لو محتار بين علم نفس واقتصاد واحصاء ، ومش عارف تختار المستوى .. ادخل .. [الأرشيف]

منتوو

23-07-2010, 12:19 PM

السّلام عليكم ورحمة الله وبركاته ..

لكُلّ الي محتار يختار إيه في المادة الأدبيّة ،

ومحتار يختار ايه في المستوى الرفيع ..

ديه تجربتي أتمنى تفيدكم ...

;)

أنا كنت واخد اقتصاد واحصاء ، وكنت مبسوط أوي وأنا بأذاكر الإحصاء ..

يعني رغبتي انّي كُنت أذاكر احصاء

والاقتصاد ماكانش عاجبني فذاكرته قبل الامتحان باسبوع وأخدت في الإقتصاد الدرجة الكاملة ..
:av4056bb7jp3:

بس الإحصاء نقصت فيه درجة ، على مسألة تافهة بس الوقت ما كانش مستحمل ..

:mad:

المهم ، علم نفس مضمون ،

واللي بيدخله وبيذاكره بيجيب فيه 50

:av4056bb7jp3:

ودايماً امتحاناته بتيجي سهلة ،حتّى السنة ديه الي كُل امتحاناتها صعبة جه علم النّفس سهل ..

ولو لاحظتوا نتايج الطّلاب حتّى الخايبين من الناس الأدبي والعلمي بيجيبوا 50 في علم النّفس ...

في النّهاية أنا عندي مبدأ في الدّراسة :

* لو أنا حابب علم النّفس أو الإقتصاد والإحصاء

ولو امتحاناته بتيجي صعبة موت هأدخله

لأنّ غرضي أتعلّم وأستمتع وأنا بذاكر مش الدّرجات وبس ...

وعشان كده دخلت اقتصاد واحصاء ...

:)

* ولو أنا كارهه يبقى لو هأموت هبقى زهقان

وأنا بذاكره وممكن تقع درجة ولا اتنين ،، عشان الزهقان ده !:(

* ولو مش فارق معايا وأهمّ حاجة المجموع

يبقى علم نفس واتّكل على الله !

:romarioxp6:

..

وبالنّسبة للمستوى ، أنا كنت واخد إنجليزي وهوَ تافه جداً وكان حلو وأنا بأذاكره ..

هو عبارة عن 3units

الأولى : عن هاواي

والثانية : عن ماريا أول طبيبة في إيطاليا

والثالثة : عن Global Warming

وكُلها أسئلة وأجوبة بسيطة خالص ...

وبالنّسبة للجرامر فهو حلو وهيساعدك في الإنجليزي الي عليك ،

امتحان الإنجليزي عندنا كان فيه حاجات كتير من المستوى وبالذات في الـ choose ..

وأنا كنت واخد أحياء بس حوّلت انجليزي لما سمعت ان الأحياء صعب ..وفيه رسومات ..

المهمّ يعني أخدت 9.5 من 10 في مستوى الأنجليزي ..

:av4056bb7jp3::022yb4::av4056bb7jp3::022yb4:

ومفيش فيه شِعر ولا حاجة !

طوّلت عليكم ، المهمّ يوصل المضمون !

:d

فارسة صغيرة

23-07-2010, 01:19 PM

لا والله حلو
بس ايه رايك فى المستوى بالنسبة للرياضة والعربى كمان

منتوو

23-07-2010, 09:14 PM

لا والله حلو
بس ايه رايك فى المستوى بالنسبة للرياضة والعربى كمان

بالنّسبة للعربي مُستوى ..

سمعتْ إنّها سهلة ، والسنة ديه في ناس قفّلوا الإمتحان كتير ..

بس في نفس الوقت وزير التّعليم طلع

وقال إنه حَصَلت أخطاء ولو كان سيبويه عايش ما كانش هيقفّل الإمتحان ..

فأعتقد والله أعلم إنّه هيزبّط الإمتحان السنة الي جايّة ،

..

