من السبب فى بدىء المعاكسة؟ [الأرشيف] - بوابة الثانوية العامة المصرية

my love

15-06-2007, 10:11 AM

<div align="center">
دعوه للمصارحه

السلام عليكم ورحمة الله وبركاتة

نحن نعاني في مجتمعنا مشاكل كثيرة ومن أهمها هذه المشكلة المعاكسة...
هذه المشكله التي نعاني منها في مجتمعنا وبالذات في الفترة الاخيره حيث اصبح الشباب يهتمون بالمظاهر الخارجيه الكاذبه التي بعضها تدل على عكس امكانيات الشاب ولكن يتعمد هذه المظاهر للفت انتباه الفتيات..
هذا غير تعمد بعض الفتيات ان تبالغ في زينتها عند ذهابها للمحلات التجاريه ومنهم صغيرات السن التي لم يتجاوز عمرها الرابعه عشر ولكن اصبحت تنتبه لهذه الامور لما تشاهده وتسمعه سواء من قريبات او من زميلات ...
اخواني لو ان الشاب راى فتاتا محترمة محتشمة مؤدبة.
هل يستطيع ان يضايقها ومعاكستها ؟؟؟؟؟؟؟
من يبادر بالفرصة البنت ام الشاب .؟؟؟؟

ارجو واتمنى من كل الاعضاء بنات أو شباب بإبداء رأيه بكل صدق وبكل صراحة
</div>

ازهريه

15-06-2007, 10:33 AM

انا فى راييى البنت لانها هى اللى بتثير غرائز الشاب لانه يعاكسها
ولو فيه متابعه من الاهل انها تخرج لابسه كويس فعمر محد هيكلمها
وشكرا يانور على التوبيك ده

dr.mansorawy

15-06-2007, 10:54 AM

هو الموضوع طبعا مهم وانا شايف ان اللى بيأثر فى حاجة زى كدة تلات اسباب

1_ المنشأ الدينى بيخلى الولد او البنت اساسهم هو ان دى حاجة منافية للأخلاق فبيبعدوا عنها

2_ الصحبة الصالحة اللى بقت عملة نادرة دلوقتى و صعوبةالتفرقة بين الصديق الصالح من الفاسد

3_ الوسط المحيط من التلفزيون والاعلام اللى بيمثل الصورة دى و بيثبتها فى فكر الاطفال من صغرهم

فى النهاية اللوم مش على الشاب او الفتاة اللوم على البيئة اللى اتربوا فيها دا من رأيى

elryies

15-06-2007, 10:59 AM

شكرا على موضوعك الهادف

بس المشكله كبرت ومحدش عارف حدودها ولائتائجها
ودمتم فى امان الله

nihad

15-06-2007, 11:05 AM

انا رايى ان البنت هى الى بتدى للولد الفرصه انه يكلمها

او يتصرف اى تصرف غير طبيعى

سواء بلبسها او طريقه كلامها او تعاملتها

كل حاجه بحدود

بس بردو انا مع المنصوراوى فى كل كلامه

وميرسيه على الموضوع

my love

15-06-2007, 11:09 AM

مع ان انا كاتب هذا الموضوع

لكنى ارى انا الكل على حسب اخلاقة يعنى مفيش محترم بيعاكس او مفيش بنت محترمة تستنى من اى حد انة يعاكسها مهما ان كان شكل لبسها

*pretty*

15-06-2007, 11:30 AM

البنت لو لابسة خمار يتتعاكس ,, لو لابسة نقاب حتي بتتعاكس,,اصل رسمة عنيها حلوة ,,ههههههههه,,لا خفة ,,مش عارفة مين السبب بصراحة ممكن تكون البيئة زى ما قال منصراوى!!!!

