيكى يا سلوى معانا فى الملتقى
ان شاء الله عودة قوية بعد العيد فى احلى ملتقى فى المنتدى

fire sword

28-08-2010, 04:11 PM

ممكن تخشو مهانا في الموضوع ده
http://www.thanwya.com/vb/showthread.php?t=220024&page=115

عاشقه الاقصى2

29-08-2010, 09:52 PM

السلام عليكم
كل سنه وانتم طيين
انا كان مستر العربى اعطى للمجموعه بتاعتنا
اسئله صعبه
وماقلش الاجابه
اعمل ايه

EMINEM - the teen version

30-08-2010, 10:37 PM

السلام عليكم
كل سنه وانتم طيين
انا كان مستر العربى اعطى للمجموعه بتاعتنا
اسئله صعبه
وماقلش الاجابه
اعمل ايه

أسئله أزاى يعنى واجب ولا أمتحان ولا أسئله قال لكم هاتوا أجابتها؟

Free Canary

31-08-2010, 12:36 AM

السلام عليكم و رحمة الله و بركاته
ممكن سؤال يا جماعة؟؟؟؟؟؟
في اولى ثانوي كانوا بيقولوا كتاب ميرسي احلى من برافو بس انا كنت بستعمل برافو
و السنة دي انا عندي مرسي و لقيتكم بتقولوا برافو احلى
يعني اجيب برافو و لا ايه؟؟؟؟؟؟؟؟؟؟

عاشقه الاقصى2

31-08-2010, 07:12 PM

أسئله أزاى يعنى واجب ولا أمتحان ولا أسئله قال لكم هاتوا أجابتها؟
اسئله قال المستر هاتوها

Dr.abdo salem

01-09-2010, 06:48 AM

انا عبد الرحمن
علمى كيمياء
وانا من وجهة نظرى فى الفرنساوى كتاب جانيال جميل جدا بصراحة
ويا جماعة اى حد محتاج يسأل عن أسئلة واقفة عليه يسألنى بفضل الله

Free Canary

01-09-2010, 11:59 PM

كتاب جانيال؟؟
اوكي
هحاول اجيبه
انا اصلا بحاول اجيب كل انواع الكتب
علشان اضمن كل المعلومات تكون معايا
و شكرا على المساعدة

د/نداء الجنة المصرية

03-09-2010, 07:19 AM

انا سارة علمى كيمياء وشكرا على الفائدة

مصطفى الشقي

03-09-2010, 03:58 PM

بسم الله الرحمن الرحيم
انا بس حبيت ارحب بكل الأعضاء الجداد اللي زاروا ملتقانا ( من غير اسامي علشان مانساش حد )
و ادعوا الله ان يعود بالفائدة على كل من اشتركفي هذا الملتقى
و ربنا يوفقنا جميعا الى ما يحب و يرضى
و كل عام وانتم بخير

مصطفى الشقي

03-09-2010, 04:01 PM

كتاب جانيال؟؟
اوكي
هحاول اجيبه
انا اصلا بحاول اجيب كل انواع الكتب
علشان اضمن كل المعلومات تكون معايا
و شكرا على المساعدة

انا بس حبيت ارحب بيكي يا princess معانا و أبدي إعجابي بصورة توقيعك الجميلة يا اميرة
و ربنا يوفقك

MoHammed Youssef

03-09-2010, 09:02 PM

كل سنة وكل الاعضاء طيبين
ان شاء الله هنستعد اكتر واكتر للدراسة باذن الله من بعد العيد
نحو طريق التفوق ان شاء الله
.....
يا جماعه سمعت ان
20 % من كل مادة هتتحذف
وكمان سمعت اللى اتحذف من الكيمياء
وحصريا فى ملتقانا قبل اى حد تانى
...........
الباب السابع اتحذف منه الاتزان الايونى
الباب التامن كله
الباب التاسع الاسترات
.............

وان شاء الله سيتم وضع كل ماهو جديد هنا فى الملتقى بإذن الله