نصيحة لوجه الله لكل إلي محتار يكمل علمي ولا يحول ##الموضوع الشامل ## [الأرشيف]

omar.magdy

23-07-2010, 10:26 AM

بسم الله الرحمن الرحيم
بعد التحية ..... أنا طالب زيكم في ثانية ثانوي(سابقا ) وثالثة مستقبلا .... ممكن أكون مدرك الامور عنك شوية لاني في مجال الثانوية العامة من زمان يعني كنا بنعمل التنسيق بتاع اخواتي وقاريبنا في العيلة كثير فحبيت أخدمك ....

أولا .... أمسك تنسيق سنة الفراغ وأرمي في الزبالة .... ملوش لزمة ولا تبصلوه...
ثانيا خش علي موقع التنسيق بتاع الوزارة هتلاقي تحت الحدود الدنيا بتاعة الكليات والمعاهد بتاعت السنين إلي فاتت
وبص عليها كويس ......

متسمعش كلام حد وتمشي وراه يقولك التنسيق هيقل والكلام الفاضي ده سيبك منه :slap1qk6:
لو عايز تكمل رياضة لازم علي الاقل تكون جايب 91 ( مش هندسة طبعا ولكن عندك حاسبات وتخطيط عمراني وفنون جميلة وتطبيقية )
لوعايز تكمل علوم علي الاقل تكون جايب 96.5 % ( وده مش طب طبعا ممكن صيدلة .... أو علوم وممكن أسنان اقاليم بس متوقعش ) ....

معلش بس اعتقد إلي من 86 % إلي أسقل يحول أدبي أحسنله لان هيخش نفس الكليات من العلمي بس بمجموع أقل زي إعلام وألسن وأثار وأداب وحقوق وتربية .......

المادة الادبية لبتوع علمي

عندك كذا ماده ....
أنا مختار إقتصاد وإحصاء وعارف إن الاحصاء بتيجي صعبة .... ومع ذلك مش هغيرها وهكمل بيها عشان أنا حاببها

عنذك علم نفس ... سهل نسبيا عايز حفظ مع فهم ...

فلسفة لزيزة .... وبسيطة بس أنا مبحبهاش _ يعد يقولك القياس وأرسطو ومبدا مش عارف إيه يا راجل بلا كلام فارغ )
دول احسن ثلاتة ....

علي فكرة إقتصاد مادة جامدة جدا ومفيدة جدا بتتكلم عن المال والاعمال والبنوك و العملات والنقود والبورصات العالمية وهكذا ...
والاحصاء ممكن تفيدك في رياضة 2

مادة المستوي الرفيع

عندك عربي وده عبارة عن 14 درس قراءة فقط لا غير .... مع النحو بتاع السنين إلي فاتت ... يعني كل شهر تخدلك درسين تذاكرهم خلصت وقفلت 10 ... ومبروك عليك

الانجليزي .... ليه كتاب عبارة عن شوية topics .... يعني مقالات صغيرة وفية جرامير طبعا والامتحان بيبقي فيه اختياري وأوجد الخطا وهكذا وفي الاخر موضوع تعبير حوالي 20 أو 25 سطر ...

أحياء .... أوعي .... أرميها في الزبالة حتي لو كنت علمي علوم ماده مستفزة ... والامتحان بيجي صعب جدا ... والمنخج مختلف تماما عن منهج الاحياء بتاع ثالثة تخيل بقا لما تدرس في سنة واحدة منهجين أحياء مختلفين ....

رياضة .... معرفش عنها كتير ممكن تسأل حد غيري ... :078111rg3:

ونصيحة لو عايز تحول من أي حاجة إلي أي حاجه ... روح قبل الدراسة متبدأ .... عشان أول متخش المدرسة تلقي نفسك في فصلك الجديد حسب الشعبة الجديدة مش تستني لحد متخش المدرسة وأنتا هتحول أدبي وتلاقي نفسك قاعد في فصل علمي وبيتشرحلك رياضة 2 أو أحياء وفزياء ...

شوية ملاحظات عن المواد الاساسية

العربي بتاع تلتة .... كبير شوية ... بس لذيذ جدا .... والادب بتاع العصر الحديث يعني أحمد شوقي والمدارس الرومنساية الختلفة زي خليل مطران يعني مفيش بفة عنترة و معرفش مين إبن زياد والحاجات الجميلة ديه ,,, ابشر

رياضة 2 ... عايزة مذاكرة جامدة من الاول ومدرس شاطر وتوسع مخك شوية عشان المسائل فيها عايزة فكر مش قوانين وبتطبأ ..

الاحياء ... زي بتاعة أولي بس علي توسع كبير جدا ... وروسمات بقي بالعبيط ... وانتي أدري مني

الانجلزي ... زي كل سنة القصة لزيزة البطلة إسمها ليلي بتتكلم عن التنقيب عن الاثار بس مش في مصر ولكن في دولة بيرو في أمريكا الجنوبية ... والجرامير عادي زي كل سنة .... بس ركز بقا علي الكلمات الجامدة وسيبك من كلمات الدروس العبيطة أديك شوفت الامتحان بتاعنا كان عامل إزاي ...

لو في أي سؤال أو استفسار أنا في الخدمة موجود أربعة وعشرين ساعة ...
أنا نسيت أقولكم أنا عمر رايح تالتة سنوي زيكم وجبت 96.3 %
وهكمل رياضة ..... مستنيكم
:078111rg3::078111rg3:

محمود محمد رافت ابراهيم

23-07-2010, 10:43 AM

انا محمود جبت فى 2 ثانوى 89 مش عارف احول ادبى ولا اكمل علمى رياضه ياريت حد يقولى وانت ايل الى قل من 86 يحول ونا مش عارف ممكن الرد بسرعه

ArabianPDA

23-07-2010, 10:54 AM

انا محمود جبت فى 2 ثانوى 89 مش عارف احول ادبى ولا اكمل علمى رياضه ياريت حد يقولى وانت ايل الى قل من 86 يحول ونا مش عارف ممكن الرد بسرعه
والله بص
لو تقدر السنه الجايه عغلى بتاع 97 خش رياضه
غير كده ابعد عنها خالص
والدرجات الى كاتب الموضوع حاططها دى افتراضيه
مش شرط ان واحد جاب 96 ميخشش علوم لانه ف تالته ممكن يجيب 99 ويخش طب بشرى
فمش شرط

د.محمد شعبان

23-07-2010, 11:40 AM

بقولك ايه انا جايب زيك بالظبط 96.3% يعنى (197.5 من 205 ) وعاوز اتكلم معاك كتييييييييير ياريت ده ايميلى تكلمنى عليه عشان ناخد راحتنا فى الكلام

د.محمد شعبان

23-07-2010, 11:47 AM

ضيف ياعم الايميل ده ياهو يلا ع السرييييييييع

د.محمد شعبان

23-07-2010, 11:50 AM

اللى حذفت الايميل دى حذفته ع اى اساس ؟؟؟؟؟؟؟؟؟؟؟؟؟

الأستاذة أم شاهندة

23-07-2010, 12:04 PM

اللى حذفت الايميل دى حذفته ع اى اساس ؟؟؟؟؟؟؟؟؟؟؟؟؟

حذفته على أساس إنى مشرفة عامة تعليمية بالموقع
وأعلم أن وضع الإيميلات على العام مخالف لقوانين المنتدى
ممكن حضرتك تتبادل معه الايميل فى رسالة خاصة بينكم لو تحب
وله حرية القبول أو الرفض
ولو تكرر وضع الايميل على العام
سأضطر أسفة لوقف حضرتك لمخالفة قوانين المنتدى
أعتقد كدة عرفت اللى حذفت الايميل حذفته على أى أساس

omar.magdy

23-07-2010, 02:48 PM

يا عم محمدعامل مشاكل ليه ابعته في رسالة خاصة .... ولو عايز أي حاجة تقدر تتكلم هنا في الموضوع
مستني أرائكم

سها نور

23-07-2010, 03:02 PM

علي فكره انا معجبه جدا بموضوعك وبفكرك يا عمر انا طالبه زيكم راحه تالته اسمى سها
وجبت 199 يعني 97.07

omar.magdy

23-07-2010, 03:15 PM

علي فكره انا معجبه جدا بموضوعك وبفكرك يا عمر انا طالبه زيكم راحه تالته اسمى سها
وجبت 199 يعني 97.07
أولا شكرا ...ثانيا مبروك .... ثالثا مجموعك جميل ماشاء الله ... رابعا مفهمتش بفكرك .....
شاكلك كده مكمله علمي علوم .... وإن شاء الله طب أوصيدلة ....
وأنا إن شاء الله هندسة بإذن الله ....

مريمار

23-07-2010, 11:44 PM

بصراحة يا عمر انت خوفتنى لان بنتى جايبة 95 فى المية وهى حتكمل علمى علوم ان شاء الله وبتمنى من الله ان يكرمها بكلية من كليات الطب

OomarO

24-07-2010, 03:13 AM

omar.magdy

24-07-2010, 10:53 AM

بصراحة يا عمر انت خوفتنى لان بنتى جايبة 95 فى المية وهى حتكمل علمى علوم ان شاء الله وبتمنى من الله ان يكرمها بكلية من كليات الطب
مفيش خوف ولا حاجة بإذن الله لو بنت حضرتك عايزة تكمل علوم ... خلاص ديه إراده شخصية ... وإن شاء الله تدخل إلي هيه عايزاه ....

سؤال هو أنا حاطت الدرجات ديه منين ....
... ديه رؤيه للسنة القادمة بمعني
أن الوزير المحترم الدكتور \ أحمد ذكي بدر .... الذي احترمه شخصيا وأقدره ... لن يترك مهزلة الدرجات التي حصلت في الصف الثاني الثانوي تمر بلا مراجعة ...

لو لاحظتوا الدرجات معايا هتلاقوا هناك ناس كتير جايبين 99% وده معناه إن السنة الجاية هيبقي في ناس جايبة 101 % بالمستوي الرفيع وده لن يسمح به الدكتور ذكي بدر ...