احمدمحمود

15-06-2007, 03:41 PM

على فكرة فى شباب مش بيعاكس البنت المحترمة بس فى شباب بيكون سافل زيادة شوية وبيعاكس كله
بس البنت المفروض تعمل اللى عليها وتلبس كويس عشان فى بنات بصراحة زى ما قال شيخ من الشيوخ(نسيت تلبس هدومها قبل ما تنزل)
يعنى كل واحد يعمل اللى عليه الشباب يعتبر دى زى اخته والبنات تفتكر ان ربنا شايفها وهى باللبس ده وتشوف هل اللبس ده
هيرضى ربنا ولا ايه

نور الهدى4

15-06-2007, 03:47 PM

بصراحة مش لاقيه كلام بعد الى قولتوه كلامكم صح
وللاسف دى بقت مشكله كبيرة فى المجتمع
بس دلوقتى كله بيتعاكس محترم وغير محترم الفرق الوحيد الى بيقبل انه يتعاكس
ربنا يهدينا جميعا
وشكرااا على التوبيك ده

مغترب وبس

15-06-2007, 03:53 PM

موضوع جميل
بس عندي اعتراض على كاتبة الموضوع قال اصبح الشباب .... وبعض البنات " ياريت لما تكتبي موضوع يكون فيه حيادية "

الاسباب :-
البنت الابسة زفت هيا عوزة كده
البنت الي لابسة كويس وبتتعاكس يبقى الواد مش محترم
فكلو بيتعاكس دلوقتي وفي بنات بترفح لما تتعاكس وتزعل اوي لو واحد مدهاش اهتمام
على العموم السبب الرئيسي في ده الوازع الديني والاب والام الي سمحو لبنتهم تنزل كده والي مربوش ابنهم كويس وخلوه ينزل يعاكس في بنات الناس
ده رايي وشكرا

D0D0

05-09-2007, 04:50 AM

انا فى رايى طبعا البنات هقولك على حاجة واحد حكالى مرة انه شاف بنت لابسة بضى وشعرها اصفر وكتب على البضى على السدر يعنى look here but don't touch
بالزمة دة لو شاف واحدة لابسة كدة المفروض انها تنقى البس الى هتلبسة عاوز الشاب يقولها اية وعليكم السلام ورحمة الله وبركاتة
مثلا
وميرسى جدا ياجميل على التوبك الجامد دة

نونا المصرية

05-09-2007, 05:44 AM

ميرسى كتير عالتوبيك ده
فعلا موضوع مهم جدا
فى رايى ان موضوع المعاكسة نتيجة انعدام قيم دينية وتاثر بالثقافة الغربية يعنى البنات دلوقتى بقت تلبس باديهات وبنطلونات ضيقةوالبيرمودا زى الاجانب والاولاد كمان اتعلموا يلبسوا اللو ويست ويوقفوا شعرهم ويجلجلوه ويعملوه كنيش يعنى تقاليع فاضية كده ويا ترى الشباب بيعملوا كده ليه ؟؟؟؟؟؟ عشان بقى عندهم فراغ فى دماغهم مفيش شاب دلوقتى بيقدر يتحمل المسئولية مقضيها كده وخلاص عايش وزى ما تيجى تيجى
وطبعا البنت هى المحرك الاساسى لبداية المعاكسة هى اللى بتثير الولد انه يعاكسها
وبالنسبة للولاد بقى فيه فى دماغهم حاجة مفهماهم ان هو لما يعاكس بنت كده كبر بقى راجل زى اللى معتقدين بردو ان السجاير رجولة
ربنا يهدى الجميع يارب
وميرسى كمان مرة عالتوبيك الروعة ده

MohammeD el_SadaT

05-09-2007, 08:24 AM

..Just Stop

05-09-2007, 11:03 AM

البنات

لالالالا الولاد

لالالالالا المجتمع اللى احنا عايشين فيه

كله البب فى المشكلة دى

يعنى البنت لو لبست كويس يعنى هيجرالها حاجة يعنى عموما الشتاء داخل اهو وكلو هيلبس غصب عنه

والولاد بردو مش هيجرالهم بردو حاجة لو مبصوش وبطلو الحركات دى ويتقو ربنا شوية

طب لو قلتلكم ان فى بنات بتعاكس الولاد هتصدقونى

طب لو قلتلكم ان الاباء هما اللى بيشترو لولادهم اضيق لبس هتصدقونى

طبعا محدش عارف السبب
دى بعض الاسباب
1-* عدم الحياء
2- ضعف العاطفة الدينية
3- قلة الاخلاق
4- عدم المتابعة من الاباء
5- فعلا اللى اختشو ماتو

