محتار جدا
23-07-2010, 11:01 PM
هاى شباب هاى بنات مشكلتى بكل بساطه
ادامى هندسه مدنى
وتربيه رياضه عربى وانجليزى
ناس تقولى هندسه احسن
وناس تقولى المهندسين ملهمش لازمه ومش هشتغل
وتربيه احسن
حد يريحنى يا جدعان ويدينى راى بادله وبالعقل كده مش مجرد اعتقادات وياريت بسرعه
وشكرا اووووووووووى على المنتدى الجامد ده
BaNZeR
24-07-2010, 05:38 AM
ايه المقارنة الفظيعة دي
اكيد تربية رياضية طبعاً :d
KeMoZzAzZ
24-07-2010, 06:21 AM
مم قدامك هندسة مدنى
يعنى انت خلصت اعدادى والحمد لله
وفى نفس الوقت قدامك تربية رياضية
مممم
لا احنا نخش معهد صرف طرق احسن :d
محتار جدا
25-07-2010, 09:33 AM
ايه المقارنة الفظيعة دي
اكيد تربية رياضية طبعاً :d
دى ترقيه ولا بتتكلم جد
مم قدامك هندسة مدنى
يعنى انت خلصت اعدادى والحمد لله
وفى نفس الوقت قدامك تربية رياضية
مممم
لا احنا نخش معهد صرف طرق احسن
هو كل الكلام تريقه ليه يا جماعه
انا مخدتش اعدادى لسه بس انا لو دخلت هندسه هبقى مدنى
علشان كده بقارن بينها وبين علوم او تربيه رياضه
ياريت يا جماعه تقوليلى تربيه رياضه قسم انجليزى احسن ولا الهندسه
quote=فطيــمه;2443993] لا هندسه طبعا
[/quote]
ميرسى كتير على ردك بس ياريت لو توضيحيلى اختارك كان على انهى احساس
eng/yasmeen
26-07-2010, 12:33 PM
مش شايفة وجه مقارنة بصراحة :d
بقى هندسة ملهاش مستقبل وتربية الى لها مستقبل نو كومنت
والله شوف الى حضرتك ترتاحله واعمله بس لو مش عاوز تدخل هندسة بلاش م الاول عشان متتعبش فيها
emadgoo2000
26-07-2010, 04:34 PM
السلام عليكم
أنا عماد خريج ثانوية 1994 بمجموع 85.5 %
كانت لي كليات هندسة المنيا هندسة حلوان ، المطرية والمنوفية وبورسعيد
كلية الإقتصاد والعلوم السياسية جامعة القاهرة
كلية طب بيطري جامعة القاهرة
ومع ذلك دخلت كلية تربية شعبة رياضيات وحاسب آلي
ولكنني بكل صراحة حزنت أنني تركت هندسة لأني كنت أريد أن استمر في الدراسات العليا أو أهاجر إلى كندا
ومع ذلك
سافرت إلى السعودية أعمل مدرب حاسب آلي وشبكات بأكاديمية بالرياض
حصلت على دبلوم الدراسات العليا في التربية من تربية بنها جامعة الزقازيق سابقا جيد جدا
حصلت على ماجستير نظم معلومات في ais من الأكاديمية البحرية
حصلت على شهادات mcp mcts isa mcse mcsa من ميكروسوف
icdl
الخبرة 12 سنة تقريبا
كان هندسة من 10 لها قيمة ولها شغل الآن إذا اشتغلت في قطاع خاص 1000 جنية أول شغلك وبيكون موسمي
سنه وغير وابحث عن جديد
لو كنت هتتعين تربية أفضل وتعطي دروس وخصوصا القاهرة أو المدن بصفة عامة
نأمل الرد السريع والمشاركة من الأعضاء
أخوكم عماد
emadgoo2000
26-07-2010, 04:49 PM
كلية الهندسة مش مناسبة للبنات
لأنها قطاع خاص إن إشتغلت ومرمطه كل يوم
وأعرف شواهد على ذلك
مهندسة بتشتغل في 6 أكتوبر بـ 600 جنيه وبتسافر 100 كيلو يوميا رايح 100 راجع
ولي أخت كان لها كلية هندسة ولكن دخلت تربية e ومتعينه مدرسة إنجليزي اعدادي ثانوي
وبالنسبة للأولاد إما يسافر ويكون مغترب طول عمره في الخليج وأنت عارف رواتب المهندسين على كام 2000 ريال في السعودية أعلى راتب مهندس مع الخبرة 4500 ريال وهذا لما يكون الخبرة 10 سنوات
