عندما يكون البطل مريضا وتقدم لة البطلة حبة الدواء مع كوب ماء وبعد ان يبتلعها وتسأله البطلة
فورا: ها عامل اية دلوقتي المفاجأه انة يرد عليها الحمد لله بقيت احسن
كده بالسهولة دي.. هو واخد حبة البركة ولا ايه؟

**************************************


عندما يصل البوليس الي موقع الجريمة دون ان يبلغه احد

تقريبا المخرج هو اللي بلغ علشان يصور.. أمّال هيصور ايه

********************************

عندما يصاحب مشهد التغرير بالبطلة لقطات الامطار الغزيرة والبرق والرعد
والشباك الذي ينفتح بقوة علي مصراعيه
وتلاقي البطلة في الفيلم مصيّفه

************************

عندما تقول البطلة للبطل انها حامل فيرد البطل على طول..
اللي في بطنك ده لازم ينزل
غالبا بيكون (يوسف شعبان)

*****************************


عندما تفاجئ باغنية مالهاش أي لزمه في نص الفيلم

مش عارف ايه العلاقة بين الاغنية والفيلم

***************************


العبارة الساذجة الشهيرة التلي تصطحب مشهد القبض علي المجرم:
مفيش جريمة كاملة وانت فاكر انك هتهرب من البوليس بعملتك دي

*************************


عندما يسكر البطل فتجده يصب كوب ممتلئ علي اخره

بيسكر بعصير قصب

************************

عندما يخرج الطبيب من غرفة العمليات يرد جملة من ثلاث جمل
اضطرينا نضحي بالجنين..
شدو حيلكوا يا جماعه..
العمليه نجحت بس مش هتقدروا تشوفوه دلوقتي...


******************************


عندما يجلس البطل والبطلة في نفس الكازينو بتاع كل فيلم اللي في وش ماسبيرو ويطلبوا نفس العصير اللي في كل الافلام
: تانج او ميراندا
يخلص المشهد من غير ما حد يشرب حاجة
تقريبا علشان هيتصور بالمشاريب دى فيلم تاني

*****************************

عندما يصاب البطل بطلق ناري في قلبه وتنزف الدماء من بطنه زي صلصلة الكشري
ويظل يتحدث بطلاقة وتركيز لمدة خمس دقائق يقوم خلالها
بفك لغز الفيلم والاعلان عن القاتل الحقيقي او البطل يبقي ابن مين

****************************


عندما تتناول الابنة الفطار وهيا واقفة وبتاخد لقم سريعة فتقولها الوالدة
ما تفطري يابنتي كويس تقولها: لا علشان الحق المحاضرة
وتبوسها وتمشي فتنظر الوالدة الي الوالد ويبدأن في الدعاء


******************************

عندما تغيّر حرب اكتوبر اخلاق كل المنحرفين الموظف المرتشي
والجاره اللعوب والبلطجي والمجرم بطبعه

***************************

عندما تجد مقر العصابة ملئ بالقش والبراميل الخشبية

*******************************

عندما تسمع صرير احتكاك كاوتش العربيات اللي بطارد بعض
وتقريبا بتبقي عربيات 128 وماشية بسرعة 30 كيلو
***********************
يلا عايزه ردودكم واللى عنده حاجه تانيه تفكرك ان ده فيلم عربى:bosyht9:

لما تلاقى البطل قتل زوجته الخاينة ويطلع يسكر فى كازينو علشان ينسى وبعد كده وهو راكب عربيته يعمل حادثة

لما تلاقى البطل قتل زوجته الخاينة ويطلع يسكر فى كازينو علشان ينسى وبعد كده وهو راكب عربيته يعمل حادثة
ههههههههههه اه والله فعلا
انا فى حاجه كمان بتأكدلى اوى ان ده فيلم عربى وهو لما البطل يدخل على شقه ويلاقى واحد مقتول ومرمى تلاقيه جرى يمسك المسدس ويقلب فيه وبعدها يجى الجيران وطبعا يتهموه ان القاتل لحد ما يتسجن واخر الفيلم يطلع برأه اللى بجد مجننى اوى طب هو ليه بيمسك المسدس علشان يحط بصماته عليه ولا ايه ولا يمكن بيدور على اسم القاتل على المسدس
ما علينا المهم ميرسى على مرورك:friendsxs3:

لما أضيع وقت فى قراءة موضوعك هههههههههههه
لما هنيدى فى ساعتين يتحول من فقير كحيان لمليونير وسوبر مان
شكرا على الموضوع الجميل

ههههههههههههههههههه دة كلة بجد موجود

شكرا موضوع جناااااااااااااان

ههههههههههههههههههه دة كلة بجد موجود

شكرا موضوع جناااااااااااااان
شكرا على مرورك انتى:)

لما أضيع وقت فى قراءة موضوعك هههههههههههه
لما هنيدى فى ساعتين يتحول من فقير كحيان لمليونير وسوبر مان
شكرا على الموضوع الجميل
ههههههههههههه
اولا سورى على وقتك اللى ضيعته مع انك لما ضيعت الوقت كده قلبناه فيلم هيندى مش عربى
اه والله عندك حق لا ولما كمان تلاقى فى الافلام ان يبقى مطرب فاشل وفجأه يبقى انجح واحد فى الدنيا وده طبعا علشان يندم حبيبته انها اتخلت عنه
المهم بقى بدل ماتضيع وقت كمان وانت بتقرى ردى شكرا على مرورك

ههههههههههههه
اولا سورى على وقتك اللى ضيعته مع انك لما ضيعت الوقت كده قلبناه فيلم هيندى مش عربى
اه والله عندك حق لا ولما كمان تلاقى فى الافلام ان يبقى مطرب فاشل وفجأه يبقى انجح واحد فى الدنيا وده طبعا علشان يندم حبيبته انها اتخلت عنه
المهم بقى بدل ماتضيع وقت كمان وانت بتقرى ردى شكرا على مرورك


وشكرا لكى
الموضوع كله كان يحتاج لدعابه ومناقشه لطيفه

يبقى نتكلم جد

ليس دفاعا عن أهل الفتنه فى هذا الوطن ولا عن من لوثوا سمعة المصريين فى بقاع الأرض
حتى تجد السعودى العادى واليمنى العادى والعمانى وغيرهم وغيرهم
يتصورون أن المصريين ماهما إلا مجموعه من الراقصين والراقصات والمجرمين
هل يمكنك التحكم فى تعاطفك أثناء مشاهدتك لفيلم حنفى الأبهه وسلام ياصحبى(مرزوق)
طبعا لا -- لأنه البطل مع العلم إنه (حرامى ) يعنى بدون ماتشعر لقيت نفسك تؤيد مايفعله
عندما يحلل العربى العادى كل مايشاهده فى الأفلام والمسلسلات وقنوات الأغانى
وهو لايعلم عن مصر إلا مايشاهده فى التليفزيون وفضائيات الفتنه فبأى حكم سيمنحنا إياه؟
شفتى حضرتك الموضوع ليس مجرد أحداث فى الفيلم لكن الأمر هو ماينتج عن هذه الافلام

وشكرا لكى
الموضوع كله كان يحتاج لدعابه ومناقشه لطيفه

يبقى نتكلم جد

ليس دفاعا عن أهل الفتنه فى هذا الوطن ولا عن من لوثوا سمعة المصريين فى بقاع الأرض
حتى تجد السعودى العادى واليمنى العادى والعمانى وغيرهم وغيرهم
يتصورون أن المصريين ماهما إلا مجموعه من الراقصين والراقصات والمجرمين
هل يمكنك التحكم فى تعاطفك أثناء مشاهدتك لفيلم حنفى الأبهه وسلام ياصحبى(مرزوق)
طبعا لا -- لأنه البطل مع العلم إنه (حرامى ) يعنى بدون ماتشعر لقيت نفسك تؤيد مايفعله
عندما يحلل العربى العادى كل مايشاهده فى الأفلام والمسلسلات وقنوات الأغانى
وهو لايعلم عن مصر إلا مايشاهده فى التليفزيون وفضائيات الفتنه فبأى حكم سيمنحنا إياه؟
شفتى حضرتك الموضوع ليس مجرد أحداث فى الفيلم لكن الأمر هو ماينتج عن هذه الافلام
طبعا ده كله كان هزار احنا مننكرش ان فى افلام جميله جدا وليها هدف وان فعلا احيانا نتعاطف مع البطل مع انه مجرم واحيانا ممكن نكره البطل اوى لمجرد ان اتقن دوره فى فيلم كان شرير فيه
وبالنسبه لرأى الاخرين السلبى فينا فا ده ميهمناش لان احنا عارفين كويس احنا ايه