أعتقد أن إمتحانات الصف الثاني هذا العام لن تكون شيئا من إمتحانات العام القادم .....
بس لكل مجتهد نصيب وإحنا بنعل إلي علينا والباقي علي ربنا سبحانه وتعالي ....
متخافوش
علي رأي نور الشريف
سلام
:078111rg3:

omar.magdy

24-07-2010, 10:59 AM

السلام عليكم يا عمر انا عمر عبدالوهاب داخل تالته وكنت عايز اكلمك عن تالته شويه مش عارف ابعتلك على الخاص لان انا لازم
اكون 50 مشارمه ياريت تعرض اميلك فى المعلومات او تيعتلى ايميلك على الخاص وموضوعك ممتاز ولاهى وكلام عال
ربنا يوفق الجميع ان شاء الله

أهلا بيك يا عمر ...... هوه الاسم ده طالع موضه ولا إيه كل مشوف فلم يكون البطل إسمه عمر .... ما علينا ....
سيبك من الخاص والكلام الفاضي ده ... يا راجل إحنا كلنا إسرة واحدة لو عايز أي حاجة الموضوع يفتح لك زراعيه وينظر إليك ويقول أقبل وهلم ... ايه الفلم العربي ده .... :)
سيبك المهم ... شكرا ياسيدي علي كل حال ومستنينك معانا .........

omar.magdy

24-07-2010, 11:28 AM

غريبة أمركم ايها الاعضاء just مشاهده فين رأيك ...
شارك معانا ولو بجنيه !!.... أقصدي ولو بكلمه

khawarismy

24-07-2010, 12:43 PM

السلام عليكم ورححمه الله وبركاته

انا محتاج مساعدتكم ضروري جداااااااااااااااا والله علشان انا محتار جداااااااااااااا ومش عارف اعمل ايه انا جبت في تانيه 94.8 ( اربعه وتسعين وثمانيه من عشره ) ومحتار اكمل علمي علوم ولا رياضه

مع العلم اني الرياضه هي الي نزلت مجموعي كده جبت 44 من 50 مع اني كنت مش غلطان كتير للدرجه دي بس خايف من رياضه 2 عشان كل الناس بتقول اصعب من رياضه واحد بكتيرررررر وكمان انا نفسي ادخل صيدله مش هندسه فمش عارف اعمل ايه ياريت تساعدوني ارجوكم وربنا يوفق الجميع

اخوكم احمد

khawarismy

24-07-2010, 12:47 PM

عمر انا عايز اكلمك على الايميل ضروري جدااااااااااااااااااااا والله خلال اليومين دول بس مش عارف ازاي ومعنديش مشاركات كتيره عشان ابعت رساله شخصيه ياريت تكتب ايميلك في اي مكان بس ارجوك ضروري

رزق عاطف

24-07-2010, 01:08 PM

أنا كمان داخل تالتة زيكم وجبت في سنة تانية1 . 99 وهكمل احياء هل ممكن ألحق طب بشري وأنا ان شاء الله السنة الجاية بالمستوي الرفيع ممكن اجيب 205

OomarO

24-07-2010, 03:06 PM

طب لوسحمت يا عمر كلمنى عن الاقتصاد والاحصاء والفيزياء هل هيه كميتها اد الكيمياء وايه اخبار رياضه 2 والمستوى رفيع English
والفنون والعماره

سها نور

24-07-2010, 03:40 PM

أولا شكرا ...ثانيا مبروك .... ثالثا مجموعك جميل ماشاء الله ... رابعا مفهمتش بفكرك .....
شاكلك كده مكمله علمي علوم .... وإن شاء الله طب أوصيدلة ....
وأنا إن شاء الله هندسة بإذن الله ....

ميرسي يا عمر علي ردك ليا والله يبارك فيك وربنا ان شاء الله يوفقنى ويوفقك ويوفقنا جميعا وربنا يسمع من بوققك لانى نفسي ادخل طب بنها بس بشري

omar.magdy

24-07-2010, 04:32 PM

omar.magdy

24-07-2010, 04:38 PM

أنا كمان داخل تالتة زيكم وجبت في سنة تانية1 . 99 وهكمل احياء هل ممكن ألحق طب بشري وأنا ان شاء الله السنة الجاية بالمستوي الرفيع ممكن اجيب 205

إيه الجمال ده يا عم رزق .... والله فرحتلك ..... ياراجل بتسأل هل ممكن ألحق طب بشري ؟
بص بصراحة مجموعك مش قد كده ويخوف ... مش عارف ممكن تلحق أو لا :blush:
مستنيك السنة الجايه لما النتيجة تبان علي الحياة اليوم .... عايزينك أول جمهورية ... بس إبقي إفتكرني ....

omar.magdy

24-07-2010, 04:48 PM

طب لوسحمت يا عمر كلمنى عن الاقتصاد والاحصاء والفيزياء هل هيه كميتها اد الكيمياء وايه اخبار رياضه 2 والمستوى رفيع English
والفنون والعماره

بص يا عم الحج .... إقتصاد وإحصاء .... مادة لزيزة وخفيفة ... الاقتصاد حفطة سهل جدا والاحصاء عبارة عن قوانين وجداول ومنحنيات وهكذا ... بس فيه عقبة وحيده الامتحان :excl: تقولي إزاي ... بص يا سيدي الاقتصاد بيجي زي الفل الاحصاء بتيجي صعبة ... ومع ذلك هكمل بيها ومصر عليها ومش هغيرها ...

الفزياء .... عبارة عن 15 فصل وهيه لزيزة جدا لاحظ 15 فصل مش باب لان الباب الواحد بيتقسم حوالي 3 فصول يعني مثلا أول باب الموجات بيتقسم للصوت والضوء وهكذا .... تقريبا الكمية زي الكمياء أو أكبر شوية

بس أهم حاجة عايزة فهم جامد مش زي الكمياء ...

رياضة 2 عبارة عن 6 فروع
جبر
تفاضل
تكامل
ديناميكا
إستاتيكا
هندسة فراغية

أبشر يا عم الحج بس متخضش يعني منهج كل فرع مش كتير قوي

المستوي الرفيع انجلش بصراحة معرفش عنه كتير ... أصل انا واخد عربي بس بيقولوا سهل .....

مستني ردك

omar.magdy

24-07-2010, 04:54 PM

ميرسي يا عمر علي ردك ليا والله يبارك فيك وربنا ان شاء الله يوفقنى ويوفقك ويوفقنا جميعا وربنا يسمع من بوققك لانى نفسي ادخل طب بنها بس بشري

شكرا ليكي يا د / سها .... نورتي الموضوع ويا رييت نعرف أرائك في المادة الادبية ومادة المستوي الرفيع
وهتبتدوا دروس من إمتي

OomarO

24-07-2010, 06:11 PM

بص يا عم الحج .... إقتصاد وإحصاء .... مادة لزيزة وخفيفة ... الاقتصاد حفطة سهل جدا والاحصاء عبارة عن قوانين وجداول ومنحنيات وهكذا ... بس فيه عقبة وحيده الامتحان :excl: تقولي إزاي ... بص يا سيدي الاقتصاد بيجي زي الفل الاحصاء بتيجي صعبة ... ومع ذلك هكمل بيها ومصر عليها ومش هغيرها ...

الفزياء .... عبارة عن 15 فصل وهيه لزيزة جدا لاحظ 15 فصل مش باب لان الباب الواحد بيتقسم حوالي 3 فصول يعني مثلا أول باب الموجات بيتقسم للصوت والضوء وهكذا .... تقريبا الكمية زي الكمياء أو أكبر شوية

بس أهم حاجة عايزة فهم جامد مش زي الكمياء ...

رياضة 2 عبارة عن 6 فروع
جبر
تفاضل
تكامل
ديناميكا
إستاتيكا
هندسة فراغية

أبشر يا عم الحج بس متخضش يعني منهج كل فرع مش كتير قوي

المستوي الرفيع انجلش بصراحة معرفش عنه كتير ... أصل انا واخد عربي بس بيقولوا سهل .....

مستني ردك

تسلم ايدك يا عمور كده باذن الله الواحد فهم شويه طبعا مش هتراجع عن الاقتصاد والاحصاء وشكل الفيزياء اظرف من الكيمياء ورياضه 2 تفكير وشغل والمستوى الرفيع على حسب موفقين كلنا باذن الله
بقولك انته كنت شايل التلفزيون والكمبيوتر والحاجات المقرفه ديه صح ؟

omar.magdy

24-07-2010, 06:40 PM

لا طبعا مين قالك كده .... أنا كنت كنت كل يوم بتفرج علي التلفزيون ... والكمبيوتر يومي الخميس والجمعة ...
مش لذم تخنق نفسك الكلام ده ما بيجبش نتيجة ... تعرف والله في أيام مكنتش بذاكر فيها لما أكون زهقان ومش عارف أذاكر ...
خليك علي طبعتك وأخرج مع أصحابك وعيش حياتك .. بجانب المذاكرة والدروس .. والمدرسة طبعا ... هتبقي إجباري من السنة الجاية
يارب عنا علي المدرسة

البلانكو الابيض

24-07-2010, 07:29 PM

الف شكر على النصائح دى

OomarO

24-07-2010, 07:55 PM

المشكله انى لما كنت بقعد اتفرج على تليفزيون او كمبيوتر مبعرفش امسك نفسى واوقات يبقى عندى امتحان درس واقول ارفه اعقد
بال7 ساعات المشكله مش فى الترفيه بس الواحد مبيعرفش يمسك نفسه

OomarO

24-07-2010, 07:56 PM

وفى ناس بتقول ان احسن ترفيه خروج او تغير جو فى حته لاكن التلفزيون والكمبيوتر مش بيخرج بره مود المذاكره

منتوو

24-07-2010, 08:06 PM

الموضوع مفيد جدّاً

شكراً جزيلاً

ربّنا يوفقكم يا رب

shoshooooo

25-07-2010, 12:16 AM

بجد ربنا يكرمك على الى كتبته بالنسبة للى جايبة 93 وعايزة اكمل رياضة وادخل هندسة هلحق؟

محمود محمد رافت ابراهيم

25-07-2010, 10:47 AM

يعنى انا دلواتى لازم اخش رياضه معا انى محبش الرياضه اوى ومبكرهاش بس انا جايب فيها46 ومش عارف اكمل ولا لآ بالدرجه دى انا جايب 89 % اقدر اكمل رياضه ياريت الرد بسرعه

omar.magdy

25-07-2010, 02:56 PM

المشكله انى لما كنت بقعد اتفرج على تليفزيون او كمبيوتر مبعرفش امسك نفسى واوقات يبقى عندى امتحان درس واقول ارفه اعقد
بال7 ساعات المشكله مش فى الترفيه بس الواحد مبيعرفش يمسك نفسه

ظبط نفسك .... بدل 7 ساعات خليهم 3 وبعين الكومبو يومي الخميس والجمعة فقط مش في وسط الاسبوع ... ولا بأس بقليل من التلفزيون يوميا ... ونام بدري المذاكرة بليل ملهاش لازمة المذاكرة الصبح بدري أحسن بكتير ...

omar.magdy

25-07-2010, 02:58 PM

بجد ربنا يكرمك على الى كتبته بالنسبة للى جايبة 93 وعايزة اكمل رياضة وادخل هندسة هلحق؟
هتلحقي بإذن الله شد حيلك......