ولي زملاء سافرو إلى السعودية على راتب 2500 مهندسين كهرباء ومشاريعهم كلها في الجبل والصحراء
الكلية التي كنت سألتحق بها كان عدد الطلاب في تلك الأيام سنة 1994 حوالي 400 طالب الآن ما يقرب من 1700 طالب فأصبح خريجي كليات الهندسة مثل دبلوم فني صناعي
تقريبا في كل محافظ كلية هندسة
القاهرة بها (هندسة القاهرة ـ كلية التخطيط العمراني ـ هندسة عين شمس ـ هندسة حلوان ـ هندسة الأزهر ـ هندية المطرية ــ هندسة 6 أكتوبر ـ هندسة الجامعة الأمريكية ــ معد التكنولوجيا 10 رمضان)
بالمحافظات تقريبا كلية هندسة بكل محافظة
هندسة الأسكندرية
هندسة المنصورة
هندسة المنوفية
هندسة طنطا
هندسة الزقازيق
هندسة بورسعيد
هندسة قناة السويس
هندسة الفيوم
هندسة المنيا
هندسة اسيوط
هندسة اسيوط أزهر
هندسة معهد الطاقة بأسوان
هندسة الاسماعيلية
هندسة جامعة سيناء
هندسة الجامعات الخاصة
عددالخريجين 25000سنويا
KeMoZzAzZ
26-07-2010, 08:15 PM
انت بتقول كانوا 400 بقوا 1700
ماده اكييييد يعنى بعد اما يكون عدد السكان مش عارف كام نسمة لكام و70 مليون
فدى حاجه منطقية جدا ومش زى معهد صنايع اللى بتقول عليه ولا حاجه :)
وانت متضايق من اللى بيعملوا مشروعات فى صحرا؟؟
دبى كانت صحرا سبحان الله عملوا مشروعات بقت هيلا هوبا حاجه تانيه :d
وغير كده مش انت اللى بتبنى انت مهندس حتى لو فى صحرا ده شغلك اكيد مش كل يوم هتبنى جنب دريم بارك :d
محتار جدا
27-07-2010, 02:25 PM
ميرسى كتير على ردودكم يا جماعه
انا خلاص ناويت على المدنى باذن الله
وربنا يسهل ويستر فى الباقى
egt2007
27-07-2010, 03:20 PM
والله لو عندك موهبة التدريس علشان الهندسة بهدلة للبنات و احنا فى عصر المدرسيين الى بيرحاموش اخد فلووووووس
بروف انس
27-07-2010, 03:49 PM
بص ياعم الهندسه حلوه والتربيه حلوه علي الاقل لو دخلت تربيه هتطلع مدرس وماد التربيه سهله تتطله تشتغل في مدرسه تعاقد وبعدين تدخل امتحان الكادر يبقي مرتبك الف جنيه وانت هنا في بلدك غير الدروس الخصوصيه يبقي يامعلم كده دخلك في الشهر 4000 جنيه غير انك لو عملت شويه مذكرات وشويه كتب يبقي انت كده دخلك 6000 جنيه وانت في مصر يا بلاش والله
طبعا الكلام اللي فوق ده انا بهذر معاك بس في ناس بتعمل كده
الهندسه مجال جميل وممتع كفايه انك بتكون فاهم كل حاجه في اي حاجه عارف كمان لو مطلعتش واشتغلت عادي ممكن الناس تتريق عليك ويقولوا معاه بكالوريوس هندسه ومشتغلش بس قعادك في البيت وانت عندك علم احسن متروح تشتغل اي شغلانه عند واحد اقل منك علم وتمسك دايما انك هتلاقي شغل نحقق فيه نفسك كليه الهندسه هي الاساس وباقي الدنيا بتلف حواليها احنا زي الشمش وباقي المهن والعلوم بتستمد منا النور حط دي في دماغك اوي
issac-newton
30-07-2010, 11:53 PM
هـــــــــــــنــــــــــدســــــــــة
بـس قـسـم إيـه ؟؟؟!! أحـسـن الـإخـتـيـأر ..
دولة الأمارات العربية المتحدة فيها شركات بتوظف مهندسين كهرباء و ميكانيكا برواتب اساسية 20 الف درهم دا غير السيارة والسكن وتذاكر السفر .. الخ بس لازم تكون كفائة ؟؟؟ وتنقي شركة صح؟*