وبالنّسبة للرياضة ، بتبقى كويّسة وبتسعاد لو انتوا واخدين رياضة 2 في تالتة ..

بس ما فيش حدّ أعرفه خدها السنة دي ...

فمش عارف نظام الإمتحان السنة دي كان ايه ..

..

وبالنّسبة للأحيـاء ، الإمتحان جه صعب السنة ديه ،

وفي ناس كتير كانت درجاتهم مش أكتر من خمسة ..!

والحمدُ لله انّي حوّلت :romarioxp6:

وبالتّالي فهو مش مضمون ..

..

وطبعاً كُلّ الأمور دي ، بتتسهّل وربّنا بييسرها ،

بس انتوا استخيروا ربّنا ..

وربّنا هيوفقكم ، ..

ويا رب ، تدخلوا الي عاوزينه وتفرّحوا أهاليكم يا رب ..

:av4056bb7jp3:

..

CaStLeS In ThE AiR

23-07-2010, 10:06 PM

شكرا عالإفاده

نهى مندى

23-07-2010, 11:12 PM

الف شكر على التوبيك ده افيدتنا كتير والله وانا عن نفسى كنت محتاجه اسمع الكلام ده

ربنا يجعله فى ميزان حسناتك

السيد سامي قرقر

24-07-2010, 09:24 AM

شكراجزيلا
السيد قرقر

ايماان

24-07-2010, 10:26 AM

شكرا على هذه الكلمات الرائعه

shomost

24-07-2010, 04:22 PM

هو امتحان المستوى العربي عبارة عن ايةةةةةةةةةةةة

Dr Fatma

24-07-2010, 05:43 PM

الحمد لله انا رايحه 3 واخدت علم نفس عشان مدرس بحترم رايه وعنده خبره نصحني بيه
واخدت انجليش ف المستوي لاني بحب الانجلش بس كنت خايفه يكون صعب
بس انت طمنتني ع الاخر :)
شكراا ع الموضوع

tetomemoo

24-07-2010, 05:49 PM

ممكن حضرتك تعطنى نبذة مختصرة عن منهج الاحصاء وما به

elmosskhmb

24-07-2010, 06:34 PM

مشششششششششششششششششششششكور

dado nasser

24-07-2010, 06:40 PM

انا كنت كاتبة رياضة لانى رياضة اتنين
بس لما اروح المدرسة هحول انجلش ان شاء الله .. لان بيقولو الانجلش اسهل يعنى
انا جيبة على فكرة 99 وبموت فى الرياضة بس الدرجات بتذل بقى

منتوو

24-07-2010, 07:00 PM

شكرا عالإفاده

العفو ،،

وشكراً على ردّك ..

الف شكر على التوبيك ده افيدتنا كتير والله وانا عن نفسى كنت محتاجه اسمع الكلام ده

ربنا يجعله فى ميزان حسناتك

العفووو ، وأيّ خدمة ..

أهمّ حاجة تستفيدوا ...

آمين يا رب، وإيّاكم ..

وشكراً على المرور ..

شكراجزيلا
السيد قرقر

العفو ..

وشكراً لمروركم ..

شكرا على هذه الكلمات الرائعه

العفوووو

وشكراً على ردّك الرائع .

هو امتحان المستوى العربي عبارة عن ايةةةةةةةةةةةة

المشاركة ديه هتفيدك ..

هـــنــــا (http://www.thanwya.com/vb/showpost.php?p=2423864&postcount=16)

الحمد لله انا رايحه 3 واخدت علم نفس عشان مدرس بحترم رايه وعنده خبره نصحني بيه
واخدت انجليش ف المستوي لاني بحب الانجلش بس كنت خايفه يكون صعب
بس انت طمنتني ع الاخر :)
شكراا ع الموضوع

العفووو ..

ويا رب ، ربّنا يوفقك وتجيب أعلى الدرجات ..

شكراً على ردّك ...