Eng..LiNa

25-07-2010, 03:00 PM

شكرا عالنصايح الجميلة دي
جزاك الله خيرا

omar.magdy

25-07-2010, 03:03 PM

يعنى انا دلواتى لازم اخش رياضه معا انى محبش الرياضه اوى ومبكرهاش بس انا جايب فيها46 ومش عارف اكمل ولا لآ بالدرجه دى انا جايب 89 % اقدر اكمل رياضه ياريت الرد بسرعه
بصراحة علمي علوم مش هتنفعك .... فخليك رياضة أحسن حتي لو مبتحبش الرياضة ممكن تلحق حاسبات ومعلومان أو فنون تطبيقية ... بس إمتحن القدرات ...

علي فكرة لو حولت أدبي مش عيب ... هناك مجموعك هيكون كويس جدا ده لو أنت حابب إعلام أو ألسن
وشوف إنتا عايز ايه وربنا إن شاء الله هيكرمك ...

داندن

25-07-2010, 03:04 PM

شكرا لموضوعك الرائع ده
ربنا معاك ومعانا كلنا

omar.magdy

25-07-2010, 03:10 PM

شكرا ليكم إنتم ... أنتم من تصنعون الحدث ... ونحن مجرد أدوات مساعدة
شكرا ليكم

سندريلا الصعيد

25-07-2010, 03:23 PM

شكرا جزيلا لموضوعك الفوق رائع
وربنا يوفقكم كلكم يارب
ادعولي ربنا يهديني للي فيه الخير

omar.magdy

25-07-2010, 03:30 PM

شكرا جزيلا لموضوعك الفوق رائع
وربنا يوفقكم كلكم يارب
ادعولي ربنا يهديني للي فيه الخير
مادام هناك سندريلا الصعيد .... إذا نحن منتظرين خط القاهرة أن يزور موضوعنا الجميل ده
شكرا ليكي ....

omar.magdy

25-07-2010, 03:38 PM

:039uw8:
لا أعرف ... أشعر أن الموضوع تحول لمجرد كلمات رقيقة أمثال شكرا وموضوع رائع وهذا لا يرضيني :excl:
فأنا بطبيعتي أحب النقد والنقاش من الجميع ...
نحن جميعا طلاب سواء مازالنا في المدرسة أو إنتقلنا إلي الجامعة .... لا تخجل من كونك مازلت طالب فهذه أجمل ايام ستمر بك ....
بصراحة مش عارف كتبت الكلمتين دول ليه
يمكن بفكر بصوت عالى
يا تري إيه طبيعة هذا الصوت
الصوت في الفصل الاول من منهج الفزياء عبارة عن موجات !!!! ما هذا الهراء ؟
أعتقد يجب أن أصمت الان قبل أن تفروا من هذا الموضوع
سلام

مصطفي بحيري

25-07-2010, 09:32 PM

انا جايب 88% ومش عارف اكمل علمى ولاادبى

مصطفي بحيري

25-07-2010, 09:37 PM

انا جايب 88% ومش عارف اكمل علمى ولاادبى

سمر س

25-07-2010, 09:39 PM

مصطفي بحيري

25-07-2010, 09:55 PM

انا جايب 88% ومش عارف اكمل علمى ولاادبى

*يارب نور دربي*

25-07-2010, 09:56 PM

السلام عليكم ورحمة الله وبركاته

مع احترامي لحضرتك وكدا

انا شايفه ان حضرتك بتفرض رأيك او حاجه زي كدا

ممكن الكلام ال انت بتقوله ده يكون ماشي معاك انت بس

ومش ماشي مع ناس تانيه

وبعدين انا مش شايفه ان الثانوي كله ع بعضه كدا مقياس لمستوي الطلبة لان السنادي عندنا ف المدرسه لجان الولاد كلها كانت فيها غش وكلام مع بعض وعبط وحاجات كدا وناس مكنش ليهم انهم يجيبو فوق 90% وجابو ( نصيب)

وغير الظلم ال بيكون ف التصحيح يعني الثانوي بالنسبالي ملهوش لزمه ومفيش عدل فيه ومبيقسش مستوي الطلبة
وغير كدا منهج ثانيه ثانوي مكنش منهج كله كلام فارغ وسهل يعني يعني ال جاب 99 وما فوق اوك الف مبروك وكويس وربنا يوفقك بس انا شايفه ان المنهج كان سهل جدا مش منهج ده اساسا

انا بقول ان الثانوي مش مقياس لان ف ناس دخلت هندسه وكانت جايبه مجاميع كويسه جدا ف الثانوي وكانو ممتازين وكلهم شالو اعدادي هندسه تاني
طيب لما هم ممتازين ف الثانوي سئطو ليه ف اعدادي هندسه مع انهم كمان كانو بياخدو دروس ف الكلية

وواحده دخلت هندسه بالغش وكانت حريفة غش زي مبيتئالي كل طرق الغش كانت بتستخدمها وسئطت ف اعدادي وعادت السنه ودلوئتي بتعدي السنه بالعافيه وبتاخد دروس بردو

يعني الثانوي مش مقياس

اسفه لتطويلي

وربنا يوفق الكل وكل واحد يدخل ال حابه ويحقق ذاته ف الحاجه ال بيحبها وال ربنا كتبهاله

mo7mag

25-07-2010, 10:51 PM

انا جايب 87% وحكمل رياضه ان شاء الله

mo7mag

25-07-2010, 10:52 PM

متفق في الرأي مع (يارب نور دربي)

saifm29

25-07-2010, 11:46 PM

مرحبا بك يا عمر بك انا اسمى محمود من الفيوم انا كنت فى الصف الثانى الثانوى وكنت على ارادة كاملة اننى لا اقل عن 95 % على الاقل ولكن ولدى توفى قبل الامتحان بشهر وتعب فترة وانا كنت من المقربيين من ولدى جدا ولم استطيع تركه فى المستشفى فى القاهرة حتى توفى المهم حصلت على 80% انا مشعارف اعمل ايه ادبى علمى علوم ام رياضة مع العلم ان المذاكرة من اول السنة الى اخر السنة بدون انقطاع ولا خروج ارجو الرد والمساعدة بخبرتك السابقة
مدرسى يقترح على علمى علوم تتكون من احياء فيزياء علم نفس ما رايك ؟

omar.magdy

26-07-2010, 09:42 AM

انا جايب 88% ومش عارف اكمل علمى ولاادبى
بص يا سيدي لو عايز تكمل علمي رياضة برحتك ولو عايز تحول أدبي برده برحتك شوف إنتا ميولك ايه وعايز ايه . وربنا إن شاء الله هيكرمك ...

omar.magdy

26-07-2010, 09:45 AM

شكرا للموضوع
انا جايبة 89 وتعبت قبل امتحان الكيمياء فجبت 35ضيعت مجموعى وانا كان ومازال نفسى ادخل اعلام بس انا ما بحبش المواد الادبية اكمل رياضة انا بحبها بس خايفة من الفيزياء مع رياضة 2
أولا قدر الله وماشاء فعل ... إنتي ممكن تكملي رياضة وتلحقي حاسبات ومعلومات بإذن الله بس لو إنتي عايزة إعلام يبقي أدبي هيبقي أحسن .... وشوفي إنتي عايزة ايه

omar.magdy

26-07-2010, 10:12 AM

السلام عليكم ورحمة الله وبركاته

مع احترامي لحضرتك وكدا

انا شايفه ان حضرتك بتفرض رأيك او حاجه زي كدا
أولا مفيش داعي لحضرتك كلنا طلاب زي بعض .... ثانيا ... انا مش عارف يعني إيه بفرض رأي إحنا بنتناقش في موضوع معين وللكل حق المشاركة وإذا كان هذا النقاش لا يلقي قبولا من أي عضو فيمكنه وبكل بساطة إهمال الموضوع كأن لم يكن ... :blush:

ممكن الكلام ال انت بتقوله ده يكون ماشي معاك انت بس

ومش ماشي مع ناس تانيه
ربما كلامك صحيح لان الناس مش زي بعضها

وبعدين انا مش شايفه ان الثانوي كله ع بعضه كدا مقياس لمستوي الطلبة لان السنادي عندنا ف المدرسه لجان الولاد كلها كانت فيها غش وكلام مع بعض وعبط وحاجات كدا وناس مكنش ليهم انهم يجيبو فوق 90% وجابو ( نصيب)
إلي أنا أعرفه إن ديه بتبقي حاجات فرديه في مدارس معينة علي مستوي الجمهورية ومينفعش نشكك في جاميع الطلبة لمجرد أن في مدرسة ما كان هناك حالان غش ... ولا ايه ؟

وغير الظلم ال بيكون ف التصحيح يعني الثانوي بالنسبالي ملهوش لزمه ومفيش عدل فيه ومبيقسش مستوي الطلبة
اكيد ممكن في طلبة بتتظلم في التصحيح ... محدش قال غير كده ... بس مينفعش نعممها علي الجميع
وغير كدا منهج ثانيه ثانوي مكنش منهج كله كلام فارغ وسهل يعني يعني ال جاب 99 وما فوق اوك الف مبروك وكويس وربنا يوفقك بس انا شايفه ان المنهج كان سهل جدا مش منهج ده اساسا
أعتقد ده رأيك الخاص ... :excl: بس أحب أقول تعليق ... عندما تتدرسين ادب العصور القديمة والشعراء العظام .... طبيعة المواد الكميائية والتفعالات بينها وطريقة تواجدها ... حل المشكلات الرياضية ...
الخروج من التعليم وأنت متعرف علي ثلاث لغات العربية بدرجة ممتاز والانجليزية بدرجة جيد والفرنسية تعتبر معرفة عامة وتحتاج مزيد من القورصات الخارجية ... أعتقد ان ذلك لا يوجد في كثير من البلاد الاوروبية التي لا تدرس سوي لغة بلادها مثل فرنسا ...

بصراحة مش عارف لو ده كلام فارغ ممكن ندرس ايه تاني عشان يبقي المنهج كويس .. :excl:

انا بقول ان الثانوي مش مقياس لان ف ناس دخلت هندسه وكانت جايبه مجاميع كويسه جدا ف الثانوي وكانو ممتازين وكلهم شالو اعدادي هندسه تاني
طيب لما هم ممتازين ف الثانوي سئطو ليه ف اعدادي هندسه مع انهم كمان كانو بياخدو دروس ف الكلية
ديه نوعية من الناس لم تستطع التأقلم مع الحياة الجامعية وكانوا مازالوا في جو الثانوية العامة بدليل الدروس إلي كانوا بيخدوها ...