شكرا على الموضوع

mR . mOstafa Fathi

05-09-2007, 03:07 PM

روحت النادى النهاردة
مع بسام حبيبى
لعبنا لعبة جنان
وشخبطنا بالالوان ع الحيطه والجدران
شوية شوية حسينا اننا جديان
وكمان اشترينا لبان
وجبنا فشار عشان الاطفال
وغنينا ونطينا الحبل كمان
ونور وقعت فوق التراب
وديفل اتزحلق فى الطينا:p
وأنا قعدت أضحك عليهم

فعلا يا سادات

الرعد الاحمر

08-09-2007, 07:23 PM

عن نفسي انا هتكلم علي الولاد علشان البنات بالنسبه ليا ينحرقوا كلهم

انا مليش دعوة بحد السبب ف المعاكسه هو الولد طبعا علشان هوة اللي ساب نفسه يعمل كدا مش عارف هوة قدام نفسه بيبقي حاسس ان دكر يعني ولا حاسس بأيه يعني اخر مرة كنت ف بنها و بعدين واحده لابسه لبس مش عرف كدا يعني و بعدين بتحط اديها ف جيبها وقع منها 20 جنيه ف بنادي يا انسه بصي بصي الناس كلها بصيتلي علي اني بعاكس حتي هيه عملالي فيها المنفضه لحد مقولت
يعني اخد العشرين جنيه دي و ووريني هتروحي بيتكوا ازاي ان شاء الله بتوك توك
و بعدين انا فككيت من الموضع دا بعد رد الفعل اللي حصل من الناس ومنها شخصيا

و شكرا

The Happy Angel

12-09-2007, 06:23 PM

ياجماعه انتوا المفروض تسئلوا علاقه الولد مع البنت اصلا المفروض تكون موجوده ولا لا

السوال التاني

هو الولد بيكون عاوز ايه من البنت لما يعاكسها والعكس تمام بردوا

بالسوالين دول هنعرف يعني وبعدين ازا كانت البنت راضيه بالمعاكسات خدوا علي كدا من ايام الاحتلال

Miss_CaR!zma

12-09-2007, 06:36 PM

البنات عليهم اللعنه ...ده اللى ناقص تقولوه
ياجماعه دلوقتى اى بنت ولو لابسه خيمه هتتعاكس لانها بقت عاده مصريه
مش عارفه بقى دى صراصير فى عقول الشباب ولا ايه بالظبط
بس عامه الولد يوم مابيعاكس بنت بيفقد كلمه مهمه اوى وهى كلمه "راجل" بيبقى عيل يعنى من الاخر
وعلى فكره التربيه مش ليها دخل بالموضوع ده خالص او نقول نسبه صغيره
لان الشباب بيعلم بعضه اصول معاكسه البنات
وده طبعا اللى جايب مصر ورا..عقول فاضيه
كلامى بينطبق على الشباب اللى بيعاكس بنات لان برده الناس المحترمين كتير ...
----------
شكرا على الموضوع

The Happy Angel

12-09-2007, 06:46 PM

يعني من جمالها اوي انا عمري ماعاكست بنت ولا هيحصلل

وبجد اليومين دول العكس هو اللي بيحصل

فنكوشه المنكوشه

13-09-2007, 12:22 AM

The Happy Angel

13-09-2007, 04:20 AM

انا تماما مع قائده الفناميش اصدي الفناكيش بس هو يعني ايه فنكوش

الملثمه

23-09-2007, 07:40 PM

اخواني لو ان الشاب راى فتاتا محترمة محتشمة مؤدبة.
هل يستطيع ان يضايقها ومعاكستها ؟؟؟؟؟؟؟

نعم
من يبادر بالفرصة البنت ام الشاب .؟؟؟؟
البنت والشاب عاده مصريه على قولكم
هدي العاده منتشره في كل مكان

الاولاد بتقولو من لبس البنت !!بقولكم خطاء
احنا في السعوديه متغطيين وعبايات وساترين حالنا (مو الكل) ومع هذا نتعرض للمعاكسات

البنات بتقولو من تربية الولد!!! بقولكم خطا
في مجتمعنا الولد يتربى على اصول ومع ذلك يعاكس

في بعض المجتمعات السعوديه الولد من كثر ان هو مايصير يختلط بالبنات حتى بنات عمه وبنات خاله مايكلمهم حده يسلم عليهم وبس ومع دلك تشوفه في السوق مو مخلي احد من شره وكذلك البنات صايرين هم بعد يعاكسو ويفتخرو بلي يسووه