ربّنا يوفقكم جميعاً يا رب ..
:d

منتوو

24-07-2010, 07:17 PM

ممكن حضرتك تعطنى نبذة مختصرة عن منهج الاحصاء وما به

منهج الإحصاء ...

عبارة عن 5 أبواب ..

* الباب الأوّل الإحتمال :

ويُعتبر أهمّ باب ، لأنّه دايماً بيجي في السّؤال الإجباري ،

وكمان في أحد الأسئلة الإختياريّة...

.*.

* الباب الثّاني المتغيّر العشوائي ، والمتغيّر العشوائي المتّصل :،

سّؤال المتغيّر العشوائي بيتحلّ عن طريق جدول بسيط مكوّن من 4 خانات ..

وبعدين قوانينه صغيرة جدّاً ،، وبيبقى التّعويض فيها من الجدول ..

،،

والمتغيّر العشوائي المتّصل ودالة الكثافة ، بيتحلّ عن طريق رسم بياني بسيط .. وفيه مساحات ..

.*.

* الباب الثالث التّوزيع الطّبيعي : له علاقة بسيطة بالباب الأوّل الإحتمال ،

وسؤاله بيتحلّ بمنحنى الجرس "النّاقوس " والإحتمال ،

وبنجيب النّاتج عن طريق البحث في جدول المساحات ،،

.*.

* الباب الرابع والخامس : عبارة عن قانونين ، القانون طويل بس بسيط ..

وبيجي منهم سؤال مسألة عليها 4 درجات ، وبيبقى مضمون لو القانون محفوظ ...

والبابين دول أتفه الأبواب ..

يعني حاجة بعد ما نذاكرها أوّل مرة ، تتراجع في خمس دقايق بس .!

..

طبعاً ده المنهج بإختصار ،

والمنتدى فيه قسم كامل ، للإحصاء ..

هـــنـــا (http://www.thanwya.com/vb/forumdisplay.php?f=104)

فيه حاجات مميّزة جدّاً ..

..

أنا كان عندي كتاب المُعاصر في الإحصاء ،

وجبت كتاب مراجعة المعلّم في اسبوع ...

واعتمدت عليهم اعتماد كامل ..

والحمد لله كانوا شاملين لكُلّ حاجة ،

وما أخدتش درس في الإقتصاد والإحصاء ،،

:d

وكان إعتمادي على الله أوّلاً ، وبعد كده على نفسي والكتب ديه ..

والحمد لله جبت أعلى درجة على مستوى مدرستي وصحابي من برّه المدرسة ..

عقبالكم يا رب ..

:av4056bb7jp3:
..

أتمنى تفيدكم المعلومات ديه ،

وربّنا يوفقكم ، وأيّ خدمة أو استفسار ..

هأرد عليكم إن شاء الله ..

love ur life

24-07-2010, 08:16 PM

فين الجغرافي

saso_sweet

24-07-2010, 09:03 PM

انا رايى من رايك بالظبط حتى لو كانو بيوزعو الخمسينات كده فى علم النفس
هاخد احصا عشان انا عايزاها ومبحبش علم النفس بجد ميرسى عالتوبيك الجاااااااامد ده

flowra

24-07-2010, 11:11 PM

شكراااااااااااااااا بجد على الموضوع المفيد ده

khawarismy

25-07-2010, 12:31 AM

مممكن اعرف الجرامر في المستوى انجلش ايه بالظبط وكمان الامتحان بتاعه فيه ايه تاني ؟؟؟؟؟؟؟؟؟؟؟؟؟ ياريت ضروري

muslim201092

25-07-2010, 04:28 PM

يعني انا ممكن اذاكر الاقتصاد لوحدي حتي لو المدرسه مفيهاش شرح

منتوو

27-07-2010, 03:42 PM

فين الجغرافي

مُتأسّف أنا مش هأقدر أفيدك في الجغرافيا لأنّي مش أدبي ..

بس قبل ما كان يطلع قرار إنّه الأدبي بس هما الي يدخلوا جغرافيا ،

كان كُلّ الناس ، علمي وأدبي بيقولوا إنّها أسهل مادة ...