وواحده دخلت هندسه بالغش وكانت حريفة غش زي مبيتئالي كل طرق الغش كانت بتستخدمها وسئطت ف اعدادي وعادت السنه ودلوئتي بتعدي السنه بالعافيه وبتاخد دروس بردو
لا تعليق
يعني الثانوي مش مقياس
مش عارف مبحبش الكلمة ديه ليه ... لان مناهجنا زي المناهج الاوروبية الاختلاف الوحيد والاكبر في طرق التدريس العقيمة وسوف أوضح في مقال خاص طرق التدريس العالمية

اسفه لتطويلي

وربنا يوفق الكل وكل واحد يدخل ال حابه ويحقق ذاته ف الحاجه ال بيحبها وال ربنا كتبهاله
شكرا ليكي ... وأتمنالك التوفيق في حياتك الثانوية والجامعية
:av4056bb7jp3:

بسمة123

26-07-2010, 10:55 AM

الندى عبده

26-07-2010, 12:13 PM

اعتقد ان افضل الاقسام هو علمى علوم حتى للمجموع القليل فلا انصح احد بالتحويل إلى المجموعة الادبية لان المواد الادبى مش سهله زى ما الكل فاكر
لو مجموعك فى علمى رياضه ممكن يدخلك هندسه كمل ولو مش كده علمى علوم افضل فى كل شئ

عمرو ع

26-07-2010, 01:34 PM

موضوعك حلو يا عمر
بس ف كلام مش عاجبنى هههههههه
مالك ومال الفلسفه بقا؟؟ انا جبت فيها 50
انا اكبر منكم ع فكره
فى تجاره انجلش

عمرو ع

26-07-2010, 01:36 PM

السلام عليكم
بصوا بقى
انا ادبى اولا يعنى
وكل درجاتى تعتبر نهائية
بس انا ضيعت ف الرياضة
معرفش ازااى
انا كنت دايما بذاكرها
وكانت اسهل حاجة بالنيبة ليا
دلوقتى بقى انا جبت 88.53%
وانا عايزة التحق بكلية الاعلام
تفتكروا هينفع
ولا بلاش ابنى قصور فى الهوا
واحلم وخلاص
انا عايزة حد يرد عليا
ويا ترى اية توقعات بالنسبة لتنسيق السنة الجاية

كملى ان شاء الله تلحقى
وتالته يا جماعة اسهل من تانيه بكتير:022yb4::022yb4:
كملى وربنا معاكى ان شاء الله وتلحقى
والتنسيق السنه الجايه لا يختلف كثيرا عن تنسيق السنه دى
لان كلكوا ضيعتوا فى الامتحانات تانيه وتالته
وال

love ur life

26-07-2010, 06:19 PM

موووووووووووووووووووووضوع جامد .................. طيب انا جبت 83.4% ممكن األحق ألسن و لا لا ارجو الرد تحياتي

ALLALL

26-07-2010, 10:07 PM

السلام عليكم ورحمة الله وبركاته
انا فى 2 ثانوى وجبت 93 فى المية يعنى 190.5 والله المدرسين كانوا متوقعين مقلش عن 95 بص فى الاول والاخر ده نصيب وانا لحد النهاردة زعلانة اووووى وكان نفسى ادخل صيدلة بس ممكن حلمى يتحقق بالمذاكرة والاجتهاد والتوكل على الله مممكن اجيب مجموع عالى وادخل صيدلة
ممكن ادخل علوم قسم تحاليل انا كنت هحول علمى ريلضة بس رجعت فى كلامى وصليت استخارة
نحمد ربنا على كل خير
كان نفسى اعرف كلية العلوم بتاخد كام من علمى علوم وبتاخد كام من علمىرياضة
يلا شاركونى فى الراى وجابوا على سوالى
وكنت عايزة اعرف اعلى مجموع لكلية الصيدلة واقل مجموع
يا ريت الرد فورا

ساره121292

26-07-2010, 10:19 PM

ALLALL

26-07-2010, 10:38 PM

لوعايز تكمل علوم علي الاقل تكون جايب 96.5 % ( وده مش طب طبعا ممكن صيدلة .... أو علوم وممكن أسنان اقاليم بس متوقعش ) ....
مع كامل احترامى انت بتتكلم ع اساس ايه انت مجرد طالب زينا ومتقدرش تحكم ع حاجه محدش يعرف هتكون ازاى انا جايبه 96 وان شاء الله هجيب مجموع الطب والسنه الجايه افكرك مش غرور ولا حاجه بس كله زى بعضه واللى يزاكر اكتر يجيب درجات اكتر
وانت بتقولك رايك وبس فبلاش اسلوب انك بتكلم ع اساس ان دى حقيقه مؤكده لاشك فيها
شكرا على ردك بس عايزاعرف اجابات الاسئلة الى عرضاها يعنى قصدك احول ولا ايه

منتوو

26-07-2010, 11:29 PM

اسلام جابر عباس

26-07-2010, 11:31 PM

معلش بس اعتقد إلي من 86 % إلي أسقل يحول أدبي أحسنله لان هيخش نفس الكليات من العلمي بس بمجموع أقل زي إعلام
الكلام ده مش صحيح
كمل علمي لانه في كليات زي التربية فيها اقسام مثلا زي رياضة لزم تكون علمي رياضة
واقسام زي احياء تكون علمي علوم
بس لو عايز تدخل كليات بتدرس لغة زي انجلش وفرنساوي حول ادبي واهتم با الغات في الثانوية هات درجات كتير فيها لانه علي اساس درجتك دي في مادة الفرنساوي او الانجلش او العربي بتدخل القسم ده في الكلية اللي هتدخلها ان شاء الله سواء اداب او تربية والله الموفق

ALLALL

27-07-2010, 02:15 AM

khawarismy

27-07-2010, 08:43 AM

http://www.thanwya.com/vb/images/icons/icon1.gif
السلام عليكم ورحمة الله وبركاته
انا فى 2 ثانوى وجبت 93 فى المية يعنى 190.5 والله المدرسين كانوا متوقعين مقلش عن 95 بص فى الاول والاخر ده نصيب وانا لحد النهاردة زعلانة اووووى وكان نفسى ادخل صيدلة بس ممكن حلمى يتحقق بالمذاكرة والاجتهاد والتوكل على الله مممكن اجيب مجموع عالى وادخل صيدلة
ممكن ادخل علوم قسم تحاليل انا كنت هحول علمى ريلضة بس رجعت فى كلامى وصليت استخارة
نحمد ربنا على كل خير
كان نفسى اعرف كلية العلوم بتاخد كام من علمى علوم وبتاخد كام من علمىرياضة
يلا شاركونى فى الراى وجابوا على سوالى
وكنت عايزة اعرف اعلى مجموع لكلية الصيدلة واقل مجموع
يا ريت الرد فورا

انتي مجموعك حلو ولو كملتي علمي علوم وشديتي على نفسك شويه اكيد هتجيبي مجموع صيدله لانها اعلى مجموع خدته السنين الي فاتت كلها وده كان لاول مره ومحصلش تاني غير المره دي بس 399 يعني 97.3 وباقي السنين خدت من 397 و395 و 393 بس مقلتش عن كده غير السنادي وان شاء الله السنه الجايه مش هترفع اوي ل 399 يعني ممكن تكون ف المتوسط وبكده تقدري تجيبي المجموع عادي واعملي الي عليكي والباقي على ربنا

omar.magdy

27-07-2010, 09:04 AM

موضوعك حلو يا عمر
بس ف كلام مش عاجبنى هههههههه
مالك ومال الفلسفه بقا؟؟ انا جبت فيها 50
انا اكبر منكم ع فكره
فى تجاره انجلش
أنا كل إلي قلته إني مبحبهاش عادي يعني .... ده رأي شخصي

د.محمد شعبان

27-07-2010, 09:06 AM

ياعم عمر انا مش عارف اكتب ايميلى عشان قال ايه ( قوانين المنتدى ) ومش عارف ابعته لان معدتش حتى 10 مشاركات ابعتلى انت ايميلك فى رسالة خاصة بسرعـــــــــــــــــــــــــــــــــــــة

omar.magdy

27-07-2010, 09:16 AM

لوعايز تكمل علوم علي الاقل تكون جايب 96.5 % ( وده مش طب طبعا ممكن صيدلة .... أو علوم وممكن أسنان اقاليم بس متوقعش ) ....
مع كامل احترامى انت بتتكلم ع اساس ايه انت مجرد طالب زينا ومتقدرش تحكم ع حاجه محدش يعرف هتكون ازاى انا جايبه 96 وان شاء الله هجيب مجموع الطب والسنه الجايه افكرك مش غرور ولا حاجه بس كله زى بعضه واللى يزاكر اكتر يجيب درجات اكتر
وانت بتقولك رايك وبس فبلاش اسلوب انك بتكلم ع اساس ان دى حقيقه مؤكده لاشك فيها
علي العموم شكرا ليكي إنك أخدت من وقتك بضع دقائق لقراءة الموضوع ... وزي ما قولتي أنا مجرد طالب زيكم ومقدرش أحكم علي حاجه محدش يعرفها ... إن شاء الله تخشي طب زي ما انتي عايزة ..
وشكرا علي النصيحة
:078111rg3:

omar.magdy

27-07-2010, 09:26 AM

بسم الله
علمونا في المدراس إن إحنا في بلد ديمقراطية .... وعملا بهذا المبدأ .... رأيت أن بعض منكم يري أن هذا الموضوع مجرد غزعبلات لا تمت للواقع بصلة وانني مجرد شخص يفرض رأيه علي الاخرين ......
وعلي هذا الاساس لقد قررت أن أتنحي جانبا عن الموضوع
علي أن يتولاه أحد الاعضاء في المنتدي
لن أفصح عن اسمه الان ولكن ستجدونه قريبا يتولي هذا الموضوع
شكرا ليكم وقضيت أوقات سعيدة معكم ..
إلي لقاء قريب
سلام

رحاب احمد)سيد

27-07-2010, 11:58 AM

انا جايبة 96,3 ومش عارفة اكمل علوم ولا رياضة رد علي بسرعة

ALLALL

27-07-2010, 12:05 PM

مجموعك جميل ماشاء الله كملى

ALLALL

27-07-2010, 12:30 PM

انتي مجموعك حلو ولو كملتي علمي علوم وشديتي على نفسك شويه اكيد هتجيبي مجموع صيدله لانها اعلى مجموع خدته السنين الي فاتت كلها وده كان لاول مره ومحصلش تاني غير المره دي بس 399 يعني 97.3 وباقي السنين خدت من 397 و395 و 393 بس مقلتش عن كده غير السنادي وان شاء الله السنه الجايه مش هترفع اوي ل 399 يعني ممكن تكون ف المتوسط وبكده تقدري تجيبي المجموع عادي واعملي الي عليكي والباقي على ربنا

