انا طالبة فى 2 ثانوى وجبت 96 % ومحتارة بين علمى علوم ولا رياضة انا جبت فى الرياضة 50 والكيمياء 48 بس درجة الكيمياء ديه مش قلة مذاكرة بس حصلى فى اللجنة حاجة مش عارفة ايه والله مشفتش حاجات وكنت عارفها غير انى قدر ربنا انى اروح اللجنة متاخر ومرتبكة طبعا قدر وماشاء فعل وانا كنت بحب الكيمياء جدا بس انا مش عارفة احدد ميولى خايفة ادخل علمى رياضة لانى ناس كتير بتقول انها 5 فروع وصعبة جدا وعلمى علوم تنسيقه بيبقى صعب وكمان السنة الجاية احتمال يبقى عالى لان فيه ناس السنة دى جايبين 99 % وصليت استخارة بس لسه مش عارفة برضه انى مايلة لايه يارييييييييت حد يساعدنى لانى محتارة جدا وزعلانة لانى كان ممكن اجيب درجة اعلى من ديه

بصي انتي في االاول لازم تحمدي ربنا كويس اوي 96% مش وحش خالص ع فكره وانا من رايي تشوفي ميولك لايه مدحكش عليكي انا كنت باخد رياضه 2 و هي بالمنسبه 6 فروع مش خمسه بس تقدري تقولي التكامل ده فرع صغير الفروع هيا
1-جبر
2-هندسه فراغيه
3 -ديناميكا
4-استاتيك
5-تفاضل
6-تكامل
و بصي لا تقارن بالمره برياضه واحد واوعي حد يقلك انها زي رياضه 1 الموضوع مختلف تماما بس بما انك جبتي 50 في الرياضه و ع حد علمي ان الرياضه جت رخمه السنه دي يبقي ادخلي علمي رياضه او تشوفي انتي ميولك ايييه دماغك رياضه ولا احياء

ما دمتى خايفة من الرياضة بلاش
لأن خوفك أفقدك التركيز فى إمتحان الكيمياء
يبقى أنتى من النوع القلوق (من القلق)
من رأيى تكملى علوم
وتشدى حيلك وتركزى
وإن شاء الله تدخلى صيدلة


بالتوفيق

ما دمتى خايفة من الرياضة بلاش
لأن خوفك أفقدك التركيز فى إمتحان الكيمياء
يبقى أنتى من النوع القلوق (من القلق)
من رأيى تكملى علوم
وتشدى حيلك وتركزى
وإن شاء الله تدخلى صيدلة


بالتوفيق
انا شايف راي الأستاذة أم شاهندة صحيح عايز اقول انك من النوع اللي بيحب الصعب فلو دخلتي كدا او كدا هتتفوقي والصراحة انا شايف ان الاحياء افضل لك و السبب انك واضح جدا انك بتحبي الكيماء والاحياء زيها بس تفرق انك بتغيري المعادلات ب الرسومات

ولو دخلتي رياضة هتتفوقي جدا جدا

مممكن تتشاركي معانا في الموضوع الشامل بتاع موضوع التحويل علي الرابط التالي

نصيحة لوجه الله لكل إلي محتار يكمل علمي ولا يحول ##الموضوع الشامل ## (http://www.thanwya.com/vb/showthread.php?t=230967)

المفروض الانسان يكون عنده هدف معين يسعى خلفه و ليس ما يفضله الاخرين له
انا مشيت زى ما اهلى عايزين و دخلت صيدلة عين شمس و هى صعبه جدا و محتاجه مجهود طول الوقت
و كنت حابب الهندسه عشان بموت فى حاجه اسمها رياضه بس فى النهايه لقيت اللى ربنا كتبهولى احسن
و اخرت التعب ده حيكون راحه بعدين فى الشغل و بالتهيألى الصيدله مناسبه تماماً للبنت عن الولد لان البنت صعبه تشتغل شغل المهندسين و لو بتفكرى فى اللقب بس عشان يقولوا المهندسه راحت و المهندسه جت يبقى زى بعضه...............

على فكرة عدد بسيط جدا من االطلبة جايب اعلى من 95% على مستوى الجمهوريه يعنى اغلب المجاميع مش عاليه وعددنادر 99% يعنى مجموعك جميل جدا لو فضلتى علمى علوم وانا شايفه ان الاحياء اسهل بكتير من رياضه2وكل اللى جايب من اول 95%بيكمل السنه دى احياء وربنا يسهل والتنسيق يبقى كويس ولكى حرية الاختيار

طب انا حد يقوللي رأيه ارجوكم تساعدوني انا كنت واخدة احياء في 2 ثانوي وللاسف جبت 94 ومش عارفة هل ممكن ربنا يكرمني من عنده كرم واسع واشد حيلي وانا نفسى ربنا يوفقني وادخل صيدلة

والله شكرا على كلامكوا ريحنى جدا وبدات افكر فى علمى علوم وربنا يسهل لانى بجد خايفة من رياضة2 وفى حاجة تانية مش مريحانى بالنسبة لعلمى علوم ان اختى فى صيدلة وماما مش عايزة كليتين زى بعض بس ماما عمرها مافرضت علينا حاجة سيبانى براحتى بس ماما كان املها انى اخش طب وحلاص الامل راح

الامل مرحش ولا حاجه ايه كلام الناس المتشأمه ده ده كلام بيدل ع الضعف و عدم اصرارك ع تحقيق هدفك وهدفك هو الطب ومجموعك السنه دي حلو اوي و شدي حيلك السنه الجايه و تدخلي طب انشاء الله

المفروض الانسان يكون عنده هدف معين يسعى خلفه و ليس ما يفضله الاخرين له
انا مشيت زى ما اهلى عايزين و دخلت صيدلة عين شمس و هى صعبه جدا و محتاجه مجهود طول الوقت
و كنت حابب الهندسه عشان بموت فى حاجه اسمها رياضه بس فى النهايه لقيت اللى ربنا كتبهولى احسن
و اخرت التعب ده حيكون راحه بعدين فى الشغل و بالتهيألى الصيدله مناسبه تماماً للبنت عن الولد لان البنت صعبه تشتغل شغل المهندسين و لو بتفكرى فى اللقب بس عشان يقولوا المهندسه راحت و المهندسه جت يبقى زى بعضه...............
أحسنت بارك الله فيك ،،
بالفعل ، الهندسة غير ملائمة بالمرة للمرأة ،،
فالصيدلة أو الطب ، مطلوب ومُلائم ،،
فنحتاج لدكتورة نساء وتوليد مثلاً حتى لا تتكشف النساء أمام الرجال ،،
وكذلك دكتورة صيدلانية أيضاً كي لا تتكشف النساء أمام الرجال ،،

و96% مجموع جميل ،،
وتالتة أسهل من تانية ، والأغلب إن الناس بتزيد في تالتة مش بتقل .

والله انا سعيت انى احاول فى علمى رياضة عشان ابقى فى الاضمن بس المدرس اللى كنت هاخد معاه مش هيدى تالتة السنة دى مش عارفة هل ده قدر ربنا عشان احول علوم ولا ايه ومعرفش اى مدرس رياضة يكون قريب منى وفى نفس الوقت خايفة ادخل علمى علوم اروح علاج طبيعى ولا علوم ولا بيطرى