شُكراً لمرورك ..

منتوو

27-07-2010, 03:46 PM

انا رايى من رايك بالظبط حتى لو كانو بيوزعو الخمسينات كده فى علم النفس
هاخد احصا عشان انا عايزاها ومبحبش علم النفس بجد ميرسى عالتوبيك الجاااااااامد ده

ده أهمّ حاجة في التّعليم ،

إنّك تتخصّص فيما تُحب ، وليس فيما يُحبّه النّاس .!

وده كمان ، ينطبق على الجامعات ..

ربّنا يسّهلك ، وتدخلي الي عاوزاه وتفرّحي أهلك يا رب ..

شُكراً لردّك ..

منتوو

27-07-2010, 03:47 PM

شكراااااااااااااااا بجد على الموضوع المفيد ده

العفوووو

وشكراً على مرورك ،

وأتمنى أنّكم تستفيدوا ..

منتوو

27-07-2010, 04:07 PM

مممكن اعرف الجرامر في المستوى انجلش ايه بالظبط وكمان الامتحان بتاعه فيه ايه تاني ؟؟؟؟؟؟؟؟؟؟؟؟؟ ياريت ضروري

الجرامر ، عاديّة خالص ، ومش هتلاقي فرق بينها وبين الي بتاخده في الإنجليزي ..

وهتحفظ حروف الجرّ :006et4: وبتيجي مع ايه ، بس !

:bosyht9:

والإمتحان بيتضمّن ، 10 جمل choose .. وبتبقى من الجرامر ،

وبعدين 5 جمل ، Find the mistakes ..

و 5 جمل Rewrite ..

و 6 جمل Answer .. تحلّ منهم 4 بس .. ودول بيبقوا من الـ Topics الثلاثة ..:)

وبعدين سؤال Comprehension عليها أربع أسئلة ..

وسؤال Comprehension ثانية ، عليها أربع أسئلة choose ..

وبعدين قطعة للـ Critical Thinking .. وديه بتبقى قطعة بسيطة ،

وبتختار ليها نهاية منطقيّة من أربع نهايات .. ;)

وبعدين الـ Writing : وهو عبارة عن سؤالين ،

الأوّل : تكتب مُحادثة بين اثنين ، كُل واحد يتكلّم 3 مرات ..:slap1qk6:

والثاني : تكتب عشرين سطر عن واحد من موضوعين ..
:028ja7:

..

:huh:

وعلى فكرة ، ما تخافوش من العشرين سطر دول ،

الكلام بيجيب بعضه ،، :d

وتاخد الدرجة كاملة :cool: وتدعيلي

وبس ،

:022yb4:

شكُراً على ردّك ، ويا رب ربّنا يوفّقك ..

وأي خدمة ..

^_^

منتوو

27-07-2010, 04:15 PM

يعني انا ممكن اذاكر الاقتصاد لوحدي حتي لو المدرسه مفيهاش شرح

أيوة طبعاً ، أنا ذاكرت الإقتصاد لوحدي من دون مدرسة ولا شرح ،،

وأخدت فيه الدّرجة الكاملة الحمد لله ...

:)

بس هو الواحد بيبقى عارف نفسه ،;)

الإقتصاد مادّة أدبية ، ولو إنت بتذاكرها من أوّل السنة هتخلصّها صمّ في نص شهر 11 !

وتخلي الباقي للإحصاء .، والإحصاء بردو سهلة ، هتعرف القوانين وتفهم إزاي تحلّ المسائل ،،

وبعدين تبقى مذاكرتك حلّ ،، يعني كل ما تلاقي نفسك فاضي حلّ إحصاء...

وعلى فكرة هي تعتبر مادة كأنّك أخدت rest بين المواد ...

وربّنا يوفقك ، وتاخد الدرجات الكاملة ،

:022yb4:

وتدخل الي عايزه وتفرّح أهلك يا رب ..

