مشاهدة النسخة كاملة : رساله عامه للكل خاصه للمشرفين


Ahmad™
15-06-2007, 11:26 AM
دلوقتي يا جماعه المواضيع اللي بتتقفل او تتنقل المفروض يتعمل تصويت علي انها تتنقل او لا
ويتاخد رأي كل الناس اللفي المنتدي مش بس المشرفين اللي ماسكين اي منتدي
يعني كل مشرف يشوف الردود علي الموضوع لو شايف ان الموضوع مش حلو يتقفل او يتلغي
و لو شايف انا معظم الاعضاء بيقولوا ان الموضوع مكانه مش هنا ينقلوه
يعني الفروض يبقي فيه مبدأ المشاوره يا جماعه


قال تعالي-

فَبِمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظّاً غَلِيظَ الْقَلْبِ لاَنفَضُّواْ مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الأَمْرِ فَإِذَا عَزَمْتَ فَتَوَكَّلْ عَلَى اللّهِ إِنَّ اللّهَ يُحِبُّ الْمُتَوَكِّلِينَ </span> <span style="color:#CC0000">سورة آل عمران(159)


محدش يفتكر اني كتبت الموضوع ده علشان انا اتنقلي اكتر من موضوع او اتلغي
انا بس بحب الفت نظر المشرفين والاعضاء
انا مستني الاراء
والسلام عليكم ورحمة الله وبركاتة...........

براءة
15-06-2007, 12:54 PM
للاسف

المنتدى هنا مينفعش يمشي بنظام المشاورة

الحاجة الوحيدة اللى بتظبط المنتدى هنا وجود مشرفين قادرين ع حسم القرار

اما نظام المشاورة وكده فصدقنى مش هينفع خالص و هيعمل مشاكل ع الفاضي

الاسطورة
15-06-2007, 01:27 PM
ههههههههههههههههه
انتا زعلان ليه
اسلام فعلآ كان حقه ينقل الموضوع

Ahmad™
15-06-2007, 02:00 PM
اولا انا مش زعلان يا مان
انا عارف ان حقه ينقله بس المفروض يشوف الردود قبل ما ينقله
وانا مش بكلم علي موضوعي انا بكلم علي كل المواضيع

مغترب وبس
15-06-2007, 03:02 PM
انا مع المشرفين يا احمد
مينفعش مبدأ المشورة في حاجة زي دي
المشرفين دول احنا الي اخترناهم ولما بيلغو او ينقلو بيبقى ليهم اسبابهم
وشكرا :)

Ahmad™
16-06-2007, 12:16 PM
يبدو ان المشرفين معندهمش ردود

منى الشقية
16-06-2007, 01:22 PM
لان المشرفين مش المفروض يهتموا باي موضوع يعمل مشاكل
أولا اللي انت متعرفوش يا احمد ان المشرفين دوول مش معينين يعني منتخبينمن قبل الاعضاء وده في حد ذاته شورى
يعني اعتقد ان الإنتخاباتهي شورى
واعتقد ان من صلاحية اي مشرف المطلقة نقل او حذف اي موضوع حسب ما يراه من وجهة نظر وذك لأن المشرف قد وكله الاعضاء بذلك
وهي ليست سلطة أو تمرد ولكن هو تطبيق صلاحياته

FRANKENSTEIN
16-06-2007, 03:36 PM
هههههههههههههههه
حلو اوي الموضوع دا
بجد بقالي كتير مضحكتش تقريبا من 9\6
يالا اهو الواحد ضحكله شويه

ع فكره الاعضاء هما اللي بيختاروا المشرفين يعني هما اللي بينقوا عشان كدا مينفعش تعترض " مش انتم اللي مختارين "
ولو عندك شكوي في موضوع او من اي مشرف ابعت رساله لعبقر او اي مشرف اداري وان شاء الله حيردوا عليك :D

Ahmad™
16-06-2007, 05:19 PM
يعني هكسب ثواب علشان ضحكتك يا خفيف!!
بص يا عم انا معرفش مين اللي اختار المشرفين لاني مش موجود في المنتدي ده من زمان
والمفروض ان الموقع بتاع الثانويه العامه يعني المشرفين المفروض يكونوا اولياء امور او مدرسين مش واحد ادنا والتاني ملوش علاقه بالثانويه العامه 21 سنه


بس غريبه اوي انك ضحكت وانا كاتب ايه من القران

اسلام رشوان
16-06-2007, 05:26 PM
بص كل مكان لازم يكون فيه ناس مسئولة

لأن انا كصاحب موضوع اكيد مش موافق ان موضوعي يتقفل او يتنقل او يتحذف

_GUIDE_
16-06-2007, 06:27 PM
<div align="center">ايه ياض منك له مين اللى بيجيب فى سيرة المشرفين :D
بس ياعم هنرى
بالنسبة لموضوع النقل أو الحذف
فى قواني لكل قسم
يعنى عندك مثلا مينفعش احط موضوع كله نكت فى القسم العام يبئانقفل بئا قسم الالعاب ونحط كل الموضيع الالعاب فى العام
وبرضه فى مواضيع بتكون مكررة
بقول شكراا على المجهود وبنقلها لقسم المكرر وعارف انه مش بيكون قصد اللى حاطط الموضوع انه يكرره
الموضوع فى الاول والاخر وجهة نظر لكل مشرف
عندك اعتراض او بتشتكى من مشرف اتفضل فى ادارة موجودة
اخيرا هثبتلك أانك غلطان
الموضوع ده مكانة قسم اقتراحات ومشاكل
علشان كده هنقله :D </div>

killzior
17-06-2007, 02:55 AM
يا احمد كفاياك بقى و اقرا قوانين المنتدى هنا (http://www.thanwya.com/forums/index.php?showtopic=10869)