انا في رايي السبب هو (قلة الوازع الديني والمراقبه النفسيه في الشاب والبنت))

الله يهدي الجميع

على حسب قيم البنت والرجل
ودي مش

Crazy Pharma Boy

23-09-2007, 07:43 PM

السبب واضح جداً وكلكم في غفلة عنه

الجواب في السؤال

الطرفين

والدليل

إن لم تستح فأفعل ما شئت :)

فارس الأحزان/ضياء الدين سعيد

24-09-2007, 03:09 AM

انا فى راييى البنت لانها هى اللى بتثير غرائز الشاب لانه يعاكسها
ولو فيه متابعه من الاهل انها تخرج لابسه كويس فعمر محد هيكلمها
نعم تلك هى الكلمات يا أختى أزهريه

Crazy Pharma Boy

24-09-2007, 10:32 AM

والله ما البنت

يا حج دول لو طالوا يعكسوا ست عندها 60 سنة ورجلها والقبر هيعاكسوها

انا زي ما قولت

إن لم تستحي فأفعل ما شئت :)

The Happy Angel

23-10-2007, 05:29 AM

يابري يا جميل يا جامد صح يابن والله بس بالله عليك البنات المصريين حلوييييييييييين اي دون سينك زات

COoL HEaRT

23-10-2007, 05:41 AM

[quote=الرعد الاحمر;293251]عن نفسي انا هتكلم علي الولاد علشان البنات بالنسبه ليا ينحرقوا كلهم

الرد بجد مستفز جدااااااااا .
ماعلينا انا مش هرغى بس مش هقول اكتر مالست امال ماهر قالته العيب علينا وفينا
والموضوع اللى بيتكلم عن المعاكسه اتكرر كتير بجد وبنوصل لنفس النتايج

_GUIDE_

23-10-2007, 05:51 AM

من السبب فى بدىء المعاكسة؟

انا:D:D:Dطبعا

M I D O

23-10-2007, 09:17 AM

المسئلة تتوقف على دين واخلاق وعقيدة

عندك دين مش هاتعاكس عشان ربنا شايفك صح

العملية ببتوقف على الدين والاخلاق وشكراا

The Happy Angel

24-10-2007, 05:47 AM

ههههههههههههههههههههه الله الله

حلوه يا مرشد يا مربي الاجيال

هههههههههه

JuMpO

25-10-2007, 01:45 AM

البنت او الولد
مش موضوع البنت بتثير غرائز الول
لأن في بنات عندنا في الجامعة منقبات ولابسين الخيمة السودة وبرضو بيتتعاكسوا
وسوري يعني بيتمسكوا من وسطهم وهما ماشيين في الشارع
والكلام ده حصل قدامي
تقريبا الولد هو اللي بيبتدي
لأنه بيبقى حيحان عشان يكلم بنت ولا يعرف بنت فبيبتدي بالمعاكسة
وخليه يلبس بقى اللي يحصله

COoL HEaRT

25-10-2007, 03:34 AM

العيب فى المقام الاول والاخير ع الولد لانه لو متربى لو شاف البنت عامله ايه مش هيعاكس وبعدين بتكون البنت تانى سبب لان فى شباب نفوسهم ضعيفه لم بيشفوها مش محترمه بيضايقوها

zambalek_boy

11-11-2007, 05:45 PM

لو سمحتوا انا ليا بعض الملاحظات على ردود البعض
1) بنوته اهلاويه: فى بنات تخلينا غصب عننا نعاكس يعنى ايه وحدة لابسه فوق الركبه ومش عايزة تتعاكس ازاااااااااااى هى فى الاساس مش مؤدبه اظن المعاكسه فى الحاله دى مش غلط::::

2) فى رد تانى بيقول ان لم تستحى فاصنع ما شئت : احب اقول لحضرتك انك فاهم الجمله دى غلط(تستحى هنا مش بمعنى تتكسف ) لو سمحت اتأكد من المعنى الاول

وفى اخر ردى انا بقول ان فى بنات بجد بتحب تتعاكس فى الاصل والله وانا متأكد من الى انا بقوله

محبة الله

11-11-2007, 09:12 PM

انا قريت العنوان فهمت الموضوع
ومن رائي البنت طبعا
وبردو فى اولاد مش بيهامها مؤدبة ولا لاء
بيتريقوا حتى على لبسها المتدين