:av4056bb7jp3:

وشكراً لردّك ..

وأي خدمة

:d
..

فاطمة عبدالرحيم

27-07-2010, 04:15 PM

انا عن نفسي رايحة تانية بس اخترت علمي علوم واخترت علم نفس و أحياء لاني هدرس اساسا الاحياء وانا اساسا بحبها جدا

منتوو

27-07-2010, 04:20 PM

انا عن نفسي رايحة تانية بس اخترت علمي علوم واخترت علم نفس و أحياء لاني هدرس اساسا الاحياء وانا اساسا بحبها جدا

ربّنا يوفقك ،،

أهمّ حاجة تحبّي الي بتدرسيه ..

ويا رب تجيبي أعلى الدّرجات ،

وأما تطلعي تالتة ابقي ادخلي ع الموضوع

عشان تعرفي تختاري ايه مادة مستوى رفيع ..

^_^

وشكراً لردّك ..

وأي خدمة ..
;)

sarahwalid

30-07-2010, 09:21 PM

شكرا كتير على الموضوع ,بجد فادنى كتير لانى كنت محتارة بين علم النفس و اقتصاد و احصاء ,
بس الحمد الله انا اخذت اقتصاد و احصاء و كنت عاوزة اعرف ذاكرت ازاى الاقتصاد لوحدك
و هل من كتاب المدرسة و لا من كتاب خارجى و ايه هو احسن كتاب خارجى ممكن يفيدنى ؟
وشكرا مرة تانية على موضوعك و ربنا يوفقك ان شاء الله

Mohamed Omran

31-07-2010, 02:30 AM

والله انا محتار احصاء ولا علم نفس

انا مش عارف منهجهم ولا درست علم نفس قبل كده

عشان اعرف انا حابب ايه اساساً

وانا هدرس رياضة 2

ningooooo

31-07-2010, 02:58 AM

ياريت تخبرنا بكيفية مذاكراة الإنجليزي كمستوي رفيع و كنت بتاخذ فيه درس ولا ايه و بتذاكره من كتاب ايه

يوسفباشا

31-07-2010, 03:42 AM

اشكرك جدا جدا جدا بس ممكن لو سمحت تقولى انت مجموعك كام لان ممكن انت نتكوت قفلت الانجليزى لانك شاطر ههههههههههههههههههههههه

ثانيا : لو سمحت قولى شكل امتحان الانجليزى ايه؟ يعنى ايه نظام الاسئلة
واخر حاجه لو تعرف العربى يا ريت كمان تقولى شكل الامتحان ايه وفيه بلاغه زلالا؟ وشكرا جدا لى الموضوع القيم

انت طمنتنى اصلى كنت علم نفس بس شاكك ههههههههههه مع انى عاوز درجات وبس ومش بحب الحفظ

yomna1993

31-07-2010, 05:09 AM

جزاك الله خير
بجد ربنا يجعله في ميزان حسناتك
انا كنت في حيرة و نفسي حد مجرب يساعدني في القرار
و كمان بيخوفوني من المستوى الرفيع انجليزي و انا كنت عايزة انجليزي اصلا
شكرا جدا جدا

ساره121292

31-07-2010, 09:02 PM

طب والفلسفه اسهل ولا علم نفس انا واخده فلسفه ماده ادبيه

Mostafa Walid

31-07-2010, 10:22 PM

انا رايح تانية ثانوى
بصراحة موضوع جميل جدا واكدلى انى انشاء الله حدخل اقتصاد واحصاء بالنسبة للحصاء كده تمام
طب الاقتصاد ايه رايك فى وممل ولا ايه وايه الكتب اللى فيه وانا عايز اخش مستوى رفيع رياضة علشان تفدنى انشاء الله فى رياضة 2 وانا بحب الرياضة جدا بس ملقتش حد داخلها كتير فخايف ادبس لوحدى يعنى وانا مش بحب العربى والانجليزى كفاية الانجليزى الاساسى وجزاك الله خيرا