جزاك الله كل خير والله رفعت روحى المعنوية
ربنا يوفقك ويوفقنا

شروق فتحى

27-07-2010, 12:36 PM

موضوع هايل جداااااااااا شكرااااا

sent

27-07-2010, 02:49 PM

أنا جبت 96.5 .............ممكن الحق طب بشري ولا لأ ؟ شكرا

aliaa_lolla

27-07-2010, 10:59 PM

انا عاوزه اعرف ممكن التحويل من علمي لادبي ولا اتلغي

asma mohamed

28-07-2010, 02:13 AM

ايه يا جماعه يعنى كل اللى بيدخل على النت جايب فوق التسعين
طب بتقوله ليه الامتحانات جات صعبه وكلام ده
ده هزار بجد
الكلام د بعيد عن الموضوع بس انا واحده اضيقت يعنى انا بقى فاشله على كده انا جبت 80
ومفيش حد من اللى اعرفهم جابو فوق التسعين الا اتنين هو فى ايه ده احتمال يكون كله كدب فى كدب

قرانى هو دستورى

28-07-2010, 04:08 AM

مع كامل احترامى وتقديرى لكل الردود لكن عايزة انبه لحاجة بسيطة جدا لكن خطيرة اوى .وهى ان فى ناس كتير جدا بتجيب فى تانية 98 و97 ويتغروا بمجموعهم ويجيبوا فى تالتة 94 واقل .وفى ناس على النقيض تماما يعنى والهى العظيم اختى جابت فى تانية 94,6 وكملت علوم وجابت فى تالتة بس 98,5 وجمعت كلة على بعضة وبالمستوى بقى 97,8 يعنى 98 وكان ليها طب بس دخلت صيدلة كل دة عشان حسيت بالخطر واجتهدت واخلصت فى مذاكرتها فربنا كافاها فى النهاية .فانا بقول لاصحاب المجاميع الصيرة لسة فى سنة تالتة وان اللة لا يضيع اجر من احسن عملا .وبقول لاصحاب المجاميع العليا اوعوا تتغروا بمجمعكم عشان متتصدموش فى تالتة .

منة الله بلات

28-07-2010, 06:30 AM

معلش يا عمر انا ما فهمتش الجزء بتاع كليات الادبى اقل فى موضوعك
ممكن تفسير اكثر
انا رايحة تالتة ان شاء الله

بسمة123

28-07-2010, 11:53 AM

كملى ان شاء الله تلحقى
وتالته يا جماعة اسهل من تانيه بكتير:022yb4::022yb4:
كملى وربنا معاكى ان شاء الله وتلحقى
والتنسيق السنه الجايه لا يختلف كثيرا عن تنسيق السنه دى
لان كلكوا ضيعتوا فى الامتحانات تانيه وتالته
وال

بجد كلامك ريحنىى كثير اووى
ميرسى لاهتمامك :d
وشكرا ع الرد والتشجيع

sarahwalid

28-07-2010, 03:52 PM

لو عايز تكمل رياضة لازم علي الاقل تكون جايب 91 ( مش هندسة طبعا ولكن عندك حاسبات وتخطيط عمراني وفنون جميلة وتطبيقية )

اولا مبرووووك على مجموعك ما شاء الله عليك
ثانيا موضوعك عجبنى كتير , بس خوفنى اوى لانى جبت 92.2% علمى رياضة و الحمد الله على كل شئ
فهل هناك امل ادخل هندسة ؟؟؟؟؟

Elite-Knight

28-07-2010, 08:24 PM

omar.magdy

29-07-2010, 04:49 PM

يا جماعة حكاية 91 % يعني المجموع ده لو جابه في ثالثة مش هيدخله هندسة إنما في ثانية يكمل علمي رياضة عادي مفش مشاكل انا قصدي المجموع ده في ثالثة يدخله ايه من الكليات لو جابه هوه هوه ...
يا ريت أكون وضحت وجهة نظري

A7LA_7AYAT

29-07-2010, 07:13 PM

على فكره انتوا دخلين تدمروا اعصبنا عشان واحد جايب 99% وبيسال اكمل علمى علوم ولا لا طاب ازاى يعنى

love ur life

30-07-2010, 07:46 PM

love ur life

30-07-2010, 07:51 PM

على فكره انتوا دخلين تدمروا اعصبنا عشان واحد جايب 99% وبيسال اكمل علمى علوم ولا لا طاب ازاى يعنى .ههههههههههههههههههههههههههههههههههههههههههههههههه ههههههههههههههههههههههههههههههه لايحول احسن علشان يضمن مستقبله يمكن يلحق أداب والله ده هزار بقا

امل حسين كامل

31-07-2010, 07:30 AM

انا ام احمد و احمد جايب 90% بالضبط و ان شاء الله رياضة في امل في الهندسة ؟

omar.magdy

02-08-2010, 07:13 PM

اللهم صلي علي سيدنا محمد

Nitro Of LoVe

03-08-2010, 08:21 AM

يجدعان فى امل فى كل شيىء 90% هيحصل هندسة و ابصم بالعشرة ان شاء الله هندسة

هتاخد كحد ادنى 89.5% و فى امل زى مقولتلكو فوق ال80 يكمل علمى رياضة و مفيش حاجة

مستحيلة و التنسيق بتاع السنة الجاية مش هيبعد كتير عن تنسيق سنة الفراغ لأن لسه فى

تالتة و زى مرصدلكوا الاحصائيات . و اللى فوق 90 يكمل علمى علوم و ان شاء الله يشد و هيحصل

حاجة حلوة ان شاء الله

hoda20101

03-08-2010, 08:45 PM

المدرسةالشهيد عبد المنعم رياض الثانوية بنينالإدارةقناالشعبةعلميالمجموع189النسبة المئوية92.2 %الترتيب على الجمهورية53821الترتيب على شعبة علمي52280

أولا: مواد تضاف للمجموع
اسم المادةالنهاية العظمىالنهاية الصغرىالدرجةاللغة العربية301528اللغة الأجنبية الأولى251023.5اللغة الأجنبة الثانية502049.5الرياضيات502045الكيمياء502043
زي ما هو موضح ترتيبي علي شعبه علمي 52280 انا رياضه هل ده كويس بمعني انها نسبه كويسه بالنسبه لعلمي رياضه ولا لا ارجو من الاساتذه الكرام والاعضاء التكرم بالجواب
كل موضوع بكتبه مفيش غير عضو او اثنين لما بتعظم اللي بيردا وعلي ما اظن ده منتدي للتشاور والتخاطب فارجو ان حد يعبرني المره دي
عبرووووووووووووووووووووني

yami677

04-08-2010, 12:06 AM

بصوا يا شباب من غير قلق عندك موقع الاستاذ ادخل عليه وهات نتيجتك وترتيبك علي الشعبة
المهم
...............
........................
يا ريت من اساتذة المنتدي لو يقولونا
........
كليات هندسة علي مستوي الجمهورية تشيل كم طالب
...........
علي اقل تقدير

yami677

04-08-2010, 12:07 AM

والموضوع حلو
يا ريت عمر هو اللي يكمله
انا احمد 96.5%

yami677

04-08-2010, 12:09 AM

معلش شكلي رخم بس عايز افكركم بموضوع الكتب الخارجية وارتفاع الاسعار هنعمل اييييييييييييييييييييه

Nitro Of LoVe

04-08-2010, 05:55 AM

هندسة فى سنة اخدت 210000 الف طالب و فى السنين العادية بتترواح بين 18 و 19 الف

ياسين العرفي

05-08-2010, 12:47 AM

انا جايب94 وان شاء الله هاشد حيلي في تالتة هكمل رياضة ولا علوم

POP_POP

06-08-2010, 06:30 AM

انا ليا سوال بس هو كل اللى هنا جايب فوق التسيعين امال مين بقا اللى كان عمال يشتكى من الامتحانات عماتنا معا عليا انا رايح اولى جامعه جالى هندسه القاهره انا كنت فى سنه الفراغ بس كنت ماجل مواد معينا يعنى اجلت علم النفس انا ليا الشرف انى بتكلم معاكم بالنسبه للموضوع اللى بتتكلمو فى فمن راى المتوضع انى اللى علمى علوم وجايب اقل من 95 فى المايه وكان حطط امل انو يخش طب فاعتقد ده صعب جدااا ومن الاحسن انو يحول علمى رياضه ده هيكون احسن لكن لو حطط امل انو يخش كليه علوم فيكمل علمى علوم عادى امل بقا بنسبه لطلبه علمى رياضه فالجايب 85فى المايه وهيقدار انو يجب 95 فى ثالثه كدا ممكن يلحق هندسه اقليم الحاجه الثلاثه بقا اللى عايز اكلمكم عنها منهج 3 ثانوى هو كبير بس لذيذ عربى وانجليزى وعلم نفس هم الذ حاجه العربى كبير شويه بس انت بتستمتع وانت بتدرسه والانجليزى هكذا وعلم النفس ماده هتفيدك بعد كده فى حياتك وبالذات للبنات لانه هتفديهم ازى يتعملو مع ولدهم بعد كده اما طبعا الرياضه وى الفزياء فالاتنين هم حاجه وحده وي اللى يقولك غير كده يبقا بيكداب عليك يعنى اللى شاطر رياضه اتنين يبقا شور شاطر فزياء وى انا تحت امرك فى اى حاجه وان شاء الله مستنيكم معايا السنه الجايه فى هندسه القاهره

whiteangle91

07-08-2010, 10:57 PM

على فكره انت شخص متشائم جدا .................................... no comment

Eng:osama

08-08-2010, 12:39 AM

ازيك يا بشمهندس عمر يعد التحية

حلوة بعد التحية دى !!!

انا جايب 197.5 علمى وقررت ادخل علمى رياضة لكن مش عارف اخد مستوى رفيع اية وهل فى مستوى رفيع رياضة ؟؟؟؟؟؟؟

انا جايب فى الكيمياء 50 وفى الرياضة 50
اتظلمت فى العربى ولاقيت ليا درجات لكن فى التصحيح ومدونيش غير نص درجة
لكن الحمد لله على كل شيء

وكنت عايز احييك بجد على مجهودك الخارق دة وبجد موضوع روعة
انا اول مشوفتة سجلت على طول وكلمتك
طولت عليك انا عارف اصل انا استغلالى شوية

the sky

08-08-2010, 03:47 AM

بجد تسلم ايديك يا عمر انت افدتنا كتير
وعن نفسى انا مجموعى 96% و هكمل
علمى رياضة ان شاء الله

aaaaayman

08-08-2010, 10:28 AM

يا جماعه احسبوها بالعقل السنه اللى فاتت مش سنه الفراغ اللى قبلها كان حوالى 37الف جايبين فوق 98% السنه دى حوالى 18الف فوق 98% يعنى فرق كبير جداً واكيد التنسيق هينزل مجرد تخمين طب 97% هندسه 93%

Eng:osama

08-08-2010, 10:53 AM

;)ازيك يا بشمهندس عمر يعد التحية

حلوة بعد التحية دى !!!