احمد رضا

11-11-2007, 10:00 PM

السلام عليكم و رحمه الله و بركاته
بصوا يا شباب انا مقرتش ردود
بس انا من رأيي في موضوع المعاكسه
لو حد كان رد و قال العيب علي البنت انها بتلبس مش كويس و مش محترم و كدا

انا افتكر ان الشاب المحترم محترم

مظنش ان فيه محترم يشوف بنت كويسه ميعكيسهاش و يشوف بنت مش كويسه يروح معاكسها

المحترم بيكون عنده الاتنين سواء

انا بصراحه برمي العبئ الأكبر علي الصبيان م الاخر
و طبعا اتكلمنا انا و انت يابري في الموضوع ده

و الأخ اللي بيقول تستح مش يعني تتكسف

بص يا استاذنا تستح = تستحي = الحياء = الكسوف

ولو مفهمتش التساوي اللي بينهم يبقي فيه عندك مشكلة في المفاهيم دي

لان الكسوف مش معني ان الولا وشه يحمر و كدا

انه يستحي من ربنا الاول
و يحترم نفسه يبقي خايف و عارف ان ربنا شايفه و يبقي عايز يحافظ علي البنت كدا و يعرف ان عيلته مش كلها رجاله يعني اكيد فيها بنت و هتتعاكس برده

يعني الأفضل يا بري " كما تدين تدان "

ولا ايه ؟

ده رأيي الشخصي و رؤيا افكاري انا

amr_2010

12-11-2007, 05:21 PM

البنت طبعا هي السبب في بدء المعاكسه

Taleba Me7tasa

12-11-2007, 05:51 PM

هو الموضوع دة نمرة كام عن المعاكسة ومع ذلك زي ماكلنا عارفين ان فيه حالات بتكون البنت السبب وحالات الولد هو اللي يبدا وحالات بيبقو الاتنين لاقيين استجابة من بعض مما يترتب عليه انك تشوفهم واقفين يهزرو مع بعض ف كل حارة شوية يعني الموضوع بيمشي لان الحياء بقى عملة نادرة دلوقتي العيال بقى وشها مكشوف تشوف البنت من دول تلاقي نظرة حادة طالعة من عينيها كانها بتقول "نعم فيه حاجة" .
(اللهم احفظنا واحفظ كل بنات وشباب المسلمين واهديهم الى ماتحبه وترضاه يارب العالمين) قولو امين

شموخ مسلمة

13-11-2007, 04:33 AM

انا من رايى ان الولد المفروض قبل مايعاكس يعتبر اللى قدامه دى اخته او هل هو يرضى ان تكون خطيبته ماشية فى الشارع و حد يعاكسها و على فكرة انا لا احترم اى ولد او راجل يشوف بنت محترمة ماشية فى الشارع و حد بيبرد عليها و هو ما يعملش حاجة فين جدعنة المصريييييييييييين دى بالنسبة للشباب
اما بالنسبة للبنات اللى انا منهم المفروض البنت قبل ما تلبس الضييييييييييييييق اللى احنا كلن بنشوفه تسال نفسها سؤال و تطلب من نفسها سؤال
تسال هى بتلبس لمين و ما تقلش بتلبس لنفسها لان عندها البيت تلبس اللى هى عايزاه فيه
و تطلب من نفسها حاجة انها لو بجد عايزة الامة دى تنهض تعمل اللى عليها و من اللى عليها ده انها ما تشغلش الولاد بالتفاهات ده وانا عارفة ان كل بنت هتقول يعنى انا اللى هصلح الكون بس انا بقولها اههههههههههههههه انتى و اللى زيك و بعدين حطى اخوك مكان الولد اللى انتى عايزة تفتنيها !!!!!!!!!!!!!!!!!!!!! والله يا جماااااااعة لو عايزين نصلح الامة كل واحد يبدا بنفسه ثم المراة سواء كبيرة او صغيرة
احنا الشباااااااااااااااااااااااااااااااااااب افهما الكلمة دى كويس اوىىىىىىىىىىىىى المفروض نصلح مش نلوم

BeSooSaT

13-11-2007, 06:01 AM

وكما قالت السيده ههههههههههه شادية والسيد هههههههه فريد الاطرش

ياسلام على حبي و حبك وعد و مكتوبلي احبك - 2
ولا نامش الليل من حبك
ياسلام على حبي و حبك -2