بسمة الخطيب

01-08-2010, 01:30 PM

بسمة الخطيب

01-08-2010, 01:35 PM

:bosyht9::bosyht9::bosyht9:بليز ردوا عليا

Mostafa Walid

01-08-2010, 04:59 PM

انا عايزة اسال ايهما افضل الاحياء ولا ارياضة 2 ؟انا اصلي عايزة احول رياضة 2 بس خايفة اوي ........ وبعدين لو كملت احياء مش هجيب اللي يدخلني طب او صيدلة ودي المشكلة عندي ... فانا خلاص هتجنن من التفكير وبعدين انا مبحبش الحفظ وبردو نفس المشكلة في المادة الاختياري علم نفس ولا اقتصاد واحصاء ؟ياريت حد يفيدني واكون شاكرة طبعا:):):bosyht9:
انا لسه داخل تانية على فكرة بس قولت ارد عليكى
مفيش حاجة اسمها ايهما افضل شوفى انتى بتحبى ايه اولا و ابنى على اللى انتى بتحبيه وشاطرة فيه انت حتدخلى ايه يعنى لو انتى بتحبى الاحياء ونفسك تخشى طب او صيدلة بس خايفة من الحفظ
لا متخافيش لو بتحبى المادة لو انتى بتحبى الرياضة ونفسك تدخلى هندسة بس خايفة من صعوبة رياضة 2 لا بردوا متخافيش انتى لو ذاكرتى كويس وحلاتى امتحانات كتير ومسائل كتير انشاء الله مفيش حاجة صعبة وشكلك كده مش بتحبى الحفظ يعنى زى انا بكرهه جدا زى مادة العربى ديه اللى بتنقصنى و ده رايي;) وعايز اعرف رايك ومن كلامك شكلك دخلة ثالثة عايز اعرف جبتى كام السنادى
وربنا يوفقنا جميعا :022yb4:

midonline

01-08-2010, 05:01 PM

شكرا جدا على الموضوع الجامد اوى ده لانى كنت محتار اوى للمستوى

بسمة الخطيب

02-08-2010, 08:43 AM

انا لسه داخل تانية على فكرة بس قولت ارد عليكى
مفيش حاجة اسمها ايهما افضل شوفى انتى بتحبى ايه اولا و ابنى على اللى انتى بتحبيه وشاطرة فيه انت حتدخلى ايه يعنى لو انتى بتحبى الاحياء ونفسك تخشى طب او صيدلة بس خايفة من الحفظ
لا متخافيش لو بتحبى المادة لو انتى بتحبى الرياضة ونفسك تدخلى هندسة بس خايفة من صعوبة رياضة 2 لا بردوا متخافيش انتى لو ذاكرتى كويس وحلاتى امتحانات كتير ومسائل كتير انشاء الله مفيش حاجة صعبة وشكلك كده مش بتحبى الحفظ يعنى زى انا بكرهه جدا زى مادة العربى ديه اللى بتنقصنى و ده رايي<IMG class=inlineimg title=;) alt="" src="images/smilies/wink.gif" border=0 smilieid="4"> وعايز اعرف رايك ومن كلامك شكلك دخلة ثالثة عايز اعرف جبتى كام السنادى 
وربنا يوفقنا جميعا <IMG class=inlineimg title=022yb4 alt="" src="images/smilies/022yb4.gif" border=0 smilieid="27">
 ميرسي بجد اوي عالرد بتاعك بس انا كل خوفي من الرياضة 2 صعوبتها بس نفسي ادخل هندسة واللي قالقني اكتر ان المادة اللي نقصتني السنة ديه هي الرياضة يعني خلاص هتجنن <IMG class=inlineimg alt=0 src="http://www.thanwya.com/vb/images/smilies/romarioxp6.gif" border=0 smilieid="42">