انا جايب 197.5 علمى وقررت ادخل علمى رياضة لكن مش عارف اخد مستوى رفيع اية وهل فى مستوى رفيع رياضة ؟؟؟؟؟؟؟

انا جايب فى الكيمياء 50 وفى الرياضة 50
اتظلمت فى العربى ولاقيت ليا درجات لكن فى التصحيح ومدونيش غير نص درجة
لكن الحمد لله على كل شيء

وكنت عايز احييك بجد على مجهودك الخارق دة وبجد موضوع روعة
انا اول مشوفتة سجلت على طول وكلمتك
طولت عليك انا عارف اصل انا استغلالى شوية

omar.magdy

08-08-2010, 05:49 PM

بعد التحية ... لقد عدت مرة أخري للموضوع ومتابع معكم بإذن الله

omar.magdy

08-08-2010, 05:51 PM

على فكره انت شخص متشائم جدا .................................... No comment

شكرا .... أنا أحب أكون متشائم أفضل ما أكون متفائل زيادة ...

omar.magdy

08-08-2010, 05:54 PM

omar.magdy

08-08-2010, 05:55 PM

بفضل الله هذا الموضوع محقق أعلي نسب مشاهدة وردود والفضل يرجع لكم

Eng:osama

08-08-2010, 06:03 PM

حلوة منك ... وشكرا .... عندك مسنوي رفيع رياضة بس معرفش عنه حاجه .... بص براحنك أنا كل لما أقول لحد حاجة يقولولي إنتا بتفرد رأيك علي الناس براحنك

انا لو مكنتش محتاج نصيحة من حضرتك مكنتش طليت من الاول
انت كتر الف خيرك على مجهودك الرائع دة
وياريت متسمعش لحد لان موضوعك دة فى غاية الجمال

Eng:osama

08-08-2010, 06:06 PM

اولا مبرووووك على مجموعك ما شاء الله عليك
ثانيا موضوعك عجبنى كتير , بس خوفنى اوى لانى جبت 92.2% علمى رياضة و الحمد الله على كل شئ
فهل هناك امل ادخل هندسة ؟؟؟؟؟

ان شاء الله مفيش خوف ولا حاجة
ان شاء الله هتلحقى هندسة ومستريح كمان

Eng:osama

08-08-2010, 06:11 PM

لو عايز تكمل رياضة لازم علي الاقل تكون جايب 91 ( مش هندسة طبعا ولكن عندك حاسبات وتخطيط عمراني وفنون جميلة وتطبيقية )

جملة غريبة جدا انت ازاى تحجم حد جايب مجموع كدة فاضلو 3% بس على انة يدخل هندسة ..............

دلوقتى هو مش بيحجم حد ..دة رأية واكيد اقرب الى الصح.. هو مش غلطان علشان بيوضح للطلبة بعض المعلومات اللى ممكن ميبقوش واخدين بالهم منها ... وهو لما يقول اللى يكمل رياضة لازم بكون جايب 91 على الاقل . فدة مش قانون يعنى كل واحد عارف هو عايز اية وهيحققة مهما كان ...
وانا مع عمر طبعا فى كلامة كله معقول

omar.magdy

09-08-2010, 08:41 AM

شكرا يا osama .... موضوع 91 % مدايق ناس كتير الان ولكن في تالتة سيعلمون إن الكلام ده حقيقة مش مجرد تخمين
وبقولها للمرة المليون .... لن يسكت الوزير المبجل أحمد ذكي بدر علي مهزلة الدرجات في الصف اثاني وسوف يحاول تقليل هذه الدرجات بأي وسيلة ممكنة ... أولها تقديم مواعيد الامتحانات إلي 28 /5 .... إرتفاع أسعار الكتب الخارجية ... وأكيد مزيد من صعوبة الامتحانات في الفزياء والرياضة والاحياء .... والله ده مش تشائم ولكن نظرة للواقع المرير
وعلي فكرة هندسة بتاخد كل سنة حوالي من 94% ... معرفش الناس إزاي متوقعة إنها تقل إلي 92 % .... وانا اعتقد ان التنسيق هيكون زي كل سنة مع إنخفاض طفيف في بعض النسب

the spider mido

09-08-2010, 12:34 PM

انا طالب في الثانويه العامه ورايح ثالثه السنادي وجبت في ثانيه 86% اعمل ايه

the spider mido

09-08-2010, 12:36 PM

على فكره انا علمي علوم

Eng:osama

09-08-2010, 12:42 PM

علمى علوم ازاى يعنى
طب متحول ادبى مجموعك حلو اوى فى الادبى

احمد رجب صقر

10-08-2010, 09:59 AM

omar.magdy

10-08-2010, 11:10 AM

انا طالب في الثانويه العامه ورايح ثالثه السنادي وجبت في ثانيه 86% اعمل ايه

زي ما قالك osama حول أدبي أحسن مجموعك هيكون حلو جدا هناك

omar.magdy

10-08-2010, 11:16 AM

انا واخد مستوي رفيع احياء
ازاي اجيب فيه 10 / 10 ارجو الرد سريعا
انا احمد جبت في ثانية 97.5 % ورايح تالتة
ولو الاحياء صعب هل من الممكن التحويل لاي مادة اخري
واعمل ايه علشان احول
انا قلقان الكل خوفني من المستوي رفيع احياء
وشككككككككككككككككككككككرررررررررررررررررررررررررر ررررررراااااااااااااااااااااااااااااا

مجموعك جامد جدا ... فحرام عليك تضيع وقتك في ثالثة في مذاكرة الاحياء مستوي رفيع ... مادة مستفزة ... والادهي من كده إمتحانها صعب ... لو عايز تجيب درجة كويسة ممكن تاخد عربي أو إنجليزي حسب منتا عايز .... تحويل المواد وكل حاجه تبع المدرسة تبدا يوم 15 /8 ولو مش عايز تتمشور كتير علي الفاضي وأنتا صايم روح وأنتا بتستلم الكتب في الاسبوع الاخير قبل الدراسة وقول لشؤون الطلبة إنك عايز تغير المستوي الرفيع وشوف هيقولوا ايه وكل عام وانتم بخير

omar.magdy

10-08-2010, 11:20 AM

كل عام وأنتم بخير
دخل علينا رمضان .... وأوشكت الدروس أن تبدا انا عن نفسي هبدأ من أول الاسبوع القادم ... عايزين نحول الموضوع من مجرد إنه نصايح للتحويل من علمي لادبي إلي حديث ونقاش عن المواد وطرق المذاكرة وهكذا .....:039uw8: مستنين أرائكم ...

hoda20101

10-08-2010, 12:39 PM

BatsTomB

10-08-2010, 12:58 PM

رزق متخافش انشاء الله هتدخل الكلية اللى نفسك فيها ماشاء الله عليك ربنا يوفقك ويوفقنا جميعا

Eng:osama

10-08-2010, 02:42 PM

انا بدأت دروس فعلا
وخدت رياضة 2 وهى مش صعبة اوى يعنى زى مكل الناس فاكرة
هى طويله بس وبالمذاكرة ان شاء الله هتتحل مشكلة الطول دى
وكل اللى يقولكوا ان الرياضة فى تالتة صعبة متسمعلوش خالص

وياريت يا عمرو تجيب اخبار عن نتيجة الدور الثانى علشان ناس كتير بتسأل ودة موضوع مهم برضوا
ولك جزيل الشكر

Eng:osama

10-08-2010, 02:45 PM

بصوا يا جماعه انا جايب 92.2%في ثانيه وداخل ثالثه السنه اللي الليي جايه ان شاء الله في امل اخش هندسه ولا لا وايه هو اقل مجموع او الحد الدني اللي لازم اجيب في ثالثه لوحدها!!!!!! علشان ادخل هندسه وياريت لو في نصائح بخصوص رياضه 2 والفيزياء انكم متبخلوش بيها عليا وانا منتظر ردودكم

انت مجموعك كويس جدا فى علمى رياضة
والحد الادنى تجيب 94 او 95 ودة مش صعب خالص اعمل حساب المستوى الرفيع
وبالنسبة للرياضة والفيزياء والله مش صعبة زى مكل الناس فاكرة اسأل ناس بتذاكر وهتقولك انهم مادتين تافهين جدا جدا
وعلى العموم اى حاجة على اللى مش بيذاكر بتبقى صعبة حتى ولو معلومات بسيطة جدا

بس ان شاء الله لو دخلت علمى رياضة هتدخل هندسة ان شاء الله
وشكرا

Bash engineer forever

10-08-2010, 08:27 PM

el_amal

10-08-2010, 08:54 PM

السلام عليكم ورحمه الله وبركاته
شكرا جدا لصاحب الموضوع
بس طبعا الدرجات اللى محطوطه مش مقياس
يعنى مافيش حد يقول مدام انا جاايب اقل من 86 احول ادبى
ده تبع الميول
وكل وااحد له قدره على فهم حاجات وحاجات لا
يمكن لو روحت ادبى مااتبقااش كويس فيه
فالله اعلم

شاايف نفسك تقدر انك تعوض فى علمى استمر
شاايف نفسك انك هتكون افضلى فى ادبى حول ادبى وفرصه اكتر من علمى طبعا

وعلى فكره انا كنت محتااره جدا فى الموضوع ده
بس فى الاخر هفضل علمى علوم والمكتوب لنا هو اللى هيكون

فياريت نستفيد من الموضوع بس مش ناخده مقياس

وعلى فكره انا جايبه 91.5 واللى اتظلمت فيه الرياضه جبت 40 نزلت 5 % منها

وياارب التوفيق للجميع

sundo

11-08-2010, 02:24 AM

تسلم ايدك يا عمور كده باذن الله الواحد فهم شويه طبعا مش هتراجع عن الاقتصاد والاحصاء وشكل الفيزياء اظرف من الكيمياء ورياضه 2 تفكير وشغل والمستوى الرفيع على حسب موفقين كلنا باذن الله
بقولك انته كنت شايل التلفزيون والكمبيوتر والحاجات المقرفه ديه صح ؟
يا عم عمر انا جيبة 83% ومليش في المواد الادبية دى وبحب الرياضة .....اعمل ايه

omar.magdy

11-08-2010, 08:55 AM

اولا شكراا جداا علي موضوعك
ثانيااا مبروك ليكم كلكم
ثالثا ياا بااش مهندس عمرو متسألش في اي حد ولا تسيبب الموضوع لحد بس رد عليهم
واولا هناا كل واحدبيقول رد ورأي وفكرة وتوقع
اناا جااايبة90 في المية وهكمل رياااضة 2
بس اناا خايفة بس اللي مطمني اني دي امنيتي واناا عاارفة
اني لو داكرت اكتر هجيب احسن
وكلنااا بنرجع نقول ياا ريتنااا دكرناا اتر بس الحمد للله علي كل حاااجة
لاني حاااسة اني ممكن اجيب اكتر
اناا النهااردة رحت درس فيزياااء وشكلهااا كده جميلة
وعلي فكرة اناا اقتصااد واحصااء بس كل الناااس مخوفاااني واناا مش عاارفة اعمل ايه
اغيرهاا لعلم نفس ولا ايه

ايه رأيكم عملت موضوع تاااني

اتحدي اني موضوع افضل من موضوع عمرو

أهلا بيكي معانا في موضوعنا المتواضع .... بصي ما دام انتي واخده إقتصاد وإحصاء كملي بيها أنا كمان واخد إقتصاد وإحصاء وعلي فكرة ديه ما ده لذيذه جدا أولا ما دام الواحد واخد رياضة 2 يبقي أكيد الاحصاء مش هتبقي عائق أدمنا الاقتصاد المدرس بتاعي قالي كولها 12 حصة يعني حاجة في الخفيف كده ومدرس رياضة 2 غالبا بيديك الاحصاء فلي توجعي دماغك من أول السنة في مذاكرة مادة طويلة زي علم النفس أو الفلسفة ( ديه وجهة نظري )
ويا ريت تحطي رابط موضوعك عشان نشوف المنافسة ...