يا سلام على حبي و حبك دا ماكان على بالي احبك - 2
ولا نامش الليل من حبك
2- يا سلام على حبي وحبك

يا حبيبي هواك جنني و الشوق ملاني جراح -2
وحياتك تبعد عني و تسيبني عشان ارتاح

و انا يعني ماسك فيكي .. مهو قلبي المشغول بيكي

والله العظيم كلام فارغ
منقوووووووووووووووووووول ماكتبتش حاجه منه

احمد رضا

14-11-2007, 12:32 PM

يا جماعه و الله التلخيص في اللي بيقول العيب من البنات ده يتلخص في ان المحترم محترم

البنت وحشه هوا محترم
البنت حلوة هوا محترم

المبادئ مبتتجزأش

وبعدين يا سلام علي اللي مبدأه لو البنت عايزة تتعاكس منعاكسها ياعم
لكن المحترمه ابداااااااااااا

ده مبدأ بالزمه ؟!!!

Slgado

20-11-2007, 11:37 AM

هوا فعلاً موضوع مهم ..
وانا ملاحظ ان الاغلبية .. بل الكل .. بيلوم البنات ..
انا مش هاقول انهم صح .. بل عليهم العبء الاكبر في الموضوع ده ..

وانا رايي ان الولد لو بيمشي في حاله ..
ويغض بصره .. ويخاف ربنا .. ويعامل كل بنت على انها اخته ويتمنالها الخير ..
الشهوات حولينا كتييير .. والولد الصح .. اللي يبعد عنها .. ويخاف ربنا وميقربش لحاجة زي دي ..
بس الصحبة السيئة كانت سبب في نشر الشهوات دي بين الصالحين الكويسين ..

وبما ان كل قفص برتقال .. فيه واحدتين معفنين :D .. فعلى البنات انهم يخلو بالهم من المعفنين دووول ..
ويتقو الله شوية ..
انا مش عارف ليه في بنات تحب تتعاكس .. وهيا اللي تخلي الولد :eek:
ولزومه ايه اصلاً تقللي من قدرك .. دا انتي حاجة عجيبة صحيح !i!i!

المشتاقة إلى الجنة

20-11-2007, 11:47 AM

موضوع مهم للغاية

وانا شايفة انه فعلا الغلط على الاثنين

الولد والبنت

فربنا يهدينا جميعا

Slgado

20-11-2007, 11:51 AM

انا لو فكرت اصلاً اكلم بنت في الشارع .. اترعش قدامها .. ومعرفش اتكلم .. ^_^
والله ماعرف ازاي ..!!!!!!

mR . mOstafa Fathi

20-11-2007, 03:29 PM

احمد رضا

20-11-2007, 03:37 PM

هههه

دا كلامك
والله موضوع فعلا بقى مشكلة فى حياتناً

هههههههههههههههه ايه يا درش شامم ريحه تريقه ياعم كلامي صح ولا لاء

mR . mOstafa Fathi

20-11-2007, 06:59 PM

ابدا متفق مع كلامك انما مش تريقة ولا حاجة .

طمعانة فى رضاك يا رحمن

20-11-2007, 10:55 PM

البنت والولد
فعلا البنات معظمهم وحشين جدا بجد انا بنت وبقول كده انا مستنضفش اكلمهم
بس في بنات محترمه وبتتعاكس
المشكله الاكبر دلوقتي مش المعاكسه ذات نفسها
بقيت الطريقه والكلام اللي مش محترم خالص مش عارفه الولد بيقول كده ازاي وهو ميستحملش حاجه علي اخته بس اللي بيعمله حيطلع فيه
كما تدين تدان

احمد رضا

20-11-2007, 11:03 PM

حـــH0samـــسام

20-11-2007, 11:12 PM

أولا شكرا على الموضوع يا نور ورأي إن البنت طبعا هي اللي بتثير الولد إنه يعاكسها بس لو الشاب متربي كويس المفروض ميعاكسهاش ويتخيلها أمه او أخته ده لو متربي

وشكرا على الموضوع كمان مره

Slgado

23-11-2007, 12:57 AM

انا نفسي بس حد يجاوبني

هو اللي يعاكس بنت مش محترمه ده يبقي محترم ولا ايه نظامه ؟
هو اللي يعاكس بنت نفرض و جت قالتله عاكسني يا كابتن يبقي محترم ولا ايه ؟