Mostafa Walid

02-08-2010, 09:13 PM

مش انتى بتحبى الرياضة يبقى انتى حتجيبى فيها درجة كويسة انشاء الله وتقفليها كمان مفيش حاجة بعيدة على ربنا
انتى جبتى كام فى المية وكام فى الرياضة ؟؟؟؟؟؟؟؟؟؟؟؟؟؟؟؟؟؟؟؟؟؟
ممكن تكون انتى نقصتى علسان انتى بتحبى المادة ديه وافتكررتى نفسك شاطرة فيها فاهملتيها شويه وممكن عيب من المدرس وربنا معاكى السنة الجايه

soul333

04-08-2010, 01:13 AM

اولا شكرا لحضرتك جدا
بس هو الكلام ده بجد.......اومال المدرسين قالوا غير كدة ليه؟!
يعنى بالنسبة للانجلش المستر قال صعب وفى شعر و بلاغيات!
حضرتك بتتكلم عن المواد كأنها بسيطة وتافهة
طيب انا مش بعرف احفظ!
اخد مستوى عربى ولا انجلش
؟؟؟

soul333

04-08-2010, 01:17 AM

يا بسمة يا حببتى هندسة للبنت مش حلوة............
ورياضة 2 مش مضمونة والامتحان معرض انه ييجى من بره المنهج
بس لو عايزة علمى رياضة يبقى خليكى نظم حاسبات ومعلومات افضل ودة مجرد رأى
ولو لأ يبقى ادخلى اسنان او علاج طبيعى الاتنين جمال
وان شاء الله التنسيق مش هيبقى رافع
وفى الاول وفى الاخر القرار قرارك ودة مجرد رأى مش تخليه يهزك ويشتتك

محبة لصديقتى

26-08-2010, 04:13 PM

مشكوووور يا منتو ع الموضوع ده
انا عن نفسى انا رايحة تالتة ثانوى وانا ادبى واخدت علم نفس لانى مش بطيق الاقتصاد ولا الاحصا لانى
ما صدقت اخلص من الرياضة وكمان علم النفس ما هو الا مادة ممكن اقول انها بتعرفنا ع شخصيتنا اكتر
وبتدرس مشاكلنا ومعظمها معلومات عامة ولا ايه؟؟

وبالنسبة للمستوى الرفيع انا اخترت انجليزى مع ان اصحابى اخدوا جغرافيا لانها فيها سهولة اكتر من الانجليزى
بس انا اخدت انجليزى لانى بحبه اوى واكتر مادة بحبها ف المواد اللى بدرسها ، مع انهم اخدوا الجغرافيا مش
عشان بيحبوها عشان هى السهلة اللى ف مواد المستوى
وكل المدرسين بيقوولوا ان الانجليزى تقيل ورخم بس الحمد لله كويس انى لقيتك بتقول انه حلو ولذيذ
والحكاية كلها 3 units
انا عايزاك تقولى اذا كنت ماشية صح ف اختيارى ولا ايه؟؟
انا بصراحة اتطمنت لما انت قلت انك مجربو وكمان جبت فيه درجة حوة
مشكووووووور مرة تانية وياريت ترد بسرعة عليا

دكتورة منة

26-08-2010, 06:07 PM

انا اخترت احصاء واقتصاد بس هاحول علم نفس لما اخل تالتة ان شاء الله
اصل السنادى جيه لافتصاد والاحصاء صعب وماحدش جاب فيه الدرجة النهائية خالص على عكس علم النفس

بالتوفيق
وميرسى عالطرح المميز

مروه

26-08-2010, 08:19 PM

والله أنا كنت محتاره جدا فى المستوى بين العربى والإنجلش وأحياء

وكتير قالى ان انجلش وعربى سهلين جدا

بس أنا أخدت أحياء عشان بحبها اوى

والحمد لله بدأت فيها من أول شهر 8 وقربت أخلص نصها

وبجد سهله ولذيذه جدا :av4056bb7jp3:

يعنى اللى عاوز ياخد مادة مستوى يحاول يختار ماده بيحبها

وبالنسبه للماده الأدبى

علم النفس تافه وسهل جدا

وميرسى منتوو ع التوبيك

الاميره ايه

27-08-2010, 02:07 PM

Mostafa Walid

27-08-2010, 07:43 PM

انا رياضه 2 ان شاء الله :049gc0:

وقررت بعد حيره وشكوك :stickjo4:
اخذ اقتصاد واحصاء
بس ممكن اعرف افضل الكتب الخارجيه في اقتصاد واحصاء ؟:028ja7:
وان شاء مستوي رفيع رياضه
ربنا يوفقني :av4056bb7jp3:
وادخل هندسه

يارب :romarioxp6:

يا رب يوفقك ويدخلك هندسه ان شاء الله على فكره انا لسه داخل تانيه واخترت فى تالته رياضة مستوى رفيع واقتصاد واحصاء زيك يعنى ربنا يوفقنى انا كمان وخش هندسه

مروه

28-08-2010, 02:10 AM

وان شاء مستوي رفيع رياضه
وادخل هندسه

مستوى رفيع رياضه

:confused::confused::confused:

ربنا يوفقك

بس ليه مش انجلش اسهل بكتير من رياضه :romarioxp6:

حاولى تفكرى تانى لانى اسمع انه صعب

بالتوفيق وان شاء الله تدخلى هندسه :078111rg3:

fire sword

28-08-2010, 09:09 AM

الاقتصاد والإحصاء والله تافهين

انا ابن عمي ذاكرهم في آخر 10 أيام وجاب فيهم 50

الاميره ايه

31-08-2010, 01:35 PM

شد حيلك السنه ده
ودي نصيحه من مجرب:friendsxs3:
انا فضلت العب طول السنه و اهملت حاجات كتير
ولحقت نفسي في اخر 4 شهور
بس كنت ضغطه علي اعصابي في الاخر :excl:
انا الحمد لله جبت في تانيه 91 % :bosyht9:
وان شاء الله السنه دي مش هقبل باقل من 97 :p
وربنا يوفقك انت كمان وتدخل هندسه ;)

يا رب يوفقك ويدخلك هندسه ان شاء الله على فكره انا لسه داخل تانيه واخترت فى تالته رياضة مستوى رفيع واقتصاد واحصاء زيك يعنى ربنا يوفقنى انا كمان وخش هندسه

اهلا يا مروه :)
انا مشطره اوي في الانجليزي :(
الانجليزي هو اللي قلل مجموعي خالص
جبت 19 من 25 :angry2:

مستوى رفيع رياضه

:confused::confused::confused:

ربنا يوفقك

بس ليه مش انجلش اسهل بكتير من رياضه :romarioxp6:

حاولى تفكرى تانى لانى اسمع انه صعب

بالتوفيق وان شاء الله تدخلى هندسه :078111rg3:

Free Canary

31-08-2010, 07:46 PM

السلام عليكم و رحمة اللهو بركاته
............................
اولا شكرا على الموضوع المفيد جدا
.........انا علمي علوم ان شاء الله و بصراحة انا مش بحب اصلا المواد الادبية و معرفش اختار منهم لاني مش طايقة و لا واحدة فيهم علشان كدة انا مشيت حسب الاغلبية و الاغلبية بيقولوا اقتصاد و احصاء و انا شايفة ان الفلسفة و علم النفس هيبقوا اصعب لان اغلبهم حفظ و انا مبعرفش احفظ قولت اقتصاد واحصاء اسهل علشان الاحصاء فهم و الاقتصاد حفظ
اما بالنسبة للمستوى الرفيع فانا بصراحة بحب الانجليزي اوي
بس اصحابي و المدرسين بيقولوا الانجليزي كمستوى رفيع صعب اوي و فيه حفظ كتير و الاحياء كمان صعبة و الكل استقر على العربي كمادة مستوى رفيع لان هم شوية ورق هنشتريهم و نحفظهم و بس
..............
على فكرة انا في تانية ثانوي