Bash engineer forever

11-08-2010, 02:30 PM

اناا مش عااملة موضوع انا قصدي علي المشااركة
اصل اناا بحس اني بكتب كتير
وطبعاا حتي لو عملت موضوع مفيش منااافسة
ياا ابني اناا وثقه في نفسي(بهزر)
واية انت كل شويه هتكتب في قوص وجهة نظري

omar.magdy

11-08-2010, 04:45 PM

اناا مش عااملة موضوع انا قصدي علي المشااركة
اصل اناا بحس اني بكتب كتير
وطبعاا حتي لو عملت موضوع مفيش منااافسة
ياا ابني اناا وثقه في نفسي(بهزر)
واية انت كل شويه هتكتب في قوص وجهة نظري
معلش ... واضح إني فهمت غلط ما علينا ... تقدري تقولي إنه تهرب من المسؤولية بس لا يعاقب عليه القانون ... مش حابب أكون سبب في إختيارات أي حد فقط مناقشات سريعة ... :)
عامليبن ايه في الصيام والمغرب الساعة 7 وحاجة زي الفل ؟ .... أكتب الان وباقي ما يقرب من الساعتين علي الفطار ... أحسن حاجه عاملها إني مبتفرجش علي التلفزيون خالص فقط سوف أتابع بعض البرامج الخفيفة ...
علي الرغم من مجموعي الذي يعتبره البعض كبير 96.3 % ويري الاخرون أنه متواضع ... إلا انه كانت هناك حالة من الجدل المستمر والمستمر ومحاولات من قوات حفظ السلام و مبعوث مفوضي الولايات المتحدة في الشرق الاوسط لاقناعي بالعدول عن قراري بالاستمرار في علمي رياضة والتحويل إلي علمي علوم .... :o
ولكني سأفعل ما احب مهما تكن الظروف والنتائج ... أريد أن احيا حياة طبيعية لا أرغب في دراسة تستمر طيلة سبع سنوات وبعدها ما يقرب من خمس سنوات اخريات حتي أكون طبيب جيدا ... ناهيك عن طب الاسنان الذي أصبت منه بعقده منذ صغري ... لم يبقي سوي الصيدلة كلية جيدة ولا خلاف عليها .... ولكني أرغب في دراسة أكثر عملية أكثر تفاعلية مع من حولي ...

لا أعرف ... شعرت انني في حاجه إلي تضيع مزيد من الوقت في إنتظار الفطار معلش طولت عليكم
إلي لقاء قريب
سلام يا بشمهندسين و يبشمهندسات
وأطباء وطبيبات المستقل
وكمان مدرسين ومدرسات
مترجمين ومترجمات
إعلاميين وإعلاميات
عشان محدش يزعل
سلام يا أحلي صحبة
:078111rg3:

El_mohandes Khaled

12-08-2010, 09:26 AM

موضوع فوق الوصف بصراحة
انا علمى رياضة جايب فى تانية 97.6 وواخد اقتصاد واحصاء ومستوى رفيع عربى
اى طالب او طالبة عايز اى حاجة فى المناهج انا تحت امرة فى اى وقت
زميلكم خالد

nanitooooo

12-08-2010, 10:42 PM

انا جبت 94.8 ومش عاااارفة اكمل علووووم ولا ريااااضة ومعدش فى وقت خالص يااااااا ريت تردوا على

Mostafa Walid

13-08-2010, 12:07 AM

omar.magdy

13-08-2010, 10:09 AM

على فكرة الموضوع اكتر من رائع يا عمر وشكر خاص منى ليك انا لسه داخل تانيه وربنا يوفقنى ويوفقك ويفق الجميع انا ناوى على هندسة زيك ان شاء الله
بالنسبة للمادة الادبية الناس بتقول علم نفس سهل علم نفس سهل لكان انا اخترت من الاول اقتصاد واحصاء وبعد ما شفت كلامك اكدت انى عايز اخد اقتصاد واحصاء علشان انا بحب الرياضة جدا جدا
باالنسبة للمستوى الرفيع انا عايز اخد رياضة بس مشفتش حد فى مصر اخدها كتير فقلقان بس انا بحب الرياضة
وعايز اسئلك اى اكتر مادة غلست معاك فى تانية ومتقوليش كله كان سهل اكيد فى مادة غلسة شويه انا اخدت الدروس كلها وبصراحة مخنوق من الفرنساوى اوى يلا عايزك ترد عليا عارف لو مردتش حاعمل ايه (مش حامل حاجة حفضل مستنيك):p

أهلا بيك يا مصطفي في عالم الثانوية العامة .... بص هوه مفيش ماده غلسة بس ممكن يكون في مادة تتعبك في المذاكرة شوية ... أساسا يا أبني ثانية كلها مفيهاش غير كمياء والباقي مفهوش أي مشكلة ... علي فكرة الفرنساوي ده من أسهل المواد وأنا جبت فيه 50 ممكن في أول السنة هتلاقي نفسك متلغبط شوية .. معلش وأهم حاجة تحفظ كلمات كتير من كتاب bravo وتحل من كتب كتير وتخلي بالك من الاحداث الجارية عشان بتيجي في الوثيقة وأين نقرأ ... وربنا يوفقك ..

Bash engineer forever

13-08-2010, 03:36 PM

ازيكم عااملين ايه في الصياام
واخباار دروسكم ايه
خلاص بقي معتوش تتكلمواا في المجااميع
احناا عااوزين نتكلم عن الدروس والمواد والمنااهج

Mostafa Walid

13-08-2010, 06:29 PM

أهلا بيك يا مصطفي في عالم الثانوية العامة .... بص هوه مفيش ماده غلسة بس ممكن يكون في مادة تتعبك في المذاكرة شوية ... أساسا يا أبني ثانية كلها مفيهاش غير كمياء والباقي مفهوش أي مشكلة ... علي فكرة الفرنساوي ده من أسهل المواد وأنا جبت فيه 50 ممكن في أول السنة هتلاقي نفسك متلغبط شوية .. معلش وأهم حاجة تحفظ كلمات كتير من كتاب bravo وتحل من كتب كتير وتخلي بالك من الاحداث الجارية عشان بتيجي في الوثيقة وأين نقرأ ... وربنا يوفقك ..
شكرا يا يوسف على ردك وايه عالم الثانوية ده على اساس انى داخل عالم سمسم هههههههه:p
بصراحة انا بحب الكيمياء وعجبانى وان شاء يبقى مفيش مشكله ابدا وربنا ويوفقنى ويوفقك ويفقنا جميعا

احمد السطوحى

13-08-2010, 09:52 PM

علي فكره انا معجبه جدا بموضوعك وبفكرك يا عمر انا طالبه زيكم راحه تالته اسمى سها
وجبت 199 يعني 97.07

اولا انا طالب داخل تانيه ثانوى ومرعووووووووب لان الامتحانات السنه دى جت صعبه يعنى انا بذاكر طبعا بس برده الثانويه بيبقى ليها رهبه وربنا يستر علينا احنا بقى
ثانيا بقول لسها الف مبروووووووووووووووووووووووووووووووك مجموعك جميييييل جدا بس يا ترا فى مجاميع كتير كده ولا ايه
ثالثا احب اشكر العسل الى حطلنا الموضوع الجميل اوى ده وربنا يوفق الجميع

R.R.R.R

14-08-2010, 12:48 AM

يا جماعة انا جايب 96.58 احياء و مكمل علمي ان شاء الله
بس عايزاعرف ايه اخبار الكيمياء و هل من السهل اني اجيب فيها 50

Eng:osama

14-08-2010, 02:24 AM

يا جماعة انا جايب 96.58 احياء و مكمل علمي ان شاء الله
بس عايزاعرف ايه اخبار الكيمياء و هل من السهل اني اجيب فيها 50

سهل جد تجيب 50
انا جيبت فى الكيميا 50 وجايب 96.3
وجيبت فى الرياضة 50

omar.magdy

14-08-2010, 11:02 AM

ازيكم عااملين ايه في الصياام
واخباار دروسكم ايه
خلاص بقي معتوش تتكلمواا في المجااميع
احناا عااوزين نتكلم عن الدروس والمواد والمنااهج
وأنتهت الاجازة .... اليوم السبت أول أيام دروسي وتخيوا البداية بدرسين وايه رياضة 2 وفزياء :o .... ما أجمل الحياة .... ناهيك علي إن حصة الفزياء هنخليها يوم الحد عشان ميبقاش درسين في يوم واحد ...
أحسن حاجة في الصيام إن الواحد مش شايل هم ولا أكل ولا شرب ....
أنا الاقتصاد هيبدا مع المدارس وهيكون أسبوع وأسبوع
بجد منوره الموضوع ....

omar.magdy

14-08-2010, 11:06 AM

شكرا يا يوسف على ردك وايه عالم الثانوية ده على اساس انى داخل عالم سمسم هههههههه:p
بصراحة انا بحب الكيمياء وعجبانى وان شاء يبقى مفيش مشكله ابدا وربنا ويوفقنى ويوفقك ويفقنا جميعاتعرف والله ضحكتني .... جبت يوسف ديه منين ... علي العموم أنا اسمي عمر

Mostafa Walid

14-08-2010, 01:13 PM

ما انا اعارف ان اسمك عمر بس جت معايا كده
هههههههههههههههههه كلها اسماء ربنا يا عم يوسف ((((عمر عمر متزعلش))))ههههههههههههههه

