السادة الافاضل

دعونا نقف لحظات مع ما يحدث للمتعاقدين لنرى كيف سلبونا حقوقنا واحدا تلو الاخر
(لو واحد اخذ منك 100 ج ثم اعطاك منها عشرة تفرح وتشكره ؟!!!)
*****
نتفق اولا ان التعاقد بدأ منذ 2005
ثم صدور قانون الكادر فى 2007
وهنا حدثت اول مأساة لهذه الدفعة الاولى من المتعاقدين
حيث تساوى من تعاقد فى 2005 مع من تعاقد فى 2006 او2007 وبدأ احتساب مدة التعاقد من 2008 م
( لماذا ؟)
لأن قانون الكادر يعطى الفرصة للمعلم المساعد عامين فقط وهنا عليه ان يجتاز الاختبار
والذى تم اجراؤه فى 20/11/2009م
*********
واجراء الاختبار فى حد ذاته فيه ظلم
(لماذا ؟)
اولا لان الفرصة لم تتاح للجميع لدخول الاختبار وبالتالى فقد كان متعمدا تخفيض اعداد الممتحنين وقد ظهر ذلك فى بعض مديريات التربية والتعليم وكذلك فى الازهر حيث حرم الكثير من المعلمين من دخول الاختبار رغم احقيتهم
والدليل على ذلك انهم لم يطلبوا ممن لم يدخل الاختبار اعتذار ( كما كان يحدث مع المعينين )
ثانيا : لأن هناك من حرم من دخول الاختبار ايضا لانه من غير خريجى كلية التربية وبالتالى عليه ان ينتظر حتى يحصل على الدبلومة التربوية
ونتفق جميعا ان هذا ليس من العدل لأنه بما انه اتيحت له الفرصة وتعاقد فيجب ان يتساوى مع غيره ( هذا مع تقييده بالحصول على الدبلومة ) ولكن ليس باعتبارها شرطا لدخول الاختبار وحرمانه من حقه
ثالثا : كلا من اختبار الانجليزية وشهادة الرخصة الدولية فى الكمبيوتر لم يتضمنها القانون وبناء عليه لا يجب ان يتوقف عليها التعيين
********************
وقفة اخرى

اولا : تم تصفية المتعاقدين وبدلا من تعيينهم مباشرة
الحكومة استخدمت كل ما يمكنها من اساليب لتكسب اطول فترة ممكنة من الوقت الذى يعنى مزيدا من الحرمان للمتعاقدين
استخدمت قواعد اللعبة بذكاء
وبدلا من تعيين ما يقرب من 200 الف ستقوم بتعيين 25 الف (طبقا للتصريح ) ثم توالى بعد ذلك الدفعات ولا نعلم فى اى وقت !!!



وكانت التصفية كالتالى :

قامت بحرمان الدفعة الاخيرة من دخول الكادر
عدد كبير حرم من دخوله رغم احقيته (اجراءات ادارية خارجة عن ارداة المتعاقد )
عدد من المتقدمين لم ينجح فى الاختبار ( جميع المكونات )
عدد كبير من الناجحين لم يحصل على شهادة الر خصة الدولية
وبذلك نجحت فى تخفيض العدد الى الخمس :excl:

ونلاحظ ان الاتعس حظا هم المتعاقدون فى 2005
فمثلا قد يتعين المتعاقد فى 2007 مثلا فى حين يحرم من تعاقد فى 2005 اما لأنه غير تربوى او لعدم اجتياز الاختبار او الشهادة
********************************
الوقفة الاخيرة مع تغييرات الوزراء
تحاول الحكومة ان تتجمل فى عيون الشعب مع بدء انتخابات الشعب ثم الرئاسة

فها هو العدو الاول للتعيين يرحل
اللهم لا شماته
احمد درويش وزير التنمية الادارية (عليه من الله ما يستحق )
ورئيسه احمد نظيف
وكلاهما خطط لهذا القانون الغاشم
ويظل بطرس غالى كما هو :angry2:
وهكذا بدأ يتضح انها فى البداية والنهاية لعبة انتخابات
ليدفع المتعاقد الثمن
اغلى ما يملك
سنوات من عمره
بلا حقوق بلا كرامة بلا مساواة
********
والسؤال : هل ستكون راضيا عن الحكومة فى حالة اتباعها لسياسة التعيين على دفعات بعد حصولك على التعيين؟؟؟!!!!
قد لا تملك شيئا ولكن اجابتك نعم ام لا ؟؟؟

يبقى انت اكيد اكيد فى مصر شكرا لمجهودك

الاخت كاتبة هذا الموضوع لقد شرحتى اللعبة كما يجب
ولكن مارال الامل موجودا طالما هناك من يطالب بحقه
كما ان الحياة ليست كلها وظيفة معلم
فهناك امور كثيرة حولنا
نستطيع ان نأخذ حقنا فيها
والقادم أجمل ان شاء الله

جميل يا ا/سلوى التوضيح ده بس نرجوا من الاعضاء وضع الحلول

شيرين بتقول في اغنيتها انا بيك من غير انا عايشه هو ده شعار الحكومة لو كلنا متنا ما تفرقش معانا ما جت عشرين انتخابات ولسه خلصة الشوري و الوزير ساب البلد وراح يتفسح و لا احنا ولا غيرنا في دماغه