محدش يقولي ما دام عايزه تتعاكس خلاص
انا بتكلم عن احترام الولد اللي بيعاكس دلوقتي مليش دعوه بالبنت

ياتري بقه هتفرق اللي بيعاكس المحترمه و اللي مش محترمه
ياريت حد يقنعني

اكيد الشاب المحترم طول عمره محترم ..
ولو المعصية جاتلو لغاية عنده .. مش هيرتكبها علشان هوا مرحلهاش اصلاً .. ومفكرش فيها ..
وانا واحد من الشباب .. وبقول ان الاغلبية تافهين جداً ..
ويمكن ردي ده مش كافي .. بس انا لو فتحت في الموضوع ده مش هقفل الا لما اعوز انام .. :d
يعني الواحد هيتكلم على صعف ايمان .. ولا مراهقة غلط .. ولا تربية .. ولا نزعة غريبة ..

nona_elshanona

24-11-2007, 10:12 AM

شفتو الخبر الجديد البنت دلوقتى هى اللى بتعاكس

اة والله البنات بتفضل مشيه وتلااح كلام على الواد لحد ما يخد باله

انا بوافق رائيكم كلكم ان البنت هى السبب

كركركوكو

24-11-2007, 01:05 PM

اه فعلا البنات دلوقتي هي اللي تعاكس الولاد وبعدين الوحده من دول لو مشيت محترمه محدش هيضايقها
وسبب المعاكسه انها تكون لابسه لبس مش محترم وتمشي بطريقه مش محترمه وتضحك في الشارع بطريقه مش محترمه
وكل ده من الاسباب اللي بتخلي اي ولد يضايق بنت او يعاكسها
وفعلا همااااااااااااااااااااااااااااااااااااا السبب

am_online5

25-11-2007, 05:42 PM

علي فكرة معظم الناس قالت البنت هيا السبب البنت هيا السبب
لكن الصح ان البنت عليها جزء من الغلط

والولد برضة عليه جزء من الغلط

بس علشان احنا في مجتمع شرقي الكل اقر بان البنت هيا السبب
لكن في المجتمعات الغربية التبرج اكتر بكتيييييير من هنا ومع ذالك لم نلاحظ حالة من حالات المعاكسة
ولا انتوا مش معايا

احمد رضا

30-11-2007, 11:22 AM

شفتو الخبر الجديد البنت دلوقتى هى اللى بتعاكس

اة والله البنات بتفضل مشيه وتلااح كلام على الواد لحد ما يخد باله

انا بوافق رائيكم كلكم ان البنت هى السبب

اه فعلا البنات دلوقتي هي اللي تعاكس الولاد وبعدين الوحده من دول لو مشيت محترمه محدش هيضايقها
وسبب المعاكسه انها تكون لابسه لبس مش محترم وتمشي بطريقه مش محترمه وتضحك في الشارع بطريقه مش محترمه
وكل ده من الاسباب اللي بتخلي اي ولد يضايق بنت او يعاكسها
وفعلا همااااااااااااااااااااااااااااااااااااا السبب

علي فكرة معظم الناس قالت البنت هيا السبب البنت هيا السبب
لكن الصح ان البنت عليها جزء من الغلط

والولد برضة عليه جزء من الغلط

بس علشان احنا في مجتمع شرقي الكل اقر بان البنت هيا السبب
لكن في المجتمعات الغربية التبرج اكتر بكتيييييير من هنا ومع ذالك لم نلاحظ حالة من حالات المعاكسة
ولا انتوا مش معايا

انا عايز من التلات اعضاء دول
يجاوبني
لو الولد محترم
هيعاكسها ولا لاء

نفسي بس اعرف ليه انتوا بتجزؤا المبادئ يا جماعه

والله العظيم لو الولد محترم حتي لو البنت ايه بالذي ما هيعاكسها
فيه اكتر من ان بنت تشدك عشان - استغفر الله - كلام وكدا
محدش يسرح .. مهو ده اللي كان بيحصل مع سيدنا يوسف - عليه السلام -
محدش يقولي نبي و ده بلاء
احنا مفروض بنقتضي بأي حد كويس
و زي ما هو بلاء علي الرسل فهو هيبقي بلاء عليك