Bash engineer forever

14-08-2010, 03:12 PM

يعني الاقتصاد مبدأهوش دلوقتي
واصلا اناا لو بدأت اخد درس فيه دلوقتي
هخلصوا بعد شهرين بالكتير
وهو الاقتصااد بنأخدواا عند مدرس التااريخ ولا ايه؟؟

omar.magdy

15-08-2010, 10:47 AM

يعني الاقتصاد مبدأهوش دلوقتي
واصلا اناا لو بدأت اخد درس فيه دلوقتي
هخلصوا بعد شهرين بالكتير
وهو الاقتصااد بنأخدواا عند مدرس التااريخ ولا ايه؟؟

أنا عن نفسي الاقتصاد مع المدارس يعني بعد العيد وهيكون إسبوع وإسبوع ..... فضي نفسك دلوقتي للرياضة والفزياء ومعاهم العربي والانجليزي حتي الاحصاء أستاذ الرياضة قلي في الترم التاني

Egy-slayer

15-08-2010, 02:48 PM

Mostafa Walid

15-08-2010, 04:31 PM

طب لو سمحت انا جايب فى تانيه 92% وعايز اكمل علمى علوم بس المشكله انى علشان الحق صيدله او اى كليه كويسه لازم اجيب فى تالته 99% وانا مش عايز ادخل طب بيطرى ولا علوم وقالولى
ادخل رياضه وهتبقى مستريح لانى لو جبت نفس المجموع اللى هو 92 ممكن ادخل هندسه المشكله انى بكره الرياضه ومش عارف اعمل ايه ياريت حد يقولى
انا قولت ارد عليك بس طبعا بعد اذن عمر (مغلطش المره ديه اهو:)) بص انت لو مش بتحب الرياضة فبلاش خالص تدخل رياضة لنك ممكن مش تجيب نفس المجموع ورياضة 2 اصعب وانت مش بتحب الرياضة 1 حتحب 2 يعنى فالاحسن تكمل علمى علوم وترام ان نفسك فى صيدلة ان شاء الله تخشها ومستريح كمان و 99 مش بعيدة على ربنا مع شويه تعب منك ولسه كمان المستوى الرفيع ممكن يزودك اكتر فتوكل على الله وخش علوم وبلاش رياضة علشان انت مش بتحب المادة وربنا يوفقك وترجعلنا السنة الجيه
pharmacien (للمعلومة ديه صيدلى بالفرنساوى:p:d) باذن الله و تقبل مرورى يا عمر

ArabianPDA

15-08-2010, 07:38 PM

انا قولت ارد عليك بس طبعا بعد اذن عمر (مغلطش المره ديه اهو:)) بص انت لو مش بتحب الرياضة فبلاش خالص تدخل رياضة لنك ممكن مش تجيب نفس المجموع ورياضة 2 اصعب وانت مش بتحب الرياضة 1 حتحب 2 يعنى فالاحسن تكمل علمى علوم وترام ان نفسك فى صيدلة ان شاء الله تخشها ومستريح كمان و 99 مش بعيدة على ربنا مع شويه تعب منك ولسه كمان المستوى الرفيع ممكن يزودك اكتر فتوكل على الله وخش علوم وبلاش رياضة علشان انت مش بتحب المادة وربنا يوفقك وترجعلنا السنة الجيه
pharmacein (للمعلومة ديه صيدلى بالفرنساوى:p:d) باذن الله و تقبل مرورى يا عمر
pharmacien
يا كنج

Nitro Of LoVe

15-08-2010, 08:33 PM

طب لو سمحت انا جايب فى تانيه 92% وعايز اكمل علمى علوم بس المشكله انى علشان الحق صيدله او اى كليه كويسه لازم اجيب فى تالته 99% وانا مش عايز ادخل طب بيطرى ولا علوم وقالولى
ادخل رياضه وهتبقى مستريح لانى لو جبت نفس المجموع اللى هو 92 ممكن ادخل هندسه المشكله انى بكره الرياضه ومش عارف اعمل ايه ياريت حد يقولى

على فكره انت فرصتك جامده اوى انك تدخل صيدلة او اسنان لأن التنسيق هينزل صدقنى

المهم بس اعمل اللى عليك و هات فوق ال98 او 98 يبئه التوتل بتاعك 95 لازم ان شاء الله

تلحق اى حاجة من كليات الطب . او اسنان على الاقل . انما بدامك كارهه الرياضة بلاش

تكمل فيها عشان متجيش لقدر الله تقل فيها و تقول يارتنى كنت كملت علوم ده التنسيق نزل

اتكل على الله وكمل علوم

Mostafa Walid

15-08-2010, 09:03 PM

pharmacien

يا كنج

معلش يا كنج خطا فى الطباعة:d

ياسمين مهند

16-08-2010, 10:13 PM

يا جماعة انا عندي سؤال انا اختي داخلة تانية ثانوي ونفسها تدخل كلية سياسة واقتصاد يا ترى هي الكلية دي لازم تكون علمي ولا ادبي؟

El_mohandes Khaled

16-08-2010, 10:30 PM

سياسة واقتصاد دى فى قسم ادبى وبتاخد فوق 94 كدة

Bash engineer forever

20-08-2010, 10:57 AM

السلام عليكم
اخبااركم
ياارب تكونوا كويسين
وخلاص بقي كل واااحد اخد قرار
واجتهد وتوكل علي الله
وان شااء الله ربناا معااناا كلنااا

اناا خلاص كل دروسي بدأتهاا بس
الاقتصااد ولاحصااء لسه
وخلصت الفصل الاول في الفيزيااء
والحمد لله كويس

يارب خليك معاانااا

atantawi pasha

20-08-2010, 11:13 AM

بسم الله الرحمن الرحيم

بعد التحية ..... أنا طالب زيكم في ثانية ثانوي(سابقا ) وثالثة مستقبلا .... ممكن أكون مدرك الامور عنك شوية لاني في مجال الثانوية العامة من زمان يعني كنا بنعمل التنسيق بتاع اخواتي وقاريبنا في العيلة كثير فحبيت أخدمك ....

أولا .... أمسك تنسيق سنة الفراغ وأرمي في الزبالة .... ملوش لزمة ولا تبصلوه...

ثانيا خش علي موقع التنسيق بتاع الوزارة هتلاقي تحت الحدود الدنيا بتاعة الكليات والمعاهد بتاعت السنين إلي فاتت

وبص عليها كويس ......

متسمعش كلام حد وتمشي وراه يقولك التنسيق هيقل والكلام الفاضي ده سيبك منه :slap1qk6:

لو عايز تكمل رياضة لازم علي الاقل تكون جايب 91 ( مش هندسة طبعا ولكن عندك حاسبات وتخطيط عمراني وفنون جميلة وتطبيقية )

لوعايز تكمل علوم علي الاقل تكون جايب 96.5 % ( وده مش طب طبعا ممكن صيدلة .... أو علوم وممكن أسنان اقاليم بس متوقعش ) ....

معلش بس اعتقد إلي من 86 % إلي أسقل يحول أدبي أحسنله لان هيخش نفس الكليات من العلمي بس بمجموع أقل زي إعلام وألسن وأثار وأداب وحقوق وتربية .......

المادة الادبية لبتوع علمي

عندك كذا ماده ....

أنا مختار إقتصاد وإحصاء وعارف إن الاحصاء بتيجي صعبة .... ومع ذلك مش هغيرها وهكمل بيها عشان أنا حاببها

عنذك علم نفس ... سهل نسبيا عايز حفظ مع فهم ...

فلسفة لزيزة .... وبسيطة بس أنا مبحبهاش _ يعد يقولك القياس وأرسطو ومبدا مش عارف إيه يا راجل بلا كلام فارغ )

دول احسن ثلاتة ....

علي فكرة إقتصاد مادة جامدة جدا ومفيدة جدا بتتكلم عن المال والاعمال والبنوك و العملات والنقود والبورصات العالمية وهكذا ...

والاحصاء ممكن تفيدك في رياضة 2

مادة المستوي الرفيع

عندك عربي وده عبارة عن 14 درس قراءة فقط لا غير .... مع النحو بتاع السنين إلي فاتت ... يعني كل شهر تخدلك درسين تذاكرهم خلصت وقفلت 10 ... ومبروك عليك

الانجليزي .... ليه كتاب عبارة عن شوية topics .... يعني مقالات صغيرة وفية جرامير طبعا والامتحان بيبقي فيه اختياري وأوجد الخطا وهكذا وفي الاخر موضوع تعبير حوالي 20 أو 25 سطر ...

أحياء .... أوعي .... أرميها في الزبالة حتي لو كنت علمي علوم ماده مستفزة ... والامتحان بيجي صعب جدا ... والمنخج مختلف تماما عن منهج الاحياء بتاع ثالثة تخيل بقا لما تدرس في سنة واحدة منهجين أحياء مختلفين ....

رياضة .... معرفش عنها كتير ممكن تسأل حد غيري ... :078111rg3:

ونصيحة لو عايز تحول من أي حاجة إلي أي حاجه ... روح قبل الدراسة متبدأ .... عشان أول متخش المدرسة تلقي نفسك في فصلك الجديد حسب الشعبة الجديدة مش تستني لحد متخش المدرسة وأنتا هتحول أدبي وتلاقي نفسك قاعد في فصل علمي وبيتشرحلك رياضة 2 أو أحياء وفزياء ...

شوية ملاحظات عن المواد الاساسية

العربي بتاع تلتة .... كبير شوية ... بس لذيذ جدا .... والادب بتاع العصر الحديث يعني أحمد شوقي والمدارس الرومنساية الختلفة زي خليل مطران يعني مفيش بفة عنترة و معرفش مين إبن زياد والحاجات الجميلة ديه ,,, ابشر

رياضة 2 ... عايزة مذاكرة جامدة من الاول ومدرس شاطر وتوسع مخك شوية عشان المسائل فيها عايزة فكر مش قوانين وبتطبأ ..

الاحياء ... زي بتاعة أولي بس علي توسع كبير جدا ... وروسمات بقي بالعبيط ... وانتي أدري مني

الانجلزي ... زي كل سنة القصة لزيزة البطلة إسمها ليلي بتتكلم عن التنقيب عن الاثار بس مش في مصر ولكن في دولة بيرو في أمريكا الجنوبية ... والجرامير عادي زي كل سنة .... بس ركز بقا علي الكلمات الجامدة وسيبك من كلمات الدروس العبيطة أديك شوفت الامتحان بتاعنا كان عامل إزاي ...

لو في أي سؤال أو استفسار أنا في الخدمة موجود أربعة وعشرين ساعة ...

أنا نسيت أقولكم أنا عمر رايح تالتة سنوي زيكم وجبت 96.3 %

وهكمل رياضة ..... مستنيكم

:078111rg3::078111rg3:

شكرا على معلوماتك بس انا جبت 85 وعايزة اكمل علمى