أ.سلوى اشكرك على هذا الموضوع
وانا من دفعة 2005 والتي حرمت من دخول الامتحان بسبب التربوي
واجد انه من العدل تثبيت المعلمون حسن تاريخ التعاقد دون وضع شروط التربوي او icdl مع الزامهم بالحصول عليها

اذا كانت هذه هى اللعبة فهل لنا من دور فى هذه اللعبة ام نكتفى باللعب بينا كمجرد قطع شطرنج فى ايدى لاعبين مهرة

وهل من نهاية لمثل هذه الالعاب.............؟

وهل من نهاية لمثل هذه الالعاب.............؟
لنا الله

والله اشكرك فى البدايه على هذه الكلمات ولا املك سوى شكرك على تعبيرك على ما بداخل كل متعاقد بس والله والله انا والف زى متعاقدين من 2002 بمبلغ 100ج واعرف ناس من قبل كده والله المستعان وخريجى 2008 و2009 و2007 زعلانين وفيه ناس دخلوا معانا امتحان الكادر ويمكن يتعينوا قبلنا واحنا شغالين من 2002 هو ده العدل الله يبتقم من الظالم وحسبى الله ونعم الوكيل وياريت محدش يفهم كلامى غلط بس على الاقل يحط نفسه مكان خريجى الدفعات القديمه وهو مش هيحس بالظلم ده هيموت من الظلم وفى الاخر بنقول ده رزق ونصيب.

كلام جميل جداً

انا من الدفعة اللي امتحنت امتحان الكادر ودي كدة خامس سنة لية في التربيةوالتعليم
بجدنفسي كان يصدر القرار للجميع
بس ان شاء الله انه لو ثبت دفعة فده حيكون معناه انه مضطر يعين الباقي حسب القانون اللي شغالين بيه
والله المستعان

لسه فيه امل فى التعيينhttp://www.thanwya.com/vb/life/icons/icon114.gif

لسه فيه امل فى التعيينhttp://www.thanwya.com/vb/life/icons/icon114.gif
باين عليك شخص متفائل بقى اول رسالة ليك ليك خلي عندك امل
نعتبر امل لسة ما ما تتش
وربنا يوفقك

وما نيل المطالب بالتمنى ولكن .......................

لنا الله جميعاً

يا جماعة مش عايزينننظر لبعض ونختلف ونكون شتى بسبب دفعات حديثة دخلت الاختبار ودفعات أقدم منها ناس مادخلتش وذلك بسبب قانون التعاقد الذى جميعنا ارتضيناه ووافقنا عليه ولكن ذلك لا يمنع ان من الأحق أن الأووية فى التعيين للافدم فالأحدث المهم يا أساتذه ان نكون معا رأيا واحد لا ننظر من قبل من المهم أن يعين الجميع وإن كانت على فترات بشرط أن تكون خطة صادقة وتنفذ

مش مهم يكون التعين على فترات المهم يصدر القرار

وياريت يتم تعين الجميع مع كتابه تعهد عليهم بالتزام بالشروط الوارده بالقانون

وفى حاله دى مش مهم يكون التعين دفعه علىواحده او حتى دفعات

نحن نشارك فى هذه اللعبة بشكل او باخر لان هناك مدارس كلها متعاقدون او الغالبية العظمى ماعدا الناظر والاداريون يعنى الدنيا ممكن تقف من غيرنا بس احنا خايفين ومش عايزين نضغط بالورقة دى ومش فاهمة خايفين ليه ؟؟؟؟؟ الرزاق هو الله وليست الحكومة اما بالنسبة انهم بيساوو كل دفعات التعاقد مع بعض فعلا ده ظلم كبير ان خبراتنا تبقى متفاوتة ومع ذلك زى بعض فى المرتبات وشروط التعاقد ورجعو تانى طلبو شروط معينة زى التربوى والرخصة عدلو الميزان شوية بالشروط دى وادوا فرصة للمجتهدين اللى بجد قلبهم على شغلهم وعايزين يعملو حاجة وعلى فكرة لو فكرنا شوية هنلاقيها شروط مظبوطة ومش غلط احنا اللى ظبطنا حياتنا على الغلط اذاى يكون معلم ومش تربوى ؟ بيشتغل بالسليقة كدة وبالفكرة فى الالفية الثالثة اذاى يكون فى معظم المدارس اجهزة كمبيوتر ومعامل وسائط متعددة ومش عارفين نتعامل معاها ولانستفيد بيها فى خدمة العملية التعليمية هما برضو بيحاولو يظبطو التعليم من القاعدة اللى هو المعلم الشاب اللى زينا كدة لان هو ده امل بكرة بس باذن الله لما يعينونا ستذهب هذه الغصص والشعور بالظلم والترصد لان كلنا سنتقاسم الفرحة *

كل دى وقفات !!!!

مطلوب وقفة واحدة للرد عليها

مطلوب التعيين للجميع مش بس 25 ولا 40 الف