و هفضل علي رأيي يا جماعه ان الولد لو محترم و الله مهما كانت البنت ما هيعمل حاجة

اتمني الافاده

الرعد الاحمر

30-11-2007, 02:11 PM

غلطوا لما قالو " البنت زي الولد مهش كماله عدد"

ABO SALAH 331

06-12-2007, 03:11 PM

طبعا البنت هى اللى بتدى للولد الفرصه

وكمان ممكن بلبسها تجبر الولد انه يعمل معاها كده

manar

06-12-2007, 09:15 PM

هى البنت بتتعاكس فى الحالتين لو هى لابسه مؤدب او لا حتى لو هى لابسه طقيه الاخفى هتتعاكس برده
المصيبه انى بشوف عيال صغيره قد عقله الاصبع وبيعاكسوا من وهما صغيرين اومال لما يكبروا هيعملوا ايه
بصوا انا عندى فوكيره ان احنا نجمع الولاد الى فى جمهوريه مصر العربيه ونقتلهم رميا بالرصاص ونرتاح منهم:D:p

TEMO_KHALED

10-12-2007, 03:48 PM

بصوا يا جماعة أنا عن نفسي قريت أول صفحة ومكملتش . الموضوع من الآخر السبب في الاثنين في البنات و في الشباب . يعني لو البنت نزلت لابسة لبس محترم وماشية بطريقة محترمة(مش صوتها عالي و ضحكتها أعلى وماشي تطرقع باللبانة...اسف)مش هاتدي لحد الفرصة لو واحد عيل قال حاجة هي نفسها هاتقول انه واحد تافة . والشاب التافة الي بيعمل كدة يعني اية البنت لابسة لبس مغري ،وانت فين مخك ؟ فين عقلك؟ فين دينك؟ نسيتوا قصة سيدنا يوسف علية السلام مع امرأة العزيز ؟؟؟
وموضوع البنت الي بتعاكس الشاب دا خلاص بقى عادي جدا زي معاكسات الشباب للبنات......

احمد رضا

29-12-2007, 06:29 PM

مش هقول غير انها تفاههه شباب وعقول جاهله

ودا لسبب بسيط انا سافرت برا مصر وكان فيه مناظر اكثر من عندنا عريا بكتيييييييييييييييييييير

بالمقارنه هناك مشفتش معاكسه واحده بس لاي بنت في هناك احترام شديد غير ان الناس هناك مخهم مش فاضي للجهل والتفاهات المصريه دي

وسامحوني علي الدبش بتاعي

سلام

نعم

البنت والشاب عاده مصريه على قولكم
هدي العاده منتشره في كل مكان

الاولاد بتقولو من لبس البنت !!بقولكم خطاء
احنا في السعوديه متغطيين وعبايات وساترين حالنا (مو الكل) ومع هذا نتعرض للمعاكسات

البنات بتقولو من تربية الولد!!! بقولكم خطا
في مجتمعنا الولد يتربى على اصول ومع ذلك يعاكس

في بعض المجتمعات السعوديه الولد من كثر ان هو مايصير يختلط بالبنات حتى بنات عمه وبنات خاله مايكلمهم حده يسلم عليهم وبس ومع دلك تشوفه في السوق مو مخلي احد من شره وكذلك البنات صايرين هم بعد يعاكسو ويفتخرو بلي يسووه

انا في رايي السبب هو (قلة الوازع الديني والمراقبه النفسيه في الشاب والبنت))

الله يهدي الجميع

على حسب قيم البنت والرجل
ودي مش

الردود دي جايبه م الاخر
الولا اللي بيعاكس اهله معرفهوش يربوه
كلمه و نص

.. Mysterious ..

03-01-2008, 12:53 AM

شكرا على الموضوع الرائع

بس انا شايف البنت هى التى تبدأ

واقولك ليه؟ اى بنت اى بنت فى مجتمعنا الحاضر

بتعجب اوى وبتفرح جداااااااااااا

لم الشاب يعكسها او يمشى وراها

وهيه مفكر نفسها ملكه جمال الكون

بس بصراحه الشاب هوة كمان غلطان

المفروض يفكر انه عندة اخوات
ولكن اخلاق البشر انتهت تماما

وقولى من منا لو شافت بنت الان مش هيعكسها؟؟!!!

وشكرا على الموضوع مرة اخرى